Laali mere Laal Ki…..

Oct 7th  2008; IST : 4.15 pm ; Bareli satsang_live

 

********************************************************

Sadgurudev SantShiromani ParamPujya ShriAsaramBapuji ki Amrutwani :-

 

******************************************************

 

 

sansar sapana hai…

 

dukh aaya ….aaya tab bahot bhari lag raha tha…lekin ab  sapana ho gaya… sukh aaya…. bada majaa aaya…. lekin ab sapana hai…. sukh dukh aaya-chalaa gayaa …us ko jaanane wala abhi hai….usi ka naam hai bhagavan, usi ko bolate paramatma…hari….

 

hari sam jag kachhu vastu nahi

 

 sapane ki chije prabhaav-shali dikhati lekin us ka mahatv nahi hota…aankh kholate hi kuchh nahi….aise  sab ho ho ke badal jata wo sansar hai….us  badalaahat ke baad bhi jo raheta wo hai paramaatma…. ek omkar….. hari….

HARI :  jo papa taap har le…

diya jala ke roj 15 min “hari om” ka gunjan karate to bahot labh hota hai…jitani der uchcharan utani der chup..phir se uchcharan aise kare….

jis ne bhagavan ka swabhav jana us ko jagat sapana lagega….shiv ji bolate parvati ji ko…..

 

uma kahu mai anubhav apanaal

saty HARI bhaj,  jagat sab sapana ll

 

jagat ka asali gyan hoga to  gandagi se bharaa huaa lagegaa jagat! bhagavan ko jaanoge to bhagavan ko  prem kiye bina nahi rahe sakate…

 

uma ram swabhaav jehi jana l

 taahi bhajan binu bhaav na aana ll

 

 

Bhagavan ka swabhav jaan loge to :-

Ø      jugaar khele bagair juwari  rahe jaye,

Ø      sharaabi sharab binaa rahe jaaye ,

Ø      machhali pani ke binaa rahe jaaye ,

Ø      lekin  aap bhagavan ke ras ke swarup ke bina nahi rahe sakate aisa wo gyan swarup hai, prem swarup, param hiteshi, param suhurd hai ..!!

 

duniyaa ke sari universitiyo ke degree aur certificates mera vikas itana nahi ho sakataa tha , jitana gurukrupa se bhagavan ke swabhav me shant hone se huaa hai….

merat tumhare bareli se door nahi…..waha ke  roop narayan hai,  duniya bhar ki degreeya hai us ke paas…..lekin itanaa behaal tha ki  

diksha liya tab khushhaal huaa……

kayi universitiyo ne us ko  vidwan ghoshit kiya hai…!

kayi voice chanceler us ke  chele hai !

kayi Phd. Us ke chele hai aur vo mera chelaa hai..!!

 

 

mujhe tumhara chelaa-pan nahi chaahiye..naa hi tumhare se koyi chij….mujhe to bas ..

tu tera dil  de de ..mai prem ka amrut  bhar dun…!

tu tera OOR aangan de de.. mai prabhu kaa darshan karaa du..!!

 

narayan hari ..narayan hari….

 

uma ram swabhav jehi jaanaa l

taahi bhajan tyaji bhaaav naa aana..ll

 

bolo naa…

 

bhgavan ras swarup hai….aur aadami ko ras chahiye…. isliye daaru pita ras ke liye…paan masaala khata ras ke liye…shaadi karataa ras lene ke liye…..jo bhi karataa ras ke liye… sukhi hone ke liye….. sukh ka mul to bhagvaan hai …..!

raat ko kuchh nahi karate…nind se jaagate to  paheli minute ko  kitana achha lagataa !gaheri nind na aaye to aadami kaam karane ke laayak nahi raheta …..

roj thakaan kaun mitaata hai?

man budhdi ko kaun posataa hai?

Aisa kaun dev hai ki sharir sath chhodane ke baad bhi tumhara sath nahi chhodata?marane ke baad bhi  ye swarg hai narak hai… ye apana hai ..ye paraayaa hai …kaise pata chalataa?

 

shaligram ki pooja karate to aap aisa nahi kahete ki “hey gandagi nadi ke paththar mai tujhe namskar kartaa hun….”… aap ke paas shastr ka gyan hai…. aap us ko bhagavaan maanate…bhagavan ki murti to baahar hai lekin bhav andar hai…. to vo bhagavan tumhare hruday me aanand bhartaa, swapne me dikhata …aap marate to apane dham me le jaataa!…..ye bhagavan ki bhagavat-ta hai…..!

 

hari sam jag kachhu vastu nahi, gita sam nahi granth l

sadguru sam sajjan nahi, prem panth sam panth ll  

 

sadguru ki sajjana-ta pe natmastak hai…

 

 

84 lakh janamo ke phere se bachaate…hamaara mangal karate…hari sam kachhu vastu nahi……. sadgruru sam sajjan nahi..

 

(Param Pujya Bapuji ne dashare se sharad poonam tak chandrama ko roj tiktiki lagaa ke dekhane ko kaha, jis se aankho ke bahot phayda hoga, swabhav ka chidchida pan jayega aur prasannata aayegi…sharad poonam ko raat ko sirf khir khani hai , jis me kaju badaam nahi daalanaa hai aur khana bhi nahi khaye….khir ko 200gram chawal aur 1liter dudh is matra me banaani hai…raat ko sadhe 8 baje banaa le , aur raat 8.30 se 12 baje tak chandramaa ki kirano me rakhe…aur raat ko baara baje khaaye..jin ko ashtamaa(damme) ki taklif hai ,ve log is khir me ashram se mophat me milane wali jadibuti ki davaayi laaye aur khir me milaake chandramaa ki kirano me rakhe….raat ko khir khane ke baad astamaawale logo ko sona nahi hai….tahelanaa hai….phayada hota hi hai…..jin ko aankho ki taklif hai ve log tripahala rasayan banaa le..500gram triphala rasayan + 400 gram gaay ka shudhd ghee+250 gram shahed milaaakar sharad poonam ki raat ko chandi ke bartan me chandani me rakhe, subah kaanch ki barani me bhar ke rakhe, roj subah sham 10/11gram gungune pani ke sath khaaye..to chasme utar jayenge jaise sadgurudevji bhagavan ke utar gaye 🙂  )

 

om namo bhagvaate vasduevay

vasudevay priti devay…. shanti devay…

 

sote samay….din me achhe kam kiye to prabhu aap ki satta se spurit huye…  aur agar galati kiya  to prabhu man budhdi indriyo ki bewkufi thi … galati kiya , dobaaraa nahi karunga….aise bol ke  bhagvaan ko pyaar karate jaao…. ….tum dindayaal ho…

tumhara swabahv ham nahi janate lekin mai tumhaara hun… aisa kar ke bhagavan ko pyar karate karate so jaao…… gajab ka phayda hoga…

kabhi shwas andar jaaye “om”..bahar aaye- 1..shwas andar jaaye “aanand” baahar aaye 2..aisi ginati karate karate so jaaye…..

 

 “tum mera bhagavan ho na?” puchho… ek hath mera manataa hu, ek tumhara aisa kar ke apane hi ek hath se dusaraa hath milaao…..aur dabaao…. “bhagavaan tum mere ho na?”….(hath dukhega to apane aap hi bologe..) oohhooo…… tum ko majaa  aayega!bhagavan ko bhi majaa aayega!! 🙂  bachcha jhuth muth ka marataa to aap “uuuu hhuuuu” karate to  bachche ko majaa aataa aur  maa ko bhi majaa aata hai..nahi aata hai kya?:-) (aata hai!)

 

 bhagavan ka swabhav samajh me aane lagega….

 

raat ke sote samay bhagavan se hath milaao..

 

nind bhi achchi aayegi (aur bhagavan se dosti bhi ho jayegi!)apane to  dono hath me laddoo! 🙂 .. maharaj…… vasudev bhagavan …..prabhuji….. guru ji …..om om om shiv ji …. mai tumhara hun na ? om om ram ram ram hari om om……ha ha ha ha ha kar ke hath upar kar ke hasy kare…aur so jaaye… to …. aii haiiii ….

 

sant log kaise masti karate ..

(Param Pujya Bapuji kahani bataaye ki, sant tulasi das ji  baanke bihaari ji ke mandir me gaye aur dekhate rahe…poojari bola, “pranaam karo maharaj”….to tulasidas ji bole, mai  pranaam kay ko karu?ye  tumhare bhagavan hai!mere bhagavan to bhagavan ram hai ,  baanke bihaari mere bhagavan nahi!”

 ..ye bhagavan hai , tulasidas ji jaanate the, phir bhi sant (jan-kalyan ke liye )sarv vyaapak khel karate…

Poojari bola, “ram aur krushn to ek hi hai”

Tulasidas ji bole, “mere bhagavan to dhanushy dhari hai…. ram ji to hath me dhanushy dhaaran karate ….aur ye bhagavan to bansi bajaate….bhagavan ram aur  krushn me bhed nahi to bhagavn krushn ram ji ban ke dikhaye….. hath me dhanushy-baan leke dikhaaye…bansi nahi!!” to baanke bihaari ji ne dhanushy baan uthaaye !!)

 

shrikrushn bhayo raghunath !!

 

…ye hai bhagavan ka swabhaav!!

 

 kaisa pyara hai wo prabhu! bhakto ke liye kuchh bhi karane ko taiyyar hai…..!!

aur tum ko sharam nahi aati…. aisa pyara bhagavan apane dil me hai ….aur tum pareshan ho, dukhi ho, khinn ho…. sharam nahi aati?…

 

 

maar khana hai?

Maar khana hai  ki khir khaani hai? 🙂

(krupasindhu sadgurudev ji ne nokar aur seth wali ‘khir khani hai ki maar khana hai?’ Ye kahaani bataayi…)

 poonam ki raat ko sui me dhaga piro to aankho ki roshani badhegi ….

 

bhagvaan ka swabhav yaad kar lo to bhi majaa aa jaataa aur bapu ka swabhaav yaad kar lo to bhi majaa aa jayega !!…aii haii.. 🙂

 

bhagavan aur santo ka swabhav hai prasann rahene ka !

 

budhda kaun hai?

50 saal ka hai aur khinn hai, negative sochata hai .. ‘mera to koyi nahi’….to vo  budhda hai….jindaa hokar bhi  maraa huaa hai ….

Aur jo khush raheta, sadaiv prasann raheta,utsaahit raheta..bhagavan ke  swabhav se apana swabhav milaataa to wo 100 saal ka bhi jawaan

Hai!!

om namo bhagavate vasudevay..

 

udyama saaahsam dhairyam budhdi shakti parakram l

 

ye 6 chije ho to kadam kadam pe prabhuji ki satta ke phayade milate..

 

kal ham ne bol diya  7.30 baje mantr diksha hogi..jab ki hamesha bolate ki 6 baje hogi….to kal 6 se 7.30 baje tak barish thi!..ye season thodi hai….. lekin bol diye to jo kuchh hona tha ho gaya….. saade saat ke baad diksha bhi ho gayi! ….

 

moradabad walo ne bahot  chakkar kaate(satsang taarikh ke liye)..aasaramayan ke path abhi tak chale…!

 

jin ko bhagavan ka , sant ka swabhav mila hai, un ko bahot phayade  huye hai! aii haii…… 🙂

 

 

(ravan aur mandodari ki katha hai….ek baar ravan aur mandodari samudr kinare baithe the) “ ram ji ka naam likh ke pathhar daalate to kaise tarate  hai?”…..raavan  soche….. ravan bola, “mujhe samajh me nahi aata kya jadoo hai ..”

“to nath kya kare?” manodari boli.

Ravan ne ek paththar uthaya us pe khud ka naam likha aur pani me phenka to wo tarane lagaa!

 Mandodari boli, ki shriram ka naam hai to thik hai lekin aap ka naam likha to bhi paththar tarane laga…..!

To raawan bola, koyi dekhata to nahi ….tum kisi ko nahi bataaogi to bolataa hun…. 🙂 

Mandodari boli, “nahi bataaungi” phir bhi baat baapu tak pahunch gayi! 🙂

 Mandodari boli, “bataayiye nath kya baat thi….”

Ravan bola, “baat ye thi ki , paththar pe to maine “raavan” likha… lekin jab  pathtar pheka to paththar ko bola, “tujhe kasam hai ram ki !agar duba to  🙂 !!”

 

bhagavan ka swabhaav hai gyan swarup..vo suhurd hai….bhagavan ke  swabhav ke kitane gun  bataaunga ?……jin ko bhagavan ka  swabhav janaanaa hai ve “narayan stuti” …. padhana… phir  bhagavan ko yaa guru ko  ek tuk  dekhana…… aap ke hruday me bhagavan ka swabhaav pragat hoga….

 

lali mere laal ki ….lali dekhan mai gayi to mai bhi ho gayi khush haal..!!

 

aaii haiii 🙂

 

 

narayan hari

 

naryan narayan ……hari om hari om hari om ..

 

 

(satsang pura hote hi Bapuji ne moradabad ki aor prasthan kiya….)

 

Om Shanti.

 

Hari Om!Sadgurudev ji Bhagavan ki Jay ho!!!!!

Galatiyo ke liye prabhuji kshama kare……

Advertisements
Explore posts in the same categories: Pujya Bapuji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: