Aatm-hatya se bache

3rd march 09 ; Yawatmaal (M.S.)satsang part-1

*************************************************

Sant Shiromani Param Pujya Shri Asaramji Bapu ki Amrutwani

*************************************************

 

…bhagavan yudhd ke maidan me satsang sunaate tab arjun ka dukh nivrutt hota hai, agyan nivrutt hota hai..karm-kriya kartrutv bhaav, bhoktrutv bhaav nivrutt hokar aatm-sthith hota hai arjun…

..aatma me sthiti hokar karm karane ki yukti satsang se milati hai..nahi to hum aham me sthir hokar karm karate to karm bandhan ho jata hai…raag me, dwesh me aham sthir hone se karta ki shaktiyaa karm ke jaal me phans jaati hai..lekin jab samataa me sthit hote hai..to sukh dukh aaye, chale gaye; phir bhi hum sam hai..

sukh aaye chale gaye,krodh aaya chala gaya, kaam aaya chala gaya, lekin ek aisa tatv hai na jo sada raheta hai.. wo hi tatv aatmdev hai…. us me satsang ke dwara dhire dhire sthiti banati hai….

 

isliye bolate  :

ek  ghadi aadhi ghadi , aadhi me puni aadh l

tulasi sangat sadh ki hare koti aparadh ll

 

satsang se karodo paap taap nivrutt hokar jivatma ko aatma paramtama ki shanti milati.isliye karodo kaam chhodkar hari dhyan , hari ka gyan bhar lo…koti tatvat hari bhajet…

 

guruji tum tasalli naa do sirf baithe hi raho

mahephil ka rang badal jayega

girataa huaa dil bhi sambhal jayega…

 

kam me, krodh me girate huye dil guru ki hajiri me sambhal jaate…

 

taat swarg apavarg sukh dhariye tula ek ang l

tuli na pahunche sakal mile jo sukh mile satsang ll

 

swarg , apvarg, dhan-dhanda-kamayi us se jo milega us se kayi guna jyada satsang se hi milata hai..isliye raje mharaje , parvati devi, bhagavan shiv ji, ramchandr bhagavan,sita devi ye bhi satsang sunate….

 

mai aap ko sachchi baat bolata hun….

mai duniya ke sare schoolo me, collego me, vidyalayo me , universityyome ghum ghum ke sari vidyaye lekar sab certificate lekar paas hoke aata to bhi mera itana bhala nahi ho sakata tha, jitana mera satsang se bhala huaa hai..

aur mai universitiyo ki degreeya lekar samaaj ka itana bhala nahi kar sakata tha , jitana abhi satsang se  bhala hota hai…satsang se sabhi ka bhala hota ho hai..

 

satsang se worriless, tention less,egoless hote … 🙂

satsang se aadami aham raheet hota hai..aham me hi bhay hota hai, aham me hi chinta hoti hai, aham me hi tanaav hota hai..

satsang aap ka nakali aham ka pol khol ke asali mai me tika deta hai..

 

itana samajh me aa gaya na to abhi ishwar prapti ho sakati hai… aap sthiti karo.. baas!

 

ek asali mai hai ..vo asali mai sada raheta hai..us me koyi dukh nahi..vo muktatma hai..

aur nakali mai jo hai, us me hi aham raheta hai.. ‘mai maraatha hun’ ye nakali mai hai..mai gujrathi, mai sindhi, mai paapi, mai punyatmaa, mai dukhi, mai sukhi..’ ye sab nakali mai me hota hai..

aur dukh ko, sukh ko jananewala asali mai hai..

..jaise mera chehara asali mai hai aur aayine me dekhata hun to nakali mai…

 

Aakash ka chandrama ‘asali mai’ hai..aur thali me dikhata hai , kahi pani me dikhata hai, kahi kadhayi me dikhata hai to kadhayi ka chandrama bolega ‘mai to tap raha hun’ …thande paniwala bolega ‘mujhe to maja  aa raha hai’ ..aise hi samaaj me koyi bolata ‘mai dukhi hun..mai sukhi hun’  ..to asali mai jyo ka tyo hai aur dukh sukh sanyog wala hai..

 

samajh me aa jata hai lekin us me tikane ke liye thoda dhyan lagaana padata hai…to asali mai ka aanand aur gyan prasphutit hokar sakshatkar hota hai..kathin nahi hai..lekin jin ko kathin nahi lagata aise guru ka milana kathin aur paane ki bhukh jagana kathin hai..

 

agar kathin hota  to janak raja ko ghode ke rakaab me pair daalate daalate kaise hota?parikshit ko 7 din me ho gaya..mujhe 40din me ho gaya..40 din me graduation hota hai kya?

 

asali mai me tikate to aap ka to bhala hota ..lekin aap ka darshan leta aap ki wani sunega us ka bhi mangal hota hai..

 

asali mai me aane se divy gyan hota hai , divy sukh milata hai..aur jo us taraf chalate un ki bhi sadgati hoti hai..bhagavan un ke pitaro ko bhi trupt karate hai..

 

 

Oooooooooooooommmmmmmmmmm

 

omkar mantr kisi rushimuniyo ne nahi banaya.bhagavan krushn, bhagavan ram, bhagavan shiv, bhagavan narayan ne bhi nahi banaya…bhagavan narayan ne is mantr ki mahima khoji hai…

 

ek hota hai nirman..dusari hoti hai khoj..to khoj us ki hoti hai jo pahele tha…nirman us ka hota hai jo pahele nahi tha…to bhagavan narayan ne is mantr ki khoj ki hai..

 

to aap Ooooooooooooommmmmmmm bolate to ‘O’ooo hoga lamba us me nakali mai nahi ghusega… ..us me sankalp vikalp nahi hoga..ye mul gaayatri hai..is me kya kya shaktiya hai ye bhagavan narayan ne khoja , isliye bhagavan narayan omkar mantr ke rushi mane jaate hai..

..to khali aap roj 10 minute yaa 8 minute bhi karate to 40din me aap ko khajane ke chamatkaro ki kunji mil jati..to bolo:-

 

 “ath omkar mantr..gayatri chhand..paramtma rushi..antaryami devata

antaryami pritiarthe

jape viniyogaa..”

 

ye omkar mantr hai..is ka chhand gayatri hai..is ke rushi paramatma hai aur paramatma ke priti ke liye mai japata hun..athava ye kasht nivrutti ke liye mai jap karata hun..aisa sankalp kar ke jap karane se ..

agar aap 50 din ka niyam lete roj 120 mala karane ka to aap ki 7 janam ki daridrataa door ho jayegi ye anushtan karane se.

agar ek saal ka anushthan karate to asali mai ka pragaty hota hai aur nakali mai ka pol khulata hai..

 

to ye 50 din ka anushtan kare koyi to maun rahe , nich karmo ka tyag kare,  jhuth kapat chhod de, omkar ki sadhana kare, 120 mala jap kare..10-10 minute aisa jap kare..(deep jalaakar sadguru bhagavan ko ektuk dekhate huye omkar ka lamba uchcharan karana)…aur bhru-madhye me omkar ko dekhe…to samaaj me  kitana bhi gira huaa aadami ho..koyi  ijjat nahi karata, koyi kaam dhanda nahi hai,log dhakke maarate, aatm-hatya karane ko jana pade aisi dasha ho gayi ..phir bhi aise aadami bhi chamak rahe hai…

 

ek yuvak tha 25-30 saal ka..bhavnagar me kaamdhanda karata lekin dhandha chale nahi to dusara tisara aisa karate us ko to ghata pad gaya..ab 60, 000 us ko dene hai ..aur aise log hai ki nahi dega to us ko maar dalenge..to  bhavnagar se bhaga vo yuvak..apani budhdhi maa ko chhodkar..dukan me ghata pad gaya, jo paise byaaj se liye vo log maar dalenge aisi sthiti me..to ahmdabad ka kadiya talaav hai -jheel hai..us me aatm-hatya karana tha..us yuvak ka naam tha raju..raju bhai…aatm-hatya karana tha..itane me deewar me poster dekha..asaram bapu ki ahmdabad me dhyan yog shibir hai..socha marana to hai..udhar jayenge to mandir me khana to mil jayega..dekhe kaisa hota hai..to udhar dekhane ko aayaa… satsang suna…

vo aadami abhi jinda hai…

vo raju diksha liya aur itana uncha uth gaya ki ab apana aagra ka ashram chalata hai…lakho rupiyo ka gurukul us ne banaya…hajaro aadami us ko pranam karate….aagra me sant asaram ashram gurukul ka vo main sanchalak hai….bramhchari hai “rajubhai”….

aatmhatya karane jaa raha tha, aisi dayaniy avastha thi ki samaajwale us ko dhutkaarate the..aur ye sadhan kiya to ‘rajubhai ..rajubhai’ us ka log aadar karate…

 

..to vyakti to vo hi ka vohi ..lekin achha vichar aur achhi sadhana mili to asali mai ke najdik aa gaya…to kitana phayada hota hai…

To asali mai kya hota hai nakali mai kya hota hai ye sun lo..

 

Jaise:

 pani pe tarang pe tarang aata hai to ye nakali hai.lekin tarang utha aur shant hota hai aur dusara tarang uthata to bich ka shant avastha jo hai vo pani ka asali level hai..

aise hi jo ‘mai mai mai mai’ ki dhara  chal rahi hai..us mai ke bich ki dhara asali mai ki hai…

 

jaise:

Oooooooooooooooo(ye asali mai hai)oooooommmmmmm

is ko bolate aatm sthiti..

 

to thodi der bhi aaatm-sthiti karenge naa to aatma-paramatma ki divy shaktiya aati.. …jaise bilori kaanch sthir hoti to daahak shakti aati..aise aatma parmatma ke divy gun aate..paramatma ki divy shaktiya humhare man me budhdi me aati..

  

jo aata jata hai.. sukh dukh jis ko hota wo nakali mai hai , lekin jo us ko janata hai wo asali mai hai..itana saral hai bhagavan me tikana…

jo badalata vo nakali hai..man badalata to nakali hai, budhdi badalati to nakali hai, sharir badalata hai to nakali hai… sukh dukh bhi badalate to nakali..is badalane ko jo janata vo paramatma tum asali ho…aur mai tumhara baalak bhi asali hun..

to aatma paramatma asali aur maya aur maya ke khilwad nakali…. to nakali se kay ko daranaa?

   ..aaj raat ko sona to bhagavan ka yash gaate sona, ” bhagavan tum aanand rup ho, tum gyan rup ho…tum shashwat ho..sharir maranewala hai ..lekin tumhara humhara sambandh amar hai…tum omswarup ho… ‘mai mai mai mai’ nakali hai ..lekin jaha se nakali mai utpann hota vo tum asali ho…mai asali ka bachcha hun…nakali ke bachche me phasaa hun…sharir nakali hai..tum asali hai…hai na prabhu?tum aanand deva..tum gyan swarupa..shiv ji tumhare dhyan me ekaakar hai to Mahadev hai!..guruji tumhare gyan me hai to mahaan bapuji ban jaate… 🙂 ..mai nakali me bhatakata hun ..lekin tumhara hun na prabhu? 🙂 ..mera aatma paramtma asali hai..aur sharir nakali hai..hai na? maan- apaman nakali aur us ko jananewala tum asali..” aisa kar ke bhagavan se baate karate karate so jaao..to aap ko nind bhi achhi aayegi aur 6 ghante tumhare bhakti ginate hai bhagavan..kyo ki raat ko aakhari jo chintan karate to gahere man me wo hi vichar aata hai…aur ratri ka aakhari vichar subah ka pahela vichar hota hai..

mai nakali me kayi janamo se phansa hun..ab mai tumhare asali aatm swabhav me aaunga..asali aatma us ko janata hai.. aa aa ke mar jata hai vo nakali hai…lekin sada raheta vo asali hai…bachpan me kitane bhay aaye, chinta aayi , kitane sukh aaye , kitane dukh aaye mar gaye…us ko jananewala mai nahi mara na  prabhu?to mai aatma hun..mai asali hun..aap ka hun..aur ye dukh, bhay chinta nakali hai… mai nakali me phans gaya hun..ab tumhare asali swarup me aata hun..aaj aisa kar ke sona…bhagavan ka chintan yash gaate sona..

phir subah uthe to nakali mai me dukh, chinta aati hai lekin mai ‘asali mai’  me aaunga baar baar…aur tera sumiran kar ke phir nirnay karunga..sukh dukh me mai sam rahunga..labh hani me sam rahunga…hai na prabhu?..

 

aisa subah prasann hokar phir bistar chhodo..

 

phir ghar me kuchh kaam dhanda aadi samasya hai to  bhru-madhy me gurumantr ka jap kar ke margdarshan lena…raat ko gurumantr ka jap kar ke guru ke sath kanth me 2 minute baat kar ke man me.. phir sona..to raat ko guruji swapne me aate ..bolate.. “aisa nahi karo, aisa karo…. aisa karo, aisa nahi karo..” guruji margdarshan dete…

  

 

om shanti.

Hari Om!sadgurudev ji Bhagavan ki Jay ho!!!!!

Galatiyo ke liye Prabhuji kshama kare…..

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: