‘Ramayan sachcha hai to Chamatkar dikhao!’

 

Sept 25st  2008; IST : 7.50pm 

 

********************************************************

Sadgurudev SantShiromani ParamPujya ShriAsaramBapuji ki Amrutwani :-

 

*******************************************************

 

 

Maharashtr ke mukhyamantri vilasrav deshmukh hum ko pitaaji maanate… ….jitane bhi kshetr hai , us me jo bhi satsangi hai , ve auro se kayi guna shresht hai….satsangi ki 50 galatiya hogi to baki ke logo ki 500 galatiyaa  hogi aur galatiyo galati nahi maanate … jo satsang me aa pate wo galati ko samajh paate aur manushy jeevan ka mahatv jaan paate….

 

Moraraji bhai desai bolate ki raman maharshi ke charano me jo antaraama ka sukh jaga wo pantpradhan pad me bhi nahi paaya…..to jo bahar ke sukh  ko , bahar ki suvidha ko sukh maanate ..sharir ko apana maanate to sharir ko marane ke baad sath le jate….jaise kapade badalate aise jivatma prarabdh pura hote hi sharir ke chhod dete …..manushy marata to jivatma ki aakruti nahi dikhati ki ye sharir ko chhodkar ja rahi hai …..kyo ki sharir saakar hai lekin jivatma niraakar hai…tumhare dada nirakaar the , sakaar hote to  sharir ko le jate ….jaate huye dikhate ..vastavik me jivaatma  niraakaar hai, paramatma sarv vyaapak hai….

 

Aatma ke bina sharir jad ho jayega….. jivha jad se nahi chalati ….kitana robot banaao lekin sujh bujh to aatma ke chaityany se hi panapati…..robot ki pragramming bhale hi hogi lekin vo sujh bujh nahi hogi….. robot ke bachche nahi paida ho sakate…. 

Ye kewal manushy ka vaibhav hai..

 

jad aur chaityany alag hai…. manushy me (aatma ka , jeevan ka) mahatv janane ki budhdi hai… vivekanand kahete ki manushy ne apani budhdi ki  mahima nahi jaani ….kewal laakhava hissa vikasit huaa hai ve budhdi jivi kahelate aur jara kuchh padhake , nokari kar ke gulami me apana  jeevan khapa dete…. koyi virale satsang sadhan se apani budhdi vikasit karate, jin ko satsang milata….

mujhe jo aatmik gyan mila, aatmik shanti mili  vo duniya bhar ke degreeya se nahi hota !

 

 Ilaahaabaad me  ek sant rahete….un ke paas ek ladakaa aaya…. us ka naam shamlal saxenaa tha, us ne isaayi ban  ke apana naam badal liya tha…to wah  ladaka bola ki , “raamaayan jhutha hai… ram jhutha hai…  sachchi me hai to sabut kya hai ?”

 

..to sant kuchh bole is ke pahele  bich me ek maharaj bole, “ramayan sachchi hai ya juth is ka tark hum nahi jaanate lekin ramayan ki katha sunane se hamara jeevan sahi ho jata , hamara mann sahi ho jata, hamara pariwaar sahi ho jata hai …!”

 

Ladaka bola ki , “ye sab mai nahi manataa…chamatkar dikhaao…”

 

Sant bole , “jeevan me kayi baate sachchi hai jo tark se hi maanoge.. maa bolati ki , ye tera baap hai to baap ko baap mananaa padataa hai…to aise hi  mananaa padega ki bhagavan hai… sakshi hai…!”

 

Ladaka bola , “ye kuchh nahi..mai nahi manataa…kuchh dikhaao!”

aap ne tark se samjhaya wo thik hai…lekin mai is baat ko budhdi purvak sweekar nahi karata… bhagavan antaryami hai, karmo ke  prerak hai, sab se  nikat hai , hum nahi jaanate bhagavan ko phir bhi bhagavan ham ko jaanate..ham  nahi maanate bhagavan ko phir bhi bhagavan ham ko apana maanate, sadbudhdi dete, achha kaam karate to aanand dete, bura karate to hruday me bhay dete ..ye sab tark thik hai…. lekin mai nahi maanata ….chamatkar hoga to manu..!!”

 

sant maharaj bole ki , “achha chamatkar se hi maanoge!”

….thik …. chamtkar dekhega to manega?”

 

To saxena se saction(isaayi) bana ladaka bola, haa jarur manunga aur tum jo kahoge sweekar karunga…!”

 

To sant maharaj bole ki, “tum bhagavan ke chamatkar ko dekhana chahate ho na to roj raat ko dhruv(tara) ke samane adha ghanta baitho …mai itwar(Sunday) ko aaunga… bhagavan karenge ki tum ko chamtkar dikhegaa…… aur bhagavan ka aisa chamatkar nahi  dikhega to hum  sab granth, shatr, sant parampara, sadhutai sab chhod denge agar bhagavan  chamatkar nahi dikhaate!

 

Kabhi kabhi bhagavan hi sadhusanto ke mukh se aisa bulwaate hai!!:)

 

 surat ashram me ek sadhak tha…us ki patni ka naam mithila ben tha..kayi baar bai bolati ki daru nahi chhodota…un ke bete ka cycle se jaate accident huaa…truck ka  pichhe ke wheel ke niche ladaka dab gaya…us ke 14 facture huye the….us samay  ham  indore me the..bai  bhagi bhagi aayi…. aisa huaa …doctor ne aisa bola ..(ladaka kabhi uth nahi sakega, chalphir nahi sakega aisa doctoro ne bola tha)

 

…to vo dono bahot  ro rahe the…..

To hum ne bola ki, “ agar tum  daaru chhodane ka vachan dega to wo thik ho jayega….”

….bhagavan ki aisi daya huyi ki ladaka thik ho gaya… wo maayi bhai surat me abhi bhi hai …. ladaka amerika bhi gaya….aata hai to  milata hai…..

 

..to  kabhi kabhi bhagavan hi  bulvata hai sant ke mukh se…!

 

….tulasi das ji  ke paas ek baai aayi…us ke pati ki mrutyu ho gayi thi, to us jamane ki riti se  singar kar ke samshan  jaa rahi thi sati hone…to socha hoga  ki  sant  ko pranam karati jaaye….sant tulasi das ji dhyan  me the …..dono hath utha ke ashirvad diya ,  “sada suhagan raho”

Baai boli,  “maharaj, mere  pati to dev lok gaye …mai  sati hone ke liye jaa rahi  hun…. us ka shav to samshan  me pahunch gaya !! ab aap ki baat ka kya hoga? “sada suhagan raho!” bole  to suhag to samshan me pahunch gaya…!”

….to tulasidasji maharaj antaratma me chup ho gaye!

.. gandhi ji bhi aise chup ho jaate , ye gandhiji  ki chuppi se  antkaran me ram ka samarthy milata, usi samsarthy ne angrejo ko bhagane me aur desh ko aaajdi dilwaane me gandhi ji ko saphal kar diya!!

 

….tulasidas maharaj ne bola ki , baai ke pati ke shav ko laao….. tulasidas ji aatma to paramatma se juda hai …ungaliyo ki aagr bhag me sankalp prasarit karane ki sahkti hoti hai….us baai ke pati ka  sukshm sharir vicharan karata tha , jab tuk sharir ko jala nahi diya ..

tulasidas ji bole,

 

Tulasi  muwa mangaay ke, sir pe phera hath l

ham to kuch jaanat nahi, tum jaanat raghunath ll

 

  ..tulasidas ji ke sankalp se us sree ka pati jivit ho gaya…!!

 

 

..to is prakar chetan ka prabhaav padata hai…aisa prabhav hota ki sadhak “mai kaun hun, kaha khada hun” yaha tuk  bhul jate aisa prabhav hota hai….!

 

..aise shant chetan se antaratma se jo bolate (haad maans ke sharir se nahi ya mann se nahi ) vo   jivatma  me , jivatma se budhdi me, budhdi se  man me ..aur mann se  indirya me aate aur bolate…. …jo bola jata  vo vaikhari se bola jata….vaikhari ke gahrayi me  madhyama …madhyam a ke gaherayi me  pashanti..aur paschanti ke gaherayi me  para hoti….to para vani me chale gaye  to jo para wani se kaha jata hai, lakho ko nihaal karati hai !!

 

Baanvala gaanv ke sant preetam das ji maharaj (jo surdas the, anath the lekin 7 din ke satsang se papa nash huye , diksha li, sakshatkar huaa aur) aisi pashanti para shakti jagtrut huyi ki vo bolate 4 – 4 pandit likhate …sandeshwar me un ki samadhi hai …mai dekh ke bhi aaya hun..(aaj bhi un ke 52 ashram hai..un ke sahity ka videshi  bhashao me anuwaad huaa hai )

 

..dusare ek surdas ne bhi 22 hajaar shlok bole jo  doctor bhagavan das ji  ne pandito se likhavaye jo aaj bhi theosophical granthalay me rakha hai..

 

bahar se jo  kuch milata wo yaha hi chhut jata , vo aap ke man budhdi tuk hi pahunchata hai…lekin  adhyatmik gyan ‘aap’ tuk pahunchata hai, vo  mrutyu  ke baad bhi raheta hai….vo sanskar dusare sharir me bhi  ubhar aate hai …

 

…ashtavakr maharaj maa ke pet me the….un ke pitaji ved ka path karate…. pitaji ved ka kartrutv ka bhav raheta , kartapan ka bhav  rahega to kya path karenge? Ved ke mantr uchcharan me galat uchcharan karate……to maa ke pet se ashtavakr maharaj bolate…. aisa  2ri baar huaa  to un ke pitaji ko gussa aaya…bole ki, “ maa ke pet me raheta aur mujhe sikhata hai…tere sharir me 8 vyang honge”

 Ashtavakr maharaj bole,  “pitashri aap ka shrap ka prabhav to sharir par padega, mujh sat chaityany ko nahi padega…. aakash kabhi  tedha meda nahi hota aisa sharir prabhavit hota, lekin aatma aap ke shap se prabhavit nahi hota…!”

 (..janame to un ke sharir me 8 jagah vakr the isliye un ka naam ashtavakr rakha)..12 saal ka ashtavakr jab bramhano ki sabha me pahunche to bramhan un ka roop dekhakar hanse….

..to ashtavakr ji bole, “maine suna tha ki yah  bramhano ki sabha hai , lekin ye to  chamaro ki samaan log baithe hai !”

…bramhano ne aakshep liya ki chamar kyo bolate….to ashtavakr maharaj bole, “haadmaas ko dekhate aur hansi udaate, mujh ko nahi jaanate to chamade ke parakhi to chamhar hi karate!”

..raja janak ne un ko  unche aasan pe bithaya…ve janak raja ke guruji bane…. 80 saal ke raja janak shishy aur 12 saal ke ashtavakr maharaj guru shishy ko bolate shradhda badhao…!

….  “shradha badhaao” ka arth hai ki shradhda to sabhi me hai…lekin jaise pani 40 %garam huaa to bhi us ko garam pan bolate, aur 90% ram pani hi bolate….lekin jab pani itana garam huaa ki ukhalata tab us ki baaf banati aise shradhda bhi itani  badhaao ki aatma ke darshan ho jaaye isliye bolate ki , “shadhda badhao!”

 

…..duniya ka koyi sthan shashwat nahi, lekin paramatma shashwat hai aatma ka sakshatkaar  shashwat hai….

…. ek din bita,  dusara din bita…agala ravivar aaya….sant maharaj ko ladaka ne  pranam kiya ….

maharaj varana gunga ho gaya hun,  isliye patr  likha hai…. roj adha ghanta dhruv tara ko dekha … chamrkar dekha ….somvar ke raat ko nila prakash hota , lekin kuch  aschary nahi huaa… mangalwar ki  rat ko jalpan lekar ghar gaya to ..ilahabad me hause me raheta hun..mere [paas pala huaa kutta hai….  kutta bandha tha ….lekin achanak vo kutta kamare me aaya…. aschary ki kutta palang pe chad gaya…kaha se us me itani  takad aayi… dekha to  aage ke 2 pair pe khada hai .. mere pet pe aakar baith gaya… mujhe aschary hua ke is ko kya huaa ?

us kutte ne  sir niche kiya aur mere kaan me jor se bola ki, “ishwar ke asthitv ka isase bada kya praman chahata hai ?”

 mere pale huye kutte se manushy ki aawaj me bolkar ishwar ka chamtkar dekh liya… ishwar ki satta ka praman mil gaya…!!

 

 kartum shakyam , akartum shakyam anyatha kartum samarthah ll

 

ye manushy ke bas ki baat  nahi …

 

kutta jump maar ke niche baitha aur niche baithkar meri taraf dekh ke bola,

oooooooooooooommmmmmmmmmmmmm ! ooooooooooooooommmmmmmmmmmmmm !!

OOOOOOOOOOOOOOMMMMMMMMMMMMMMM!!!

 3 baar OM bol ke sada ke liye ram ke sharan chala gaya aur mai gunga ho gaya !!

Koyi upay  ho to bataao..

 

(Maharaj ne gunge ne likha patr padha)

 

Sant Maharaj bole, “ek upay hai…tu shamlal saxena tha,saction ban gaya ……tu  phir aaja apane dharam me …..saction se shamlal saxena ban jaa….jo tu janmjaat hai….!”

Aur shamlal saxena phir se  bolane lag gaya !! J

 

 

..is prakar ke chamtkar kayiyo ke jeevan me bhagavan ka chamatkar , karuna krupa dekhi hai… jaani hai….. mai nahi janu, mai nahi  bolu to bhi bhagavan ka asthitv hai, hai aur  hai !!….mere anubhav ki bhagavan ko jarurat nahi… ye to apana hruday pavitr karane ke liye bolate…

 

 ….mai akele me chala gaya …bhuk lagi to mujhe kis rup me khilaya! ….socha ki bhiksha mangane nahi jayenge, ye hi baith ke khayenge……..mohabbat jor pakadati to sharaarat  ka rup leti hai ..aise mere man me vichar aane wala tha aisa paramatma  jaanate honge.., mujhe pata nahi ki mere , mann me  kaun sa vichar ayega….   ….subah hote kisan aaye.. phal dudh leke aaye ….maine kaha , ‘ham nahi jatane aap ko’ …to bole  raat ko swapna aaya …….bole 3 – 4 wage sapno aayo ..sant ko dekha …gaay ka dudh nikala …. din ugane ke baad aaye…sapane me rasta dekha tha… un ko raat ko swapna denewala  ishwar ke siway kaun ho sakata hai?

 

 Ishwar  hai ki nahi , dukh hai ki nahi, sukh hai ki nahi ye prashn uth sakata hai ;lekin ‘aap hai ki nahi’ aisa kabhi prashn hota kya?:-)

 

 ‘aap ka astitv hai’   ishwar ka hone ka  praman ye hi hai ki aap ka asthitv hai !!

 

.aap chaityany swarup hai, ishwar chaityanyswarup  hai .

Aap  gyan swarup hai, ishwar gyan swarup hai.
 aap sat ho …sat kaise ho? Jo sada rahe vo hai sat ….to tum  marenge nahi , sharir marega …aap ka  asthitv sada hai ..sharir ka asthitv sada nahi rahetaa..

 

balu ke dane ka powder kar sakate ho, aankho se  ojhal kar do…lekin nasht nahi kar sakate ….

 

murda hai , to bhi us me bacteriya hai ki nahi?bacteriya me gyan hai ki nahi?bacteriya me  Chaityany  hota ki nahi?hota hai!

 

 

Murde ko jala diya to bhi us ka asthitv vataavaran  me hai….jaliy ansh  jal me,  vayu vayu me samaa jayega aur  baki ka haad ka  pruthvi tatv khaad banega…khet khalihaan me jayega….dhaan se , vanaspati se  manushy aur prani banege….to murda bhi nasht nahi hota ,  maya me parivartit hota hai…..

parivartan  saakar me hota hai…aap to avinaashi  niraakar ho…anek rupo me wohi samaaya hai …jaise sarovar ke pani me baraf ke dhele tara utaraa rahe hai aise us sagunsakaar me sabhi taraa utaraa rahe hai….

 

 

asat   bhav jeevan jeete to  ladate jhagadate… sat ko nahi janate to  dharm ka phal us ke bina vrutha ho jata..

 bhagavan shrikrushn ke sakshat darhsan hone se bhi arjun ka dukh nahi mita… arjun ko vishwarup ka darhsan diya phir bhi arjun ka  bhay nahi mita…  satsag ki bhari balihaari hai !!

(yudh ke maidan me bhagavan shrikrushn ke satsang se arjun ka dukh aur bhay mita)

shiv ji parvatiji  satsang ko le jate…shriram ji sitaji  ko vashisth aur  bhardwaj maharaj ke  ashram me le jaate….

 

mad bhakta yatr gaayantri , tat pratisthami naradam l

 

….( bhagavan kahete, ‘hey narad )jaha chandrama waha chandani …jaha samudr waha tarang, jaha kusum waha sugandh, aise hi jaha sant waha mera satsang hota hai , waha mera asthitv jarur hota hai….’

 

ek gahdi aadhi ghadi , aadhi me puni aadh l

tualsi sangat sadh ki , hare koti aparadh ll

 

 

hari hari ooooooooOOOOooOOOOOooooOOOOOommmmmmmm

HARI: OM

narayan narayan

 

 hari om om ram ram ram ram ram ram ram hari om hari om shiv shiv shambho bholenath ha ha ha ha ha J

 

om namo bhagavate vasudevay..

 

vasudevay …priti devay… madhury devay… mam devay..waluda devay ….

 

bhagavan ko apana manane se priti badhati hai…jute ko apana manate to pyara lagata hai…juta tumhara tha nahi,  rahega nahi….. lekin bhagavan apane the,  hai aur rahenge..!!

 

 

om jay jagdish hare

 

(aarati ho rahi hai)

 

Om Shanti.

 

 

Hari Om!Sadgurudevji  Bhagavan ki Jay ho!!!!!

Galatiyo ke liye prabhuji kshama kare……

 

Advertisements
Explore posts in the same categories: Pujya Bapuji

8 Comments on “‘Ramayan sachcha hai to Chamatkar dikhao!’”

  1. Sheetanshu Says:

    sadguru bhagwan ki jai ho

    sadhuvad for your seva

    sadho sadho …….

  2. gaurav Says:

    sadguru bhagwan ki jai ho

    sadhuvad for your seva

    sadho sadho …….


  3. Mai janana chahata hu ki manushya ko bhagwan ne kyo banaya

  4. RASHMI Says:

    sir
    radha ke pati ka kya nam hai
    radha jo krishna ki premika thi
    aru krishna jo bhagwan hai

  5. tony Says:

    i want to be reaching you people,so that i can get spirtul back ups,and more about life in genarra, so that my busines can move i expect it,hope to hear from uyou people as soon as u reacive my comment

  6. sarita Says:

    hari om param pujya gurudev bhagwan ji apko mera sat sat naman koti koti naman.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: