Shiv Puja

22 Feb 2009 , Nashik Mahashivratri

*************************************************

Sant Shiromani Param Pujya Shri Asaram Bapuji ke amrutwani  *************************************************

Kuchh amrut bindu

 

*****

wasanaa aadami ko sansar me tuchh banaati hai ..

shraddha aadami ko bhagavan ke taraf le jane me sahayata karati hai..

lekin shraddha ghatati badhati hai ..shraddha jab prem ka rup leti hai to paramtma ke  ras ko pragat kar deti hai..aur wo rasila jeevan swasthy ko bhi surakshit rakhata hai gyan vardhan bhi karata hai aur prasannata bhi deta hai… 

 

*****

pitva bramhras yogino bhutva unmatt

indrovopi rank bhaset, anyse kaa vartaa ?

indr ka vaibhav bhi jise rankvat bhasata hai kangale jaisa lagata to any ki kya baat hai….to aisa bramh parmatma ka ras is manushy jeevan me aap paa sakate hai…

akeli shradhda se aap ki buddhi dab jayegi ..koyi bhi aap ko thug lega…ye phalana dev hai…ye bada vo bada sab se bada..are aap ke antaryami se dusara kaun bada baitha hai?sab se bada  tumhara aatma paramatma hai lala tum baahar bade kaha kahaa khojoge?

 

****

 humhari shraddha ke sath sath humhari pragya ka vikas ho..pragya ke sath sath humhare jeevan me vishranti ho…aur vishranti ke sath sath utsaah ho… kewal vishranti hogi , dhyan hoga to hum aalasi ho jayenge…. kewal hum buddhiman honge to rukhe ban jayenge..kewal hum shraddhalu honge to avanchhit bhavanao me aur kalpanao me hum ulajh jayenge…to utsah bhi ho, dhyan bhi ho…shraddha bhi ho , pragya bhi ho…aur chitt me samata ka prasad ho..is se jeevan purn vikasit ho jayegaa..is ke siway kitani bhi satta , dhan, prasiddhi  milegi dukh nahi mitega…

dukh hota hai pragya ke aparadh se..

pragya aparadho mulam sarv doshanam l

sare dukho ka, dosho ka , rogo ka mul hai pragya ki durbalataa…..

 

*****

satvik shraddha me agar satsang nahi milata, pragya ki jagruti nahi hoti, sadguru ka sannidhya nahi milata  to satvik shraddha swarg ka sukh to de sakati hai lekin ahankaar ka narak bhi sath me hi chalega…

swarg me jayenge to apane se bade ko dekhakar irsha hogi ,chhote ko dekhakar apane me aham aayega..barbariwalo se spardha hogi…satvikataa me bhi gudbud hoti..isliye kahete hai ki bhagavat prasadaja buddhi paa lo….bhagavat prasadaja buddhi se ahankar vilay hota hai…

 

arthada, bhogda, dharmda,mokshda is prakar ke mati ke bhed hai shashr me lekin bhagavat prasadaja mati manushy ko rasmay bana deti hai…

aur bhagavat prasadaja mati se 3 prakar ki upasana hoti hai

1) bhagavan ko swami mankar ramanujachari  ki tarah

2) bhagavan ko sakha mankar gaurang ki parampara me aap bhagavan se prem kar sakate hai..gaurang kahete prem hi bhakti hai

aur

3)vallabhachari kahete hai ki vatsaly bhakti hai..

 

to agar aap ki vatsaly bhakti hai..aap me agar vatsaly ubhar sakate hai to bhagavan ko baalgopal mano…

prem ubhar sakate hai to bhagavan ko yuwraj mano..

aur aagya paalkar daas-bhav se karate hai to bhagavan ko swami mano..

 

lekin ye bhav antkaran ke hai..is se unchayi aayegi ..phir guruji bol denge ki bhagavan ka aatma aur tumhare aatma me kya pharak hai?

.. ye avastha aa gayi thi ramkrushn paramhans ke jeevan me..namdev ke jeevan me , gaurang ke jeevan me..

 

naamdev viththal ko swami bhav se maanate the, swami pragat bhi hote the..phir bhi kachche ghade sabit huye to swami se puchha..swami ne kaha shivoba khechar se diksha lo..to sadguru ne buddhi rutambhara pragya buddhi bana di..saty swarup ishwar se bhari buddhi purn ho jati hai….

 

arjun ne shrikrushn bhagavan se puchha ki aap aatm sakshatkar ki badi bhari mahima karate ho sthitipragy ki sukh dukh me sam..labh hani me sam ..sat tatv me jyu ki tyu sthiti buddhi to aise sthiti pragy ka gyani ka kaisa acharan hota hai?

 

 sthiti pragy se kaa bhasa samadisthsy keshav ?

 

to bhagavan ne kaha ,

pragyasi yada kaaman

 sarvan parth manorath

gata aatmen aatmey santusht

sthiti pragyasy gochare

 

sukh lene ke liye kahi jaye ya , dusare se sukh mile ye sari kamanaye chat ho jati..vo apane aap sukh swarup me gyan swarup me , madhumay swarup tika raheta hai..vo hi sthitipragy hai..

 

*****

Shiv ki puja aise kare :-

 

shivartri ke raat jagran karana, maun rahena, ekant mandir mil jaaye , kuchh bhi ho jaye to bhi shanti se rahena..aur

Oooooooooommmmmm

Nammmmmmmmmaaah

Shiiiiiiiiivaaaaaaaaaaayyyyyy….

aisa karake shant hona…

jitana aap mansik jap karenge aur shant ho jayenge utana vo bramh nadi me , shiv nadi me aap ki sthiti aasaan ho jayegi…..

agar aap ko koyi vayu ki taklif hai to ‘om bum bum’ japana ..nahi to shiv ji ka chintan karate shiv tatv me shant hote jana….aur shiv ji ka smaran aise kare :-

 

“bhagavan gauri vallabh sampurn devatao ke swami tatha  sarpo ki malaao  se vibhushit chandrshekhar  ..aap varshbhar ke paapo ki shuddhi ke liye meri puja aur namskar sweekar karo ..aur mujhe apane shivtatv me vishranti mile…”

 

yatbalaanam shresth balam

tatpragya balam muchyate

 

mahabharat me aata hai : – sare balo me shresth bal  hai pragya bal..aur pragya me buddhi me drudh nischay hota hai, tabhi manobal bhi kaam karata hai..

to shraddha , pragya, smruti samadhi aur utsah badhane ke liye hum shiv ji ki puja karate hai aisa sankalp kar ke omkar ka lamba uchchar , namah shivay ka lamba uchchar..pahele om namah shivay ka jap kar liya, phir lamba uchcharan kar ke shant hote gaye..kabhi shwasoshwas ki ginati ..aise karo..

 

..4 pahero ki puja karane ko mana nahi, lekin bhangedi jaisa karate vo nahi…shiv ji bhaang nahi pite, ‘bhuvan bhang” karate (srushti ke pralay kaal me)

NaSha matlab jis me shanti nahi….to aisi bhang shiv ji ko pilane ka bahana kar ke mahashivratri parv ka phayada uthane ke badale nuksan me naa jaye aisi meri prarthana hai… sharab pina , chemical ke rang chhatana ye bura hai.. aap sharab naa piyo naa dusaro ko pilao, naa aise gande rang aap chhato naa dusaro pe chhato..

 

‘namah shivaay om namah shivaay’ ki masti me jhumo..mansik jap karo..phir khojo ki shiv me aur humhare antkaran me kaisi duri hai..

 

shiv ji pe 3 patte wala bilipatr chadhate to satv gun, rajo gun , tamo gun hum bhagavan shiv ko arpan karate..

 

shiv ji ko panchamrut se snan karate to pruthvi , jal, tej , vayu , aakash panch mahabhuto  ka tan is ka aham hum panchamrut ke rup me chadhate..shiv ji ko snan karaate….

is prakar shiv puja ka adhyatmi arth lagaane se aap ke jeevan me bahot mangalkari vishranti milati hai..

 

shivratri ko savva lakh ” bam bam” mantr ka jap karane se ghutano ka dard yaa vayudosh door hota hai..

 

1 bilw patr (arthat 3 patte) kha le aur 1 kali mirach chaba le..subah khali pet kuchh mahino tuk to bachche aage chal ke kadaavar banenge.jin ke maa baap thingane hai , jin ki hight nahi hai yaa jo kadaawar hona chahate hai wo aisa kare..12 se 18 saal ke bich ke bachcho par ye prayog ho sakata hai..19 saal tuk kar sakate hai ..hight achhi ho jayegi..

 

Om Shanti.

 

Hari Om!sadgurudev ji bhagavan ki jay ho!!!!

galatiyo ke liye prabhuji kshama kare….

 

Advertisements
Explore posts in the same categories: Pujya Bapuji

5 Comments on “Shiv Puja”

  1. kamal Says:

    sadho sadho…………………

    jai ho……….

    from……..
    kamal hirani…….
    dubai

  2. vineeta srivastava Says:

    aise amrit si vani jab hame padhane ko milti hai to hame kuch kuch hota hai.aise vichar hamara prem ishwar aur guru ke prati prem ko bahut bahut badha deta hai.antar atma me bahut shanti milti hai.

  3. pushpraj Raipur Says:

    Sadho,,,,,,,,,,,,,,,

    sadho…….

    hari

    om

    jiiiiiiiiiiiiii

  4. Neeraj Says:

    Yaha pooja krte hai sbh lok fir apne gar aste bholi bhali ladki ko fasate hai or uski sath galt kam krte hai aayse hai tumare sadhk bhai neeraj sonparote …. use asram mey panah mil jati hai aayse loko ap loko bhi Sahara dete hai usen ek ladki ki pure zingdi Barbad kr ke bhag gya hai ap sach mey apne guru ko mahnte hogye tho use saja do ki kbhi kisi ladki ki zingdi Barbad na kre plz


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: