Gajendra Moksh ki kathaa

Oct 19th  2008; IST : 7.45 pm, Ahemdabad ekant satsang

********************************************************

Sadgurudev SantShiromani ParamPujya ShriAsaramBapuji ki Amrutwani 

******************************************************

 

 

(bansi ki madhur dhun sunaayi de rahi hai…)

…..aap ki aadhidaivik jagat me nity leela hoti raheti…. kabhi kabhi aap dharatipe aate bansi naad kar ke apani madhur muskaan aur chitvan se sansaar ke taap me tapaanewale jivo ko aap ka bhakti yog, dhyan yog param aavashyakata karata hai… prabhuji om ….aanand om……

…..vigyaniyo ne abhi  khoja ki omkar ke gunjan se jeevani shakti ka kitanaa vikaas hota……itane kan kaha se milate….. aam aadami ke gharo me 2000, jahaa dhyan bhajan hotaa,  saadhanaa room me 11 hajaar boise hoteadhik se adhik 16000 boise banate…. isliye ashramo ka vatavarn itana pavitr hotaa….nadi, pani jahaa  hota hai,  wahaa saatvik-taa badh jaati hai… lekin jahaa omkar ka jap karate wahaa itanaa jeevani shakti ke kano ka itanaa vikaas ho jata hai ki 70,000 boise banate…..vigyaaniyo ne ye abhi khoja…. lekin sanaatan dharm ke saputo ne anaadi kaal se bhagavat premiyo ko nity navin ras ko pragat kiya….

 

om namo bhagavate vasudevay…

 

narayan narayan narayan narayan

 

ooooooooooooooooommmmmmmmmmmmmm

hari oooooooooooooooommmmmmmm

 

hari ooooooooooooooooooooooooommmmmmmmmmmmmm

omkar mantr ..gaayatri chhand …paramatma rushi… antaryami devata.. antaryami priti arthe jape viniyoga…hari om om om om om om om om om om (omkar mantr ka jap ho rahaa hai..)

 

 

madhur madhur naam hari hari om…

moh nivaarak…sab sukh kaarak hari hari om

mangal mangal naam hari hari om

madhur madhur naam hari hari  om

hari oooooooommmmm hari om …

 

narayan narayan narayan narayan

 

  • diwaali  ke divas , dhan teras ko dip utsav ke sath dhyan rakhe ki deewali ke dino me dinbhar prasann,  ulhaasit,  aanandit rahena hai …
  • un dino me shant ho ke achhi tarah se  pranayam kare….sham ko sury ast ke pahele man me guru mantr jap ke  pranayam karana hai ….kumbhak kar ke shwas andar rok ke gurumantr jape aur chhodate samay baahar phunk maarani hai…….aise 10 se 15 karo..aisa karane se chitt me bhagavat prasad-jaa kan banenge.. man prasann rahegaa..
  •  “om namo narayanay ..sarv samarthyam lakshmi narayan..” aise chintan kar ke hasate hasate nind me jaana hai
  • ….samajhna hai ki sansaar ki apaadhaapi me swaasthy aur swaadhyaay ki yatra hi jivaatmaa ka vishesh kalyaan karati hai… swaadhyaay  ki apekshaa bhagavan naam kirtan ka vishesh prabhaav hai…kirtan ke  baad thode shant ho jaao  to aur jyaadaa heetkaari hai ….
  • Aadhi vyaadhi se bachane ke liye shanivaar(Saturday) ke din pipal ka sparsh heetkari mana gaya hai…. aadhi = man ke vikar maane  kaam , krodh aadi se bachanaa ho to aur vyaadhi maane sharir ke rog ..aadhi vyaadhi se bachane ke liye  shanivaar ko pipal ko sparsh kare …aur

Om haum jum sahaa  ॐ हौं जूं सः 

ye mantr ki ek maalaa roj aise 21 din jap kare..

to aadhi maanaa man ke rog aur vyaadhi maanaa sharir ke rog mit jaayenge…is mantr me 4 bij mantr hai..phayadaa jarur hota hai…

  • Om hau tam juhomi swaha

(          ॐ हौं  तं जुहोमि स्वाहा   )

Ye mantr japane se dhyaan me aanewali baadhaaye mitengi…  hey  vign baadhaa , mai tumhara gyan agni me havan karataa hun…. us me swaha kar deta hun….. 5 baar man me ye jap kar lena ….jis se dhyaan ki  vidhn badha swahaa ho jaaye..

  • “om namo narayanaay” ye mantr pani me dekhakar  25 baar jape aur  vo  pani piye to paap vrudhdi nahi hogi….aur kaam me sidhdi hoti hai…
  • Deewali me mithaayiyaa napi-tuli khaanaa….swami vivekaanand bolate ki , “mithaayi ke dukaane  saakshaat yamdoot ki dukaan hai!!” mithaayi wale ko nahi bolana aise J ….. lekin vivekaanand ki baat se ham sahemat hai…. koyi jaruri  nahi sharir ko mithaayiyo ki….. swaasthy ke liye roti, sabji , daal , phal khate ye paryapt hai….. baki  phaalatu hai…. rasgulle to dushman ko bhi nahi khilaaye! J …kalkatta me chhinaa jyada  chalataa to swaasthy  bhi kshin hai …aur idali dosa ! toba toba !! pet kharaab karane ka ekdam sidha rastaa…. kisi ko slow poisoning dena hai  naa to idali dosa khilaaye…. J  aur kisi ko mithaa jaher denaa ho to “kurkure”  de do!! J  ye chije  swaasthy ke liye bahot nuksaan karate ..in se bacho…
  • Bajaar me besan ki mithayi milati to  besan 40 rupiye kilo hai aur chawal kaa aata 18 rupiye kilo ..to mithayi dono ko mix kar ke banaate to aur bhi satyaanaash hai…. baajaaru mithaayi se sawdhaan rahe… napi-tuli khana ….
  • phataakdo (firework)se bhi parahej karanaa..

narayan narayan narayan narayan

 

satsang to bahot heet karata hai ….ye 2/4 baate likh lo ..

 

deewali ke dino me aanand me hoga to varsh bhar aanand me hoga..

 

bhagavan ka smaran kab karanaa chahiye ….kaam karate karate bhi smaran karanaa chahiye….. yudhd karate huye bhi bhagavan ka smaran hi ho ….kabir ji to bolate ,

sumiran aisa kijiye , kare nishaane chot l

man ishwar me leen ho hale naa jivhaa hoth ll

 

aaj Jayendr sarswati mahaaraj ka satsang mil jaayega.. J thodi hi der me yahaa padharane wale hai…. !

 

…..tum  aisa uddesh bana lo ki aadhi vyaadhi , dukh chintaa tum tak naa pahunche ….man me dukh aaye to socho man ki  bewkufi hai…sharir ki vyadhi hai to kabhi kabhaar  khaan paan aisa karate to ho jata hai…. hum aaj kal bahot kam bhojan karate…. rutu parivartan huaa hai to  pahelaa ka jamaa hai usi ko hi  hajam kar rahaa hai sharir ..sharir me dosh hai to  aasan pranayam se taklif mitaao….

 

…..hamaare jeevan me bhi aisi samajh aa jaye ki aadhi vyaadhi aur  dukh chintaa aane jane waali hai… pahele to un ko aane nahi de…. aur aaye to un  ki daal naa gale…… bhachane  ke liye bhagavan  naam ka ashray le….

 

…jo  man maanaa saadhan karataa to 10 janam me bhi aadhi vyaadhi se chhut nahi paayega….man mana saadhan karane se  maantaa jarur ban jaayegi ki ,  “mai bhagat hun” …lekin  wo alag hai….. shastr aur guru ke margdarshan ke anusaar saadhan karate to

man maanaa saadhan karane se ahankaar hoga …ahanta aayegi..shrimad bhaagavat me pandav vanshi raaja indr dyumn ki kathaa hai…. rajpaat ka tyaag kiyaa aur guru ke margdarshan ke binaa abhyas kiyaa to  shobha nahi aati….rajpaat chhod kar gaya tha

 

( krupaya gajendr moksh ke path ke liye yaha click kijiye :

http://hariomgroup.net/hariombooks/paath/Hindi/GajendraMoksha.htm  )

..ek hathi mast hokar jalkrida karata tha… sund me pani bharakar uchhalataa tha ….itane me hathi ka pair ek magarmachh  ne pakadaa….. magarmachh ka  prabhaav  pani me jyadaa hotaa hai…hathi chingaadaa to  dusare hathi aaye , lekin dhire se khisak  gaye….  

shukdev ji mahaaraaj bolate hai ki sansaar aisa hi hai…. jiv jab sukh me hotaa to sab sath dete, jiv ko jab  dukh pida hoti to sab dikhaavaa kar ke khisak jaate……isliye kisi bhi paristhiti  me antar dev ko pukaarro…. baahar ke aadhaar chhut jaayenge….

 

sare hathi haathin bhaag gaye … gajendr ne dekhaa ki koyi nahi bachaanewala to  sund se kamal toda aur jo jagat ka swaami hai,  jagat ka  param tatv hai us ko pukaaraa…..

 

prarthanaa  kab phalati hai?

 

Jab jiv  apanaa bal aajamaake thak jaaye , paristhitiya abhi mere bus me  nahi aati to ekdam ni:sahaay ho jaate..aur aisi sthiti me bhagavan ko hi swami maankar hruday se pukaarate to prarthanaa phalati hai….

 

aise hruday se pukaari huyi  dropadi ki prarthanaa shrikrushn bhagavan ne suni thi….dropadi ne ek ek paandavo ki taraf sahaayataa ke liye  dekha ..ni:sahaay hokar dwaarikaadhish ko pukaaraa to dwarikaadhish saadiyo me avatarit ho gaye..!!

 

prarthi apane laachaari ko kamjori ko maanakar hruday purvak us ishwar ko sarv samarth  maan le to vo ishwariy shakti  pragat ho jaati hai…. hraday purvak sweekar karene se vo sarv samarth ko pragat ho jana padataa hai..prarthanaa phalane me der nahi lagati…..

apanaa purusharth kare lekin ulati khopadi se nahi … J  ..

..ek ladake ne parikshaa me paper me prashn aayaa to  gujrath ki rajdhani  surat likh diyaa! Jab baad me pata chalaa ki galat likh diyaa to mandir bhaagaa aur “jay jay hanumaan gyan gosaayi !….mai savvaa kilo pede chadhaaungaa…. ek din ke liye gujrath ki rajdhaani gandhinagar se  surat banaa do….!”  bola…

Ab us ladake ki prarthanaa sachchi hai, hruday se pukara hai to bhi ek din ke liye gujrath ki rajdhani gandhinagar se surat me utha ke nahi rakhenge bhagavaan … J

Ladake ki prarthanaa   bhi sachchi  aart hruday se pukara bhi hai lekin uddeshy thik dhang ka hona chaahiye..!

 

is prakaar ki prarthanaa sweekaar nahi hoti …..

 

uddeshy sahi dhang ka ho ,jis me aap ki rakshaa aur saamane wale ki het ki bhaavanaa ho  to ishwar  dwara aap ki suraksha hoti…

..to  gajendr ne prarthana ki …….vo gajendr moksh ki stuti path me aati hai.. …vo prarthana bhagavan ne suni aur  niraasha ke khayi se nikaale… magarmachh  ke sir kaat ke us ki sadgati kar di…. gajendr ko bhaav aayaa   ye kaise ho gayaa ?…

 …. pandav vanshi raja indradyamn the…rajpat chhodkar pahaadi pe jaa ke tap karane lagaa ..guru ke  maargdarshan ke binaa abhyaas  kiyaa to ahankaar aa gayaa… “mai badaa tapasvi”  aisaa maan ke  baithaa tha…. agasty muni wahaa se gujare to un  ke liye dandvat bhi nahi kiyaa…vo to dhanv bhaagi hote jin ko sant aur  guru ke darshan hote….

Jo sant ke darshan ke liye , guru ke darshan ke liye daud padate… guru ke darshan ko  aho bhagv  maanate….guru ke darshan se romaanchit hote wo bahot phaayade me rahete…..

Jin ka man guru ki wani se ras- may hota…un ki  mati bhi unnat ho jaati….. baahar se murkh jaise dikhenge ..lekin murkh kahenewaalaa galati karataa hai !

anpadh gwaal-gopiyaa shri krushn ko  dekhakar romanchit ho jaatii thi …..aanandit ho jaati thi….aise jo guru ko dekhakar aanandit ho jaate hai , un ki usi samay deewaali ho jaati hai ….!! J  

 

 

kitane kitane chetan manushy ke sharir ki aabha Dr. Heera Taapdiyaa ne yantr se naapi hai….us ka lekh bhi rushi prasaad me aayegaa ….mere aage padhaa thaa…….us me likha tha ki baapu ki aora bahot door tuk hai isliye itane logo ke phaayade hote…..

(please veiw  vedio about pujy Bapuji’s aora :-

1)    http://video.google.com/videoplay?docid=656936712568718291

2)     

http://video.google.com/videoplay?docid=1089866813862528511  )

 

 

isliye koyi satpurush , mahapurush aate to khade hokar abhivaadan karate ki un ki unchi aora ko sparsh kar ke baitho to un ke prabhaav shali aora ke kan mile….jo aham me baithe rahete un ki budhdi dabbu ho jaati….

 indradyumn raja ka hruday  paschataap se bhar gayaa aur agasty muni se kshama yaachanaa ki…..muni bole ki ab  bhagavan hi tumhaaraa kalyan karenge….

magarmachh aur gajendr dono ka  rushiyo  ke shrap ne bhi un ki   mangal dashaa kar di..!

rushi ke shrap se hi gandharv ho ho ke  magarmachh  ban gaya tha…

 

 

kisi ki nindaa naa karo…(Pujya Bapuji ke sath sabhi “hey prabhu aanand daataa “ ye bhajan gaaye)

jis ki ninda karate us ka bhalaa nahi hotaa….aur apana bhi bhalaa nahi karate…. saamane wale ka bhalaa ho aisa upaay khojo….

.. bade man wale bano…. ninda karanaa,  sunanaa bahot badaa paap hai….

.. baibal me pruthvi 6 hajaar varsh ki  maanate ….jyaada door nahi jaa sakate ….lekin aisa nahi hai..

vedo me likha hai ki  4 lakh 32 hajar varsh ka to kewal kaliyug hai…. aise dwapar yug, sat yug aur tretaa yug …4 yogo se ek chaturyugi banati…… aisi  27 chaturyugi beet chuki hai…. ye 28 vi chal rahi hai… hum log 28 vi chaturyugi ke kaliyug me  aa chuke hai…. to is chaturvedi ke 38, 88,000 varsh bitaa chuke hai… kul milaakar ek arab 97 karod aur 30 lakh 13 hajaar 215 varsh bite….. videsh ke vaigyaani bolate , “tumhara india me itanaa gyan !” ….bhaisaab! musa ke pahele ,  mohmad saab ke pahele, isaa ke pahele bhi ved the…. sab se praachin ved hai..!!

 

Aarati huyi…prarthanaa huyi…

 

(Shankaraachary swami Jayendr Sarswati ji maharaj kaa aagman huaa hai…)

 

Om shanti…

Hari Om!Sadgurudev ji bhagavan ki jay ho!!!!!

Galatiyo ke liye prabhuji kshama kare…

 

 

Advertisements
Explore posts in the same categories: Pujya Bapuji

3 Comments on “Gajendra Moksh ki kathaa”

  1. vinayak Says:

    Tumhare har ek bol ke diwane hum
    Tumhare har ek chal ke diwane hum
    Tumhare har ek muskan ke diwane hum
    hum se aage hai tumhare lakhon lakhon diwane
    Us Diwano ki toli mein nitya rahe hum
    Unke ang ang pe laga rang rang apna ho jave
    Diwane banane wale ke karz mein to sada doobe rahe
    Aur diwane honewalo ka bhi karz kam na rahe sar par
    Rang rang me khule har raaz us ek Guru Rang Ka!!!!!!!
    Hari omHari omHari omHari omHari omHari omHari om

  2. Rajeev Says:

    sadho sadho bahut achha


  3. Om shri guruve namah oooooooooomooooomoooooommm…mai kya likhu bhagavan jo kuch bi hai sab aap hi ho…tvamev mata ch p


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: