Doori naa rahe Guruvar

29June 2008 , Sunday ; IST : 5pm

Indore Satsang Gurupornima mahotsav

 

******************************************
Shri Sureshanandji Maharaj ki GuruBhaktimay-Wani


******************************************

 

Hari Om hari om Hari Om..

 

 

Sudaama ki katha

 

shrikrushn ko paakar sudama bahot prasann huye….sudama shrikrushn ko puchate hai,  “ab mai jau?” 

  ….Shrikrushn ne kaha ,  “bhale hi jaao!”

…..sudama soche bada nishthur ho gaya hai …itane baraso ke baad aaya hun ,  “aur aaj ke raat ruk jaao..” bolate hi nahi..bolate hai, chale jaao!..shrikrushn ko lag raha tha ki iski patni bhukhi baithi hogi, wo bhi  kuchh khaye..shrikrushn bhagavaan ne chandan ka tilak kiya , dekha ki mere mitr ke bhagyrekha mey dekha ki shri mane dhan aur yash  nahi hai..to bhagavan ne sudama ko tilak karate huye unhe shri aur yash de diya…kuber bhi dekhkar hairaan ho gaye ki sudama ke bhagy mey to ye nahi hai…bhagavan shri krushn bole ki ,  “mere mitr ke paas mey shri aur yash bhi hoga…. bhagy mey nahi hai to kya?.. kuber tu shant rahe..bhagy mey nahi to kya hai..bhagyvidhata de rahe hai.. !!” 

…sudama jane lage..jaate jaate shrikrushn ne sudama ko jo pitambar odhaya tha  na wo bhi khinch liya..pitaambar diya , wo bhi utaar liya…bahot nishthur ho gaye sudama sochata raha.. bhagavan ko hua koyi aisa nahi bole ki koyi ashrit bankar jaa raha hai…..

..sudamaa ja rahe.. baar baar mudkar dekhate shrikrush ko dekhkar ja rahe…apane ghar pahunch kar dekha ki waha to ek rajmahal khada hai… dekha jhopadi dikh nahi rahi….sudama sochane lage.. lagata hai kisi ne kabja kar diya…meri jhopadi dikh nahi rahi… itane mey dekha ki  un ki patni Sushila  sundar vastro se sajjit hokar aabhushan pahenkar swaagat ke liye aayi …..sudama puchhe , “kis ke kapade pahane?”  

…patni ne kaha, “aap ke mitr shrikrushn  ne sari sukhsuvidha kar diya hai….”  

Sudama ne patni sushila  ko kaha ki, “maine kuchh manga nahi… aur unhone dene mey kuchh kami rakhi nahi!!”

…aantarik rupantaran jiske jeevan mey hota hai usme aur ishwar mey ekantaran ho jata hai….

…isliye baar baar  mai garib hun aisa kahete  to bhagavan bhi bolate thik hai tu garib hi rahe beta…

 

Daridrata door karane ka upaay

 

.. Bhavishyottar puran mey aata hai ki , jeshtha ye lakshmi ki bahen hai …lakshmi ji shanivar ko bahen ko milane aati hai…. jeshta urf daridrata… isliye shanivaar ko dudh aadi se pipal ke vruksh ka  poojan, parikrama karate hai..to poojan karanewale jeshta nahi rahete shrestha ho jate hai….isliye ashram mey shanivaar ke din bahot shadhak pipal-badshah ki parikrama karate hai…pipal vruksh  pe bapuji ne shaktipaat bhi kiya hai….

 

 

Bhut Bhag gaye….

 

….30 saal pahele ki baat hai …humhare ghar mey ek bhut raheta tha..mere  pitaji ahmadabad aaye.. waha se wad-dada ki mitti layi aur ghar mey  rakhi…. uske baad koyi bhut nahi rahaa….mujhe bapuji ke charano mey aane ka saubhagy prapt huaa…

 

jisane garib hone ka irada kar liya , wo garib hi rahega..jisane agyani hone ka iraada kar liya wo to agyani hi rahega..jo sant ki ninda karate …anargal baate karate , unke kahene se kya hota?……sachhe sant ki koyi kitani hi ninda kare…sant to subhi ka mangal hi chahate hai…koyi aakash ki taraf munh kar ke mitti ucchhale to , uchhali huyi mitti uske munh ko maila karegi… aakash maila nahi hoga..!

 

 

Chaturmaas

 

…charurmas mey bel ka tyag kare .. aayu lambi hoti ..jo ye vrat rakhata usko putr prapti hogi , vansh aage badhata hai..maane bel ka tyag kare to sadha bhojan kare..

….Chaturmaas mey saraso ka tel ka upyog naa kare…to shatruo ka shaman ho jata hai… bhavishyottar puran mey likha hai ..shastr ki baat hai.. labh hota hai ..na kar paaye to bhi aisa nahi ki narako mey jayenge..dabaav nahi hai..

 

 

..roj sury ko arghy jarur de.jis mey koyi kharcha nahi hai, aur labh bahot hai…andar se nakaratmak soch nikal de..agyani nakaratmak hi vichar karate raheta hai ….clubo kyo nahi jana?.. filam kyo nahi dekhenge?.. match dekhenge to kya bigad jayega?…ye to manoranjan hai..ye mano “ranjan” nahi;  mano “bhanjan”  hai..ishwar ke vismaram ke upaay hai ye ..manorajan nahi..samay barbaad ho jata hai..

 

Baar baar wo hi bhul?

Ek pulice ne jeb katare ko pakada ..jeb katare ke hath mey hathkadi daalkar use le jaa raha tha..raste mey jebkatara pulice ko bola, saab wo chaay ki dukan dikh rahi hai?..uske pas pan ki dukan?waha bahot achhi chaay milati hai aur paan bhi milata hai… mai pike aata hu paan khakar aata hun aur aap ke liye bhi lekar aata..pulice ne usko jaane diya to wo thodi hi wapas aanewala tha…..2./3 mahine baad phir se usi pulice ne wohi jebkatare ko pakadaa…  “ab tum ko nahi chhodungaa!” pulice ne pakka soch liya…phir se ve dono usi jagah pe pahunche to jeb katara bola , “saahab wo chay ki dukan dekh rahe hai…aur uske baju mey wo paan ki dukan?…..pulice bola , ab mai tujhe chhodanewala nahi hun…jebkatara phir bhi bolata raha,”saab bahot achha paan milata hai saab…mai sach kaheta hun!”

To pulicewala bola, ..  “tu yaha khada rahe ,  mai lekar aata hun..!”

To kya jebkatara waha khada rahega?:-)

 

..baarbaar wohi bhul karate hai… vartul mey ghum rahe sabhi….wohi bhul kar rahe hai aise log…..jaise garami ke season ke baad barish ka season..barish ke baad thandi aur thandike baad phir se garami aise hi dukan pe gaye, kamkaj pe gaye, wapas aaye, khaye, piye aur  so gaye….jaise  bail ghumata raheta.. aankho pe patti hai to usko lagata mai aage jaa raha hun ..nahi!…aise hi agyan ki patti bandhi hai logo ne….sansar mey raag karate to  bhagavan se duraag ho jata hai…

 

…dhyan ki mp3 sunana..15 min roj… bahirang sadhan bahot kiya.. antarang sadhan bhi to kare..roj thodi der dhyan mey baithe..

 

nirdeshan thik ho to medisin ki jarurat nahi padegi….. agar swasthy bigada ho to jaldi thik ho jata hai , jo jap dhyan achhi tarah se karate unka….kare uske balihari hai..

sabhi bole :-

sanakaadi rushiyone kaha hai….

 

dhyaanat paapani nashyanti l

dhyaanat mokshamchy vindanti ll

dhyaanat prasidh shrihari l

dhyanat sarvarth sadhanam ll

 

dhyan se paap nash hote hai….dhyan se vyakti moksh ka adhikari  ban jati hai…dhyan se  shrihari santusht hote hai… dhyan se hi sare kary saphal ho jate hai..

 

…poona mey ek bahen ne  chiththi di thi , apana anubhav likh kar diya tha….ghar mey kathinayi thi….beta pilot ki training kiya tha , lekin kisi  achhi air-line mey kaam nahi mil raha tha… beti ki shaadi nahi ho rahi…ghar purana ho chuka tha, wo bik nahi raha tha… ekaayek us bahen ko  prerana huyi ki phikar kyo karani hai?teri phikar karega parameshwar aap….(wo bahen ne kya kiya? krupaya aage padhiye…)

 

..samay milata to log aapas mey gupshup karane baith jaate..tumne kis ki sabji banaayi?maine padval ki banayi.. maine lauki ki banayi…padval ki ho ya lauki ki kya pharak padata hai? jo nahi hai uski charcha kyo?

2 mitr the…ek ne dusare ko puchha ki paisa kamaane ke liye kya karoge?

To pahela bola ki , mai to lease pe jamin kharid ke us mey ganne ki kheti  karega ….tu kya karega?

To dusara bola ki , mai to bhais palunga…

Pahela bola ki bhais ko khilayega kya? To dusara bola , “bhais ko khilaunga tera khet..!tere khet mey to ganna rahega, usmey bhais chhodunga….

To pahala bola, mai to danda marunga lakade se….

Dono jhagadane lage..aise kaise danda marega  tu?…ye rahi teri jamin..aur ye aayi meri bhais kya karega tu?….

.. ye raha mera ganne ka khet, ye teri bhais aayi… ye le de maar…ladayi khub jam gayi…

.. pulice aayi… maamala kachehari mey gaya..judge bole , kis baat pe  jhagada tha?….ek ne kaha mere khet mey is ki bhais aa gayi isliye maine danda mara…..dusare ne  bataaya ki asal mey kuchh bhi nahitha…baato baato mey hum lad pade….to judge bole aisi baat thi…murkho , na khet tha naa bhais thi to kyo  bekaar mey apana seer phoda?…..

 

  “nahi” ko “hai”.. maankar kitane chipakate….. bhagavaan ram ji ne prerana di hai…. swarn mrug ke pichhe daud pade sitaji ke kahene par ye prasidhd prasang aap jaanate hai… swarn mrug tha marich …to jo nahi tha usako hai maanane se kitana kashto ka pahaad toot pada tha Ram ji pe….is prasang se bhagavaan Ram ji ne prerana di hai ki  jo nahi hai ,  uske pichhe daudenge to phasenge….jo sada rahane wala hai us mey mann lagaao …. Jo tino taapo se haarate , bhavasagaar paar karate un guru ke charano mey priti karo…

 

Anubhav

 

Poona ke Vishrant-wadi ki wo bahen bapuji ki tasbir ko ektuk dekhati… gurucharano ka dhyan karati…Guru ki  murat mano surat bankar saamane aa jati….. pahale 5 min , phir 10 min… 15 minutes tuk wo bahen ye  prayog karane lagi… aankhose aansu bahete.. 30 mins… 40 mins tuk pahunch gayi..40 mins ektuk dekhati raheti…. aansu girane lagate to bhi najar nahi hataati…aansu dukh ke kashto ke , phariyaad ke  nahi the.. prem ke the….aankhe bahete rahate…. tumhe dekhate hai…. dekhate rahe..

shikayat nahi karati…

 

(Suresh maharaj bhajan gaa rahe hai..)

 

tumhe dekhate hai ..dekhate rahe…

 surat nurani ye mann mey rahe…

tum bin humhara guruvar koyi nahi hai …

 

bhogo ki ab to hum ko  chaahana nahi hai

guruvar jo tum dikhalaao marg wo sahi hai

tumhe vandan kare,  karate rahe…

 

jo gyan mile hai tum se aisa naa kahi hai

jo chahe shanti paana aaye wo yahi hai

teri bandagi kare.karate rahe….

 

wo bahen ektuk dekhati raheti..ye maun sadhana  hai..shrikrushn chhaya ke tarah dropadi ki raksha karate..sadgurudev bhi apane bhakto ki raksha karate hi hai….wo bahen ka beta achhi airline mey pilot ban gaya… beti ka rishta ban gaya….. purana ghar bik gaya.. naya ghar ban gaya….. kuchh kahena nahi pada..kahene ki jarurat bhi nahi…

 

pad se hi nahi, dil se bhi bade bano….

himachal pradesh mey aakhari din tha satsang ka ..bade bhagy se milata hai satsang…premkumar ji ko helicopter ki suvidha nahi thi prakash sing badal ji ne un ke liye helicopter bheja..premkumar ji aaye satsang mey.. baithe …bahar se pad uncha hona achhi baat hai lekin antrang bhi uncha hona chahiye….

.. kamal patel ..unhone mujhe bataya , unhone 98 mey diksha li tub bhi vidhayak tha, ab mantri hun..chandrbhan ji bole, mai bhi jap karata hun..mantri nahi the tub hi aate the..maine un ko kaha tha ki aap ke liye ek kamara book hai waha rahiye..waha toilet aadi rahega… ..wo bole, “nahi ,mai to yaha hi gate ke pas so jaunga ..aap khichadi khaoge na.. mujhe bhi de dena!”

Bapuji bole the….ye aadami ek din mantri banega ! … wo mantri bane!!

Sant ke saamane sub samaan , sub ki jholi bhar dete hai…..gangaji ye nahi sochati ki kaun chhota patr laaya hai ya bada patr(bartan)…. ye nahi sochati..wo sub ko deti hai..aap ka patr bada hai to aap jyada ganga-jal layenge aur chhota hai to kum layenge ..aise santo ke charano mey aate to ye dekhe ki kahi aap mey sankirnata to nahi hai?….sant ke charano mey aate to uadarata , shradhha , vishalata khub rakhe apane dilo mey….bahot mangal hoga….

 

1aur 2 tarikh ko satsang bhopal ke ashram mey hoga..

 

3 prakaar ki doori hoti hai :

1) ek sthan ki doori

2) samay ki doori aur

3) prem ki doori

.. aap indore mey hai aur  guru ji ahmedabaad  mey to ye sthan ki duri ho gayi..

hum kis samay mey janame  jaise sadguru ji is kaal mey aur hum dusare samay mey janame to ye samay ki duri hogi…

 …lekin abhi sadgurudev padharenge …aap sadguru ji ke saamane baithe hai…sthan ki duri nahi hai…sadguru ke satsang ka labh ho raha hai ..samay ki bhi duri nahi hai…lekin hruday mey prem nahi hai to prem ki duri hogi ….mann se bhakti bhavana nahi hogi , shradhda nahi hogi to ye duriya bani rahegi…. labh nahi le payenge sadguru se..

 

 

Anubhav

 

californiya ke sanfransisco ki ek bahen prasuti ki pida mey thi…bahen ka naam alka aur unke pati ka naam vishal hai… doctoro  ne daraa   diya …operation karana padega.. pati ne alaka bahen ko walkman diya aur  bapuji ka kirtan suno aur bolati jaao kaha….wo bahen  bolati gayi..doctor bole ye kya kar rahe ….bina operation  ka beta huaa… ek saal ke baad bete ko lekar bharat aaye aur diksha lekar gaye….

 

 Bahar se sthan ki duri thi , lekin prem ki duri nahi thi to door hokar bhi paas ho gaye…

 

 

om namo bhagavate vasudevay….

 

sadgurudev padhar rahe hai…..

 

Hari Om! Sadgurudev ki Jay ho!!!!!

Galatiyo ke liye prabhuji kshama kare……

 

 

 

 

 

Advertisements
Explore posts in the same categories: Shri Sureshanandji

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: