Chetichand Ahmdabad

28thMarch2009; Ahmdabad Chetichand Satsang *************************************************

Sant Shiromani Param Pujya Shri Asaramji Bapu ki Amrutwani

*************************************************

 

..man se pahele ‘swa’ me vichar aata hai to sukshm jagat hi shasan karata hai…busy hai to kaise? sharir ke karan busy nahi..budhdi ki sukshamata ke karan busy hai…

to sukshm jitana “suksh-tar ” banataa hai , sukshm -tam banataa hai ..aur swarup ki taraf aata jayega utana vo mahaan hota chala jayegaa….

cum bolana swa ko sukshamata dene me sahayata deta hai, isliye gandhiji hafte me ek din maun rakhate ..mai hafte me ek din maun nahi rakhata hun lekin roj kayi ghante maun me bitataa hun..budhdi sukhm hoti hai..budhdi sukshm – sukhm-tar se sukshm-tam hone us bramh paramtma ka sakshatkaar hota hai..

– to cum bolana

-aapaadhaapi cum karana

– khaanpaan ka dhyan rakhana.. mahephil, function taalate rahe..

-nigure logo se hath milaane ki jo padhdati hai , us se ho sake to hath jod ke jaan chhudaya karo..

– mahaan santo ko dekho to vo apani AORA dusaro ko dete hai , lekin dusaro ki AORA un ko disturb naa kare isliye pair chhune bhi nahi dete..

-dusare ka sparsh, dusare ke bistar pe sona,dusare ke bhojan me sath milkar khana,dusare ke shwasoshwas me apane ko jyada der rakhana to un ke halkat vichar sadharan aandolan sadhak ko niche giraa dete hai…

– amerika me atyant low vibrations hai..

– havaayi jahaaj (plane) me wo hi ki hava me 7/8 ghante rahena padata to chitt bahot bigadataa hai..

aap apane aap ke mitr bano..halaki sangat , halake vichar aur halake karmo se bachaakar unchi sangat, uncha satsang aur unche se unche bhagavan se apana nata jodo..hai to sahi juda huaa, kewal jagrut karo!!

 

aap ka ishwar ke sath aisa sambandh hai ki swarg ke 33 karod devata aur dharati ke sabhi devata milkar bhi aap ka ishwar ke sath ka sambandh tod nahi sakate…bhula sakate hai, dabaa sakate hai, lekin bramh ke sath apa ka sambandh tod nahi sakate…

aap ka ishwar ke sath shashwat sambandh hai..

sharir ke sath mana huaa sambandh hai

patni ke sath mana huaa sambandh hai

pati ke sath mana huaa sambandh hai

aur ishwar ke sath aap ka asali sambandh ahi ..lekin durbhagya ye hai ki mane huye sambandh sachche lagrahe hai aur asali sambandh ka pataa nahi..budhdi ki sthulataa ho gayi hai!

 

aur ye budhdi ki sthulataa badhate badhate itani dabaa deti hai ki Vashishth ji maharaj bolate , ‘hey ram ji ye saap, kechuye aadi rengate huye dikh rahe ye bhi kabhi manushy the..lekin jaisa man me aaya aisa khaya piya aur maja liya..dhire dhire sthul hotegaye aur nich yoni ko prapt huye…

33 karod devataao se Indr sanmaaneet ho raha hai , vo bhi kabhi manushy tha..lekin sanyam sadhan karate karate vo is pad ko prapt huaa…

hey ram ji,  a-vichar se aadami dukh pata hai , vichar se dukho ka ant hota hai aur manushy param pad ko pata hai..”

 

prayatn purvak lage rahena chahiye jab tak a-krutrim aanand ko nahi prapt karate…

 

dekh kar maja liya, sungh kar maja liya, chakh kar maja liya ye krutrim maje hai …maje ke sivaay tum jee nahi sakate ..lekin in majaao se tum indriyo ke adhin ho kar paraadhin ho jaaoge..

isliye

-khaao : maja lene ke liye nahi, swasthy ke liye

-JIyo : pati patni ka vyavhaar santaan ko janm dekar achhe sanskar dene ke liye..ek dusare ke sharir ko nochakar maja lene ke liye jiye to jaldi maroge , jaldi budhde honge..sexy sanksar rahenge to khargosh -khargoshi banoge…athava to phir suwar suwari banoge..jitana bhi sexy man hai to sexy shariro me le jayegaa..

chatora man hai , mansahaari man hai ..sanskar hai mansahar ke to gidh aur sher aise mansahari praniyo ke sharir me le jayegaa..

aise hi kisi ka rup rang dekhane ki aadat pad gayi to patangiyaa diya dekhakar mohit hota aur jap marataa hai aisi yoni milegi..

to dekhana, sunghana, sparsh karana, sunanaa, chakhana jaise saap bin ka aawaj sunkar mohit ho jata hai  ..to music ke bhagat hai wo “swar” me phas jaate..

jo sex ke bhagat hai wo  kaam me phas jaate..

to inakaa upyog karo aushadh -vat…

 

dekhana sunghana chakhana aap ko giraaye nahi..is ka upyog kar ke aap jis se suna jata hai, jis se dekha jata hai, jis se sungha jata hai , jis se chakhaa jata hai us prabhu me aa jaao…

jis se vichaar ho ho ke chale jate phir bhi jyo ka tyo rahta hai..

budhdi ke nirnay paida ho ho ke badal jaate phir jo jyo ka tyo raheta hai

us apane soham swabhav ko jaanane ke liye manushy jeevan aur guru diksha hai..

 

aur marane ke baad nahi, jeete jee aatm saakshatkaar kar lo..samajho kahi ruk bhi gaye ..sadhana puri nahi huyi tab bhi karodo rupiye kharch kar ke jo yagya karate to bhi swarg tak jaate..ye bramh paramtma ki sadhanawala agar chuk bhi gaya bramh ko paane ke liye tab bhi us ko BRAMH LOK TO MOPHAT ME MILATA HAI!

 

 jitane din rahe , baad me kisi yogi ke ghar athava dharmatma ke ghar me janm lega aur baki ki thodi kachchayi puri kar ke sakshatkaar hoga..

 

sadhan pura ho jata hai to yahi sakshatkar..agar adhura raheta hai aur us me yogyata unchi hai to bramh lok me jayega..

aur yogyata cum hai to  swarg lok me jayega..

jitana din jiye puny nasht kar ke swarg ka sukh nahi milataa..jaise hum ko switzarland me rahena pada jahaaj badalane ke liye to airline ke kharche se rahe , hum ko khracha nahi karana pada..

 

aise hi jab tuk humhe aatm sakshatkar nahi hoga tab tuk bramh lok ka adhikari bramhlok me rahega, thoda cum sadhak hai to swarg lok me rahega phir manushy janm paakar bramh paramtma ko paakar mukt ho jayega…

 

sansar ke raste to labh aur haani dono hota hai..lekin ishwar ke raste haani hone ka sawaal hi nahi…

 

 

sansar me sukh dukh raheta hai , labh hani raheti hai…”swa” rup me sukh dukh nahi hota..ishwar me sukh dukh nahi hota..humhare swa me sukh dukh nahi hota..

 

sharir me bimari-tandurusti hoti hai,man me sukh-dukh hota hai..budhdi me raag dwesh hota hai…us ko jananewala hum “swa” hai..to hum “swa” se chyut ho jaate isliye in khilono me thapade khaate..

 

jaise cycle pe baithate to cycle ki gati se hum bhagate hai..Bus me baithat eto us ki gati, car me baithate to us ki gati aur jahaaj aur rocket me baithate to us gati se yatra hoti…aise humhara mai indriyo me baithata hai, man me baithata hai, budhdi me baithata hai….jati me baithata hai..

humhara mai chinta me baithata hai, hum chintit ho jate hai ..

humhara ‘mai’ ‘swa’ me aa jaye to hum bhagavan ho jaaye..bramh ho gaye..!

 

wastav me hun bramh the, hai aur rahenge….

 

lekin hum dukhi hai sochakar dukhakaar vrutti aap ko dukh ka ehasaas karayegi..agar aap soche ki ‘dukh ko mai dekhanewala hun..dukh to man me aaya hai’ to aap dukh se itane prabhavit nahi honge…

 

aap jis ko sweekar karate maan dete vo mani ho jata hai…dukh ko maan diya to dukh bada ho gaya…sukh ko maan diya to sukh bada ho gaya..chinta ko maan diya to chinta badi ho gayi..aap ko dabaa degi..

is se to guru ko maan do to aap me guru ka gyan badega bhaiyaa ! dukh ko kyo maan dete?..chinta ko kay ko maan dete?

mere guru BRAMHA hai..

jaise Bramha srushti  karate aise mere gurudev mujh me divyataa ki srushti karate hai..

mere guru VISHNU hai..jaise vishnu ji paalan karate ais emere andar sadbudhi ka poshan karate mere gurudev…

 

Mere gurudev maheshwar hai …jaise shiv ji kachara patti ka pralay kar dete aise gurudev halake sanskaro ko apani krupa se, vachano se hataate hai…

 

 itanaa hi kahekar is uchch sadhak ko santosh nahi huaa..vo aage kaheta hai ki

 

Gurur Bramha , Guru Vishnu, Gurur devo maheshwaraa..

guru sakshat parbramh !!

utpatti sthiti pralay ke devata me jo Bramh hai , vo hi Bramh mere guru sakshat hai!

 

bramha ke paas jaau tab jaaun,

vishnu ke paas jaau tub jaaun

Rudr ke paas jaaun tub jaaun

lekin tino ka rup yaha samane baitha hai..aur ye sharir ke baad bhi rahenewale hai ..

 

guru sakshat parbramh, tasmai shri guruve namah ll

 

 

 

dhyanmulam guru murti

Eklavy arjun se to bahut pichhada huaa tha..

garib bechara anath bhil..dhanurvidya ka adhikari nahi , isliye ashram me rahene ko nahi mila..

lekin man hi man dronachary ko gur maankar gaya..un ki murti banakar ‘guru ji aagya dijiye’ kar ke dhanushy ka anusandhan karataa…

itana Eklavy aage badh gay aki bhokate huye kutte ke munh me 7 baan aise phit kar diye ki jaise double roti!kutte ko chot naa lage aur us ka bhokana mere ko vighn naa daale..

arjun ye kamaal dekha to kaha ki , ‘ guru ji aap ne to kaha tha , mere se badhakar koyi dhanurdhar nahi…ye to mujh se bahot aage hai’

guru ne eklavy ko puchha, ‘beta tera guru kaun hai?’

bola, ‘aap hai!’

dronachary ji bole, ‘maine to rakha nahi tha’,

eklavy bole, maine maan liya tha..’

to ye chal kheli dronachary ne , ‘guru dakshina kaha hai?’

‘guruji aagya dijiye!’

‘daahe hath ka angutha de do dakshina’

..bhil tha..kulhaadi to thi..kulhadi se jhatkaa maar ke angutha kaat  diyaa dahe hath ka…bhumi par rakh diya aur phut phut kar rone laga..

 

bole, ‘angutha kaat diya isliye ro rahe ho kya?’

bola, ‘nahi, guruji ke kaam itana angutha aaya..agar atn bhi mang lete to saubhagy hota…!’

gur ka hruday paseej gaya..

 

“Eklavya maine ye ghatit kruty isliye kiya ki mai vachan de chuka tha arjun ko..isliye tera angutha to maine chhin liya..lekin beta dhanurvidya me to mera vachan sidhd hoga ki arjun ki barabari ka koyi nahi hoga, kyo ki tera angutha maine le liya…lekin yodhde , mahayodhde aayenge jaayenge, Ekalvya teri gurubhakti santo mahatmo ke shri mukh se teri bakhaan karayegi bete!”

 

abhi bhi hum eklavy ki varta karate , kar rahe..

 

dhyanmulam gurumurti..

 

mai pahele devi ko hanuman ji ko, shiv ji , krushn ko manata tha..jab maine ye samjha to aap abhi bhi jaakar dekho mere sadhana ka room disa ka guru ji ki murti hai dusari koyi murti nahi!!

aur devi devata ki murti to kaarigar banaate kalpana se…guru to sakshat hai..guru ji ka to photo le liya to hub-hu hai!!

 

 dhaynmulam gurumurti !

mai guru se baat kar sakata tha, guru ji kahi bhi ho, kitane bhi door ho, lekin mai dhyan se guruji ke sath ekakar hone me saphal ho jata tha….abhi bhi!!

bhale hi guru ka sharir nahi , lekin guru tatv to shashwat hai..

 dhaynmulam gurumurti !puja mulam guru padam !!

mantr mulam gurum vakyam..

guru ne jo kahe diya so kahe diyaa..Baas!

 

samarth ka chela tha…yakshini maa ban ke aayi thi…boli, ‘idhar aa jaa’

 ..bola,  ‘nahi abhi guru ji ki sewa kar raha hun..charan champi kar raha hun…guruji bole ki jab tak mai aagya naa dun tab tak jana nahi…’

yakshini maa banakar aayi thi lekin guru aagya pe adig raha to maut ke sir pe pair rakhane me vo aanand naam ka shishy saphal ho gaya..ye ghatit ghatana hai!

 

 

prasidhd tanrik phut phut ke roya 11 saal ke bachche ke aage…yakshini boli ki mera vachan saty sankalp hai..phir bhi balak ke aage itana bada tanrik nanha ho gaya,’mujhe krupa kar ke apane samarth gurudev se milaao’ bola….

 

trikaal darshi jyotishi maharaj tantrik..bachche ko aage kar ke samarth ke charano me phut phut ke rote..yakshini ki sidhdi ye vo sab baunaa ho jata hai…aatm sakshatkari guru ke aage..

ishwar aur gurumurti bhed se alag lagate ..jaise vyom-vat aakash jaise sab jagah vyapt hai aise chindanand swarup hai aise mere guru ko mai pranaam karata hun..

 

Deh me dikhate huye bhi anant bramhand me phaile huye hai..

INDR ka ATTMA ban kar baithe hai mere guruji !

SURY me TEJ mere guru dev ka hai..!

CHANDA me CHANDANI mere guru dev ki hai!!

jaise shaiv bhakt shiv ji ko anant bramhand me vyapt manata hai , vaishnav vishnu ko manate aise hi gurubhakt apane gurutatv ko sare bramhand ka adhishtan maanate…..aanandit rahete…mera gurudev ek jagah par nahi..

 

phir bhi badi krupa hai ki hum ek deh me ek jagah me un ko dekhane ka saubhagy prapt karate!..

 

 

Om Shanti.

Hari Om! Sadgurudev ji Bhagavan ki Jay ho!!!!!

Galatiyo ke liye Prabhuji kshama kare…..

Advertisements
Explore posts in the same categories: Pujya Bapuji

5 Comments on “Chetichand Ahmdabad”

  1. Rajesh Mishra Says:

    hari Om Ananda Hai Madhurya hai…

    Gurudev tatvgyan kee pyaaliyiyaan khel khel mein pila rahen hain……

    Sadh Sadho….Yeh Ati Durlabh guruseva hai….

    Hari Om SaI oM gURU oM

  2. gaurav Says:

    Hari Om SaI oM gURU oM

  3. shauryaa08 Says:

    is there avideo of 28 march 2009 chetichand satsang

  4. Vijay Gupta Says:

    Hari Om Prabhu Om,

    Hame aap ka ye kary bahut accha laga. lage raho. Is sansar me guru gyan ke prasar se badkar koi uttam kary nahi hai.

    Hari Om SaI oM gURU oM


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: