Hanuman ji ki 5 udaane….Shri Sureshmaharaj satsang_live

Friday, 8th Feb. 08 ; IST : 5 pm

Bhuvaneshwar satsang_live

*********************************

Shri Suresh Maharaj ji ki Amrutwani

********************************

…. ek vidyarthi new york mey MIT naam ki ek research sanstha hai, us mey phd kar raha hai..new york mey us vidyarthi ko ek saal ka 24 lakh rupeeya scholership dete hai..us ne ye sarswaty mantr aur guru mantr ka subah aur sham ko dono samay jap karata hai…mai bhi dono (sarswatya mantra aur gurumantra )jap karata hun.. subah sham ko dono samay karata hun ,sarswatya mantra aur gurumantra… aap apane bachho ko sarswatya mantra ki diksha jarur dilaye…bachcho ka man-mana vyavhaar kum hoga..sadachaar ka jivan jiyenge ..bade honge to taklif mey nahi padenge….

shikshak ne kaha apane copy mey chitr banao… itana bolakar shikshak kursi par baithe hi the tub tuk ek ladaka bola, chitr ho gaya sir …shikshak ne puchhaa itani jaldi chitr ban gaya…kya banaya?… mai ne banaya ki gaay ghans kha rahi hai…..shikshak bole , itani jaldi kaise bana diya?..laao dikhao aap ki copy… dekha to naa ghans tha naa gaay…copy to kory thi… kaha hai chitr?…to vidyarthi bola : ghas tha, wo gaay kha gayi aur gaay goshala chali gayi …
..ek din shikshak ne kaha ki , bachcho aisa ek chitr banao ki railway ki line hai, train khadi hai …to ladaka phir se sirf 2 line bana ke le gaya…shikshak bole , kyo railway line pe train khadi hai aisa chitr banane ko kaha tha… tu sirf patri banake laya….to wo ladaka bola : sab banaya tha…aap ne check karane mey der kar di …train ka time ho gaya to train chhut gayi….(agar bachcho ko sahi disha mey un ki budhdi lagane ki prerana nahi mili to galat disha mey ja sakati hai…)

… bachapan se sachhe sanskar nahi mile to aise hi vyarth ke chintan mey jayenge…ek ladaka class mey der se aaya to pahale class mey to class teacher hota hai, class teacher ne puchha ki kyo der se aaye? to wo vidyarthi bola, jara mai gir gaya tha , aur jara lag gayi thi….. to teacher bole, arre… daro nahi bete….kaha gir gaye the?kya lag gayi thi? bataao… to vidyarthi bola , sir aap naraj nahi hona… mai jara bistara pe gir gaya tha aur nind lag gayi thi…
mann-mukhata jisake jivan mey hogi usi ka ghata hota hai…..
… aap sub yaha aaye…. satsang sunane ke liye, guru vachan sunane ke liye…phir se sabhi ko mera hath jodkar aur sir jhuka kar pranam hai…aap ko satsang aur gurudarshan ke prati ki itani tadap hai…
..shiv ji se kitani sphurti milati hai …shiv ji sanket de rahe hai… bhagavan vishnu ji ram ka awatar lekar dharati par ja rahe the…to shiv ji soche ki , vishnu ji ja rahe to mai bhi dharati par jakar un ke mangal kaam mey madad karu…lekin aise awatar lekar jau ki sewa karani pade , leni nahi pade….shiv ji soche…to un ko vichar aaya ki, ek roop aisa hai ..jis roop mey sewa hi karenge . sewa leni nahi padegi… to aisa kaunsa roop hai? ..wanar ka roop hai..to shiv ji waanar ka roop lekar hanumanji bankar dharati par aaye…. humhara kitana saubhagya hai ki jaha shriram ka hanumanji ka awataar hua hai , usi dharati pe hum janam lekar aaye ….hanumaan ji kayi baar pragat hokar bhakto ko darshan diye hai…aisi paawan dharati par hum janam liye hai…chaityanya mahaprabhu ko sakshat darshan diye the..(rami ramdaas ji ko darshan huye..) jis bharat bhumi hanumanji janam hua,usi mey hum ne janam liya humhara kitana bhagya hai…
Hanuman ji 5 udaane bhare the….shiv ji ne hanumanji ke roop mey hume kitani sundar shiksha di hai….wo 5 udaane kaun si thi?

1) janam ke dusare din surya ko rahu se bachane ke liye hanuman ji ne pahali uadaan bhari thi…ek aisi galat dharana hai ke hanuman ji surya ko phal samjah ke todane ke liye gaye the..ab aap batao ki chhote bachhe bhi surya ko phal samajhte hai kya? to phal khane ke liye hanumanji ne aisi galati ki hogi kya?aap socho.. ..hanuman ji to ..vivek vigyan vidhana hai….pauranik katha mey aata hai ki rahu surya ko grasane aa raha tha..to hanumanji soche ki jis sury ake vansh mey mere ram aane wale hai, us surya ko rahu nigal jaye ?…kya samajh rakha hai rahu ne surya ko?….to hanuman ji ne udaan bhari aur rahu se surya ko bachaya..


2) hanumanji ne dusari udaan bhari thi sitaji ko dhundane ke liye samudra paar..lanka mey..
3)tisari udaan bhari thi jub lakshman ji murchhit huye the, to hanumanji buti lekar aaye lakshmana ji ko bachane ke liye..
4)hanuman ji ne chauthi uadaan bhari thi prayag raj se ayodhya ke liye…bharat ji ke pran bachaaye… hanumanji ne shriram ji se kaha ki bharat ji bol rahe the , 14 saal mey ek minute bhi der kar diya laut kar aane mey to mai chita mey pravesh karunga…to shri ram ji hanuman ji ko bole ki aap jaakar bharat ji khabar karo….

5) hanumana ji ki 5vi udaan thi valmiki ji ke liye…. sita ji ko lanka mey rahena pada.. sita ji ne agni pariksha ki thi , agni devata ne sakshat pragat ho kar kaha tha ki sita ji pavitra hai .. phir bhi logo ne aarop lagaye..aisa aaj bhi hai , ki aap log jhuthe aarop lagaate hai…to aap dukhi mat hona. sochana ki sita mata pe aarop lage the… kanto se ghir kar bhi gulab ka phool sub ke mann ko khushi deta hai…khush mijaj hota hai gulab ka phool..kanto se ghira raheta hai…to sita ji par aarop lage aur shri ram ji ko sita ji ka tyag karana pada to hanumanji bahot udas ho gaye ki kaise log nadan hai ..hanumanji kisi se jyada batchit nahi karate… phalatu idhar udhar ki baat mey samay vyarth nahi ganvate…sewa karya hote hi jo time bachata to sphatik ke shilao par ramkatha likhate … ram ji ki katha likhane wale valmiki ji ne jab ye spatik pe likhi ram ji ki katha padhi to ve bahot udas ho gaye …..unho ne hanumanji ko kaha ki , aap ne jo likha usko dekh kar to aisa lagata ki maine likha hua ramayan ko koyi nahi puchhega ….to hanumanji ne valmiki ji ko kaha , maharaj, aap humare kandhe pe baithiye..” hanuman ji ne valmiki ji ko apane ek kandhe pe bithaya aur dusare kandhe pe wo shilaye uthayi ….aur 5 vi uaddan bhari..samudra pe gaye aur upar se “jay shri ram.. ramarpan mastu…” kar ke ve spatik ki shilaye samudra ko arpan kar di….valmiki ji kahane lage ki maine aisa nahi kaha…. to hanumanji bole ki humara naam nahi hona chahiye…valmiki ramayan ka naam hoga to mujhe khushi hogi..” is prakar hanuman ji ne apane ramayan ko prasiddh nahi hone diya….jo sewa mey tatpar hoga wo mahan hoga ..

Hanuman ji ki udano se shiv ji humhe prerana dete hai ki :-
1) pahili udaan se hume ye prerana milati hai ki apane ko vishay bhogo rupi rahu se gyan rupi surya ko bachana hai.. gyan prakash rupi surya ko bachao….. gyan se aadar karate vishay bhogo se ladate jaye..

2) dusari udaan se ye prerana di hai ki apmaan rupi samudra paar karo dehabhaiman rupi samudra paar karo.. to bramh rupi sita milegi…

3) hanuman ji ki tisari udaan se ye prerana milati hai ki…lakshman vairagy ke pratik hai…is vairagy ko bachaye… buti laye , kaunsi? guru ke charan raj rupi buti…. guru ke charano mey prem shradha na ho to vairagya rupi lakshman murchhit rahega… ..ye shhradha gurudev ke charano mey priti ho to sansar ke bhogvilas apane ko murchhit nahi kar sakate… ye tisari udaan ye prerana hai … sadgurudev ke charano ki priti ki jadibuti hi apane jeevan ke vairagya rupi lakshman ko bachayegi aur kaamrupi rupi meghand mara jayega….jab hanuman ji buti laa rahe the to kaal ne roda atakaya tha…aise aap ke guru bhakti mey koyi aade aaye to us ki baat nahi mane….
sita ji se lakshman ji door huye tabhi sita ji ka apaharan huaa tha…aise aap ke jeevan se vairagya rupi lakshman ji door honge to hi bramhvidya rupi sita ka apaharan hoga…(is liye sajaag rahe)…
ram ram… om namo bhagavate vasudevay …


4) chauthi udaan hum ko ye prerana deti hai ki bharat ji prem ki murti hai , is prem ko humhe bachana hai…. bharat ji bhagavan ram jab ayodhya aaye to un ke charano mey gir pade..ram ji ne bahot koshish ki lekin utha nahi paye ….jaise aap ko koyi pranam karate to utha ke lete hai na ..aise bharat ji charano mey gire lekin ram ji un ko utha nahi paaye…… kamaal hai ..vajan badh gaya aisa bhi nahi , bharat ji ka sharir to sukh gaya hai.. pusht sharir bhi nahi tha…aakhir ram ji bole, bharat , mai tumhe nahi utha paa raha hun… bharat 14 saal mey mai van mey tha, to tumhari sadhana tapasya itani badh gayi hai ki tumhari sadhana ka vajan mai utha nahi paa raha hun…bharat tumhari sadhana ka tapasya ka prabhav bahot badh gaya hai….aise bharat ji prem ki murti the…kuchh bhi kar ke is prem rupi bharat ko bachao… aap log ke hruday mey ye guru prem rupi bharat hai , is liye yaha baith paye …nahi to kyo baith paye? ghar jate ..prem rupi bharat ji hai..aise sadguru rupi shri ram ke darshan karane ke liye baithe hai ki ab darshan honge…. ab dasrhan honge..to aap ke hruday mey base prem rupi bharat ko bachana…

5) hanuman ji ki 5vi udaan apane ko ye sikh deti hai ki maan-sanman ichhca naa rakhate huye sewa karya kare…valimki rushi ko hanumanji bole ki maharaj aap ka naam ho mera nahi ho…loukik maan sanman ki abhilasha nahi rakhe…ishwar ka gungaan karate rahe… ram kaj karave ko aatur ramlakhan sita mann basiya… lanka jarava..(suresh ji maharaj shlok bole..)

shiv ji ne bahot sudnar prerana di hai….
ab hum log omkar ki gunjan karenge yuwadhan , bhagavan naam mahima pustake jarur le laye…gita bhagavat sastang ki mp3 le jaye..
dusaro ko bhi sunaye….

om namo bhagvate vasudevay

Om Shanti

Hari Om!Sadgurudev ki Jay ho!!!!!

(galatiyo ke liye prabhuji kshama kare…..)
om namo bhagavte vasudevay

Advertisements
Explore posts in the same categories: Shri Sureshanandji

10 Comments on “Hanuman ji ki 5 udaane….Shri Sureshmaharaj satsang_live”

  1. anand Says:

    Sadho Sadho !! Apka sewa dekhar hanumanji ki is satsang ki panchvi point ko prakashit karta hai 🙂

    om om.

    • deepak singh Says:

      Mujhe hanuman g ki jivan katha padh ker bahut acha laga yaisa laga jaise ke mera jivan dhanya ho gya or mai to rat din hanuman ji ka he naam leta hu jai hanuman..

  2. gaurav sekhri Says:

    aap ki ye ktha bhut adbhut hai mera aap se yhi agreh hai ke aap esi or kthayen jin ke bare main hum jaise aam logon ko nhi pta unhe btayen main aap ko bhut abhari hunga agar ap aesa karya karke hume krtigy kare aap humari thodi or knowledge bdayen hmari shubhkamnayen aapke saath hai
    dhnywaad
    apka sewak
    gaurav sekhri
    19yrs old

  3. gaurav sekhri Says:

    ram ram ram ram ram ram ram ram ram ram ram ram ram ram ram ram ram ram ram ram ram ram ram ram ram ram ram ram ram ram ram ram ram ram

  4. hari Says:

    hari om ,

    I am speechless… aapki yeh sewa, mujhe lagta hai ki uttam hain…. hum sabke liye yeh satsang kitna sehaj aur sulab kar diya……not only this satsang but also each and every satsang that your site provides us is appreciated…….I also appreciated the latest pictures of Pujya Bapuji…. Thank you so much for extending this sewa to all of us……

  5. tapas sen Says:

    om namho shivay.har har mohadev

  6. tapas sen Says:

    bhogoban mujhe rastha dekhao

  7. Jody Says:

    I am really impressed with your writing skills and
    also with the layout on your blog. Is this a paid theme or did you modify
    it yourself? Anyway keep up the nice quality writing, it is rare to see a great blog
    like this one these days.


  8. AAPKO BAHUT BAHUT DANYWAD YE JO KAHANI HAI YE BAGWAM KO BAGTI KI OR AAKRSIT KRTI HAI ESSE HUMKO BAHUT KUCH SIKNE KO MILTA HAI AAPKA BAR BAR SDANYWAD

  9. kuldeep negi Says:

    om namaha shivaya
    jai siyaram jai hanuman, gurudev aapko bhi hamara saadar pranam, behad hi sundar bholenathji ke rudraavtar hanumanji ke dwara ki gayi ramchandraji laxmanji or seeta mata ji ke liye ki gayi paanch udaane,
    jai mata di


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: