Sant aur Satsang mahima!…..

 

Oct. 6th 2008, IST : 4.30pm ; Bareli satsang_live

*********************************

Shri Sureshanandji maharaj ki amrutvani

*********************************

 

…Ek ghar me bete ka janm huaa….to bole ki , “income” huaa hai….to sunanewala samjhaa nahi…to bole..beta huaa hai …bada hoga…dahej layegaa…to income huaa na!” kaisi halaki mansikata hai!!

Aur jab beti huyi to bole , “income tax” aayaa hai… aisi halaki manasikataa walo ko bhagavan bachaaye…

 

…beti huyi ghar me to beti nahi lakshmi huyi aisa manana chahiye….  mai to baolataa hun , mithayi baanto!

… kanya ghar ki lakshmi roop hoti hai….us ke aane se ghar barbaad nahi aabaad hota hai…  

  • Kanya ka vivaah karate samay bhi mata pita hadbadi me naa kare….bhavishy ka dhyan kar ke shadi karani chahiye…
  • Agar kanya ke vivaah me samasyaa aa rahi hai to ghabaraane ki aavashyakataa nahi…ek lote me jal bhar ke us me thoda gud daal ke sury bhagavan ko roj subah arghy de..aur prarthana kare ki,  ‘kanya ko  ghar aur var achha mile , meri beti ki shadi achhi jagah ho’ ….  
  • Kisi kanya ko shadi ke baad sasuraal me samasyaa aa rahi ho to shukl paksh ki teej ko upvaas kare…gaay ko roti khilaaye….gaay ko aur swayam ko chandan se tilak kare…parvati maa ka smaran kare aur prarthana kare ki, “hey maa  aap ka gruhasth jeevan jaisa sundar aur sukh shanti aanand may hai aisa mera bhi gruhasth jeevan ho” …. baas…. itani arji laga de.. !sab thik ho jayega!

 

log ek taraf se utpaadan badhana chaahate aur dusari taraf utpaadak shakti ko khatam karanaa chaahate hai….

 

sanaatan dharam me kitane mahaan sant mahapurush avtarit huye hai…..agar garbh gira do to aise mahaan aatmaye kaise aayenge?aise mahaapurush ka janam kaise hoga…?

 

bapuji ke mitr sant ramsukhdas ji maharaj kaha karate the is bare me ki  kanya bhrun hatya mahaa-paap hai..!

bapuji bhi kayi saalo se satsang me kahete hai ki kanya bhrun hatya nahi kare….

 ..mahapurusho ke dil se baat nilkalati to saty hoke raheti..

swami vivekanand bolate ki is desh ke har bachche ko shiksha mile aisa samay aayega to abhi gaanv gaanv me school hai , paathshaalaaye

hai ki nahi?

 

aap jo bhi satsang me aaye hai ….ghar jaye satsang pura hone ke  baad to apane sath satsang  ki pustak yaa satsang ki cd sath me jarur le jaaye… dusaro ko bhi sunaye…

ye bada mahaan bhagavat kary hai..

 

 

ishwar ke raste swayam chalanaa , auro ko bhi leke chalanaa is se bada daivi kary aur kya hoga?

 

…ek baar devrushi naarad ji bhagavan vishnu ke paas pahunche to dekha ki bhagavan vishnu ji ki aankhe to khuli thi lekin ve naarad ji ki taraf dekh nahi rahe..

To naarad ji bole, “bhagavan , mujh se koyi bhul huyi to kshamaa kijiye…aap ki aankhe to khuli hai lekin aisa lag rahaa ki aap meri taraf dekh nahi rahe….”

To bhagavan vishnu ji bole, “mai apane swarup ki samadhi me nimagn hun ..!”

To naarad ji bole, “apane swarup ke samadhi me nimagn kaise hote?”

Bhagavaan vishnu ji bole, “ye to sant ke satsang me jaaoge  tabhi pata chalega..”

Naarad ji puchhane lage ki , “kya itani mahimaa hoti hai sant ki aur satsang ki?bhagavan , sant aur satsang ki maheema jaanane ke liye kya kare?……”

Bhagavan vishnu bole,

“ek kaam karo .. tum mrutyu lok mey jaao….waha aisi aisi jagah par bargad ka ped hai…..us pe ek  kidaa  chadh raha hai…tum us  kide ko puchho….”

..to naarad ji pruthvi par aaye..bargad ke ped ke paas pahunche ….aur us par chad rahe  kide ko puchha ki, “sant aur satsang ki mahimaa kya hai?”…narad ji itanaa bole to kida mar gaya !

Naarad ji soche… ‘ye sant aur satsang ki mahimaa hai ?’

Ve phir se vishnu bhagavan ji ke paas pahunche aur bataayaa ki kida to puchhate hi mar gaya…

 

To prabhu bole, “usi ped ke upar ek tote ke bachche ka  janam huaa hai…. us ko jaa kar puchho….”

 

To narad ji waha pahunche aur waha   tote ka bachcha tha us ko puchhe ki , sant aur satsang ki mahimaa kya hai?”

..to narad ji ke itana puchhate hi wo tote ka bachcha bhi mar gaya!!

Us ki gardan  jhuk gayi….

bhagavan par bharosaa tha , to phir pahunche bhagavan ke paas….

…bole ki, ‘bhagavan tote ka bachcha to mar gaya…..’

 

Bhagavan vishnu bole ki ,  “naarad ,  usi gaavn me ek gaay ne bachhade ko  janam diya hai …us ko jaa ke puchho..”

 

To naarad ji ne bachhade ko puchha ki , “Sant aur satsang ki mahimaa kya hai?”  ..jaise hi naarad ji ne puchha gaay ke bachhade ki gardan bhi ludhak gayi….

Naarad ji dar gaye…sirf puchhane se mar jaate…kidaa mar gaya..tote ka bachcha mar gayaa…. gaay ka bachhada mar gayaa..mere ko to 3 hatyaao ka paap lag gayaa….ab kya kare? Bhagavan ke paas jayenge to phir se kahi bhejenge…ab mai puchhunga hi nahi…lekin bhagavan par vishwas tha to phir pahunche vishnu bhagavan ke paas…

Vishnu bhagavan bole, “naarad , us desh ke raja ke ghar rani ne ek bachche ko janam diyaa hai …us rajkumar ko jaakar puchho , wo tumhe jarur jabaab dega…”

To naarad ji bole, “nahi nahi bhagavan..kahi mera prashn sunate hi rajkumar bhi mar gaya to raja to mujhe chhodega nahi…mujhe phaansi pe chadaa denge….mai nahi jaata….pahele hi 3 hatyaao ka paap ho gaya hai….!”

 

Bhagavan vishnu ji bole, “daro nahi, ye bachcha jarur tumhare prashn ka uttar dega..tum ko kuchh nahi hoga..jaao..puchho…”

 

 

To naarad ji aaye samraat ke paas…bole ki, aap ke yahaa  navjaat shishu ko ashirvaad dene aaye hai….to samraat ne swaagat kiya…, “padhaaro maharaj!”

 Naarad ji man me soche ki kahi phir se naa gadbad ho ….isliye bole, “mai rajkumar ko ashirvad dunga lekin meri  2 shart hai ….

ek shart ye ki :- jis kamare me rajkumar hoga , us me koyi mere sath nahi aaoge… tum bhi nahi aayenge,rani bhi nahi aur  dasi bhi nahi…

 

aur dusari shart ye hai ki :  jis kamare me  mai rajkumar ko ashirvaad dene jaaunga us ko  2 darawaaje hone chaahiye, aur dusare darwaje pe koyi nahi hoga..paharedaar bhi nahi.. !”

narad ji soche ki kahi rajkumar bhi mar gaya to dusare darwaje se baahar ja sake…:-)

 

samrat ne naarad ji ke kahene anusaar vyavstha ki…narad ji rajkumar ke paas gaye…rajkumaar  jhule me aaram kar raha tha….naarad ji us ki taraf dekh ke sochane lage ki puchhu ki nahi  puchhu?

Itane me vo navjaat baalak bola, “ mahaaraj puchho  puchho…sankoch kyo karate?”

Narad ji soche,  kamaal hai! Ye to  navjaat shishu bol rahaa hai!”

To navjaat balak bola ki,  “ mai wo hi kida tha , bhagavan ki prerana se aap aaye …aap ne mujh se puchha , ‘sant aur satsang ki mahima puchhi..to kewal itana sunane matr se  meri mukti ho gayi…kide ki yoni me kitana dukh bhogana padata … us se mukt ho gaya aur aap ki krupa se tote ke ghar me janama …waha bhi aap ne sant aur satsang ki mahimaa puchhi to ye shabd sunane matr se aur aap ke darshan se tote ki yoni se bhi mare….tote ki yoni  chhut gayi , phir gaay ke bachhade ke rup me janama …..sant satsang ki kaisi maheema hai ki us yoni se bhi chhutaa..nahi to  kitana dukh bhogata..jindagi bhar bail bankar hal  khinchanaa padataa….aap ke mukh se sant aur satsang ye shabd sune aap ke darshan huye to  bachhade ki yoni se mukt  ho gaya aur yaha  rajkumar ho gaya ….(manushy jeevan hi to us sarveshwar se milane wali yoni hai..)..mere kaise bhagy!ye sant ki aur satsang ki  mahimaa hai !”

 

lekhe me wohi ghadi…. baki ke din baad !!

 

sharir aaj  hai, lekin  sada nahi rahene wala… ek  aisi ghadi thi ki  ham is dharati  pe nahi the…..aur ek aisi ghadi aayegi ki ham is  dharati pe nahi honge….

jab ham is dharati pe nahi honge to log  kandhe pe uthaa ke bolenge ki , “ram bolo bhai ram! Ram  naam saty hai!”

 us samay log ye nahi kahenge ki,  “phalaane seth saty hai” ya us seth  ka naam bhi nahi lenge….

 kyo? us ka naam bol sakate hai..lekin  nahi bolenge…. ‘Ram Naam saty hai’ hi bolenge…

us aadami ko  ye hi lagataa hoga ki , ‘jindagi bhar jis naam ko “mai” manataa tha  , vo to mai tha hi nahi….. ‘mai’ ka asali roop ram naam hi  saty hai….. kash apane jeevan me ye maan leta ..!’

 

..ek aadami ko khabar aayi ki us ke pitaaji ki mrutyu ho gayi….to vo aadami udaas ho gaya…..us ka chhota beta tha..masoom..vo puchha ki ,  “pitaji kya huaa?”

To aadami bola, “bete tumhare  dada bhagavan ko pyare ho gaye..”

  chhota bachcha tha…. bhagavan ko pyare ho jana ka arth nahi janata tha….us ko laga ki pyare ho jana to achha lagata hai..vo masoom bachcha apane pitaji ko puchha, “pitaji , aap bhagvaan ko pyare kab honge?”

to aadami bola, “ ..khabardaar ..aisa  ashubh mat bol..”

 masoom bachcha bechara sochata raha ki bhagavan ko pyara hona ashubh hai kya? Maranewala  bhagvan ko pyara ho gaya  ki yamraj ko pyara huaa….ab waha se koyi  sms to kiya nahi  ki swarg me  pahuncha ki nahi.  🙂 ….log likh dete ki  phalaani tarikh ko swargwaas huaa..

jeevan dhang se jinaa chahiye..

 

 toronto me mera  pravachan tha…to ek pariwar milane aaya tha… bole , ye meri beti  hai baalsanskar kendr chalati hai….”

to maine puchha ki angreji me bolati ki hindi me….to bole, “ye to yaha hi janami …tv pe bapuji ka satsang sunate sunate hindi sikh gayi…. ab yaha ke bachho ko sanskar ki baate sikhaati…. maa baap ko pranam karanaa. sury ko arghy dena, jap kaise karanaa, pranayam kaise karanaa….”

 

 kitani achhi baat hai…..

 

pahele  soni tv pe bapuji ka satsang aata tha….lekin ab  aajtak news chanel par bapuji ka satsang roj subah 5 baj ke 40 minute se 6 baje tak aata hai…

 dusari khabar suna deta hu ki kuchh hi dino me  6.10 se 6 30 TEJ channel pe ayega….

 

..kucuh hi dino me TEJ channel pe bapuji ka satsang shuru hoga…rushi prasad me tarikh aa jayegi….

 

delhi walo ko “delhi aajtak chanel” me me 6.40 se 7 baje tak bapuji ka satsang aayega..ye sirf delhi aur aaspass ki area me dikhega…(jin ke relative pahechan ke log delhi me honge un ko bataa dijiye..)

 

AAJ TAK chanel ka 5 .40 tak 6 tak poore world me jata hai..

Aur TEJ chanel wala 6.10 se 6.30 wala bhi poore world me jayega…

 

jo bhi satsang ki mahima samjhane lage hai..ve bade bhagyshali hai…. satsang se sachcha heet hota hai….jo satsang nahi karate vo kusang karenge….kusang karega to  anmol  manushy jeevan vyarthy barbaad karega..

 

jin ke jeevan me satsang hai , un ka jeevan dhany hai ..!

 

ek kanya ne amerika se patr bheja ….likha tha ki , “pahele mera jeevan bahot kharchilaa tha…. delhi se hamaare ek rishtedaar ne bapuji ke satang ki pustake bheji thi….satsang ki pustake padhi … us se mera jeevan badal gayaa….mere  result itane achhe aaye ki mujhe  president  award mila…tab bill clinton president the…. us ka award mila …

naav bhanvar me phansi hai to kisi vaqt bhi kinare lag sakati hai…

  takdir kisi waqt bhi badal sakati hai…. nirash naa ho ….himmat rakhe…. sadguru sab ke taaran haar hai …..bas un ke charano me bhakti  honi chaahiye….

 

…..bareli me sade 5 saal ke antraal ke baad bapuji ke shri charan pade hai.. mai shubh kamanaa karata hun ki agali baar  5 saal ke baad nahi,  jaldi jaldi is dharati pe bapuji ke shri charan pade….  satsang ka labh sab ko mile….. satsang jo shanti milati wo paramatm shanti sada rahene wali hai….kyo ki satsang se  ishwariy shanti milati hai …

 

bhakti milati shanti milati guruvar ke darbaar me ..

(Bhajan ho raha hai…please listen this wonderful bhajan on this link :-

http://hariomgroup.net/hariomaudio/bhajans/BhaktimiltiShantimilti.mp3   )

 

Ø      amerika me oxford university hai… us ke scientist ne ek prayog kiya ….. 2 kyariyaa banaayi, us me phool lagaaye……..

Ø      2 me se ek kyari pe shashtriy sangit bajaate aur dusari kyaari pe pop music bajaate…

 

Ø      khad pani dono me baraabar dete….jab kuchh din baad dekhaa gaya to vigyani chakit rahe gaye….

 

Ø      jis pe pop music bajate us kyaari ke paudhe me kayi jagah  ankur bhi nahi phute…aur phool bhi  uge nahi,  

 

Ø      aur jis kyaari me shashriy sangit bajaate us kyaari me paudho ko ankur bhi achhe phute aur phool bhi bade bade  aaye …

 

to vaigyaniko ne bola ki sangit ka asar phoolo pe padataa , isliye insaan ke man par bhi padata hai….

pop music se paap badhate man me…isliye us ko ‘pop’ music kahete..!

navaratri me kuchh log disco daandiya karate….us se to achha  anushthaan karanaa chahiye….. saarswaty mantr ka jap karanaa chahiye…. maa saraswati prasann kare aur vidya me saphalataa aur gyan me purnata  prapt kare..

 

manushy jeevan ki saphalata yehi hai…. sachchi sampaatti kya hoti hai?

 Manushy ko yaad rakhanaa chahiye…kafan me  jeb nahi hoti..!

 

…ek maayi  ko gana nahi aata tha, phir bhi aalaapati raheti…to us ke pati pareshan ho gaya…us ne kya kiya ki ek vina kharid ke aaya..aur  ek hi taar ko  tutunaataa raheta ……ek hi taar…. bas..parinam ye aaya ki padosi tang aa  gaye…..padosi aaye aur us ko bolane lage….to us ki patni boli ki kya kare , un ko to abhi aadat pad gayi ek hi taar bajaane ki….padosi us aadmi ko bole, “bhai sahaab…. kuchh to  bajaaye..”  to bhai saahab ek taar bajaaye jaa rahe…. “bhai saahab …..arre bhai saahab…. baat suno…”

 Bhai sahab ruke hi nahi ek hi taar bajaata jaye…. bajata jaaye ..

Padosi bole, “vina bajaane ki kayi  taare hai …aap ek hi taar kyo bajate?”

 

 To bhai saahab bole, “un ko asali taar ka gyan nahi hai….mere ko asali taar mil gayaa hai ..!!” J

 

bajaanaa nahi aata aur asali taar kya khaak mila ?

 

vina kharid lene se vina bajaanaa nahi aa jataa…aise manushy janam milane se jeevan jeena nahi aata ! sadguru ke shri charano me baitho…. jeevan jeene ka tarika sikho to ih-lok  sukhi !par-lok sukhi!!

 

(shri sureshanand ji maharaj ne vidaayi ke bela me jis prakar  shriram ne angad ke gale me mala pahena kar us ko sugriv se abhay dilaayaa tha aise sadgurudev ne apane gale me naam jap ki mala aur satsng ka gyan rupi ashirvaad diya hai to hum ko bhi abhay mila hai….ye kahani bataayi…)

 

Aap sabhi drudhataa se ,  niyam se sadhan bhajan karate rahena….

Sadgurudev ke ashirvad  rupi  satsang aur bhagavan naam rupi mala hamare gale me hai…hamhe kabhi bhi darane ki , bhaybhit hone ki jarurat nahi…… kewal jap dhyan badhaane ki jarurat hai ..!

 

bachhe bhi kare…bade bhi kare…

“bal sasnkar” naam ki pustak jarur le jaaye , bachho ke liye….aur bade hai to divy prerana pustak le jaaye…..sriyo  ko “nari tu narayani” pustak dijiye , un ka jeevan tejaswi banega..

 bhagavan bolate ki , “mai  naari me 7 rupo se baitha hu”  

 

 

dhyan ki cd le jaao ….us ko suno..dhyan ki cd gaherayi se sunane matr se dhyan  hoga…

 

satsang sunane wale sabhi ke charano me mera pranam hai….bhakti hona ye  daivi sampada hai… wo mahaan aatma vandan karane yogy hai….. tulasidas ji ne bhi kaha hai ki , jin ke dil me bhakti hai wo vandaniy hai….

 

aap ke hruday bhakti nahi hoti to aap  yahaa baith nahi sakate hai….bhagavan ne  26 lakshan bataayae hai….jo nir-abhimani hokar satsang me  baith paate ye un ke hruday ka bhitari badappan hai…ye hi  sachchaa  badppan hai..isliye aap sabhi  ko phir se namskaar hai…

 

phir se omkar ka gunjan karenge…

 

hari om …(gunjan ho raha hai..)

 

  • jin ka swashy thik nahi raheta un ko raat ko dakshin disha ko sir kar ke soye aisa vishnu puran me likha hai..
  • vidyarthi raat ko sote samay purab me sir kare to vidya prapti hoti hai…
  • smruti shakti badhane ke liye aur pariksha me saphalata paane ke liye apane bachcho ko sikhaa do ki padhate samay  north east – ishan kon ki  taraf munh kar ke padhe
  • aur yaad karate samay jibh taaloo me lagaa ke padha huaa jaldi yaad raheta hai….

 

bhakti jis ke dil me hai , un ki tulasidas ji ne bahot mahima gayi hai….sant aur satsang   ko chhadkar anya sadhano se sukhi hone ki ichha rakhane wala prani jangal me saap ko takiye ki jagah rakh kar chain ki nind sone ki chechtha karata hai….sansari chijo se sukhi hone ka prayatn mano magarmachh ke pith pe baith kar nadi paar karanaa chahate hai ….kaise ho paayega?

 

 

om namo bhagavate vasudevay

 

om namo bhagavate vasudevay

 

om namo bhagavate vasudevay…

 

aap kalpana kijiye ki ,  koyi raja rajmahel me soyaa ho aur nind me apane hire motiyo ke bhandaar ko bhul jaye,  dhan sampatti se bhare raajkosh ko bhul jaaye aur sapane me ye soche ki , “ mai to paai paai ke liye,  paise ke liye mohtaaj hun …”

aap us raja ko kahoge ki , “aap  to samrat ho,  aap ke pas to khub dhan hai,  khajaanaa hai…”

to raja ki nind nahi khulegi tab tak bolega ki ,  “tum majaak kar rahe ho….mere ko ek  paisa de do!!”

kyo? Kyo ki  nind me hai! sapane ko sachcha man ke ulajha hai !!

 

usi prakaar a-gyan ke gaheri nind me soye log satsang gyan ko dil se nahi lagaate …..isliye virodh karane lag jaate…. anrgal baat bolane me lag jaate…..

 

 ..jis vyakti ne kamal ko  khilataa nahi dekha ho, aisa aadami  kamal ke kali ko dekh kar ye aandajaa nahi lagaa saktaa ki kamal ke kali ke andar kamal ko kitane dal hai……

Aise sadguru me  kitana  prem , dayaa,  krupa, gyan chhupaa hai ..ye ek bhakt hi jaan sakataa hai…

Jo kusang me jaate  us ko pata hi nahi ki sadgurudev ki krupa kaise barasati hai…..

manmaani ki raah pe chalate rahete aur jaise koyi  raja mahel bechakar badale me jhopadi kharidane ko raaji ho gaya..aisi un ki avastha hoti hai…

 

nahi! …apane manushya jeevan ka muly samajhkar , samay ka mulya samajhkar us ka sahi upyog  kiya jaay!!

 

 

ek yuwak ne sadhu se puchha ki , “sab se bada aur saral  puny karm kaun sa hai?”

to sadhu ne bataya ki , “sab se bada aur  saral puny karm hai bade bujurgo  ka aadar karanaa….”

yaha jo bhi school college ke bachche yuwak baithe hai , un ko meri prarthana hai ki , apane maabaap ko kabhi naa bhule…. un ki sewa karana….bhishm  pitamah ne apne pita ji ke liye  akhand bramhachary ka vrat le liya to un ke  pita ji  ne bhi un ko vardaan diya ki, “koyi maut tujhe nahi maar sakegi, jab tak tum swayam marana nahi chahata..”….. pita ka aashirvad sach huaa…

aap ke maa baap ne jo bhi diya us ka aadar kare…. …. jis ko hiranykashyapu jaise pita mile ho to apwaad to har jagah hota….. mata kaikayi ji ke charano me  sir rakh ke shri ram ji bole,

“wo hi sachcha beta hai jis ke vyavahaar se mata pita ko santosh ho!”

 

Bapuji ke pitaaji jab tak saakaar rup me the, Bapuji un ki khub sewa karate.. ‘ bahot raat tak pair dabaate , bhare kanth pitru ashish paate’……..

 

Ek ladaka college jane lagaa to pitaaji ko bola, “mere ko car  kharid ke do”

 To pitaji bole, “samane college hai…2 minute  me pahunchata hai….bhagavan ne  2 pair kay ke liye diye hai?”

To beta bola, “ek  pair break pe rakhane ke liye aur dusara acsiletor pe rakhane ke liye diya hai!”

 Aisa kutark nahi  kare…… !

 

..abhi pichhale somvar ki baat hai….ek bachchi aayi …vo bol rahi thi ki , maa baap ki baat nahi mani …. love marriage kiya amuk ladake se….ab vo mujhe maarataa hai…sharaab   pitaa…. kash maine un ki baat maan li hoti…ye din dekhana nahi padata  ….”

To aap  jo sochate wo hi thik hai aisa nahi….. maa baap ki baat  maan leni chahiye…sant, bhagavant ki , shastr me likhi baat heet ki hoti hai…

Sabhi bado ki baat sahi hoti aisa nahi….apawaad to har jagah hota hai …..mira ko bhakti karane se us ke ghar ke log  rokate….. lekin mira bhakti karati thi….

 

 Uttar pradesh ki  dharati bahot  pavitr dharati hai…shri ram ki janm bhumi ayodhya aur shrikrushn ki janm bhumi  mathura dono uttar pradesh me hi hai…..bhagavan ke 24 avataar me se  ye 2 purn avataar huye the…..

 vaaraanasi , prayaag raj kitane bade tirth hai!….

 

..

Ho sake to “madhur vyavhaar” pustak  ghar me rakhe….

 

Ek bhai  ne chithti likhi hai ahmedabad ashram me ki ,  madhur vyavahaar pustak padhkar us ko itanaa phayadaa huaa ki us ko aisa laga ki ye pustak har ghar jaye…wo bhai jyada  paisewala to nahi , lekin sankalp kiya ki jitana kamaata hai us me se  har mahine 50 rupiye ki “madhur vyavhaar “ ki pustak kharidenge aur logo ko baatenge….. madhur vyavhaar  pustak ki kimat  1 rupiya hai!

 

 

  • sham ki sandhya ke samay ..kartik pornima ke pahele jo ekadashi aati hari prabodhini ekadashi us din sham ke sandhya ke samay kaapoor ka diye se bhagavan ki guru ki aarati karenge to bahot  labh hoga…ghar me akaal mrutyu nahi hoti….labh jarur uthaana .

 

aap sabhi ko vijaya dashami ki badhaayi…. dipaawali ke paavan parv ki badhaayi….. diwali ke din lakshmi ji ki ganseh ji ki pooja sath sath karate hai…. isliye ki  lakshmi aaye to us ka upyog  vivek se ho , isliye aisa vidhaan hai ..

 

abhi sadgurudev padhaarane hi wale hai…sabhi  un ke paawan darshan aur  ashirvachan  ka labh lenge..

 

om namo bhagavate vasudevaay…

om namo bhagavate vasudevaay….

om namo bhagavate vasudevaay….

 

hari om hari om hari om hari om hari om ….

 

 

Om shanti.

 

Hari om !sadgurudevji  bhagavan ki jay ho!!!!!

Galatiyo ke liye prabhuji kshama kare….

Advertisements
Explore posts in the same categories: Shri Sureshanandji

One Comment on “Sant aur Satsang mahima!…..”

  1. noname Says:

    guru woh hota hai jo ishwar ke darshan karwa de


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: