Bas Tera sahaara kaphi hai….

14th May 2008, Wednesday ; IST : 4.50 pm
satsang live from Dehradun

*****************************************************
Shri Sureshanandji Maharaj ki GuruBhaktimay-Wani
*****************************************************

….kaamdev ke prayaso ke bawjud bhi narad ji ki samadhi akhand bani rahi aise the narad ji….
baad mey jub ek kanya se shaadi karane ke liye k lalaayit huye to ..narad ji sikh dete hai ki sadgun hona achha hai , lekin sadguno ka abhiman hona bahot buri baat hai …kayi sadhako mey dekha jata hai ki mere mey ye gun hai, mai aisi sewa karata hun….nahi…aisa kahe ki , “mujh se ishwar ki prerana karavaati hai..”
agar aap kisi garib ko sahayataa kar rahe hai to ye naa socho ki wo garib hai; aur hum unke liye kar rahe hai .. ye socho ki , bhagavan ki krupa se unki sewa karane ka mauka mila hai…
garibo ke ilake mey jate to bapuji kayi baar kahete in ke rup mey bhagavan aakar bhagavan ne un ki sewa ka awasar pradaan kiya hai..!!

…bahut jarurat hai aisa sochane ki..kayi jagah dekha gaya hai ki mandir ke murat ke liye karodo rupiye kharch kiye jate hai….meri un ko dono hath jodkar prarthana hai ki un ke liye bhi kuchh kare ki jis ke andar jita jagata sachmuch ka bhagavan hai us ke liye chhotaasa makaan bana diya jaay to bhagavan bahot raji honge..aaj jarurat hai is kam ki..

..bapuji kabhi karodo rupiye kharch kar ke mandir nahi banavaate, lekin garibo ko makaan banavaa kar dene ki sewa abhi bhi chal rahi hai..janch kar ke garib hote unko makaan banavaa kar dene ki sewa ho rahi hai…
aap ka janam din ho to hotalo mey nahi manaao…ghar pe bhi nahi kharch karo.. cake, gift adi manaane mey dosto mey party dene mey kharch naa kare..wo hi paise se ghar mey hi aane ki ya besan ki mithayi banavaye aur garibo ke bachho ko baante..garibo ki basti mey jaa kar massom bachcho ko ek ek tukadaa mithai ka baant ke aao..wo maasoom khush honge to aap ke bhagy ki rekha badalengi.. besan ki ya aante ki mithayi banaakar baante..ye sewa ho jaye to kitana achha hoga….chhote chhote masoom bachcho ke mukh par muskan aayegi to bhagavan kitane raji honge socho..
garibo ko sataaye us ko shaitan kahete hai
kare sewa garibo ko use bhagavan kahete hai..

…swami vivekanand america gaye jis ghar pe ruke the , wo ghar ek angrej mahila ka tha ..aadhi raat ke samay us ne kisi ke rone ki aawaj suni… mahila chaunki ki aadhi raat ko kaun ro rahaa hai?… aawaj kaha se aa rahi pata chalate der naa lagi.. swami vivekanand ko jis kamare mey thaharaaya gayaa tha , usi kamare mey se aawaj aa rahi thi..mahila ne khuli khidaki se jhank kar dekha to swami vivekanand jamin par baithe hai.. ghutano ko sir lagaakar sisak sisak kar ro rahe hai..mahila ne darwaja khatkhataya..swami vivaekanand ne darwaja khola…mahila ne puchha , “aap ko humhare ghar mey kya kasht hua? nind kyo nahi aa rahi? swami vivekanand ne aansu pochhe….. mere ko to koyi kasht nahi hai, mujhe mere bharat wasi garibo ki yaad aa gayi jin ko bahot kasht hai..mere bharat desh mey garib raat ko khaye bina hi so jate hai ..kitano ko rahene ko makaan nahi.. jamin pe so jate ..kitano ko bichhane ko kuchh nahi hota…yaha itana achha sa bistar dekh kar mujhe unki yaad aa rahi hai.. mai kaise so jaau us bistar pe?..bolate bolate swami vivekanand ka dil phir bhar aaya….swami vivekanand bhagavan ko prarthana karane lage….

….aap bhi apane dukh hai to dukh ko yaad na kijiye…dukh haaranewale Hari ko yaad kijiye…kasht hai to kasht ko yaad naa kijiye, kasht mitanewale ko yaad kijiye..kyo ki koyi bhi dukh dukh haaranewale Hari se bada nahi ho sakata …. koyi bhi kasht , kasht mitane wale se bada nahi ho sakata….

swami vivekanand ka vrat tha ki ve kisi se mangate nahi the….ek baar train mey musaphiri karate ja rahe the..apane pas kuchh khane ka nahi..aur mangana nahi….un ke sath jo ek yatri tha vo janbujh kar udvign karane ke irade se badhiya chije kha raha tha…. puchh nahi raha tha swami vivekanand ji se..kyo ki iraada to udvign karane ka tha…jaha swami ji ko uatarana tha, wo yatri bhi usi station pe utara..waha se dusari train pakadani thi…to station par bhi us ne apani chadar bichhayi..tiffine khol karkhane laga..baar baar swami vivekanand ki taraf kataksh bhi kar raha tha…. swami vivekanand kuchh bole nahi…shant rahe…. gurudev ke smaran me tallin rahe ..vrat tha ki kisi se kuchh mangana nahi…aur khud ke paas bhi kuchh khane ke liye nahi….kal se kuchh khaya nahi..phir bhi shant baithe….kitani samata!!
..bhagavan ne arjun ko ye nahi kaha ki , mai tera dukh mita dunga….bhagavan ne kaha, hey arjun titiksha-wan bananaa… sahanshil bananaa !
..guru ka smaran karate rahe..kya hua pata hai?
ek seth usi nagar mey rahete the…seth khana kha kar ghar pe lete the..to seth ko swapne mey bhagavan Ram ne darshan diye..aur bhagavan Ram bole ki , mera pyara sant railway station pe baitha hai..2 din se bhukha hai..jao usake liye khane ka intjam karo…” seth jaag gaya…lekin phir socha ki arre sapanaa tha! sapane to aate rahate…seth phir so gaya… dobaara bhagavan Ram sapane mey aaye aur bole ki arre tum phir se so rahe ho..utho… us sant ko bhojan pahunchaakar aao ..” ab to seth utha…seth bhagavan pe shraddha rakhata tha….patni se khana banavaya …mithayi ki dukan se mithayi liya.. thanda pani liya…. gaari uthayi aur sab taiyari kar ke seth railway station pahuncha..waha dhundhane laga , kaha hai sant jisake liye bhagavan Ram ne sapane mey sanket diya….swami vivekanand ko dekha to seth unke paas pahuncha… pranam kiya…bola ki , mai aap ke liye bhojan laaya hun..krupaya bhojan kijiye…” to swami vivekanand bole ki mai to aap ko janataa nahi , aap kisi aur ke liye khana laye honge….to seth ne kaha ki mai so raha tha to sapane mey bhagavan Ram ne darshan diye aur aap ke bare mey sanket diya hai…. mai aap ke liye bhojan laya hun…seth ne dari bichhayi..bhojan lagaaya..pani rakhaa.. aao aao swamiji..bhojan karo…”
swami vivekanand ne smaran to gurudev ko kiya tha …mere ramkrushndev ka smaran kiya …lekin bhagavan Ram ne seth ko sapana diya… wah mere gruudev !aap ke charano mey mera baar baar pranaam!..

..nathdwara ke satsnag mey ek sadhak bole ki , bapuji ke liye jo 2 kisaan dudh aur phal lekar aaye the…wo koyi aur nahi the sakshat ram ji aur lakhan ji the…!

junagadh ke jail mey narsinh mehata ji ko kaid kar diya tha..kedarnath se unhone kuchh giravi rakha aur sidha samaan liya tha..bhagavan ne narsi mehata ka roop lekar kedarnath ka run chukaya aur “narsinh mehata karje se mukt ho gaye , un ko mukt karo” aisi chiththi havaayi marg se aayi..wo chiththi jail mey kaid narasi mehata ke hath mey aa gayi ..aur wo chiththi dekhakar un ko mukt kiya gaya..!samarth ishwariy satta kaisi hai..!!
aap hum uske samarthy ki kalpana nahi kar sakate!!

…apane jeevan mey bhagavan ke naam ko , bhakti ko khub mahatva de..manushya sharir dwara hi bhagavan ko paaya ja sakata hai..aur shariro se nahi paya ja sakata…. bhakti to is manushya sharir se hi ho sakati hai ….
sumir sumir sukh paao..kalesh milao..
jeevan se dukh mitaane ke liye sumiran karo.. guru nanak kahate sachhe sathi , sachche sahare ko yaad karo..
raat ko kabhi nind khule pani pine to thodi der baith jaye.. yaad karana apane gurudev ko.. sab soye hai.. mere ko raat ko pani pine ke bahane jagaya…hey prabhu tum mujhe apane mey jagana chahataa hai!! thoda smaran kare…. kitana achha hoga..!

(Shri Suresh maharaj bhajan gaa rahe hai..)
ban ban ke sahaare tutate hai
ye rasm purani hai jag ki
ye rasm purani hai jag ki
tute naa kabhi , chhute naa kabhi
bas tera sahara kaphi hai…

hari ommmmm
(dirgh uchharan)

bapuji padhar rahe hai.. humhe gurudev ke paavan darshan aur satsang ka labh milega..
om namo bhagavate vasudevay

Hari Om!Sadgurudev ki jay ho!!!!!
(galatiyo ke liye prabhuji kshama kare…..)

Advertisements
Explore posts in the same categories: Shri Sureshanandji

2 Comments on “Bas Tera sahaara kaphi hai….”

  1. sukeshini Says:

    Hariom

  2. jitendra banshiwal Says:

    HE PRABHU SURESHANAND JI, AAP KO PRANAM HE.. JAISA AAPKA MAN HE PRABHU, VAISA MERA BHI BAN JAYE.. YAHA MAN BUDHI INDIRIYA SAB PRABHU MAY HO JAYA.. AAP KE JAISI BHAKTI GURUDEV ME HE VAISHI GURUBHAKTI MUJE PRAPT HO AISHI MERI ABHILASHA HE……..

    HARI OM…………………….


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: