Somvati Amavasya Varanasi Satsang

(22June2009,aaj Somavati amavasya ka bahot achha phal hai..ek baar jap karane se ek lakh baar jap karane ka phal milata hai,sabhi sadhak is ka labh uthaaye….)

 

Dr. davidson ko bhagavan ki bhakti se dusare ke man ke phurane janane ki shakti aa gayi thi ..logo ne un ka naam rakha prem bhikshuk maharaj. ..un ko Lucknow jana tha…lucknow me tala bechanewale ke dukan me gaye. unho ne ek  chhotasa tala liya aur tala bechanewale ko 2 rs diye .Lucknow ke jo parichit bhakt  sath me the vo sochane lage ki 1 aane ke taale ke liye 2 rs kyo diya?to prembhikshuk maharaj bole, tum sochata  ‘I waste money,lekin  aisa nahi… mere ko krushn bhagavan ne idhar bheja ki ye garib ke paas khane ko ann nahi hai, isliye hum idhar aaya…chalo tum ko dikha du’ .. tale ke dukanwale ko bola ki , ‘hum ne ek tala kharida tum se, us ka 1 aana le lo, baki ke paise hum ko wapis karo’ ..baki ke paise wapis  karane ki baat sunkar taalewale dukandar ke aankho me  aansu aa gaye..bola , ‘humhare ghar me aata nahi tha ..daal chawal nahi tha..aap ne 2 rupiye diye to socha ki bhagavan ne meri  prarthana sun li hai.. aap ko krushn bhagavan ne bheja hai ..abhi  humhare se paisa wapis chahiye to paisa to  nahi hai… chahiye to ye aata daal le jaao…

prembhikshuk maharaj bole,  ‘krushn bhagavan tumhara hai, humhara hai,sabhi ka hai!!’ .. unho ne  phir se anubhav karaya ki bhagavan krushn sirf hinduo ka hai aisa nahi; isaayi ho yaa aur koyi , sabhi ka bhagavan hai..sabhi praniyo  ke rup me karshit-aakarshit karanewala bhagavan krushn wohi sabhi ke rup me hai ….aisa Dr. davidson se bana prem bhikshuk maharaj ek baar bade aanand se kuchh pee rahe the..logo ne kaha, “kya pee rahe hai?”..bole sant tulasidaas maharaj ka charanamrut pi raha hun mere ko abhi sharab ki jarurat nahi..

.. prembhikshuk maharaj naam se prasidhd isaayi Krushn bhakt ki baat thi..

 

aise ek muslim bhakt raja akbar ka sardaar tha..sena lekar ek rajy ke baahar pahunche raja ko sandesh diya taiyyari karo ..raja ne socha ladaayi me ye mujhe haraa dega..raja ne rahemat khan ko bola,  “kay ko sainik aur praja mare, tumhari humhari dosti kal bhojan karane padhaaro.. aap ka swagat hai… dosti ke hath, sadaa sath!.. Rahemat khan khush huye ki dosti se kaam hota hai to kyo ladanaa..dusare din raja ke mahel me jate jate raste me ek ladaka aaya ..bola ki, rahemat  khan , raja ke yahaa khana khane nahi jana’…. rahemat khan ne puchha ki, tum ko kaise pata chalaa , ..ladakaa bola, chal gaya kaise bhi;lekin tum khana khane  nahi jana’… ‘tum janate ho mai kaun hun?rahiman khan!tum raste janewala ladake ke kahene se hum khana  khane nahi  jaye? hum ne ‘haa’bola hai to jayenge jarur..tum koyi isht dev ho mere jo tumhara kahena manu?’ ladaka bola , ‘haa mai isht dev hun!’  ‘mai kaise manu? ye  nahi ho sakataa..tum mere isht dev krushn ho to dikhaao….aur dekhate dekhate us baalak me  krushn kanhaiya ke rup darshan diyaa…bole ki ,’khane me jaher mila hai,nahi khana’

 ..rahemat khan ne sena ko taiyaar kiya aur dhava bol diya ..raja ko jinda pakada gaya ..vijay ka danka baja….rahemat khan rasja ko bola ,’kyo dost ! daawat di aur khane me jaher milaya?’..raja bola, ‘dost! kaise pata chala?chahe mujhe mrutyudand do, lekin itna bataao..’

rahemat khan ki baat sunkar raja ke aankho me pani aa gaya …. bola, ‘maine hindu hokar bhi  saajish ki sharan lee aur tum ne musalmaan hokar bhi krushn ki sharan lee!mujhe mrutyudand do, mai manushy kahelane ke laayak nahi…’

rahemat khan bola, ‘tum ko ‘dost’ pukara to mrutyudand to nahi dunga..lekin aaj se mai usi se bhakti karunga!’ rahiman khan ne raja  akbar ke sardaar pad se istifaa de diya..rahemat khan bhagavan ke  bade pyare bhakt ho gaye..god ko , bhagavan ko allah ko sabhi pyare hai…aisa nahi ki ye isaayi aur ye muslim …. jaise  ka aakash sab ka,  jamin sab ki , gangaji sab ki, suraj aur chandrama sab ka  aise bhagavan aur bhagavan ke pyare sant bhi sabhi ke hote hai…!

 

sab tumhare, tum sabhi ke, phasale dil se hataa do!!

 

tum sabhi  aadami milkar bhi  dharati ke machhar nahi mita sake! kayi mashine bani….tikiya bani..kayi  kachhva chhap bane lekin machhar phir bhi hai..puri maanavataa milkar bhi machharo ko nahi mita sakate to ‘hinduo ko mitaao’, ‘muslimo ko mitaao’ aisa sochane ki bewkufi mitaa do  naa!!

bhagavan kahete hai , ‘sab mam priy!’ : sab mere pyare hai… isaayi ko, muslimo ko, hinduo ko nash karane wale tum apani bewkufi ko mitaao…

kadam apane aage badhaata chala jaa..

 

abhi tuk garmi ki season vayu sangrah karane ki season thi; ab sangraheet vayu sharir me kuchh naa kuch bimari kar de …acidity kar de ..jodo me dard kar de.. us ke pahele ilaaj jaan lo!

 chor aaye sataaye us ke pahele us ko lagaam lagaane ki tarkeeb tumhare paas hona chahiye.

 

vayu sambadhi taklif naa ho isliye 1 liter pani ko 750 ml kar do ubaal kar…. wo pani piyo to vayu ki problem nahi aayegi..

 

phoda phunsi bhagaane ke liye neem ka ras piye.

 

karele  ki sabji us ki kadwaahat nash nahi kar ke khaye, kadava ras hafte me ek din khana hi chahiye .sharir ke swasthy ke liye jaruri hai.

 

jin ko pet ki taklif hai, gas/acidity/khana hajam nahi hota un ke liye :- 50 gram harad ka powder + 100 gram purana gud  milakar goli banaakar roj wo goli chuso..pet ki taklife door hogi.

 

bhojan jyada karane se aam banataa hai , wo hi bimariyo ka ghar hai ..isliye 15 din me ek din jarur upwaas karana chahiye.

mote logo ko to jarur upwaas karana chahiye.

 

 

kisi ki ninda karana/sunana,  jhuth bolana/ bulwana apane sukh ke liye haanikaarak hai..isliye saty bole jhuth tyage, mel aapas me kare..ninda , irsha kisi se naa kare..

 

jo log kisi bhi kaaran se apane ghar ke mrut vyakti ki haddiya ganga ji me visarjeet nahi kar sakate ve log nirash naa ho, mrut vyakti ke haddiyo ko aanwale ke ras me achhi taah se dhokar bahete jal me yaa jalaashay me visarjeet karane se bhi mrut vyakti ki sadgati hogi.wo hi phal milega jo ganga ji me haddiyaa visarjeet karane se hoga.

 

humhare desh ko todanewali shaktiya agar saphal ho gayi to ishwar ko pragat karanewali Hindu sanskruti mit jayegi..vishwa ko bharatiya sanskruti ka phayada uthaana chahiye..

 

Om Shanti.

 

Hari Om!Sadgurudev Bhagavan ki Jay ho!!!!!

Galatiyo ke liye prabhuji kshama kare….

Advertisements
Explore posts in the same categories: Uncategorized

9 Comments on “Somvati Amavasya Varanasi Satsang”

  1. monikasehgal Says:

    Hari Om

    bahut hi achaa……..itna pyara sandesh hum logo tak pauchane ka bahut bahut dhanywad……..such much ishewer ek hai or hum sab me hai .phir bi na jane log God ko kyu talashte rahate hai……Kya tera kya mera jo hai or jo ho raha sab prabhu ki icha se hai or ho raha hai……….aati sundher laga hame yah sandesh pad kar ….bahut bahut dhanywad…..Sadhoo Sadhoo……..

  2. Ravi Says:

    hari om

    sadho sadho for all your seva .

    I am trying to write as well but not as good as you .. please check my blog and sugestion for improve it ..
    hari om

    Ravi
    UK ( london )

  3. murali Says:

    HariOm

    Sadhu Sadhu,

    Bahut uncha satsang humare tak pahunchane ke liye danyavada. Please keep updating the latest satsang blog if possible. This is my humble request.

    Hariom
    Murali

  4. rahulanand Says:

    Hariom

    Guru ki sewa gyani jaaane, Guru sewa kya moodh pehchaane !!

    hariom

  5. kamal Says:

    bapu aapki jai ho………………

    kamal hirani
    dubai
    971553285791


  6. hariom ji
    mai dhirendra kumar mai ye janana chahata hu ki abhi tatkal me bapu ji ka satsang kaha par hone wala hai

  7. Shrikant Says:

    Thanks for satsang amrit

  8. Ramesh Says:

    Guruji ko….koti…koti….Paranam .
    Sadgurudev ki jay…
    .
    .


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: