Gajab ka vyapari : Ishwar

 

Oct 12th  2008; IST : 11.30am , Faridaabaad satsang_live

 

********************************************************

Sadgurudev SantShiromani ParamPujya ShriAsaramBapuji ki Amrutwani :-

 

******************************************************

 

 

 

Poonamwalo ka har mahine kumbh mela!!… raaste me bhi kayi jagah satsang karate karate aaye phir bhi  pandaal chhota kar diya aaj..!!

 

Faridaabaad ! Jindaabaad!!

 

 

Yaha aap lakho log hai aur karodo log deshvidesho me…zee jaagaran TV channel dwara 156 desho me aur audio vedio sadhano se karodo log ye satsang dekhate honge… sunate honge…..

 

shukartaal me kuchh varsh pahele katha ki thi….. kal ham waha ruke the….shukrtaal se delhi mushkil se  dedh ghante ka rasta hoga….dopaher ko chale to raat ko 11 baje pahuncha…..raste me kayi jagah log phool haar aur kya kya lekar khade the…..  roko….roko….. chakka jaam !

 

..bareli se moradaabaad bhi aise hi jagah jagah log swaagat ke liye kayi  ghanto se khade the….ku-prachaar walo ne shuru kiyaa to socha ki  achha huaa….kuchh to mere ko bhi aaram mile…. J

ye jo kuchh ku-prachaar kar rahe hai naa , us ko sachchi maan lo aap log !! 🙂   to mere ko thodasa aaram mile… J

(Pandaal me sadgurudev ki jayjaykaar gunj rahi hai….)

Laali mere laal ki ho gayi laalam laal

Laali dekhan mai chali

mai bhi ho gayi khushhaal !!

siyaavar ramchandr ki jay !!

 

 

“hi” 🙂  (sadgurudev ji bhakto ko phoolo ki aad se apani nuraani najaro se  nihaar ke “hi” kar rahe hai.. 🙂 )

 

Prabhu bolate , “mai bepaari(vyapaari) hai”…. duniyaa ke vyapari yo ke vyapaari dekh lo …lekin  prabhu jaisa bepaari (Vyaapaari) nahi dekha …..baniyo ke baap ke baap hai vo!!jis ke byopaar ka koyi  ant nahi ..aise bhagavan bepaari hai ..!!

 

…aap ko mai sant ke vachan, budhd ke vachan, shastro ke vachan sunaaunga…… bhagavan ke byopaar ka phayadaa uthaao ..!!

 

sadhu santo ki lambi kataar!! dandavat pranaam maharaj!! ghar baithe mahaan sadhusanto ke darshan ho rahe..!!…..

narayan !….ye kaisa jadoo hai?

(bhakto ki apaar bhid hai….)

 

bhaagavat me aata hai ki bhagavan kaise bepaari hai …..gajab ke vyapaari hai bhagavan !!..

 

bhagavaan ka bepaar hi hum ko yaha le aayaa…bhagavan vyapaar me  tivr nahi hote to ham yahaa nahi hote!….. aisa bepaar hai raatoraat bepaar kar letaa hai….

 Faridaabaad ! Jindaabaad..!!

 

om namo bhagvate vasudevaay…

 

bhagavan kaise baniyaa hai ..apane grahako se  maphi maangate phirate…un  ki  chappal uthaate…un ki ghodaa-gaadi chalaate ..bhakt beemar hota to hath pakad kar bathroom/ shouchaalay me le jaate…. bhakto ke kaaran naachane lag jaate …rone lag jaate…… bete ban jaate..kaise bhagavan hai!

 vasudev – devaki ke yaha beta bane ki nahi bane?

..bhagavan kabhi machh bane…. kachh bhi ban jaate…!

kaise bepaari hai !!

apane graahako ko apani taraf khinchane ke liye prabhu kaisi kaisi leela karate…..prabhu tujhe  lakh karod baar pranaam hai….anant anant pranaam hai prabhu !!

kaisaa  tumhara bepaar prabhu !!

..kya gajab ka sundar bepaar chalaayaa bhagavaan ne …!!!

 

narayan hari..narayan hari….narayan hari !!

 

Ø      vo bhagavan nar-nari ka ayan hai  isliye narayan hai..

Ø      saari srushti ki naal hai – isliye narayan hai !!

Ø      srushti ka bij utpatti me us ka asthitv hai isliye narayan hai !!

Ø      sabhi jivo me prerana ka  prakaashak hai…

Ø       abhiman aa  jaaye to shatru dekar tum ko  ahankaar se alag kar  deta….dusare ka heet karate to  mitr dekar utsaah badha deta…

Ø      Bahu ka aadarbhav kam ho jaaye to saasu ke dwara aankh dikhaa deta hai…. “mai badi saas!” saasu maa ka ahankaar badh gayaa to bahu ke dwara khinchayi  karavaa detaa hai….nanand ke dwara bhabhi ko thik kar deta …..neta ke dwara janata ko puchkaar karaa deta to kabhi neta ke dwara achhe kaam karava kar janataa ka utsaah badha deta….. kabhi officer ke dwara sign karava ke utsaahit karavaa deta….. kaisa   bepaari hai vo bhagavan!!

 

om namo bahagavate vasudevay….

 “om” maane anant bramhaand  jis ki satta se chalate… ye ek bramhaand hai, aise anek bramhand ke kitane bramhaaji hai ..kitani srushtiyaa hai gin nahi sakate…..phir bhi sabhi  suchaaru rup se chal rahe hai !

….nahi to kaha 1 bund pani  se “the bigining” huyi thi…..

 

….nim ke ped ke niche ek dopahar me ek patangiyaa phad-phadaa rahaa tha…bahot sundar rang ke us ke pankh the……itane me jhataak se ek pakshi aayaa aur us patangiye ko  jhapat liyaa dhadaak se…..phir kya kiyaa ki  patangiye ke sundar pankh tode aur noch noch ke vo  pakshi us ko khaa gayaa……

Aisa dekha to  ek kshan ke liye laga ki kyaa bigaadaa tha  bechaare ne?  satsang ke gyaan ki aankh se dekho to us patangiye ne kuchh bigaadaa nahi….ye to us bepaari ki leela hai !!

sundar patanga ban ke patange ke sharir ko “mai” mat maan! Ye sharir tu nahi hai…sharir to kayi badalenge..tu wo hi chaityany hai… ye samjhane ke liye , patange ko  pakadane ko  pakshi bheja…. patangaa marate marate pakshi ka darshan karega to pakshi banega…. dhire dhire  manushy banegaa….manushy ban ke satsang me aayega…. bapuji ka gyaan milega….bapuji ko yahaa bhej ke kaisa gyan dene ke liye bepaar kar rahe hai vo dev….

 

…manushy janm mile nahi tab tuk kahi phase nahi isliye dusaraa sharir  diye….phir  3 ra diye….phir 4 tha sharir diye….kahi naa phaso….. in sharir rupi khilono ko mai mat maan…mai sharir me baitha to mai sharir nahi…mai gadi me baitha to mai  gaadi nahi hun….mai  ghar me baitha to mai ghar nahi hun ..ye baat pakki samjhaane ke liye ….ye sharir kya kya bepaar samajhaane ke liye vo lilaadhaari prabhu vasudev kaisi kasi leela karate hai!!

Vasudevo sarv miti saa mahatma saa durlabhaa

Bhagavan kahete mujh vasudev ko sarvatr manataa , sabhi me mujh chetan ko dekhataa aisa mahatmaa durlabh hai….ye durlabh gyan dene ke liye mujhe satsang me bhejane  aur aap ko yahaa laane ki kaisi lilaa ka gyan-yagy karate!!

 

 bhaagavat me aata hai ki paramaatmaa aisa gajab ka bepaari hai ki krushn ban ke swayam sadhu sant ki  jhuthi pattale uthaane ka bepaar karate….  trikaal sadhu ko  mauni banaa dete aur mauni baba ka maun  tod deta hai……! ek mauni baba ne puchha,  “maadhav kyo sadhuo ke  pair dhote aur jhuthi pattale uthate?….tum to  vaikunth pati ho,  kanhaiyaa hoke sadhu santo ke  pair dho rahe , jhuthi pattale kyo utha  rahe ho?”

kaisa bepaari hai vo prabhu……(bole, “jal se kalash bhar ke us me sabhi tirtho ka bhav karate…bhagavan ki murti me vastav me  bhagavan nahi lekin bhakt ke hruday me bhaav dene wala bhagavan hai….tirtho me,  bhagvaan ki murti me bhakti karane se bhagavan milate lekin khub samay lagataa….tumhare satsango se darshan se antkaran shudhd hokar kshan me bedaa paar ho jata…. isi gyan ke bhuk se charan dho raha  hu…”)

 kaise bepaari hai ..!!

 

..aajkal ke jamaane me kisi ke paas lakh – 2 lakh aa jataa to chal padataa apne ko kuchh maanane lag jaataa…. ye duniyaa ka swami hai aur pattal uthaane me us ka badppan kum nahi ho jaata !

Ye asali badppan hai….!

 dropadi ko bhishm ko preranaa di ki subah subah bhishm pitaamah duryodhn ki patni ko wholesale me ashirvad dete….kal tere patiyo ko maut ka nishaanaa  banaayenge bhishm pitaamah….tum pranam karo to ve “ akhand saubhagyvati bhav” aisa wholesale ashirvaad denge…to tum puchhanaa ki ,  “aaj mere patiyo ko maut ka nishaana banayaa jayega aisa aap ka pran hai aur akhand saubhagyvati bhav aisa aap ka ashirvaad hai , to  kaun si baat saachi hogi?”…… aisa setting bhi kar dete…. kaisa bepaari hai….. !!

 

dropadi subah jati…khadkhad aawaj aati to bhagavan bolate,  “arre pagali ….ye chappal pahen ke jaa rahi to dekh le khatkhat aawaj baji to sab choupat ho jayegaa…..!”  bhagavan krushn pitaambar me dropadi ki chappal uthaate hai …..koyi baddpaan ka ahankar nahi….bole, bhishm pitaamah ko  pranaam karana…. chudiya hila dena … “sada saubhagyavati bhav” bole to kahena…. ‘kal sham ko aap ne pran kiya pandav kal ka suryast nahi dekhenge… duryodhan ukasaya to aap ne pran kiya ….. aur abhi aap ne mujhe ashirvaad diya….to kaunsa sach hoga?’ puchhanaa……

bhishm ji  dropadi ko puchhate,  “subah subah tum ko yahaa bhejane wala kaun hai?.. sach bataa beti? Madhav hai na?…. oh maadhav! ye kya kar diyaa?… mai maut sweekaar karungaa lekin  mithyaa vachan denaa  sweekar nahi karunga….. ab subah ka ashirvaad sach hoga ki kal ka vachan….koyi bhi ek vachan saty hoga to bhi mera dusara vachan mithyaa hoga……hey  keshav!… O dropadi ko sikhaa ke  bhejanewala kaha chhup gaya re……bansi baj rahi hai……kaha hai tu?”

 

achyutaay govindaay anantaay..!  dhanvantari majharaj  bataaye ki ..jin logo ke rogo ke kaaran pataa nahi chalate…kisi bhi upchaaro se bhi baaj naa aataa hai.. aise sab rogo ko mitaane wale,  nirog karaanewala  naam japanaa ..

achyutaay govindaay anantaay ….naam bheshytaam ….. “achyutaay” maane jo  kabhi apani  mahimaa se chyut nahi ho jaate…. raje maharaje chyut ho jate… chakravarti raajaao ke rajya chyut ho jaate…..bramhaa , vishnu , mahesh jin me vishranti paate hai …jo   “anantaay” hai….  un ki sharan jaao..!!

 

…..bhagavan bishm ji ko bole…..aap ka vachan jhutha naa pade…mai apanaa vachan jhutha kar letaa hu,,..!

kaisa hai ye bepaari !

krushn bhagavan ka vachan tha ki yudhd me hathiyaar nahi uthaaunga…….lekin ab mai hathiyaar uthaaungaa to tumhara vachan sachha pad jayega, mera vachan mithyaa kar deta hun!…..

… kaisa bepari hai….!

 

 jaise bachha maa ke pet me hotaa…heelchaal karataa to lath maar detaa to maa  badale me ghosaa nahi maarati ….sahe leti hai…..

 aise bhagavan hai…bhakt ke vachan  jhuthe naa ho , isliye apane vachan mithya kar dete..apani galatiyaa  sahe raha….. hamhe unnat kiye ja raha hai……jaise pet me bachcha  hilata-dulata to maa pida sahe leti…. putr ku-putr ho sakataa hai….lekin  mata ku-mata nahi  ho sakati…..putr naa karane ka kar de….naa bolane wala bol dete.. naa khane ka khaa lete to bhi vo bepaari maa ke samaan nibhaataa chala ja raha hai…..apane ko  unnat karataa chala jaa raha hai….

 

….ye kaise bepaari hai jo har kshan praani ko  kaise unchaa uthaaun ? kaise bramhras du? pratipal bhagavan ka hruday usi bhaav se kampaaymaan rahetaa hai….har kshan usi bhaav se hruday kampaaymaan  hai ki kaise karuna-varuna se srushti karu ?….jo gyan se shudhd hai vo bhi purn saty nahi hai…. gyan se mithya ho jata wo bhi purn saty nahi…. gyan se dikhataa vo bhi purn saty nahi….

 

 Bhagavan shrikrushn bole, “dekho mai hathiyar nahi uthaaunga ye mera vachan hai…….aur aap ka vachan hai ki, “mai pandavo ko marungaa agar shrikrushn ne hathiyaar naa uthaayaa to aur  agar shikhandi saamane naa aaya to....”

To agar mai hathiyaar utha leta hun, yaa  shikhandi saamane  aayaa  to aap ke 2 vachan me se ek  sachcha ho jayega….!

Krushn bhagavan  ne hathiyar uthaayaa ..!!

om namo bhagavate vasudevay!

(Pujya bapuji ne bhagavan bhakto ke vachan saty kar ne ke liye aur vo bhatak gaye to unhe sahi maarg pe laane ke liye kya kya karate hai ye point 2 udaaharano se spasht kiye :- 1) hiranykashyapu ke ghar pralhaad jaisa beta dekar narsinh awataar dhaaran kiya aur(2)bijnaur ka ek pandit punarjanm nahi maantaa tha to us ke ghar me punarjanm ki sachchi baat bataanewala beta bhagavaan de diyaa… )

 

Devataa  apane taraf bulaataa, apani  priti se,  gyan se, prem se, madhury se bhakto ko nihaal kar detaa….ye bhaarat ke kaise lilaadhaari bhagavaan hai?…..

 

om namo bhagavate vasudevaay …

 

“om” samuhik   ucharan karane se kitane jivo ka magal kar sakate hai… is bramhand ko langh jati hai aisi urjaa paidaa hoti hai…. samuhik jap me itani shakti hai…. kaisi vyavasthaa hai us parameshwar ki…..

Ghar me  “omkar”  ka “swastik” ka  bhagavan ka chitr jarur rakho..

 

(Sadgurudev ji bhagavan ne kanth me pranav ka gunjan karate huye bhraamari pranayam karavaayaa…)

..kisi ka buraa naa chaho,   bura naa dekho, aur buraa naa karo…. aur aisa uchchaaran karo to tumhari bramhaandiy urjaa sabhi ka mangal kar deti…..

Magal bhavan a-mangal  haari l

Aisaa sab mangalamy ho jata hai…

 

 

Uma ram swabhaav jehi jaana l

Tehi bhajan tyaji bhaav naa aana ll

 

Duniyaa  ka swabhaav jaanaa to duniyaa ki badmaashi samajh me aa jayegi….duniyaa ki nashwarataa se man uparaam ho jayega….

 

 

Koyi aakarshak dikhate to man se chamadaa hataake dekho ..naak uthaakar dekho…. daato ki hire ke kataar me mare  huye bacteriyaa,  naak se lit , aankho se kichad nikalate dikhegaa…. kitanaa bhi  husbond pyaar karataa ho lekin  kuchh na kuchh  apani patni se  jarur chhupaa ke  rakhate ….aisi kitani bhi wife pyaar karati ho lekin wo apani husbond se jaruru kuchh naa kuchh chhupaa ke rakhati….. ye sharir me haaad, maans , mutr … man me chhal kapat aur sansaar  me nashwarataa  bhari hai…..isliye apane pati ke /patni ke prati sadbhaav purvak vyavhaar kar ke  jo kartavy mila hai us ko nibhaa lo…(ye manushy sharir jis kaaran diyaa hai ishwar ne usi me lagaao ) ….ishwar ke kary me  adachan mat bano…..

 

..bhagavan chaahate ki tumhe swasth , sukhi aur  sanmaanit jeevan mile….. aapane bas us ki ‘haa’ me ‘haa’ milaana hai….bol do bhagavan ko , “hum taiyyaar hai!”  …. ‘haa’ kar do..!

 

Swaasthya chahiye to  kisi ka bura soche nahi, bura kare  nahi ….to aap sanmaanit  ho jayenge!

.. bhabhi ke prati nanand buraa karati to  aisa nahi  karo…..apanaa dil kharaab naa karo…. sasu ho to bahu ke prati udaar bane… bahu beti ho to  tum bhi sasu ke prati aadar kar de to hruday unnat ho jayega…..

ninda kisi ki hum kisi se bhulkar bhi naa kare…

irsha kabhi bhi hum kisi se bhulkar bhi naa kare…

saty bole , jhuth tyaage.. mel aapas me kare

 

..to aap ki bimaari kum hogi…..tan –man  swasth ho jayega ….is sutr se chalate ..ye sutr ghar me rakhe to ghar swarg ho jayega…!!

 

 

jab bhi koyi kuchh phariyaad karataa to jarur kuchh milaavat karega ….ki saamane wale ke hruday me napharat ke bij boye….. kaahe ko tode dusare ko? (jodane ka kaam karo mel aapas me kare..)

 

 

mujhe to moradabad ke 4 bhai aur  un ka baap mila…. aur charo bhai sath me rahete….. mai prasan huaa ..un ke dadaaji ghanto bhaith ke jap dhyaan karate aur beto ka  kaam kaaj achha hai….sukhi hai .. un ke bete desh videsh me padhate… dada bhi hai,  baap bhi hai,  pote bhi hai…

jinho ne bhaarat ke sanskruti ka aashray liyaa hai , un ke gharo me aanand , sukh shanti hai…..

 

 

..jin ke sanskaar  nahi hote, (un ka jeevan narakmay ho jaata hai..) ….

 

… ek andha kanoon banane jaa rahaa hai….pati – patni naa bhi ho , aur sath rahete ho to vo rishta mana jayega…..

 

 is andhe kanoon se desh ki vyavastha charmaara jaayegi… ayogy nate ke sath bachcha aawaaraa ho jayegaa…. agar ye kannon paas ho gaya to videshiyo  ki andhi chhut-chhaat bhaarat ki sanskruti ki , samaaj ki bahot bahot haani hogi…… nakal ki nakal kara ke sukhi hone ki galati karate, vo ye samajh le ki  vishw ko  yogy dishaa me ,  sahi dishaa me jaane ki preranaa denewali bharat ki sanskruti hai ..bharat ki paramparaa hai…is liye is ki rakshaa karanaa humhara kartyavy hai,  uttardaayitv hai….

 

bachcho ko unnat karane me maa baap dono  sahyogi hote ….janataa ko aisa andhaa kanoon dekar sri aur purush dono ki aparimit haani karegaa…. bachcho ki haani karega….

 

bharat ki shaadi byah  ye paramparaa  maryada ki paramparaa hai…ye kannon abhi  maharashtr me hone ki koshish hai…aage deshabhar ke log me ayegaa..is liye abhi se saawdhaan ho jaaye…

 

mahapurush ke aage maun hokar naa baitho…..kuchh naa kuchh puchho….un ki  budhdi kaa phayadaa lo !

 

 

maine moradabaad me ek baat kahi thi..ki..

budhd ko un ke anuyaayi ne puchha , “bhante kya sab se thos hai? Ye chattaan hai?”

budhd bole, “ nahi vats… is se jyada prabhavshali hai loha.. lohe ka hathoda is ko tod deta ……loh nahi tutataa ….shilaa/chattaan tutataa

….

Kya koyi chij lohe se maat kar deti hai?

Haa, agni lohe ko pighalaa deti…loh eko mod deti!

Kya agni se prabhaavshali bhi kuchh hai?

Haa, pani..

ek bund se manushy bana deti…. prani matr ka jeevan,  poshan pani se hi hota hai…

agni bujha dete firebrigade wale… pani se aag ko niyantrit kar dete …

pani se kya prabhaavshali hai?

…. laakho kaorodo gaalan pani bhare huye  baadalo ko vayu le bhaagati hai….

vayu se jyada shaktishali kya hai?

vats , sankalp sarvopari shaktishali hai ….

 sankalp vayu ka bhi upyog kar letaaa hai …!

 

maine budhd ki ye kathaa sunayi (to us bepaariyo ke bepaari ne mere mann me aisa vichaar diyaa ki )…..sankalp jahaa se uthataa vo chaityany sab se jyada prabhaavshali hai…..

 

ye mahine ki 8/9 tarikh ko maine is baat par  prakaash daala…. 10 tarikh ko akhbaar me aaya ki Taiwaan me ek prayog kiyaa gayaa….ek  saap  ko chuhaa diya gaya kahen ko …. saap ko bhukha rakha tha…saap ne pinjare me pada pada dekha ki chuhaa chhoda hai to  jab saap us ko swaahaa karane ko aage badha… lekin chuhe ne than li… chuhe ka sankalp itana haavi huaa ki “sankalp” shabd nahi likha tha akhabaar me,  (dainik jaagaran me)… chuhaa saap se 37 minute tak jhujhataa  rahaa …..aakhir saap mar gayaa….. kahaa maine satsang me vo baat kahi aur kahaa taiwan ki baat sunane me aayi ! aisaa hai vo bhagvaan jo kaal aur sthaan par maat kar deta hai!!

 

Chattan se loha-lohe se agni- agni se jal- jal se vayu aur vayu se majboot hai shubh sankalp ka bal….yahaa tak budhd ki kathaa sunanae me aayi…sadhaak sahemat ho gaye honge to  budhd ne chup kar li hogi ……mujhe tunant  hruday ko prerit  kiya gurukrupa se ki sankalp se bhi kuchh majboot hai….. us pustak me to sankalp par hi katha puri ho gayi ….lekin ishwar ne, guru ki krupa ne mere hruday me kathaa aur aage badhaayi ..

 

…ki sankalp se aage bhi kuchh hai…. sankalp  saphal viphal hote,saphalata viphalata mit jati, sankalp karanewala vyakti ka sharir mar jaata phir bhi jo rahetaa, wo kaun hai? ..kayi sankalp-waan paida huye aur mar gaye.. phir bhi dharati chal rahi …wo sab se thos kya hai? sankalp bahot majboot  hote,  kamjor bhi  hote, sankalp me bal hota ..ye mai jaanata hun…phir bhi kahetaa hun ki sankalp se bhi badaa kuchh hai…vo hai…

— sankalp jahaa se aata wo sthaan…sab se badaa hai…. !aur wo ho aatma- parmaatmaa…

 

…jitane ni:sankalpa utane aap us ke karib hote ho….. bramhaaji ni:sankapl hote …. srushti ki rachanaa karate….bhagavan narayan devshayani ekadashi se abhi tak ni:sankalp me shayan kar rahe….

bhagavan dev-oothi ekadashi tuk ni:sankalp avastha me rahete…

 

…ham bhi ni:sankalp rahete…jitani der ni:sankalp rahete, us aatma-paramtama ke dhyan me rahete..us niyam ko kar ke aate tabhi to wahaa se uthane wale  shabd sunane ke liye aap yahaa ghanto baithe rahete…….aap yahaa mera  bhaashan sunane nahi aate….kisi vyakti ka bhashan sunane  ke liye itani bhid diwaani nahi ho sakati!! J

 

… lakho-karodo log…desh–videsho me bhi….kuchh aayojan nahi… prayojan nahi… mere paas koyi aihik duniyaa ki sattaa nahi, koyi pad nahi… phir bhi kaun si shakti hai jo tumhe yahaa le aati hai…desh videsho me log apane gharo me TV ke aage, anya sadhano ke aage baithe rahete hai….mere shabd sunkar aap ke hruday ko aanandeet, aalhadeet, andoleet karati hai….bapu ke prati sab kuchh karane ko tayyar  ho jaate  aisi kis ki satta is ke pichhe kaam kar rahi hai?

 

mai khabare nahi padhataa , TV nahi dekhataa… koyi jaruri baate hoti to koyi sunaa dete…  mai apane ni:sankalp narayan me mast rahete….(to  mere hruday me shanti, aanand ,gyan ka dariyaa laheraataa aur )mere shishy  bhi utani hi teji se  unnat ho rahe….

 

…is ke pichhe koyi thos sankalp hai kya?agar mai sochu ki , “mai  aisa karu , waisa karu” to mai itanaa murkh  nahi ki sankalp kar kar ke khap jaau.. pach jaau….. mai koyi sankalp nahi karataa…..lekin  jahaa se sankalp uthate, sankalp saphal hote ,sankalpo ko  saphala-taa dene wali  satta ko chhu kar mai bolataa hun , isiliye aap sunate hai….

 

..sankalp mit jaate,  phir bhi jo nahi mitaa wo param shaktishali paramatma hai….. kisi ko naa bhi lage to bhi vo hai !!:-)

..mai naa bhi bolu to bhi wo hai….us ko kisi ke pramaan patr ki jarurat nahi hai…… prabhu antaryami hai…. aap me kayi srushtiyaa  khadabadaa rahi hai….

Sankalp se bhi badaa…sab se badaa sankalp bal dene wala hai….sankalp bal denewale aap(aatma-paramtma) se badaa sankalp nahi ho sakataa.. mai to is natije  pe aaya hun…..

hey ni:sankalp narayan…. ham tum me shant ho jaaye…..

 

(pujya bapuji kabirji ka doha bole..)… kabir ji ni:sankalp ko sanket karate hai…. us ka smaran sankalp me aa jaaye isliye bolate…

“bhalaa ho.. hari bisaare…”

Naanak ji bhi kahete….

Sumiran aisa kijiye, kare nishane chot l

Man ishwar me leen ho,  hale naa jivha hoth ll

Ni:sankalp ki taraf ishaaraa  hai….

Shrikrushn bhagavan ne gita me kaha sarv sankalp jahaa se  uthate us me vo sthir hota wo param yogi hai (pujya bapuji shlok bole) …..

 

sankalp ka tyag kiye bina koyi yogi nahi hota …..ek aisi bhi avasthaa hai ….jaha sankalp ko bhi mahatv naa do..

tapasvi se yogi unchaa hai, kyo ki tapasvi ka tapasvi-pane ka sankalp hai ….karmi kuchh bhog kar ke karm bandhan me padega…us se gyani badaa hai… gyani se yogi adhik hai…. yogi se yoginaam uncha hai…..jis me ni:sankalp ho jaaye….

 

(pujy bapuji bhagavat ke dasave skandh ke, vishnu dharmottara granth ke, aur naarad puran ke shlok bole…)

 

 sankalp bada ki sankalp jaha se aata wo bada…..samajhane  me der naa  karo..

 

..mai gurudevk charano me tha, to bole ki,  

rudhdi siddhi ko dhikkaar dena……(ni:sankalp avastha ka itana mahtv hai..)

hanumaan ji isi ni:sankalp awastha paane ke liye Shri Ram ji ke sewak  ho gaye…..

shri Ram ji ne puchha,  “ab mai  kaisa lagataa hun?”

 …hanuman ji kahete hai, “vyavahaar ki drushti se to mai  sewak aur aap swami lagate hai, lekin tatv drushti se dekhataa hun to  jo aap hai wo mai hun!!”

 ..jis tatv se ram ji “Ram ji” hai usi parameshwar ki satta hanumanji ko hruday ko chamakaa rahi hai is ka anubhav ho gaya…..ram ji hanuman ji ko aalingan dete…..

Ram lakshman jaanaki , jay bolo hanuman ki !!

 

…..unhi sankalp ko bal denewale tumhare aatma hai…. kitane sharir paida ho ho ke mite phri bhi jo nahi mita…. kitane sukh-dukh aa aa  ke mit gaye…. un ko janane wala ni:sankalp narayan mitega kya?

(jis ne ye jaan liya, uska gyan yukt tap hai ..)

 

..jo us ke prati sneh karata hai , use bhagavan bhakti dete… sansaar  ki vishay waasanaa mitana ye bhakti ka phal hai. …sat me, anant me aap ko jagaa deta hai….

 

aag kapade ka mail  mita nahi sakati….. aag kapade ko jalaati hai…..(aise hi sansaar ki vishay waasanaa jiv ko dukh, kasht, pida me jalaati/tapaati hai)…..kapade ki mail mitane ke liye sabunpani ki jarurat hoti hai…..bhakti hai sabunpani !! … bhakti ke sabunpani se antkaran ki mail mitaa de to antkaran DIl-E- Dilbar ka  ras lene ke yogy ban jata !!…. bhakti mata ka sabun pani jiv ke vikaro ka mail utar jata hai….. satkarm , sewa aadi se antkaran nirmal hota ..bhagavan kahete , “jo nirmal hote wo mujhe paate….. chhal-chhidra, kapat karate vo mujhe nahi paa sakate”

..jitane bure karm karate , utane hi a-shanti ki taraf jaate ..

 

kapat gaanth man me nahi, sab se sahaj swabhav l

narayan wa bhakt ki lagi kinaare naav ll

 

 

  • ***** ratri ko  gobhi khana go-maans khanne se bhi jyada  hanikark hai ..
  • ravivaar ko adrak aarogy ka satyaanash karata hai..
  • a-paachan badhaa to  ajawaain, sunth aur kali mirch ka mishran kar ke vo powder ek  chutaki le to paachan thik hoga…subah le le aur 2/3 ghante baad bhojan kare…
  • ****dhup se aakar pani pine se swaasthy bigadata…. (peshaab ki bimaari nahi mitati…. )
  • Haasya  prayog se rog pratikaarak shakti  badhati hai.. tumer ki vrudhdi nahi hoti….gloucose niyatran hota hai…. haasy me bhagavan ka naam ho to  bahot kalyaankari hai …
  •  Lohe ke bartan me dudh ubalakar pine se rakt badhataa…
  • Saraso ki saag swaasthy ke liye achchi nahi.
  • Udad ki daal swasthy ke liye nuksaan karati hai, mung ki daal phayadaa karati hai…
  • Jin bachcho ko padhate samay nind aati ho yaa aalasy aata ho to un ke kamare me hare rang ke (green color) ke parade lagaao..
  • Bachche padhane me dhile ho to budhdi badhaane ke liye sarswati mantr 21 baar padhake bilw-patr, palaash ke patte aur shakkar milakar us ka havan kare……
  • Pariksha ko jaate samay bachcho ke hath par dahi aaur shakkar milakar khilaye aur mathe par kesar ka tilak kare..
  • rasgulla , panir ye tumar ka saman hai , bimari ka saamaan hai…

 

shaaradiya poonam ke baad jada shuru ho jayega….jade me sharir pusht hota, aur  bhakti se man pusht hota, (satsang)gyan se budhdi pusht hoti  ….sharir, man, budhdi  ab pusht ho gaye to kaam krodh, lobh , moh  me phasenge nahi….sari jindagi nirog rahe ….gyan sukshm ho ….sharir swasth rahe…..

 

bhagavan aise bepaari hai….. hamaaraa sarvangin  vikaas karane ke liye kaise sant aur satsang  bhej dete…..! J  aii haiii

 

ye kaun saa bepaari mujhe prerit kar rahaa hai….ye kaun kampaaymaan ho rahaa hai ki kaise sabhi ka mangal ho , kaise sabhi ka bhalaa hi bhalaa ho !!

..achha kaam karate to mitr dekar utsaaheet karata, ahankaari ko chapet lagaataa hai ….kaun hai ye  parmeshwar? kaun hai sab se bada ?

 

…. ham chaahate ki ku-prachar karanewale bhi laanat se  kaise  bach jaaye …..hum se  takaraakar apanaa shanti puny barbaad naa karo… mai aap ko  hath jodkar praarthanaa karataa hun…..

Hath isliye nahi jod rahaa hun ki mera koyi labh hai…mere paas to kisi se takaraane  ke liye samay hi nahi………. jo aap chaahate vo mere paaas hai! J  yash aap chaahate, saphal jeevan aap chaahate,  sukhi jeevan aur  sanmanit jeevan aap chaahate hai …..mere paas guruji ke krupa se aur ishwar ki dayaa se is ki bahot  kunjiyaa  hai…..!

 Narayan narayan narayan narayan …

….  aap sun rahe isliye kaheta hun ki ye laghu granthi hai kholane ki krupaa kare….laghu granthi ko  baandh ke badhaate  to apanaa hi satyaanash hota hai …..(tum bhi mere pyare ho…)

 

sab tumhare , tum sabhi ke,

phaasale dil se haata do..ll

 

mai pakisthan me satsang karane gayaa to 1 baje namaj tha , mai paune 2 baje tak satsang karataa rahaa!…. ye prem ki taakad thi….. isliye mai saphal ho gaya… mere dil me kisi ke liye  napharat  nahi hai…..to mera  kya bigadegaa?….

 

bure se bure vyakti me bhi mangalkaari shakti chhupi hai …..tatv rup se  to koyi bura hota hi nahi !……buraayi aagantuk hai ..koyi ku-sanskaar bhar deta , laghu granthi ko pakad leta hai…. sada rahene wali buraayi nahi…..

sadaa rahene wala to vo shashwat  tatv hai…. us shashwat tatv ko tum Aallah kaho,  God kaho …..vo sankalp se balawaan hai….. jis se sankalp saphal yaa viphal ho jate…. wo bhagavan hai…

 

 

….jin sarkaaro ko satsangi adhikariyo ki  kadar hai, un sarkaaro ko mai dhanywad deta hun..!…. adhkaari satsangi hoga  to prajaa ka  dhyan rakhane wala hoga…. prajaa ke heet-kaari hogaa…. aisa nahi ki satsangi galati nahi karataa…..lekin us se 5 galati hoti  ho to bina satsangi 50 galatiyaa karataa aur galati ko galati bhi nahi maanegaa!

 

Kaisaa bepaari hai tu…. ab mai tumhaare bepaar pe bolataa hun to  mera hruday bhar jaayega..!!

 

 

 

..aap ke dil me satsang kaa aakarshan deta aur kaisa bhakti ras ka dukaan lagavaayaa!!..

…maa ke hruday me vatsaly bhar diya…pita ke hruday me anushaasan bhar diya…

 

…gujarath me kayi akhabaare ab (Pujya Bapuji ka)sastang prakaashit karene lagi..

 

vo akhabaaro ke  maaliko ko  mai nahi jaanataa…mai to us maliko ke malik ko jaanataa hun…:-)  kaise  prerit kar detaa …hariyaane ke kuchh akhabaaro  me bhi ku-prachar ki pol khol ke ,kaise jhuthe hathkande ban jaate aisa sab likhaa hai…..

 

iljaam lagaanewalo ne  iljaam lagaaye lakh magar…..

 

..iljaam lagaan ewalo ne  raamsukh das mahaaraj par bhi lagaaye dharmataran walo ne….60 saal ki umra me vo mahaatamaa the..bahot pavitr aatmaa the…….. ramsukhdas ji aise pavitr the ki mai bhi un ke saamane koyi mana nahi rakhataa…… meri pavitrataa bhi koyi  mana nahi rakhati aise sant pe itane aarop lagaaye….sant maharaj ne  ann jal chhod diya ….sant ann jal chhode to kul, yash ka nash ho jata… pitaro ki bhi haalat kharab ho jati…  sajjano me jagruti aayi…(bole aise pavitr sant ki jhuthi  badnaami  jo karate )un ke munh pe thuko sab….. us ke baad 40 varsh rahe….  100 varsh tak un ka sharir rahaa……

Mai bhi ab 70 saal ka ho gaya….. mere liye dulhan banaayi jaa rahi hai…. J  …. !

sab ko sanmati de bhagavan….

 

..hum  to hameshaa bolate hai, hamhari to roj shadi hoti…. J

har roj nayi ek shadi hai ..shadi  maane shaad aabaad !

shaadi me to hajaar 5 hajaar log aate…yahaa to har roj naa jane kaha se kaha se log aate…..dulha ka baap to bechara  khila pila  ke bhejataa ..mai to kuch bhi nahi detaa,  ye to mujhe hi  khilane le aate…!

har roj mubaarak baji hai….jab aashik mast prabhu ka huaa to kya dilgiri baba?:-)

 

 

 

…vo bepaari to mere bepar ko badhaavaa dene ke liye dravibhut hota hai ..kaise in jivo ko unchaa uthaau..

hari om hari om hari om hari om om om …:-) (bapuji hasy karvaaye)

 

aap sabhi ko shiv ji ki taraf se bahot dhanyawaad hai….

 

dhanyo mata pita dhanyo, gotram dhanyam kulodbhav l

dhanyach vasudhaa devi, yatrsyaat guru bhaktataa ll

 

 

Om Shanti.

 

Hari Om!Sadgurudevji Bhagaavn ki jay ho!!!!!

Galatiyo ke liye prabhuji kshamaa kare….

Advertisements
Explore posts in the same categories: Pujya Bapuji

One Comment on “Gajab ka vyapari : Ishwar”

  1. Ritu Says:

    Hariomji!
    Thanks a ton!! main Ameirca me hoon aur kaam karti hoon isliye LIVE stasang nahi sun payi poonam ka par har jagah net pe, sites pe dhoondhti rahi and then I found ur website. Aapki sewa ko aur sewabhaav ko koti koti naman!! Gurudev aapki saadhna me aur badotri karein. sadho! sadho!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: