Budhdi Yog….

7th Feb.2009, 6 pm IST, Indore Satsang_live

*************************************************

Sant Shiromani Param Pujya Shri Asaramji Bapu ki Amrutwani ke kuchh ansh :-

*************************************************

 

 

narayan narayan …..

(music band aur parade se sadgurudev ji bhagavan ka swagat ho raha hai…jayjaykaar gunj raha hai…Sadgurudev ki jay ho!…Indore satsang pandaal me aakhari tuk Sadgurudev ji Bhagavan bhakto ko darshan ka labh de sake aisa manch taiyyar kiya hai…Sabhi bhaktgan Shri sadgurudev ji bhagavan ke pavan paawan darshan se labhanvit ho rahe hai….)

 

mulakati manch hai…!shabas hai!

 

om namo bhagavate vashudevay

pritidevay ….shantidevay…. mam devay..

narayan narayan narayan narayan

 

deedar baji !hari raji !! 🙂

shabas hai…

 

bahot gayi thodi rahi vyakul mann mat hoye l

dhiraj sab ka mitr hai kari kamayi mat khoye ll

to kya karoge lala?

hari hari ommmmm

 

 

 

indorewale lala laliya kya haalchal hai?

mauj me hai?… baal bachhe khush hai? man budhhi madhur hai?:-)

 

jyot se jyot jagaao(aarati ho rahi hai…)

 

bhagavan kahete hai , “budhdi yog se upasana karanewala mujh parameshwar ko paa leta hai”

 budhdi yog kis ko milata hai ? bole

“jo mujhe priti purvak bhajata hai vo budhdiyog ko paata hai”

 Bhagavan se priti kaise ho?

jo bhagavan me apanaapan ho to priti hogi…

 

bhagavan apane antaryami banakar baithe hai.. jis ne bhi in ki upasana ki us ne us ko paa liya..budhdi yogi sansar sagar se paar hokar us ko paa lete hai….rahidas ji ho, kabir ji ho,  eknath ho,  dhanna jaat ho…. shabari ho yaa shandily kanya ho …jis ne  bhi bhagavan ko priti purvak bhaja,  un ko budhdiyog mila….

 

jin ka  samaj se upekshit koyi muly nahi tha,  wo bhi satsang ke dwara anmol ho gaya !….isliye kahete hai..satsang ki balihari hai…

 

ek ghadi aadhi ghadi , aadhi me puni aadh l

sadho sangat sadh ki hare koti aparadh ll

 

satsang se karodo paapo ka shaman hota hai…chitt me bhagavat vishranti aati hai….

 

omkar swarup ishwar ka chintan karate jaaye…. mann ki chanchalata shant karate jaaye…. is se bada vaibhav prapt hota hai….. jis vaibhav ko yaha ke chor-lutere hi kya  sarakaar nahi chhin sakati… jaha  maut ki bhi daal nahi galati aisa vaibhv hai…!!

 

mujh satswarup chetan swarup aannad swarup ishwar me chitt lagaao… budhdiyog ki upasana karo… baahar ke mandiro me bahot gaye ….ab mujh antarayami mandir me aanaa…. bahar ke mandiro me gaye to hech karatyavaym,  karytyam  kare khuda karate karate khuda jo khud  hi hai us ko samajh le….

 

dukh khud nahi hai,  dukh ka prakashak khud hai…

sukh khud nahi hai, wasana veg se pratit hota hai… par-prakash hai…sukh dukh jis se prakashit hota hai wo  mujh chaityany ke khud ke prakash se prakashit hote hai….

 

bhagavat gita ek aisi sundar chij deti hai ….

         bhagavat gita dhan dekar tumhara dukh nahi mitaati… kyoki dhan se sukhi hote to sabhi dhanwaan sukhi hote…

         bhagavat gita tumhare shatru ki taang todkar sukhi nahi banaati, kyo ki jin ke shatru ke taang todi ve bhi sukhi nahi huwe hai…

         bhagavat gita tumhari wasana ki chij dekar tumhara dukh nahi mitaati …

         gita tumko swarg ka jhansaa dekar ya narak ka  bhay dekar apane  paas  nahi bulaati…

          tum jo bhi karate us me apani budhdi ka yog kar do..Baas!

tukaram maharaj bhagavat me varnit budhdiyog ka ashray lekar apane param tatv ko paa liye…shivaji ne un ke charano me ashray liya tha… ..

durbhiksh aaya,  gras ke liye tarasana pada… bole ye bhi badhiya kiya!… narayan durbhiksh aur diwala humhe sweekar hai…. prakruti aur prarabdh se huaa….gaay mar gayi khet-khali chhut gayi..to bhi bole,  “wah wah maharaj! jite jee aasakti todi…!!

is bahane tumhara chintan to bana raha ….mere sath tumhara abhinn sambandh hai …tum sarv vyapak ho dindayal to mere sahit ho na prabhuji? anatar se aawaj aayi, “ haa maharaj..!”

 

mitr ruth gaya , tum param mitr mere sath ho!… ye budhdi yog hai !….pita chale gaye to jagat ke pita tum mere sath  hai..dravy chala gaya, yash chala gaya .. ..to  maranewala sharir chala jata to us ka dravy aur yash kab tuk?

..ye sansar nissaar hai …saar swarup mere aatmdev aap hi ho….

 

satsang se vivek jagata hai..

sadvichar se vivek jagata hai..

dukh dekar bhi prabhu tum vivek jagate ho..sansar se sukh bhogate bhogate patange ki naayi maut ke god me jana pade , us ke pahele hi jagaate prabhu!… tumhari mahima aparampaar hai parameshwaraa…jo log aatmsammohan me pade rahete,  ‘itana mera dhan,  itane mere log mere liye marmitane ke liye taaiyar aadi’… wo aatmsammohit ho rahe hai..

 

 

duryodhan kaheta tha , hajaro mar gaye to kya?… lakho mere liye marmitane ko taiyyar hai…ye aatmsammohan maut ke khayi me dhakelataa hai..puny se , prarabdh  se,  bhagavat anugrah se ye chije milati hai..is ka sadupayog karo..wo chije chali jaaye to bhi budhdiyog me raho..

 

budhdiyog se aadami phasata nahi, itarata nahi..manushy ko apane aatm paramatma me aaram pane ki shakti budhhdiyog deta hai…

 

puri shakti buddhimattaa se kary kar daalo to waasana shant hote hi budhdiyog ka prasad milega ….vishwas purvak anant bramhand naayak parameshwar humhare hai ye bhav drudh rakho……humhare paida hone ke pahele maa ke sharir me dudh taiyyar kar diya… naa thanda,  naa garam…. jab chahiye,  jitana chahiye sakur sakur piya …..ganda hota nahi , jhutha hota nahi ….ye kaisi vyavastha hai..!! prabhu ki us sundar vyavastha ko dhanywad de to budhdhi badhegi …

 

dusare ka gyan badhana… prasannata badhana…. nirbhayata badhana ye budhdi hai…. aatma shashwat hai to dusaro ko daraao nahi… ye budhdhi yog hai….

 

 aatm vishranti badhao ye budhdi yog hai ..

 

aatma aanandswarup hai …aapana aatm vishranti sukh badhao …dusaro ka bhi badhaao…. bhagavan chetan swarup hai…. gyan swarup hai… karuna-varunalay hai …

marij ne jo galati ki us se rog hua to vaidy marij ko dand nehi deta,  upaay bataataa hai…aise buddhik gadbadi huyi to paramatma ke sharan jaaye…galati huyi to paramatma ke sharan  aa jaao….”aao mere  mere laal !” parameshwar baahe pasaare bula rahe.. “mere paas aa jaao!” … maran dharma sansar me amar sukh ka aaswaadan karo…. nashwar sansar me shashwat meri priti ka anubhav karo… dukhad sansar me paramatma ki sharan aa jaao..!!

 

tvamev sharanam gachha

sarv bhaaven bharataa l

tatprasaadat param shanti

sthanam praptasi shashwatam ll

 

ye nashwar sharir se , sansar se saawadhan ho rahe to mujh paramatma ke sharan aao..

is dhokebaaj sansar se sambhalana chahate to vishwasghat naa karane wale , sadaa tumhari suraksha  karanewale, suhurd-ta ka param parichay denewale parameshwar ki sharan aa jaao..!

 

sarv bhaaven bharataa…..

 

dusari baat :- vivek purvak kaam karo… aasakti badhane ke liye nahi.

 

vishwas rakho ki anant bramhand nayak jo mere rom rom me ramanewale paramatma hai wo hi humhare suhurd hai.. hum ne koyi na koyi satkarm kiya hai us ka phal mujhe satsang denewale paramatma mere hai..!!

 

jis labh se adhik koyi labh  nahi , jis labh se bade se bade  bhari dukh se chalaaymaan nahi ho wo hai param labh…!

 

paramatm aatm prapti rup jis awastha me sthit hai us ko pana sab se  bada labh hai ..dhan-labh badaa labh nahi hai..saundary labh badaa labh nahi …..marane ka bhay mit jaaye, aisa labh paao….

 

tumhe mrutyu ka bhay nahi hona chahiye… jaha ‘mai’ hun waha maut ki daal nahi galati… jine ki ichha chali jaaye…kuchh paane ki laalasa chali jaaye..arthat bhay , jine ki ichha, paane ki laalalsa ye 3 aaye to aap ne jeevan jine ka path pakka kar liya..!!:-)

 

ravan sansar se vida hone ka swas gin raha tha..shriram lakshman ko kahete , ‘dharati se mahavidwan, mahan pandit, vedo par vyakhya likhanewala pandit ravan dharati se vida ho raha…un se kuch updesh paa lo”

lakshman ravan ke paas gaye, pranam kar ke sirhaane khade ho gaye….ravan kuchh naa bola….

shriram ji lakshman ko bole, “gyan sir pe chadhakar nahi, charano me jhuk kar liya jata hai !”

..shriram ke sath sada rahete phir bhi sanyam ki murti laksham ko bhi satsang ki jaruruat padati hai .. ‘lankesh, dashaanan ,purusharth, udyami, saahasi’….. jis se gyan lena hai , us ka sadgun bhi bakhaan karo….. “parakrami… aap ke jeevan ka saar jo ho,  mujhe updesh me  mil jaaye to  badi krupa hogi…” lakshman ne hath jode…  ravan dashanan prasann huye…..

mithe vachan shatru ko bhi prasann kar lete…. kapat rahit mithe madhur vachan bolana sikho… tu tadaka ki bhasha ashanti phailati

……

tulasi mithe vachan sukh upaje chahu aor l

 

lakshman ne mithe vachan bol ke gyan ki mang ki ravan se….

 

ravan bole, “bhaiyya jo kaam karana chahiye vo tatparata se kar daalana chahiye…. kal paraso pe nahi rakhana chahiye…”

 

dashaanan ne kaha,….. rawan me kitani pardukh katarata thi is vachan se pata chalata hai…

“…mai chandrama ko nishkalank banaanaa chaahata tha…. jaise poonam ko shukl paksh ka chandrama amrut barasata aisa banaana chahata tha…roj aise chandr ka uday ho..aisi kalpana to aaj ke scientist nahi kar sakate….kaisa ravan scientist rahaa hoga!…samudr jo khara hai us ko mai mitha karana chahata tha…swarg se amrut laake devo ko prasann kar ke samudr ka kharapan mitana chahata tha..aisi yojana banana chahata ki sidi se jo chahe swarg jaa sake, aa sake… manvi yogyata badhaanaa chahata tha..mera chautha(4th) sankalp tha ki dhuwa rahit agni ho.. aaj ka jaagtik vikas hi vikas hai kya? ye yojana ke liye aaj bhi koyi soch sakate hai kya?:-)

 

…to rawan bole, “ye 4 yojanaye mere jeevan me adhuri rahe gayi..”

 

 …kaise kaise log ho gaye !…lekin baahar se sukh lenewale wasana ne ravan ko kahi ka nahi rakha…..aur wasana se upar uthkar shabari bhilan budhdhi yogi ho gayi..  kabir ji,  nanak ji, lilashah Bapuji budhdiyogi ho gaye…raja parikshit 7 din me us parmatm sukh ko paakar muktatma truptatma ho gaya..

 

shraddhaa thik hai , lekin akela shraddhawan thuga jata hai… phisalata raheta hai…. jaise manushy 2 pairo se chalata hai,  cycle 2 pahiyo se chalayi jati hai, pakshi 2 pankho se udaan bharata hai,  aise humhare dahe nathune se sury tatv aur bahe se chandr tatv ki shakti milati hai to kabhi kabhi dono nathune chalate to sushumna ke dwar khulate hai..

 

sadharan budhdi to kauwe kutte ke paas bhi hai… santaan paida karane ki budhdi,  sankat se bhaagane ki budhdi to khatmal ke paas bhi hai…. manushy ki visheshata hai ki budhdi me mahan yog bhar de…aur budhdi yog se budhdi me bhagavat gyan , bhagavat vishranti aur  bhagavat priti bhar de..

 

 

… sabhi sukho ke laalach pe pair rakh ke paramanand pana hai ..sukh  me , paramanand me kya pharak hai jano… dukh ke prabhav ko jaano… .. dukh bhaybhit karata , kamjor karata …dukh ka bhogi na bano wasanase,  laaparwahi se, bewkufi se dukh aaya us me apane ko pingalao mat ….dukh ka prabhav chhut jayega , sukh  ki laalach se dukh ko dabaaoge to sukh se dukh dabega lekin sukh jane pe phir se ubharega…

 

Koyi bole ,’phalane ne dukh diya’ to wo kuchh nahi janataa..

 

ko kahu ko sukhdukh kari data

nij krut karm phal bhogi bhrata

 

bhagavan ram nidra kar rahe the,  bhil raja nishad chauki kar rahe the.. bhilraj ko dukh huaa ki  kaikey naresh teri kumati wali putri ne shriram dukhad vanwas de diya..nishad raj kaikeyi ko kos rahe the..lakshman ko bole, kaisa kuchakr chalaa diya kaikeyi ne… sukh ke din ko kaise dukhad awastha kar di…

nishad raja ne socha ki lakshman  prasann honge lekin lakshman kahete, kaikeyi maiyya ko koso mat …koyi kisi ke sukh dukh ka data nahi …har koyi apani apani murkhata se dukh ka phal bhog rahe hai… !…to nishadraja chauke…bole aap kahena kya chahate ki Shriram ji apane karmo ka dukh bhog rahe?….

lakhman ji bole, “dukhi to aap ho rahe hai..ram ji to chidghan chaityany me aaram kar rahe…. un ke liye rajtilak  aur vanwas dono  bhi samaan hai..!

 

khun pasina bahata ja,

taan ke chadar sota jaa. ..

ye naav to chalati jayegi ..

tu hasata jaa yaa rota jaa..

 

 4 prakar ki bewkufi hai budhdhi me…budhdhi yog se ye mita do..

1) abhinivesh :- sharir me ‘mai’ pana manate ye bewkufi hai…baap ki baat mankar beta bewkufi chhodata aisi aap bhagavan ki baat mankar sharir me ‘mai’ pana chhod do..aur

2)abhiman :- vastuo me ‘merapana’ chhod do….mitr shatru se raag dwesh paida hota hai…abhimaan chhod do…

3) asmita :- ye sharir mai nahi hun…raag aur dwesh mite ….to Asmita aa jayegi …avidya drudh hogi..asmita mane ‘ mai aisa hun waisa hun’..asali mai ko khojo…to asmita tumhari choti nahi pakdegi …..

4)avidya:- avidya  maane jo pahele nahi baad me nahi us ko vidyaman maanati, us ko sachha maanati us ko a-vidya kahete..

aatm vidya se avidya ko mitao …

 

 

4 prakar ki budhdi batayi hai bhagavan ne….

1)dharm budhdi se abhinivesh cum hota hai

2)vairagy budhdi se sanyam badhega

3)bhakti budhdi se deh-abhiman mitega sharir sat nahi lekin chaityany-swarup aatma sat  hai..

 bhakti se asmita mitao abhiman mitao

4)gyan budhdi se nasamajhi mitao

tatvgyan se nasamajhi mitao

 

 

drave jab raghunath tub deve sadhusangati..

binu panypunj mile nahi santa..

sadhunaam darshanam … se paap taap ka nash hota hai….

 

 

marane ke baad tum kuchh paao aisa mai nahi bolata, mai chahata hun ki jite ji tum paa lo…..!!

 

 

kuchh samasya hai to 6 minute 8 minute dekho bhagavan ko / guru ko to margdarshan mil jayega….

 

 

dhanyo mata pita dhanyo gotram dhanyom kulodbhavet l

dhanyach vasudha devi yatr syat gurubhaktita…ll

sabhi ko dhanywad hai…karodo karodo logo tuk satsang pahunchanewalo ko dhanywaad hai..

 

madhur madhur naam (madhur kirtan ho raha hai..)

 

magh maaas ka snan bahot punydayi hai..agar pura mahina nahi kar paaye to bhi kal paraso jarur kar lena magh maas me sabhi jagaho ka jal “tirth jal” hi  mana jata hai… apane ghar me nahao to bhi samjhana ki ganga jal se hi naha rahe hai…subah jaldi nahanaa…bahot punydayi hai….

 

 

 

aisa koyi samrthy hi nahi jis ka bhagvat vishranti se  udgam nahi hota hai….mere gurudev ki shakti kaha se aayi ?vishranti se..bramha ji me srushti karane ki shakti kaha se aayi? bhagavat vishranti se..bhagvaat vishranti samarthy ki janani hai….tumhe jo chahiye wo tumhare sath hai,  paas hai..kahe ko be-imani karo….swabhavik bhagavat vishranti paao…

aalasy, palayanwaad ka naam vishranti nahi hai….apane kartyavy ko imandari se kar ke kartyavy ke bojh ko utaar ke apana asali kartyavy kar ke chitt ki vishranti pana hi tapasya ka phal hai….

raat ko sone se pahele shant swarup aatma me vishranti..subah uthate hi aatma me vishranti 2 minute…kaam ke bich bich me bhi thodi der usi me vishranti…aankhe mund ke baithana hi vishranti nahi hai…ashant ko sukh kaha aur shant aatam ko dukh kaha?

 

….jo shant aatma ko sukh hota hai , wo bade bade samrato ke bhagy  me kaha?samrat hona sab ke bas ki baat nahi lekin shant aatma hona sab ke bas ki baat hai!!!!

 

 

dhanbhagi ve hai jo gurumukhi hai, satsangi hai…

daru pina, gomaans khana aatmjyoti se dur jana hai..4 mahapaatak hai ….bramhan ki hatya, gurupatni gaman , gomaans khana aur surapaan ye 4 mahaapaap hai ..jo bhagavan se vanchit kar de wo mahapaap hai….

 

 

bapu ke bachche , nahi rahete kachche….

un ki shradhda tod de aisa jamaane me dum nahi

hum se hai jamana , jamaane se hum nahi !!!!!

 

narayan narayan narayan narayan

 

om shanti.

 

Hari Om!Sadgurudev ji Bhagavan ki Jay ho!!!!!

Galatiyo ke liye prabhuji kshama kare…..

 

 

 

 

 

 

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: