japate rahe tera naam…..

 

7th Feb.2009, 4.15pm IST, Indore Satsang_live,

*****************************************

Shri SureshMaharaj ji ki Gurubhaktimay Amrutwani

*****************************************

 

….satsang param aavashyak kary hai…koyi pravachan-kar bole us ko sun lena , usi ka naam satsang nahi hai..hum jis ko maanate hai,  jis par pura bharosa karate , hum jo kuchh apane paas rakhate us ka sadupayog sadaiv karana ye satsang hai… aisa satsang har vyakti ghar baithe huye kar sakata hai ..vivek ka aadar karata huaa vyakti unnati aur moksh paata hai ..

..jo nahi karana chahiye vo karane se Avanati aur marane ke baad narak ye hota hai..hakikat me dukh ka janam kaise hota hai ki sukho ki aasakti se hota hai….jab tuk sadgurudev ka ashirvad nahi mila tab tuk swarth rahit karm karate huye, vivek sammat karm naa kar ke guru ke hruday me jagah nahi paayi is se tuchh sukh ki laalach banati hai..

indriy aur vishay sukh ki laalach ye bada bhari dosh hai..lobh ka dosh  hoga to paise ka labh hone se aadami  khush hota hai , aur ghata hone se dukhi hota hai ..moh ka dosh hai to kisi ka sanyog hone se sukhi  hoga, aur  viyog hone se dukhi  hoga…

“mujhe ye mile to maja aayega” to aasakti hai, wasanaye hai….

 

-         lobh ka dosh nahi hai to  labh hani me sukhi dukhi nahi hoga;

-         moh ka dosh nahi hai to sanyog-viyog se sukhi dukhi nahi hoga;

-         abhiman ka dosh  naa ho to sanmaan-apaman me sukhi dukhi nahi hoga..

sukh dukh ye dosho ka hi parinam hai…. gurudev ki diksha me ye shakti hai ki vyakti sukhi-dukhi nahi hota;aanandit hota hai….

sukh dukh saapeksh hai …aanand to aanand hai..ye sukh dukh ki apeksha se nahi hota… gurudev ki diksha me vo shakti hai ki  “yah” ko “mai” maanane ki bhranti mit jaati hai…

 ‘yah sharir, yah proaperty, yah dukan’ is ko ‘mera’ maanane ki galati gurudev ke satsang se mitati hai..

84 lakh kisi bhi prani ka mal-mutr pavitr nahi , lekin gau-maa ka pavitra hai … phir bhi gau-mata ye sadhana nahi kar sakati ki jo manushy kar sakata hai…. ye sadhana kewal manushy hi  kar sakata hai…aur ye kaise hoga?gurudev ke ashirvad se ye hoga..apane prayatn se ho jaye , ye sambhav nahi !

 

ye phal sadhan te naa hovayil

tumhari krupa pave koyi koyi.. ll

ye kripa patr ko mitati hai …sab krupa patr ho sakate hai..

 

sita ji ke khoj me 4 disha me tukadiya gayi thi, dakshin ke taraf jo gaye the , ve sabhi  samudr tuk hi pahunch paaye, sirf hanumanji hi samudr ke paar jaa sakate hai ..baad me katha aati hai ki sabhi samudr ke paar gaye hai aur sita ji ke darshan paaye hai..jaise shriram ji ki krupa se sabhi vaanar sena paar ho gayi, aise sabhi sadhak(bhav-saagar) paar ho sakate hai..durgun vasanao ka ant ho sakata hai…

 

log apane jeevan me bin jaruri kaam ko pahele karate hai… kartyavy ko bhulate hai aur adhikar ko yaad rakhate hai …ye dosh hai..

pujy bapuji ka satsang sunane se jo indriyo ki lolupata thi , vo  mita deti hai… indriyo ki lolupataa jitendriyata me badalati hai… raag tyag me badalata hai…raag bhi anuraag ho jayega…

 

kuchh log dambh ko anuraag maan lete ..guru charano me shradhda rakhate lekin dusaro se napharat bharaa vyavahaar karate hai…

apane ko doshi nahi manate, dusaro ko doshi jarur maanate hai..hakikat me swayam doshi hona itana bura nahi hai,  jitana bura dusaro ko doshi maaanana hai..kyoki dusaro ko doshi maanate hai to suni huyi baato ke aadhar par kisi ko doshi maanate hai …kisi ne aap ko sunaya aur us ki gandagi ko aap ne apane dimaag me bhar lete hai….kahenewale kahete hai… “abhi dhuwa uth rahaa hai to aag to hogi” ..isliye bolate samay bahot dhyan se bolana chahiye ki is ka parinam kya hoga….

 ekadashi ko nirahaar hone se, mandir me subah sham darshan karane se ,  ugate suraj ko arghy de doge achha hai lekin ye to aasthik-ta hai,  bhakti nahi ..apane aap ko dhoke me mat daalana! baahar aana dhoke se..!!

..suni sunayi baat se jis ko bura mana to us ka bura chahane lag jaate…to kisi ko manyataa ke adhar pe bura maanana aur us ka bura chahana kya ye achha hai? aap khud nirnay kare..

 

burayi karane wale ko kasht uthana padataa hai..kya kya karana padata hai…jaise chori karane wale vyakti ko kitani sawdhani se planning karani padati, kya kya karana padata…parantu kisi ko chor maanane me kya karana padata hai? galat karane me kathinayi hoti hai, lekin kisi ko bura maanane me koyi kathinayi nahi hoti…

 

dusaro ko bura mananewala anany-bhav se dur ho jata hai.. ananya-ta kis ko kahete hai? mera vyaktigat mat ye hai ki guru ke aage aarati ki kisi ke aage jaakar kisi ka kuprachar kar rahe, kisi ke liye  kuchh na kuchh kahe rahe to ye thik nahi…

mere vichar me ananya bhav us ko bolate hai jo sab me mera gurudev hai aisa soche…is ka mutlub ye nahi ki kisi  upekshit vyakti se dosti ka hath badhana nahi..lekin jo achhe hai , un se ghruna ka vyavhaar naa kare…pariwar me kisi se upeksha ka vyavhar naa karana….

sarve bhavantu sukhinaa..sarve bhavantu niramaya…

aisi bhavana rakhe..

 

koyi bhi kaam kis bhav se kar rahe , kaise kar rahe , kis liye kar rahe?..ishwar ke liye kar rahe to MOH dur hoga.. sanyog viyog se sukhi dukhi nahi honge..sab ka apana apana praarabdh hai..

 

ek aadami ne kaha mera beta mar gaya ishwar ne aisa kyo kiya?mai us ke pahele janamaa aur abhi tuk jivit hun aur wo mere baad aakar pahele chala gayaa, aisa kyo?…..

maine un se kahaa,  koyi aadami train me baithe indore se delhi jane ke liye train chali aur devas station pe ruki ..devas se baithane wale se indore se baithe aadami ne puchha ki “bhai aap kaha utarane wale hai?”  to wo bola, “mai phalani jagah utar jaunga” to indorewale bhai ne kaha , “tum mere se baad me baithe aur  mere se pahele utaroge? Nahi nai , aise kaise aap  mere se pahele utaroge?”

devaswala aadami bola,  “bhai saahab meri ticket jaha tuk hai mere ko waha hi utarana hoga”… usi prakar aap ka beta aap ke baad is duniya me aaya aur pahele chala gaya to us ki jindagi ki ticket waha tuk hi thi…”

ye runaanubandh hote hai..kuchh len-den hota hai..wohi pura hota hai..

shashro me varnan hai ki (pichhale janam ka)shatru (is janam me)putr hota hai , wo beta bahot sewa karega..:-) ..

satsang ke bina bahot dukhi, pareshan hote hai, udvign hote hai..kyo apani galat dharana se dusaro ko dekhana? aankho pe se dosh darshan ki dhul jhaadkar dekhana chahiye..

 

ek aadami pe aarop laga tha, to  file taiyaatr ki..vakil ke pas gaya vakil baahar bagiche me chay pi rahe the ghar ke baahar…is aadami ne kaha , vakil saab, mujhe aap madat karo”….to vakil apane nokar ko bole ki mera padhane wala chasma laao ..aadami chasma laya… sahab padhane laga …aadami bola ye chasma kamaal ka hai, is ko lagaane se file padhane aati hai, us ne socha ki ye chasma laga ke hi vakil ko  padhane aa gaya…to us ne puchha,  “ye chasma kaha milata hai?”….vakil ne bataya ki us dukan me milata hai.. to aadami gaya dukandar ko bola padhanewala chasma do…dukanwala bola , ‘number bataao’ is aadami ko number maulm nahi tha…dukandar ne alag alg glass laga ke board pe padhane ko kaha..lekin is aadami ko kuchh padhane ko nahi aaya.. ..to dukandar ne puchha ki aap ko padhane aata bhi hai ki nahi?….ye aadami bola ki , ‘padhane nahi aata isliye to padhanewala chasma maang raha hun!’

dukandaar bola,  “bhai saahab,  chasma lagaane se padhana nahi aa jata!padhana sikhana padata hai…”

 usi prakar vyakti ko sikhana hoga ki shant aur sanyam se kaise rahe…

bhagavan gita me kahete ki, “ mai  sukh bhi deta aur dukh bhi deta hun” gita me aata hai ..dasave adhyaay me 4tha aur 5 vaa  shlok padho …..sukh mai  deta hun, aur  dukh bhi mai hi  deta hun..

lekin ishwar ne sukh diya to khush hote hai…aur sukh  le liya to dosh dete hai..satsang se in dosho ki nivrutti hoti hai..

 

 

 

ek aadami nashe me ja raha tha…. to bijali ke khambe se takaraya.. gir pada…bola ki, “dada, maph karana haa,  aap ko lagi hogi”

 ..phir aage gaya , letterbox se takaraya, bola, “ maph karana beta…” samjha ki bachcha hoga…phir aage gaya…ped se takaraya, bola ki ,  “bhaisaahab maph karana”….nashe me vo aadami sochane laga ki  aaj bhid bahot hai… baad me jaaunga!”

 bhid nahi,  tu nashe  hai!..

aise bekar me paresahan ho rahe jo log avidya me hai……

 

isliye satsang me jana bahot jaruri hai…

 sada satsang me jo aate rahenge viveki swayam ko banaate rahenge..

milegi nahi shanti unko kabhi bhi jo paramatma ko bhulaate rahenge..

 

ek yuvak ne kaha ki , “mai kayi jagaho me gaya, mujhe kahi shanti nahi mili maharaj!” .. maharaj bole, “shanti nahi mili , to  a-shanti tujhe kaha se mili?..tune khud banayi… teri chintan ki dhara aisi hai… soch aisi hai …tu is soch se baahar nikal..apani galat manyataye hi ashanti ka dwar hai…. us se takaraate rahenge…. nikal naa payenge…

 

ek mahatma kamare me baithe the… upar chhotasa ventilation khula tha …waha se pakshi andar ayaa.. lekin baahar nahi jaa paya tha …lidhar udhar pankh phadaphadaa ke apane ko parehsan kar raha hai..thodi der shant baith ke dekhata to us ko wo khuli jagah dikhayi deti jaha se wo andar aaya tha….wo jagah to abhi bhi khuli hi thi… …aise hi vyakti aanandit ho sakata hai, lekin bekar me tanaav grast hokar parehsan ho raha hai …kewal vyakti apane jeevan me 4 ko chhod de..to param aanand me rahega…

 

1) vivek virodhi swikruti

2) vivek virodhi karm

3) vivek virodhi sambandh

4) vivek virodhi chintan

 

In 4 se sada ke liye sukhi ho jayega..

 

“yah” ko “mai” maananaa  ye vivek virodhi swikruti hai..sadguru dev ki diksha shiksha ka abhaav hota tub aisa hoga…..diksha to mili lekin gurudev ke sikh ko mahatv nahi diya to dukhi aur pareshan hoga..sukh ki laalalch aur dukh ka Durr bana raheta hai…sadhan nisht aur guru nisht nahi ho pata hai..

vivek virodhi swikruti mane “ye mai hun”  “ye mera hai” ..janame to sharir pe kapada bhi nahi tha ….aur ab “ye meri car hai.. ye meri bike  hai… ye mere gahene hai… ye mera phalana hai..”

 is se sukh ki laalach aur  dukh ka Durr hota hai ….anukulata me raji aur pratikulata me udvign hote..

kuchh log to sochate ki hum ko jo achha lage wo hi guruji aagya de …guru ji bole, ‘nim ke patte khao’  ..to sochenge , “.nahi nahi… guruji icecream khane kyo nahi bolate?” ….ye anukulata ka lobh pratikulata se bhaagane ki ichha se hota hai..

 

 

aisa soche ki , “ye sharir mai nahi ….ye 5 bhuto ka sharir hai… 5 bhutio me mil jayega..sadguru bina koyi naa sath dega”

..jis ko guru nisht bananaa ho, vo  sukh ka sad-upayog kare …kaise? sukh suvidha ke sadhan ho to bhogi naa bane..sukh suvidha me bhi  bhakti karata rahe..

 

dukh ka sad-upayog kya hai? dukh me sukh ki , pratikulata me anukulata ki ichha naa kare …soch eki , “koyi baat nahi ye bhi gujar jayega ….mera aisa koyi karm hoga jo  cut gaya..hari hari!!”

jo aisa karata hai , vo sadhan nisht , guru nisht ho jata hai..

 

 baki to jindagi bit jati..mandiro me jaa jaa ke, raksha lagaa lagaa ke ….rakh jindagi bhar lagate raho,  ek din rakh hi to ho jayega sharir…itana rakh se prem kyo? tapasya bhi gyanyukt kare..

ek aadami guruwaar ka vrat rakhata aur raat ko sade 10 bajate to khana bananaa  shuru karata ….bola , sade bara  baje khana khaunga! shukravaar shuru ho jayega raat ko 12 baje….aise guruvar aur aise ekadashi rakhane se kya phayada?

..kuchh kahete ki krushn paksh ki ekadashi karane ki kya jarurat hai?shukl paksh ki karenge…. aise upwas karane se naa kare…lekin 5 karmendriya+ 5 gyanendriya aur gyaravaa mann is ka to roj upvas kar sakate hai …kaise? baahar ka dekh ke vyarthy drushy dekh dekh ke  shakti gavaye nahi ….bachayenge to shakti ka sanchay hoga aur jaldi aage badhenge…. vyarthy ka sunane me shakti naa gavaaye …khub sajag rahe…sajagataa  ka naam hi sadhan hai..

 

 

log MBBS ki degree lene ke liye time dete…19/20 saal gavate hai… lekin vivekwan hone ke liye satsang me kuchh ghante bhi baith nahi  sakate….vo degriya parlok me kaam nahi aati…satsang me thoda samay  diya to vivekvati mati ho jayegi …

sukh ki dasta dukh ka Durr sadhan nisht nahi hone dete …vivek virodhi swikruti ko tyaagane ko taiyyar ho jaye…

 gurudev jo batate wo swikruti jeevan me aa gayi yo kalyan ho gaya..

 

apane ko paradhin naa banaanaa …apane ko swadhin banaanaa….

patang unchi udati hai, dori kisi ke hath me hoti hai, to dekh ke  lagata hai dori se udanewali patang paraadhin hai…. pankh wala patanga swatantr hai aisa lagata hai lekin jalate huye diye ko dekhakar marane bhi to ja raha hai..aise hi guru kuchh niyam dete hai , to lagata hai ki niyam se bandh gaye, lekin ye niyam hi humhe uncha uthataa hai…(jo manmnai karate wo patange jaise marate hai swair jeevan jikar aur jo gurumukhi hai wo niyam sadhan se apane ko uncha utha lete hai sadhana me)

…road pe trafic signal hote to  kanun banaane wale ko galiya nahi dete ki kahe ko laal batti banaayi… gadi rok dete… vyavastha ke liye jaruri hai..trafic jaam na ho, isliye jaruri hai.. aise hi guru niyam dete to baandhane ke liye nahi hote….

paudha bole ki mai jamin se juda nahi rahunga to wo vruksh nahi ban payega…. nadi agar bole ki mai 2 kinare ke bich kyo bahungi to saagar tuk nahi pahunch payegi….jeevan me niyam jaruri hai …

manoranjan hi nahi , manobhanjan bahot jaruri hai..

 

jin ko gande swapn aate ho raat ko sone se pahele ye niyam le lo:-

 

1) bistar me 7 -7 din se rakhi chaddar na rahe..2/3 din me chaddar dho daale.

2)jutha munh se naa soye, munh saph kar ke  bistar pe jaaye.

3) jaha sote, waha  hava ka aana-jana ho,  cross ventilation ho

4) ho sake to raat ko mithi chije naa khaye.

ye niyam rakhe aur jo swapn aata , wo swapna hai , sachchayi nahi hai ye chintan karate karate so jaao to  swapn ke samay bhi lagega ki ye swapna hai…. swapn rog , pradar rog se jaldi chhut jayega..baahar ki butiya kitani bhi karo kuchh nahi hoga…andar se pane apa ko thik kar lo….swapne ko sach maanane ki bewkufi kyo kare?

 

maya ka sukh 4 din , kahaa tu gaahe ganvaar l

swapne paayo raajdhan , jaat naa laage waar..ll

 

maya ka sukh 4 din ka,  ‘mai’ aur ‘mera’ ka sukh kub tuk tikega?… jara socho..

 

swapne me kuchh paya huaa dikha bhi to jaat naa lage waar…

 

aaj shukl trayodashi hai ….shastro me aata hai ki sham ko shiv ji ke pujan se vishesh prasannata prapt hoti hai… gurur devo maheshwara..!

 

….kuchh log kahete ki guru ki diksha lene ke baad hanumanchalisa nahipadhani chahiye…..aisa nahi hai…hanumanji shiv ji ke awatar hai …jo shiv hai wo hi guru hai…jo guru hai wo hi shiv hai…aisi guru ke liye hanuman chalisa  se  prerana milati hai…

 

ek bahen ne bataya ki shikago me us ki saheli ne cassette di Bapuji ki …sunate sunate cover me bapuji ki jo tasbir thi to us ko us tasbir ke baju me hanuman ji bhi dikhane lage..mano kahe rahe the  ki jaha pahunchana chahata tha waha pahunchaya na?…us bahen ko huaa ki swapna hai…phir se wo uthi andar ke kamare me gayi phir se baahar aake dekha to  phir bapuji ke tasvir ke paas hanumanji ki tasvir dikhayi di….vo bahen  bharat me aayi..Bapuji se  dikhsa lekar gayi..

 

puny ho to  amerika se bharat door nahi lagataa…lekin kayi aise bhi honge ki  indore me rahete honge lekin satsang ki jagah nahi aa payenge..aise logo ko shivji kahete,  “aise log meri drushti me abhaagi hai…. jo satsang bhakti ko chhodkar sansari chijo me aasakti karate hai”

..jo sachche bhakt hai wo aisa bhav rakhate ki , “sada karu teri sewa”….aisa nahi ki ashram me hi sewa karate hai….har jagah sewa hi dikhayi deti hai un ko…….aur koyi sewa nahi kar sakate to bhi apana udhdar karane ke liye apana sadhan bhjana niyam se kare to ye bhi badhiya hai…:-)

 

mere gurudeva karu teri sewa

karu sab mai arpan sharan de do dewa

mere guru dewa  ll

 

teri wani guruvar ye sukh ka hai saagar

teri bhakti se hota saty ujagar

tera hi sahaaraa,  tu hai sab se pyara

teri sewa se milata mukti ka mewa

mere gurudewa.. ll1ll

 

 

tujhe prem karane se mann hota paawan

tu lagata humhe jaise khushiyo ka saawan

tuhi pyas sab ki , tu hi aas sab ki

teri priti hum ko rus de do dewa

mere guru dewa…ll2ll

 

jo bhatka huaa bhi sharan teri aata

wo rahemat se teri hai sab kuchh paata

tu sab ka hai malik, tu dindayaala

humhe apani bhakti ka var de do dewa

mere guru dewa…. ll 3 ll

 

 

tera prem janamo ki bedi hai kaate

tu apani krupa ko sahej me hi baante

tu hi sath mere, tum hi nath mere

jo tum se mila vo dagar de do dewa

mere gurudewa…. ll4 ll

 

tere darshano se milati hum ko shanti

tere gyan se mitati hai bhranti

tu saahas bandhata hai, jeevan sajaata

tumhe khush kare vo karam de do dewa

mere gurudewa… ll5 ll

karu teri sewa..

karu teri sewa…

 

vivek virodhi karm galat hai , lekin guru jaisa kahe wo karana paropakar hai…. sewa hai

 

kal shani pradosh hai…shani pradosh ko nisantaan pati-patni ko chahiye ke aaj ke din vishesh rup se gurumantr jape… mansik rup se shiv ji ka pujan kare….

 

mrutuynjay mahadev

trahimaam sharanagatam l

janm mrutyu jaraavyadhi

sansar bhaynashanam ll

 

karje se mukti mil jaaye isliye  mangawar ke pradosh ke din kaanse ke thali me haldi se tikon bana ke pushp arpan kare…daivi sahaayata milegi …

 

aaj guru gorakhnath aur vishwarama ji ki jayanti hai ..

“om shri vishwkarmane namah ll”

 

Ye maghi poonam ka satsang gudgaav me ho isliye kitani baar aaye poonam ke liye..bapuji ne un ko naa dekar is baar magh maas ka karykram indore me diya…ye bahot  pavitr kalyankari purnima hai.. aap sab ke punyo ne shradhda ne gurudev ko yaha bula liya…

 

himalay ke yaha jaise hi un ki beti  paarvati badi ho gayi to   narad ji apane aap khinche waha pahunch gaye….aise hi yaha ke bhakto ki sharddharupi parvati badi huyi to gurudev khinche chale aaye..!!

 

nahi to aise bhi log hote hai ki , ‘paisa mera parameshwar,  patni meri guru,  bachche mere shaligram pujaa kis ki karu?’ :-)

 

mere baju me ek vrudhd aadami  baarbaar mobile dekh rahe the..bole khushkhabari hai!…. lanka se bharat jeet gaya..!…aap bhi to jito… aap kyo zero pe out ho ke jaa rahe?….jindagi bhar paisa kamaate rahe… visa lekar kaha kaha pahunch jaate… ye sab karate…lekin  jo dhan marane  ke baad bhi sath jayega vo dhan nahi kamaate….aise  vivek virodhi karm  hi jinho ne kiye hai,  to baki ka arth hi jarur anarth karega ..

 

koyi bolate , ‘phalana daan pun khub karata hai’ …to phalana daanpun karane se swarg chala jayega,  puny khatam hone ke baad phir giraya jayega….bhagavat gita me padho…

 

ek aadami swad-sukh ka shokin tha… ekadashi ko pohe khata… vrat upvas nahi karata… ek din patni ke sasural gaya…patni ne kaha cum khana …damad aaya isliye jyada vyanjan banaaye the… damad bhi ek gras me ek puri kha raha hai..saans kaise manaa karati?… patni ne ishara kiya, ‘ ek gras me ek puri nahi khao’ …to aadami ne us ka ulata arth lagayaa…patni shayad kahe rahi ki ek gras me ek nahi, 2 khao!…to 2 -2 puri ek gras me khane lagaa…. saas bhi thuk gayi…dhire se puchi ki apa khana khate huye bich bich me pani nahi pite kya?….to damad bola,  “aadha khana khata hun na tabhi pani pita hun!”…..to saas samajh gayi ki abhi tuk to aadha khan abhi nahi huaa hai!…..

itane me damad ko apani maa ne batayi huyi  baat yaad aayi ki , ‘bas bas’ bolna…… vivek karana thoda….   saas ne chawal parose… katori me ghee daalane lagi….damad ko yaad aaya ki , ‘baas baas’ bolana hai…. katori khali huyi….jab katori khali  huyi tub vo bola , “ baas!”………to arth ulata ho gaya !!mane itana hi ghee tha kya ghar me…ye vivek virodhi karm hai..

 

ek aadmi ne sharab pi thi…nashe ke karan tala nahi khul raha tha night duty wala watchman bola ki laao saab mai khol deta hun…to sharabi aadami bola, ‘nahi nahi  ,…tum baas ye makan ko pakad ke rakho…. mai khol dunga tala!”

aise vivek virodhi karm karanewala uphaas ka patr hi banataa hai..

 

apane gurudev ki maa ko dekho kaisa vivek! Bapuji jab adhayi tin saal ke the tab se…

 de de maakhan mishri  kuja l

maa ne sikhaya dhyan aur puja ll

dhayn ka swad laga tub aise l

 rahe naa machhali jalbin bin jaise ll

 

ye vivek virodhi karm nahi,  bapuji ne jivant prerana di hai!!

 

a-kartyavy vivek virodhi karm hai..desh , kaal se sambadh jod ke baith gaye ye vivek virodhi sambandh hai…

ek din aayega ki is janam ke bhi sambandh yaad nahi rahega..

mai ye nahi kaheta ki ghar chhodo lekin vivek virodhi sambandh nahi badhao…..

ek  college yuvak ne college ki   yuvati ko dekha ….mai tum se pyar karata hun bola aur dharam badal ke shadi kar li…. 2/3  saal bite…ab kya huaa? Nind ki goli khani padi maran eke liye……aur shadi se pahele bolata tha ki , ‘maine puchha chand se dekha hai kahi,mere yaar sa hasin?”

 tu kab chand se puchhane gaya tha? chand tum ko kaise uttar dene laga?…..kavi bhi aisi kalpanaye kar ke likhate ki arre arre..

 

aaj kal to bhajan bhi aise gaate ki , “maa muraade puri kar de halava baatungi!” ……maa bolegi halava tere paas rakh!… ishwar ke gale ka haar bano ishwar ke sir ka bhaar naa bano..

ramkrushn ji ko cancer huaa to log kahene lage maa kali ko kaho to paramhans ji bole ,  dubaaraa naa kahena ….bhale sharir jaye to jaye! meri bhakti ko bechane ke liye nahi ki hai.. … bhakti bech ke tandurusti paau?…aaj kal log jara jara baat me bhakti bechane ko taaiyyar ho jaate..

 

tere phulo se bhi pyar… tere kaanto se bhi pyar! Aise bhav ho..

 

bapuji aisa gyan dete us ko apane jeevan me aatmsaat kare  aur vivek virodhi kamr chhod de, vivek virodhi chintan chhod de…

 

 

lobh , moh ye vikar hai….paisa kamaao…paise kamaane ko ved bhagavan ne naa nahi kahaa hai ..(barkat ke liye)

-         shanivaar mangavar ko pipal ke mul me ek lote me dudh aur pani daalo.. 10 baar bhagavan ka naam bolo…

-         snan karate samay snan ki balti me desi gaay ka dudh thoda sa milakar snan kare…

-         ya kabhi kabhi desi gaay ke dudh ki dahi sharir pe malkar snan karo ..

-         balti me sone ka koyi nug – sone ki anguthi daal di , yaa sone ki  chain daal di, us se snan karo..

-         om hrim gangaye l om hrim swaha ll

-         ye puny dayi snan hai ghar me agar koyi ratn ho, hira ho to  wo pani me daalkar snan kare..

-         lekin gurucharano ka smaran karate huye kiya snan sab se punydayi snan hai..

 

 

satsang ki diksha shiksha kalyankari hai

 

jag me nahi koyi aisa ,mere guruvar jaisa

gyan bhare guru aisa, phir sukh dukh kaisa?

japate rahe tera naam , tere sharan sukhdhaam

 

hum daata hai sharan tumhari

tere hawaale dori humhari

tum rakshak ho sankat haari

tujh me basati duniya humhari

japate rahe tera naam

tuhi krushn aur raam… ll1ll

 

in ke vachano ko jo bhi jeevan me laata

wo path ki badhao se phir naa ghabarata

pyara guru ka naam , guru ki sharan sukhdham ll 2 ll

 

 

in se lag jaaye lagan jo phir kuchh nahi bhata

in ki bhakti ke jaise sukh najar naa aata

japate rahe tera naam, teri sharan sukhdham ll3ll

 

ye hi dharam gyan aur mukti shanti  ke daata

wo dhany hai jo shradhda se in ko hai dhyataa

japate rahe tera naam , tuhi Krushn aur Ram ll4 ll

 

to sabhi ke charano me meri khas prarthana hai hath jodkar ki 4 ka dhyan rakhe ..bhagavan shiv ji ko prarthana kare ye 4 humhare jeevan me naa rahe:-

1) vivek virodhi swikruti

2) vivek virodhi karm

3) vivek virodhi sambandh

4) vivek virodhi chintan

 

 

bhutkaal ki smruti aur bhavishy ki kalpana ye vivek virodhi chintan hai..

 

samay bit jane pe pachhataate hai… bhavsagar me log bichare dub jaate hai ..sajagata ki bahot aavashyakata hai..

 

mumbai ke karykram tha 29 tarikh ko sham ko dharmraksha manch samiti gathit huyi thi…  sant samaj , 13 akhado ke mahant aur un ke pramukh sant gyandas ji mahajraj bhi virajman the… kayi sampradayo ke mahatma aaye the …un sab ne kaha ki , aaj ki hamaari sant sabha ke adhyaksh Santshri Asaram ji bapu hai… karykram bahot sundar huaa …sabhi bahot raji huye..ninda karane wale kuprachar karane wale sochate ki  hum satsang me janewale ki bhid cum kar denge..lekin  makadi kitane bhi jaale banaye,  vo tikaa nahi karate ..nasht ho hi jate hai …

vigyani research karate ki abhi shrikrushn bhagavan  ke shabdo ko pakadane ki koshish kar rahe(bhagavan shrikrushn ne mahabharat yudhd me gita satsang diya tha, satsang ki aisi mahima hai)… bhagavan kare un ki research yashaswi ho jaaye..kuprachar walo ke shabdo pe vigyani research nahi karate…

 

 

shraddaaloo ke dil me bhakti ki ganga baheti hai …sab shabd kuprachar walo ke bahe jate hai….

 

vastu aur vyakti ka chintan se dukh nahi mitate… sukh dukh karm sapeksh hai…us me  jadata hai… jhanjhat hai… isliye wo tyagane yogy hai… sansar ka chintan tyagane me  ‘jeevan rasayan’ ‘nirbhay naad’ ye pustake madat karengi …bahot haani hoti hai vivek virodhi chintan se…

 

ek seth ke paas ghee ka ghadaa tha…mitti ka ghada tha…seth ne ek ladaka dekha to puchha ki  le chalega ghada?… ladake ne haa ki…seth ke pichhe jaa raha tha sir pe ghada utha ke…. par mann me kalpana karate ja raha tha ki ab seth rupiye dega..us se murgi kharidunga… murgi ande degi.. un paise se aur murgiya kharidunga…aur ande ..aur murgiya… poltry farm banaungaa… gaay bhaise kharidunga… dudh, dahi, ande, ghee bechunga.. paise kamaunga to  shadi ho jayegi… bache honge ….jab sham ko ghar lautunga to bachhe bolenge papa is ne mera pencil tod diya…mai bolunga , ‘kya mera sir khapa rahe ho?’ aisa bolate bolate sir ka ghada de mara!… ghee mitti me mil gaya!!…seth bola , ‘mera ghee mitti me mila diya1’….. ladaka bola aap ka to ghee gaya, meri to puri gaushala , poltry farm kharab ho gayi… puri gruhasthi kharab ho gayi!….. is ko vyarthy chintan bolate..

 

sarthak chintan maane apane isht guru ki apane guru ke dwar ki smruti ye sarthak chintan hai… is se sadhak ka kalyan hoga.. 84 lakh yoni se chhut jayega..guru dwar ke liye sant gyanshwar bahot bolate the..

 

‘sat’ ke prem ko asat ki aasakti ne achhadit kar diya hai, dhuk diya hai…..satsang isi liye bataya hai..

 

satsang se aasakitya mit jati hai …nity prapt hai vo sada prapt lagata hai… guru ki krupa isiliye hai..avivek ke karan kaamanaye uthi wo nasht ho jaaye..

kal paraso ki baat hai ki kisi ne mujhe kaha ,  maharaj ji kuchh aisi baat bataaye ki man me rahi huyi baat nasht ho jaaye, mann ki ichha khatm ho jaaye….. maine un se kaha,  “bhaisaab man me koyi bhi wasana hoti nahi hai… pen me likhane ki ichha hoti hai kya? Bole , “nahi…”

“car me chalane ki ichha hoti hai kya? pump me chalane ki ichha hoti ki mai pani upar chadhaaun? Bole, “nahi..”

 ..aise hi mann me koyi ichha nahi hoti…mann me sang ke karan galat wasanye aa jati hai… satsang suno to pata chalata ki samudr ki ek bund pani pure samudr ki khabar hai..

 

aasman se pani barasata dharati bhig jati

dharati barase ambar bhige aisi viralaa hote koyi..!

aise apane viraatataa ka pataa chale….

 

abhi bapuji aayenge sabhiko satsang darshan ka labh hoga…kabira darshan sadh ke sahib aawe yaad…. bade bhagy se aisa avsar aaya hai…

 

sab se sundar sab se pyara hai guru ka darbaar

hum karate hai is dware ko vandan baarambaar

kabhi vishwas naa tute , guru ka dwar naa chhute ll

 

teri bhakti se banate hai bigade kaaraj saare

tum hi mukut mani ho tum hi sartaaj humhare

teri sharan me aakar humne paya sachcha saar

kabhi vishwas naa tute guru ka dwar naa chhute ll1 ll

 

jhat se daude aate jo dil se tumhare pukare

deh kahi bhi raheti tum rahete paas humhare

tere charano me hi basaa hai bhakto ka sansaar

kitana sundar kitana pyara hai guru ka darbaar

hum karate hai is dware ko vandan baarambaar

kabhi vishwas naa tute , guru ka dwar naa chhute ll 2 ll

 

 

bapuji padharane hi wale hai ..jo paheli baar aaye hai divy prerana pustak jarur sath le jaaye swayam bhi padhe dusaro ko bhi padhaye…

 

hari om……

 

Hari OMmmmmmmmmmmmmmm

Hariiiiii OOOmmmmmmmmmmmm

Hariiiiii OOOOmmmmmmmmmmmm(plut uchcharan)

 

Om shanti.

 

 

Hari Om!Sadgurudev ji Bhagavan ki Jay ho!!!!!

Galatiyo ke liye prabhuji kshama kare…

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

About these ads
Explore posts in the same categories: Shri Sureshanandji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


Follow

Get every new post delivered to your Inbox.

Join 20,185 other followers

%d bloggers like this: