“swabhave vijayati shauryam l”

 

15th Nov.2008, IST 5.30 pm. , Kota Satsang

*************************************************

Sant Shiromani Param Pujya Shri Asaram Bapuji ke  Satsang Amrutbindu  :-

*************************************************

 

om namo bhagavate vasudevay..

aarati ho rahi hai..Om jay jagadish hare….

hari ommmmmmmmmmmm

 

..gulab gulabi rang deta isliye gulabi hota…ulhasnagar me bapuji ke swasthy ke liye jap yagy kar rahe hai..mai to swasth hun..lekin  dusaro ke liye jo sadbhav deta hai , unhi ko labh hota hai….niswasrth bhav se dusaro ke sadbhav rakho to sadbhav rakhenwale ko hi vishesh phayada deta hai..

 

manushy me itani sari sushupt shaktiya hai ..lakhava hissa vikasit kiya hai baki sushupt khajana hai…

 

tan kar, man kar, vachan kar det naa kahu dukh

 

aap burayi se bach jaaye… kisi ka bura nahi sochana , kisi ka bura nahi karana to achhayi aap ke swabhav me hai… raat ko kuchh nahi karate to bhi nind me jaise  din bhar ki thakaan mitati…aise  agar apana asali swabahv  jaankar paramatma me vishram ho gayaa to  ve satpurush ho gaye, ve  mahapurush ho gaye…

 

…sushupt yogyataaye sab ke andar bhare hai… satsang ke dwara jitana hissa vikasit hota utana jeevan prabhumay aanandmay hota …

 

Shrikrushn bhagavan ke priy bhakt  udhdav puchhate, “prabhu  sab se adhik bahaaduri kaunsi chij se aati hai?” .. ye  bhagavat me aata hai..

 

Bhagavan shrikrushn ne uttar diya,  “swabhav se lobh vrutti aayi, bhay vrutti aayi,  ahankar aaya to lobh, bhay, krodh, ahankari vikaro me khapa rahe.. to apane asali swabhav ko nahi jana…in  vikaro pe vijay paakar apane asali swabhav me jaagana sab se badi bahaaduri hai.. kaam aaya…kaam aane se pahele kaun tha..baad me kaun hai?…. chinta aayi..chinta ane se pahele kaun tha…chinta chali gayi ab kaun hai?

 ..bhay aaya, bhay aane se pahele kaun tha… bhay ke baad me kaun hai?…   koyi baat man ke anukul nahi huyi to shok hota..aur bhavishy ki  kalpana se ki ye baat anukul nahi hogi to aanewali ghatana se bhay hota hai ….ye vedant vidya sunane matr se aap ne bahot tap kar liye….sare tirth karane ka labh ho gaya…aap aisa satsang sun rahe  ..koyi sadharan kaam nahi kar rahe…

snaatam  ten sarv tirtham ….aap logo ne sare tirtho me snan kar liye…

daatam ten sarv daanam…sare daan kar diye..

karten ten sarv yagyam…sare yagy kar liye…

yen kshanam bramhvicharam mane sthirah…l

  …..ek kshan ke liye jis ne bramhvidya me man sthir kar liya us ne sarv tirtho me snan kar liya…sare daan kar diya …sarv yagy karane ka phal paa liya ..ye  satsang aisa hai ki sidha bhagavan ke god me chale jaaye….kangale ko karodpati hone me kitana samay lag jayegaa koyi bataa nahi sakataa… lekin vohi kangala agar raja ke athava karodpati ke god chala gaya to usi kshan karodpati ho gaya !!… aise ye aatm vidya sun ne matr se aap logo ne sare puny kar liye ….sare tirth kar liye ….sare daan kar liye…….

snatam  ten sarv tirtham

daatam ten sarv daanam

karten ten sarv yagyam

yen kshanam bramhvicharam mane sthirah….l

 

sidha bhagavan ke god me pahuncha deta hai….kangala raja ke god chala jaaye athava karodpati ke god chala jaaye aise… sidha bhagavan ke god me…. sidha bhagavat swabhav me jod deta hai..

 

aap vastav me kaami nahi , kaam vikaar aata hai ..chala jata hai..phir bhi aap rahete hai…. krodh aata hai , chala jata hai, phir bhi  aap rahete hai…… moh aata hai, chala jata hai, phir bhi aap rahete hai…… shok aata hai, chala jata hai, phir bhi aap rahete hai….. bhay aata hai , chala jata hai… phir bhi aap rahete hai…

is baat me kisi ko sandeh nahi hoga …..aastik ho chahe nastik ho..

 

narayan narayan narayan narayan

 

to apana swabhav – asali swabhav jaan liya to beda paar ho gaya ….apane sukshm bhav se jud jaaye… sukh dukh, krodh, raag, dwesh, kur kapat ye swabhav me aanewale lophar hai….ye swabhav me aate hai chale jaate hai….(in se bacho..)

 

om om narayan narayan ….

 

bhagavan  krushn ne kaha ,

“swabhave vijayati shauryam l”

…krodh aaya pareshan kar ke chala gaya…kaam aaya, thakaa ke chala gayaa,bhay aaya – chala gayaa… in ke sath nahi bahekar swabhav  pe vijay paana bade me badi vidya hai is ko bolate bramhidya! aatm vidya !!

 

swabhave vijayeti shauryam !!

 

aur ye swabhav ko manushy yoni  me hi sudhar sakate hai ..

dusare yoni me nahi sudhar sakate hai ….kutte , gaay,  bhais ke bachhade ka swabhav aur bhi kharab ho jata to gaay ke athava bhais ke gale me lakkad daal dete jaise nikalate to waisa hi ho jata…..

 

 

..krodh, lobh, moh, kaam, bhay, shok is ke sath naahak jud ke pareshan ho jate ..apana swabhav sudhaarane ka sankalp kar le..krodh aayega to us ko mahatv naa de…

adiwasi area me diwali me bhandara ho raha tha…. 20/ 25 hajaar aadiwasi door door se aaye the.. nayi dhoti, nayi  sadi,bartan , mithayi  milegaa is ke liye…. baithe baithe baatane ki vyavasthaa thi ;lekin koyi ek aadami  khada ho gaya to sabhi khade hone lage..vyavastha bhang hone lagi…. maine dekha ki ek sewaadhaari uthaa hai…. to mujhe vo ghatana yaad aayi ki  kisi ne 500 sadiya batvaayi thi to dhakkadhakki me 2500 log mar gaye the….to maine us sewadhari ko daantaa….. 2 din ke baad vo sewadhari mujh se bola ki , “bapuji mujh se aur uth-baith karaao! bada aanand aaya hai!!”

 …maine kaha ki, mai to socha ki, sab ke samane   aisa huaa hai, to  dukhi huaa hoga….to  vo bolataa hai, jab se aap ne daantaa , chitt me  bahot aanand aa rahaa  hai !! 🙂 us ke bete CA hai… vo bhi badaa officer hai ..

..to jin ko virodh ka prachaar karane ka paisa milataa  ; vo to aisa likhate hai ..lekin us aadami ko bulaao to abhi bhi bolega ki , aanand aanand aata hai !! 🙂 ….

 

to aap ka  swabhav me sudhaar laao…. dhan ke lobh me , aadar ki ichha se swabhaav hamaaraa kharab ho jata hai….

…dhan aur aadar se ahankar badhaao aur tute to dukhi hoye…. adhyatmik jagat me haani labh  hota nahi…sirf  sansaari jagat me haani –labh hai …..hani to hani hoti hai , lekin  labh bhi chhodkar maro to wo bhi hani hi  hai !..jis ko labh maanate to us ko sambhaalane ki majuri hi karate …koyi 10 karod sambhaal ke marate to koyi 100 karod sambhal sambhaal ke to bhi chhod ke hi marate….

 

..aap ka swabhav badhiya hoga to aap tan, man, vachan se dusaro ko dukh nahi denge….

To bolenge ki , bapuji ne diwali me us sewadhari ko daantaa ! arre! Maine us ko uth baith kara di to us ko dukh nahi diya……raman maharshi ko kisi pandit ne anargal prashn puchhe to aise us ke pichhe danda lekar pade..wo bhaagata jaaye , raman maharshi us ke pichhe ….baad me waapas aaye to bade shant!.. aise maine garjana kar li vyavasthaa sambhaalane ke liye …vyavahar me dikhenge ki krodh kar rahe…..lekin  andar me hari ommmmmmmmmmm!……..

daantana hai, to  asali swabhaav me ho ke daantoge naa to vo sudharega , us  ko shanti milegi ..!!

 

mere guruji satsang karate  …aise baat karate… to sunate sunate meri samaadhi lag jaati…. to guru ji aise daantate to mere guruji krodhi the kya?…maine kisi sadhu se kuch suna to aise daante !! ..lekin dusare hi kshan aisa madhur swabhav me bole ki , jab tak sakshatkar nahi hota, apana aatm swabhaav nahi jana  tab tak aisi baato me nahi aanaa….

 

lilaashah bapuji jaise durwasa rushi ya aur koyi mahaapurush daantate to us me kewal karuna hi hoti hai…. vishwamitr rushi ne ram ji ko  aisa daanta to dharati pe kamp ho gaya tha…. lekin kaise chamakaa diya ram ji ko!!…

to kaam , krodh, lobh, moh aadi lopharo ke sath apanaa swabhav bigada to us ko sambhal lo baas…

om om om om om …

 

to paheli baat apana laksh uncha karo….

dusari baat man me utsah banaaye rakho..

 

mushkile kab rok saki hai path pe chalane walo ko

vipadaaye kab rok saki hai aage badhane walo ko

 

jahaajo ko dubaa de us ko tuphan kahete hai l

tuphano ko mitaa de us ko insaan kahete hai ll

 

hari om hari om om om om om om om ha ha  ha ha ha (Sadgurudev ji hasy karavaaye…)

 

 

..to aap apanaa laskhy pakka kar do… mai aanand swarup ishwar ka avibhaajy ang hun!..mai sanaatan ishwar ka ansh hun!….

…tum ko to bhagavan bhi nahi maar sakate, kyo ki bhagavan ne tum ko nahi banaya hai… jay ram ji boalana padega.. 🙂 ( jay ram ji ki ) ….

… prakruti ne tum ko nahi banaya…. tum to amar  aatma hai ….sharir suli pe chadh jaaye phir bhi tum rahoge….

 

dusari baat utsaah….

tisari baat ishwar pe bharosa rakho..sankalp , vikalp ki katoti rakho…..

 

laksh unchaa karo.. ek hota mukhy laksh : aatm vaibhav ka milanaa ..

…baki hote hai avaantar laksh : jaise sharir ko swasth rakhana avaantar laksh hai….

Jaise yaha aana ye laskh hai to auto se aaye , paidal aaye, bus se aaye , car se aaye ye avantar ho gaye.. …jo mukhya laksh hai yaha pahunchana to  usi ke anurup avantar laksh hone chahiye…. us ke viparit naa ho..yaha kota me aana hai to usi direction me aap ki  gadi aayegi to yaha pahunchenge…viparit disha me jayenge to nahi pahuchenge….

 

… ishwar pe bharosa rakho..ishwar suhurd hai…. ishwar pe bharosa rakhoge to shanti milegi ye  pakka maan lo…

Jaise maa sabhi bachho ki utani hi hoti hai …aise bapuji ke personal bhagavan hai aisa nahi …..jitane bhagavan mere hai ,  utane hi aap ke hai ..!!:-)

 

agar galati hai to galati ko sudharo….aur galati nahi hai to apane par bhi bharosa rakho aur bhagavan pe bhi bharosa rakho ..

laksh banane ka matlab  ye  nischay kar lo ki labh hani me sam rahenge, sukh dukh me sam rahenge,  usi ke sahaayak kaam karenge….

 

narayan hari..

 

….kis par vishwas kare? kis najariya ka vishwas kare? kis baat ko phalatu samajh kar sawadhan  ho jaaye….ye samajh le..

 

jeevan me dharm ka mahatv ho  …break nahi to gadi kaisi chalegi?…(aise hi dharm ke bina jeevan hoga) ….dharm ka phal hai ki galat jagah se bachaav hoga….

 

… antim yatra kaise ho maranaa kaise hai?… “tere bin kya jeena” to tadap ke wasanaa lekar dusaraa jeevan sher ka ya gidh ka hogaa……aanandit hokar ishwar ke dwaar pahunchane ke bhav se marana hai ya tention leke maranaa hai ..abhi se sochana chalu karo..

 

1)unche laksh ki smruti

2) man me utsaah rakho

3)ishwar bharosa aur khud pe bharosa

4)kis par kitana vishwas kare is ki samajh vikasir kare…. 

5)jeevan me dharm ka phal ho…dharm ke bal se hi  vyavahaar me milanaa hai…

6)antim yatra kaise kare is ka sunischay

7)swabhava badalo….. chinta, bhay, krodh aap ka swabhav nahi…. pani ka swabhav  shitaltaa hai,taralataa hai … to pani ko  garam karo to phir sheetal ho jayegaa…aur baraf banaao to bhi phir pani ho jayega….to pani ka swabhav baraf bhi  nahi,  ukhalanaa bhi  nahi aise aap ka swabhav narayan se milata- julataa hai… saty sanaatan se milataa-julataa hai…. krodh aaya , chala gayaa ; tum gaye kya? , chintaa aayi aur chali gayi tum gaye kya? …mar jate to bhi nahi jaate….apanaa swabhav yaad karo to apana didaar karane wale ka bhi mangal ho jayegaa!

 

kabira darshan  sant ke sahib aawe yaad l

lekhe me vo hi ghadi baki ke din baad..ll

hari hari om …

 

.. shakti shali bhojan se pusht  honge is vahem me nahi padana ; jo khaye vo thik se pache…. havaamaan badhiya ho…man prasann ho…

 

Abhi vigyaniyo ne nishkarsh nikala ki jaha ped bahot hote, jis ko shastr me  jungle pradesh kaha hai ..to wahaa  1 ghan centimeter me 5 karod  run aayan hote…. kewal pahaadiyaa hai  jaypur, ajmer jaisi  aise pahadi ilako me…

khet khalihaan hai waha 15 lakh hote,,,

shahero me jaha farm house khule baag bagichaa hi waha 4 se 6 lakh aayan hai ….jaha hariyali nahi waha  50 hajar hai aur offico me 25 hajaar hote..

jitane aayan cum , utanaa jeevan shakti cum …..

gaay ke kande pe  5 gram ghee ka  dhup ka havan karo to  vayu shaktishali ho jata….aise  shudhd havaa me pranaayam karana achha hai..

 

….badi umar me bhukh cum ho jati to ye chutny khaaye..

 2/3 khajur achhe se dho lenaa….5gram  adrak , kali mirach aur saindha namak ki chutany banaa lo….pudina , dhaniya bhi daalana hai to daal do…. thodi dusari bhi mirch daal sakate hai…..

thodi der ke baad bhojan karo to aii haii .. 🙂

khajur ki chutany pahele khayi thi kya?..

 

panchya gavy se snan karane se  rog paap nash hote… sansaar lakshmi ki  prapti me sahayog milataa…dahi lagaa ke snan karane se lakshmi prapti hoti aur vayudosh mitane me sahyog milataa….

aanwale ka ras lagaakar baal resham jaise honge…baalo ka jhadana band hoga….

sury prakash me,  samudr ki lahero me run aayan jyada hote hai…. sury ke kiran  4 /5 minute nabhi pe pade to aisi koyi poshtik rasaayan nahi jo sury kirano  ke hai…. lekin sir dhak ke,.. aii haii hiiii 🙂

 

agar anwale lekar aam ka achaar khate aise aanwale ke banaaye…aanwale ke bij nikaal ke chhav me sukhaa ke rakh de…to jab taaje aanwale naa mile tab us ka upyog kare….aanwale ghar me rakhane se bhut,  pret, pisach, dakini shakini ka nash ho jata…. aanwale ka vruksh ke niche bhojan 2 gou-daan karane ka phal

deta hai…2 -3 kilo  aawala le ke cooker me siti baji na baji nikal de …aanwale ka mava bana diya….jitana mawa  utani shakkar ki chasani me  murabba bana ke athava chutny ke rup me  har roj khaye to swasthy labh me bahot badhotari hoti hai…. jitana aanwale ka ras utanaa hi shehad daal ke piyo…

bimari gaayab hogi..

 aanwale bahot hitakri hai…

.. gaay ka dudh  bhais ke dudh se paachan me achha hai…bhais swarthi hoti hai ….gaay ka swabhav prema rupi hai…. bachhade ko dekhakar dudh deti….. gaay ka dudh budhdi ko madad deta…. supachy hai…. pruthvi ka amrut hai…. suwarn kshaar paaye hai…. gaay ke dudh , dahi, ghee me   bhari satvikataa hai .. gaay ke dudh se rog pratikaarak shakti badhati hai

 

 

..jo patalaa hai vo  sitaaphal , kela  khaye…aur  jo mote hai wo pani me shahed , adrak daal ke bramh muhut me thode din piye ..

 

Ye sab upaay hai sharir swasth rakhane ke…..manushy jeevan paramatma ko milane ke liye hai .. apane asali swabhav  me jaganaa hai…(jis me chinta, krodh, bhay aise koyi vikaar nahi hai)….

 

ye tan vish ki belari guru amrut ki khan

sir dijiye sadguru mile to bhi sast jaan

 

15 din me ek  din upvas karane se swasthy ki raksha hogi..

 

ekadsahi ke din chaawal nahi khaye..

amavasya, poonam,  chandrgrahan , surygrahan ke din sambhog karane se vikalang santan hoti hai..

divy prerana pustak padhe..dusaro ko bhi padhaaaye..kal diksha ka karyakram hai…

 

 

om shanti.

 

Hari Om! Sadgurudev ji bhagavan ki Jay ho!!!!!

Galatiyo ke liye prabhuji kshama kare…..

 

 

 

 

 

 

 

 

 

 

 

 

 

Advertisements
Explore posts in the same categories: Uncategorized

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: