Knowledge and Understanding! ..Shri Sureshmaharaj satsang

 

19th Oct2008, IST : 4.15pm. Ahemdabad satsang

*********************************

Shri Suresh Maharaj ji ki Amrutwani

*********************************

…..jo bhi karm karate nish-kaamataa se kare…. kuchh chuk jaate bichaare….. kyo ki drushy se taadaatmy hai…drashta se  aatmiyataa nahi ho paati …..isliye sadhako ke jeevan me jaruri hai ye 3 sadhan :-

1)  sukh anlolupataa (ichhao ka tyaag, kartyavy ke prati sajaagataa ho )

2)   drashtaa se aatmiyataa (drushy se taadaatmy nahi ho )

3)  anaasakti  

 

..ek maa navaraato ki poojaa kar rahi thi….beti ko boli, “beti jaao..jara  dhup lekar aana”…. beti baahar gayi ….thodi chalkar waapas aayi…boil, “dhup nahi hai  maa ….baadal bahot hai! dhup nahi milati!!”

 …dhup ye nahi(suraj ki nahi) ! jalaane wala dhup chahiye tha!!…aise abhi to ham ko  hansi aati ..lekin sadhak bhi sadguru ke vachano ko thik se samajhe…..sadhak chaahe  to ye kaam kar sakate hai…. sukh lolupataa, aasakti ka tyag kar sakate hai ..

 

Sansaar ke vishayo se aakarshit hone  se manavata se manav se vilag kar diya…

vishay ko prapt nahi ho…. waasanaa purti se maanav manavataa se door chalaa jaataa…. maili waasanaa , nashwarataa ka prem manavataa wala nahi hai…..inho ne manav ko  manavataa se, asali sukh se vilag kar diya to kya kare?

….saawadhan rahe ki  galati naa ho!

drushy se, ichhaa purti se , sukh ki lolupataa se taadatmy ho gayaa to  praayaschitt kya hai ?

 ..paschaataap ka bhaav ye prayschitt hai…

..vidhi?

… “om namo narayanaay” jap…ye galati dobaaraa  naa ho ye nischay aur prarthanaa….

 

..apane sadguru ko samarth maanate hai to samarth guru ke shishy ho kar bhaybhit hona ye samajh-daari hai kya?…. bolo!

 “bhaynaashan kali me hari ko naam”

Aise  sadguru bhagavan bhayhaari ke bhakt hokar bhaybhit ho ke rahete  to un ka anaadar nahi hai?

…apane aap ko saksham banaave!….ye pakka vishwas ho ki humhare sadgurudev hamaare baare me hum se bhi jyada jaanate hai! hamaare baare me vo hum se bhi jyada jaanate hai…..

Aur hum un ko apane kary hi sunaanaa chaahate hai.. “aisa kar do waisa kar do”

hamaare  is janam ke kya hai,  dusare janam me kahaa the aur aage kaise badhaanaa hai ye bhi sadgurudev jaanate hai….ye to ishwar bhi nahi jaanate…. is janam me kya kya huaa, aage kya ho sakata  ye to janam patri padh ke  jyotishi bhi jaanate bataate…..

lekin  sachche sadguru me hi taakad hai ki us ko badal kar humaaraa jeevan unchaa karane ki …..

 

 janam patriyaa to aajkal jhuthi bhi taiyaar hoti… janam patri me  mangal ho to bhi nahi hai aise banaa dete….aise maine  2 /3 case dekhe hai…. ladaki ko mangal tha , phir bhi nahi hai aisa dikhaayaa aur shadi kar di… bichaaraa  ladakaa shadi ke baad mar gayaa!..ladakewale  pariwaar walo ko kitani taklif ho gayi … kanyaa ko bhi sari jindagi dukh bhoganaa padaa…

 

jis ko hamaare baare me jyada pataa nahi us par bharosa karane se  hum dukhi hai….. ye naa-samajhi nahi to aur kya hai?

 Hamaari saadhanaa to hai… ye jaruri hai …..lekin thodi sadhanaa badhi to us phal  bhog karane lag jaaye to “mai vidwaan.. tumhare me ye nahi…tumhare vo nahi…tumharaa aisa hai…” aise  logo ko updesh denge….. aisaa  naatak kyo karate?

 thodi yogyataa badhi ki sukh  ka upbhog karane me lag jaate.. “ye chori amuk ne kiyaa… amuk ladakaa aisaa hai….maine sapanaa dekhaa….” ye sab naatak karate…… aiso  ki baate maanane waale bhi mahaa mudh hai…aisaa koyi aap ko bole to us ko bol do, “jaa tu kuchh bhi sapanaa dekh bhale….. mere ko mere  bapu pe bharosa hai …tere sapano ki aisi taisi…!!” J

 

krupaa sindhu baapu jo bhi kuchh kahete , wo waani ko bhulanaa mahaa mudhataa hai…

 

agar kisi ko sapanaa dikhaa hai to phalaane aisa kaha….to aisaa  hai nahi….jhuthe sapano me itanaa bal nahi hotaa hai…. koyi daraaye to bol do ki ,  “aisa hogaa tab dekha jaayegaa! abhi se chinta karane ki kya baat hai?”

 bhogo ka upbhog naa kare kyo ki, vikaas sambhav nahi hoga …..upaarjan ruk jayegaa.. kisi ne samajho lakh/ 2 lakh kamaayaa aur kaam chhodkar  kharch karane lage to kamaayi ruk gayi,  kharch ho gayaa ….to kya bachegaa?

 

ek aadami ka lottery lagi to bola mera bhaag khul gayaa…dukaan band kar diyaa… sharaabi ho gayaa… mansaahaar karane lagaa …10 lakh rupiya aadami  kharch karane lag gayaa to kitanaa time lagataa?… aise  hi kharch ho gayaa…. phir paayi paayi ke mohtaaj ho gayaa! .. phir dukaan pe aayaa…chaabi banavaayi… dukaan khulavaayaa…. dobaaraa aisaa huaa ki  phir lottery khul gayi! Phir dukaan ko tala maaraa….phir se paise  khatam huye…..to wapis dukaan khulvaayaa aur nischay kiyaa ki  ab dobaaraa aisi galati nahi karungaa….aisi  bhul nahi  karungaa….tisari baar bhi lottery khuli to dukaan band nahi karungaa…. un paiso se garibo  ke aansu pochh dungaa!.. (subah ka bhulaa shaam ko ghar laute to use bhulaa nahi kahete….)

 

isliye 3 ka tyaag jaruri hai …

 

3 baar sandhya vandan kare to guru ke sanket ke anusar hotaa .. koyi bola, “aaj kal subah ki  sandhya bhi nahi kar sakate… 6 baje aankh khulati hai…” to jaldi utho…

Bola,  “bahot jaldi 7 baje uthataa hun!”   ..7 baje ko jaldi uthataa hu bole  to 4baje uthane  ko kya bolega!!…ye aalasy hai!…

 

Ek aadami ko doctor ne bola, “jaldi utho… pranayam aadi karo…. tabiyat achhi ho jayegi ….”

Aadami nokar ko bola,  “thik hai… jab bhi mai uthungaa…ghadi ka kata ghuma dena…bhale mai kitane baje bhi uthu tum ghadi me 4 bajaa hi dikhaanaa!”

Aise ghadi ke  kaante ghumaane se jeevan ki dishaa to badalegi nahi  naa?

 

Isliye mai punah prarthanaa karataa hun ki jeevan me 3 kaa tyag kare :-

 1)mamtaa ka tyag

 2)drushy ke taadaatym ka tyag

3) a-saadhan ka tyag

mane sukh ki laalach aur aasakti janam maran me le jaaye us ka tyaag ho jaaye..

 

hanumaan ji ne prataap bhanu ko aasakti se jaagrut kiya ..

 

aise sadgurudev ki  sikh to unchi hai…us pe nahi chalanaa ye kamjori hamaari hai….. drushy me tadaatmy chhut jaaye…hum ne usi  ko sattaa de di to bal jagrut kaise hoga?

 

charo raja huthkar khad ehuye ram ji ka prabhav dekhakar janak raja ke nagari me …aaadesh mila tab khad ehuye ..vishwamitr tab nikat bithaaye….

ram ji ke jeevan me guru ka kitanaa mahatv hai…!

 

ek hota  “swatantrataa”…. dujaa  hota hai “anushaasan” 

jin ka gurudev se  tadaatmy hai , un ko gurudev ke vachano pe chalanaa swatantrataa lagegi…..lekin jin ko  guru ka aagya paalan ye par-tantrataa lagati hai, vo apanaa bahot nuksaan karataa hai….

“guru ke vachano pe chalanaa” ye to  vaastav me mahaa swadhin-taa hai….. murkh aadami paraadhin-taa ka marg apanaataa hai….

Saadhak ko  prarthanaa karani chaahiye ki , “prabhu mujhe aisi budhdi do….  mai ye 3 ka tyaag karane me saphal ho jaaun….swaadhin-taa ko paraadhin-taa nahi samajhu…..guru ke aagyaa palaan ko partantrataa  naa maanu….. meri  budhdi sad-budhdi ho jaaye….. a-kartyavy ka,  a-saadhan ka aur aasakti kaa  tyaag kar saku..!”

 

….apane deh me baraf ki tarah  jam gaye sadhak ke jeevan me saagar me jaane se phayadaa nahi hogaa….  tej tarraar dhup ki jarurat hai………sury ki kirano ki jarurat hai ki baraf pighale….

  guru  ke vachan sury ki kirane hai..jis se dehaabhimani ki  baraf gal jaayegi …. guru ke vachan sury ke kirano ke samaan kaam karenge …. ahankaar ka raasta badaa patharila hai… ek to sanssar me “jo chije nahi hai” wo dikh rahi hai aur “jo hai” wo dikhataa nahi.. isliye us ko samjhane me chuk rahe hai ..

 

 

3 ke karan chuk rahe hai ye 3 kya?

1) sadguru ki diksha,

2) (sadguru ke vachano ki ) shiksha aur

3) upaasanaa

Ye 3 me kahi kami hai is liye ye 3 ka prabhaav hai  : a-kartyavy , a-shaasan aur aasakti jor pakad rahe hai ..

 

yamraj rachiketaa ko kahete…

“Jin ke jeevan me ye 3 kaa prabhaav hai , un ko kaal ki yatraa se pahele  ye antar ki yatraa  pe kaise jaaye ye  sujhataa….”

 

 “mujhe amerika ka visa mil jaaye”..to  baahar ki yatra ki bhuk hai!.. wo andar ki yatra kaise kar paayega?

..sansarik sukh saarthak lagataa , wo ulajhate jaate!un ko  ye lok saty pratit hota aur jo is chakr se baahar nikalate un ki vo ninda karate ….

 

yamraj rachiyetaa ko kahete,  “aise log baar baar us me padate….paraadhin hai… jo dikhata wo hi saty maanate … jo pratyaksh dikhane ko hi sab kuch maanataa,  jo dikhataa nahi  us ko nahi manataa wo mere pash me phasataa hai!” maane adhogati me jayega …yaa to narak me  yaa jamin ke andar rahenaa wala jantu, kidaa banega..!  aise kide dikhe naa to samajho ki ‘ye kabhi apani hegadi me rahete the’ !

…jis deh bharam ko paakar itarataa hai

vo phir samay aane pe ghabarataa hai..

agni me vo jalega sab dekhate rahenge

 jis deh ko tu itanaa sajaataa..

 

 

ek sant ne kahaa sabhi ishwar ke eklaute putr hai… sab us ke kirane hai …. sab usi ki santaan hai….

jinho ne Sadgurudev ka satsang sunaa un ko apane deh ki akad me rahene ki jarurat nahi hai…… jin logo ko sunane ko nahi milaa un ki baat aor hai….

satsang kewal  sun liya itana kafi nahi , “sunaa aur samajh liya” ye jaruri hai… kewal satsang suna ,  anubhav nahi kiyaa …to jaise koyi pustak padha …..lekin suna huaa anubhav ho jaaye ye jaruri hai….

 to bhagavan ram ji ki tarah guru dev ke charano me aisi priti ho jayegi…

 kewal jaankaari hai to us me tark vitark hai…. aisa kyo nahi….aisa kyo hai..ye prashn uthate rahenge jab tuk understanding nahi hai…….. parantu anubhav hona alag hai… gurudev ki upaasanaa , bhakti se shishy ko un ke vachano kaa anubhav hota hai…. mamataa , ahanta,  drushy ka taadaatmy ye tino chhute … ishwar ko,  sadgurudev ko prarthanaa kare ki , “saty ko samajhane me hum saphal ho jaaye !”..

 

jambuvant ji ne hanumaan ji ko  yaad dilaayi….

 

pavan tanay bal pawan samaanaa l

budhdi  vivek vigyaan   nidhaanaa ll

kaun sa kaaj kathin jag maahi l

jo nahi hoyi ,  taat tum paahi  ll

shriram jay ram jay jay raam

shriram jay ram jay jay raam

 

ram kaaj kari  tav avataaraa ….

jambuvant ji ne yaad dilaayaa ki . ram ji ke kaaj karane ke liye tumharaa avtaar huaa hai….aisa kaun sa kathin kam hai jo tum kar nahi sakate?

 

…drushy se taadaatmy kar baithe to jeevan ko sulajhaate sulajhaate mar jaayenge …jaagi huyi jyot ki tarah is sansaar se jaaye! ishwar bhi khush ho!! ..ye jeevan ishwar ke liye hai …..ishwar ke liye, jagat pati ke liye hamaara jeevan upyogi ho jaaye ….. guru ke bhakti se jeevan upyogi hoga !!

 

 

om namo bhagvate vasudevay..

 

 

Om shanti .

 

Hari Om! Sadgurudev ji Bhagavan ki Jay ho!!!!!

Galatiyo ke liye Prabhuji kshamaa kare……

Advertisements
Explore posts in the same categories: Shri Sureshanandji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: