Gurudev Sai OM…..

10th May 2008, Saturday ; IST : 4.30 pm
satsang live from Punchkula

*****************************************************
Shri Sureshanandji Maharaj ki GuruBhaktimay-Wani
*****************************************************

paheli hai….mai ja raha tha, wo khada hua ..mai baith gaya..sab ka dimag daudega kya uttar hoga? woh khada hua , to mai baith gaya.. to kanta hoga ! aur kya hoga 🙂  kanta lag gaya nikalo…. dimagi kasarate apani jagah par thik hai, lekin dhyan sadhana se apani satvikata badhana ye bahot unchi baat hai…pahale jamane mey bhi bade bade samrajya ke samrat hone wale raje log bhi rajpat chhodkar gurucharano mey jate the…
“om namo bhagavate vasudevay” mantr ka jap kiya dhruv ne to sakshat bhagvan pragat ho gaye… aisa prem se jap kiya….

ek aadami tha , uski patni ko gana nahi aata tha..phir bhi kuchh na kuchh gaati raheti..sikha nahi tha gaana lekin aapalapati raheti..pati ne socha kya karu?… us ne ek vina kharidi.. us ko bhi bajana aata nahi tha, lekin vina bajata raheta bas….vina achhi tarah baje to baat alag hai..wo to ek hi taar chedata raheta…parinam ye aaya ki patni ne gaana band kar diya.. lekin ye  aadami phir bhi bajata raheta kyo ki aadat pad gayi thi.. 🙂 ..padosi pareshan ho gaye.. “bhaisahab” …ye sune hi nahi,..akhir jor se bola , “BHAISAHAB” .. to is ne aankhe kholi.. bola kya bolana chahate?..padosi ne puchha , aap  vina ki ek hi tar kyo bajate? log to alag alag taar bajakar surile swar chhedate hai..to ye aadami bola ki , unko asali tar mila nahi isliye wo dhundhate rahete.. !! mujhe mil gaya isliye ek hi taar pe vina bajata hun…:-) (logo ke paas uttar bhi bahot hote hai..)
vina kharid lene se vina bajana nahi aa jata…. manushy jeevan mil jane se  jeevan jina nahi aata… wo to  sadguru ji ke charano mey baith kar aata hai ..vyapari ko ghata hota to pata chalata hai lekin padhe likhe logo ko bhi pata nahi ki kitane shwas ka ghanta un ko hota hai..manushy jeevan paakar bhi vyarthy ganvaa rahe hai…coke pine mey,  mallo mey ghumane mey….achha ek baat batao ki bade bade mallo mey AC kyo lagaya hota hai?… bhav sun ke aap ko pasina naa aaye isliye bade bade mallo mey AC hota hai..bhavishy mey kisi ke aage hath na phailana pade isliye sambhalkar paise kharch kare… vyaktigat kharch kum se kum kare.. aadambar , dikhava kum  se kum kare..naa ho to achha hi hai….
manushy jeevan mila hai bade bhagy se , awasar ganvana nahi chahiye…

…ek bhikari bhik mangane laga..samane se raja rath pe baithkar aa raha hai…bhikari ne socha ki  raja se bhik mang lunga…. raja najdik aaya….raja rath se niche utar kar bola ki , aaj subah subah tumhare darshan huye hai…mujhe tum bhiksha do…bhikari ne raja ko bhik mangate pahali baar dekha bhikhari sochane laga kya du? jholi mey chawal the, ek dana de diya.. raja ko kami nahi raja chala gaya… bhikari din bhar ghuma lekin koyi denewala nahi mila…chawal le gaya tha..chawal jholi mey the, wo jholi us ne khali ki…ek dana sone ka tha… bhikari sochane laga , “hi re maine  raja ko ek daanaa diya.. raja dharmatma tha, isliye meri jholi mey ek daana sone ka de diya ..ek dana chawal ka diya to ek dana sone ka mil  gaya … arre mai muthhi bhar ke chawal de deta to meri jholi sone ke dano se bhar jati…lekin  ab kya hoga?..baad mey pachhatana pade aisa kam karana hi kyo? krupa banaye rakhana hey prabhu ki  mera jeevan bhakti mey beete..

mai panchkulla ka rahene wala nahi , lekin aaj panchkulla mey aaya hun…aap mey se bhi kayi log hai jo panchkulla ke nahi hai ,lekin aaj yaha hai…jaise hum yaha aaye hai, lekin yaha ke nahi hai…aise hi hum sansar mey aaye hai , lekin hum sansar ke nahi hai..(suresh maharaj bhajan gaa rahe hai…)

jeevan humhara beete bhakti mey teri
krupa banaye rakhanaa prarthana hai meri..
haani-labh , sukh-dukh hans ke sahe hum
atalata rahe sada teri sharan mey rahe hum
gurudev sai om
gurudev sai om
gurudev sai om
om namo bhagavate vasudevay-4  …ll1ll

aap ki charan raj karati hai pawan
aap ki hi murat ye hai manbhavan
naiyano mey apana ye noor ab bhar do..
aap gyan se mera dukh door kar do
gurudev sai om
gurudev sai om
gurudev sai om
om namo bhagavte vasudevay-4  …..ll2ll

tumhi aasara ho , tumhi ho sahara
tumhi meri manjil , tumhi ho kinara
tum bin naa chahe kuchh bhi, hum tumhe chahate hai
jholi phailakar tum se tumhe mangate hai
gurudev sai om
gurudev sai om
gurudev sai om
om namo bhagavate vasudevay-4 ….ll3ll

..ek pandit jor jor se vaidik mantr bol raha tha.. paas mey ganv ka garib kisan khada tha..anpadh tha..  “a ba da ga sa” aisa bol raha tha..to pandit bola..aise kya bol rahe ho?…kisan bola ki mai bhagavan ki prarthana karana nahi janata..isliye “a ba ga sa da” aisa bol ke bhagavan ko bolata hun ki tum prarthana bana lena inhi shabdo mey se …. inhi mey to banegi prarthana…. pandit kisaan ko bola, “tu pagal hai..aise bolane se bhagavan prasann honge kya?dekho mai kaise prarthana karata hun…
abhi ipsitarthy sidhyartyam pujito yahaa surasure
sarv dukh haras tasmai ganadhipataye namo namaha…”
pandit jor jor se bolane laga… itane mey pandit ko bhagavan ne prerana di ki tumhari prarthana sweekar nahi ki..kyo ki us mey ahankar bhara hai ..garib kisan ko prarthana karane nahi aata , uski prarthana mey sanskrut ka gyan nahi , lekin us ke dil mey bhakti hai,  shradhdda hai isliye maine uski “a ba sa da” wali prarthana bhi sweekar kar li hai….

aap sabhi ne bhi apani shradhda bhakti ka khub parichay diya..sadbhavana aur sewa dikhayi..
satsangiyo ne bhi satsang ke prati prem dikhaya..subah itani barish  huyi phir bhi barish ki parvah nahi ki…. barish mey bhi aa kar  diksha li..aise  sakaratmak bhav rakhanewale purab disha ki taraf khulanewali khidaki ke paas baithe hai , apane jeevan mey sukh ka suraj ko ugata hua dekh rahe hai..jo  nakaratmak bhav mann mey lata hai ,wo mano paschim ke khidaki ki taraf baitha hai..jo dubate huye suraj ko dekh raha hai..jisake jeevan se sukh chain door hota jaa raha hai…

sadgurudev ke darshan ho jaye to bhi birah ki bela mey param virah se aasakti badh jati hai..apane swami ke virah ke aansu aana ye bhagy ki baat hai..kayi baar gurudev ke yaad mey aansu bahete hai.. ghor kaliyug mey aisa gyan diya ..aisi diksha di..ye sochakar  aansu aa jate hai..ye aansu saubhagy ke aansu samjhana…. bade bhag hote hai usi ko aisi bhakti prapt hoti hai..

sadgurudev padhar rahe hai….gurudev ke darshan ka ashirvachano ka labh lena..
om namo bhagavate vasudevay..

Hari Om!Sadgurudev ki jay ho!!!!!
(Galatiyo ke liye prabhuji kshama kare..)

Advertisements
Explore posts in the same categories: Shri Sureshanandji

4 Comments on “Gurudev Sai OM…..”

  1. sukeshini Says:

    Jai Ho prabhu….badiya seva..aap ki jai ho..

  2. Aman Says:

    aapka bahut dhanybad ….

  3. janak raj grover Says:

    jai sai ram,
    BAAPU JI PL TELL US SOME THING ABOUT SHIRDI SAI BABA, WE ARE KEEN TO LISTEN ABOUT SAI BABA FROM YOUR AMRITVANI. JANAK RAJ GROVER, SHRI SAI SAHARA SAMITI(REGD), FARIDABAD


  4. Sri Asaram Bapuji telling about SRI SHIRDI SAIBABA is wonderful.Sadguru is great.

    Ananad Sai Swamy


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: