25th August 07 Faridabad

                                    || Om Shri Sadguru Parmatmane Namah ||

1. Gandhiji kaha kartey thhey ki vey apne aapko pramaan patr de saktey hain ki unhoney aaj tak jeehva se athva apni lekhni se bina vichaarey koi kaam nahin kiya…Gandhiji vichar ke hi boltey aur vichar kar ke hi likhtey….

 

Omkar ke gunjan se vichaar shakti, mano bal, buddhi bal badhta hai…

2. Aap amaani rahein aur doosron ko maan dein, yeh sab safaltaaon ki kunji mein aagey ki kunji hai…

3. Gurudev ne prashn kiye…

Dharm ka mool kya hai?

Paap ka mool kya hai?

Uttar dete huey Gurudev ne humein pucca karvaya…

Daya Dharam ka mool hai, paap mool abhimaan,

Tulsi daya na chhaandiye, jab lag tan mein praan..

Badon ke saath namrata bhara vyavhaar karein, baraabri walon ke saath sneh bhara aur chhoton se daya bhara vyavhaar karein…

4. Kamar hamesha seedhi kar ke hi baithna chahiye…

5. Gurudev ne aagey prashn kiye aur uttar diye –

Sarvopari Gyan kya hai? Aatm Gyan

Sarvopari Vidya kya hai? Aatm Vidya

6. Gurudev ne Vidhyarthi/saadhak ke vidya-adhyayan/saadhna kaal mein 3 zaruri baatein bataayi:

a. Doshaapnayan: Apne dosh nikalne ki tatparta honi chahiye…apne dosh nikalne ke liye bhagvaan ke jap, dhyan ka aasrey lein..

b. Gunaadhaan: Apne andar gunon ko bharein…

c. Heenaang-purti: Apni kamiyon ki purti karein; jaise jo yogytaayein nahin hain, unki poorti karein…

7. Gurudev ne kaha ki 15 Sep’07 ko Ganesh Chaturthi hai, chandra darshan mat karna; is din chandra darshan karne se kalank lagega…bhagvaan krishna ko bhi laga tha…agar galti se chaand dekh liya is din, to panchmi ko bhi chandra darshan kare aur bhagwat mein ek shlok hai (11 Skand mein), uska paath kar lein; is sey Ganesh Chaturthi ke din chandra darshan ka effect kum ho jaayega, lekin lagega phir bhi…

Is din “Gam Ganpatye namah” ka adhik se adhik jap karein…

8. Gurudev ne buddhi viksit karne ke liye saadhan bataaye:

a. Parmaatma ke naam ka jap

b. Satpurushon ka sang, satsang

c. Sat-shaastr ka pathan

d. Seva

e. Parmaatm Dhyan

9. Gurudev ne kaha ki kaam vikaar se bachna ho to Raamji, Hanumanji, Shivji, athva, LeelaShah Bapuji ka sumiran karein; Gurudev ne kaha is ke liye mera sumiran na karein…

10. Gurudev ne yeh baat bataayee ki khuley sir dhoop mein nahin ghoomna chahiye…

11. Mahaan banne ke liye Gurudev ne 12 baatein bataayi aur note karne ko bhi kaha:

a. Niyam: Bhagvaan ke jap, dhyaan ka…

b. Sach bolna:

c. Sham: (Vikaar ka) Vegh aaye to vichaar karein, thoda rukein…

d. Tapasya: Kasht sahe kar bhi Satsang aadi karna…

e. Shauch: Naha dhokar shareer ko pavitr rakhein; bhagvan-naam jap se vaani pavitr hoti hai…

f. Santosh: Koi bhog nahin hain, to bhi santosh karein; Aay (income) ka kuch hissa satkarm mein lagaana hi chahiye…(daanam kevalam kaliyugey)

g. Lajja: Buri baat, burey karm, buri kitaabein, buri sangati karne mein lajja ho, na karein..

h. Kshama: Kshama ka gun viksit karein…

i. Aarj: Saral svabhaav

j. Gyaan: Kuch bhi kaam karein, thoda bhu-madhya mein dekh kar, vichaar kar karein…

k. Daya:

l: Dhyan: Bhagvaan ka dhyaan sabhi gunon ko pusht kar dega…

Gurudev ne is prakaar yeh 12 baatein mahaan banne ke liye bataayi…

 

12. Gurudev ne kaha ki dhan, daulat, yash, upvaas se badhkar hai bhagvaan ka dhyaan; bhagvaan ka dhyaan karne mein baadha hai idhar-udhar ka chintan; isko mitaane ka saral upaaye hai Omkar ka gunjan…aisa karne wala “chup saadhan” mein pahunch jaayega…nih-sankalp dhyaan honey lagega, bhaley hi 1-1 minute hi lagey, bahut bhaari laabh hoga…

13. Apne ko sukh-dukh kisi aur ne diya, aisi bevkoofi se doosron par dosha-ropan karne wala jara jara baat mein dukhi rehta hai…

 

ko kaahu ko nahin sukh dukh kari daata…

14. Gurudev ne phir humse prashn kiye aur uttar diye:

a. Sabse bada laabh kya hai? Mati, mann, tann nirog rahein yeh sabse bada laabh hai..

b. Sabse bada punya kya hai? Paropkaar..

c. Sabse bada paap kya hai? Par-peeda..

d. Sabse shresht daan kya hai? Abhay daan sabse shresht hai, aur voh

aatm-gyaan se milega..aatmgyaan sabse bada gyaan aur daan hai..

e. Sukh aur anand mein kya fark hai? Sukh sanyog-janya hai; vishay vikaron

ka sukh dukh ko dabaata hai aur sva ko khokhla kar deta hai…anand dukh ko

dabaata nahin, mita deta hai…

f. Devtaaon mein sabse shresht kaun hai? Bhagvaan Naraayan

g. Mantron mein sabse shresht kaun sa mantr hai? Omkar

h. Striyon mein sabse shresht kaun hai? Parvati ji

i. Shuddiyon mein sabse shresht kaun se shuddhi hai? Aatm-shuddhi, aur aatm

shuddhi mein sahayak hai – Satsang, Omkar ka gunjan, satshaastra ka pathan..

14. Sukh aata hai sansaar mein seva vistrit karne ke liye, dukh aata hai sansaar se upraam honey ke liye; satsang aata hai sukh-dukh ke sir par pair rakh kar parmaatma ke aanand ko prakat karne ke liye…

15. Gurudev ne kaha ki shvaso-shvaas mein jap ki saadhna ke liye humein roj hazaar hazaar kaam chood kar bhi samay nikaalna hi chahiye…(Shvaaso-shvaas ki saadhna Gurudev ne is prakaar bataayi hai – Shvaas andar gaya to Om athva Ram japein, bahar aaye to ginti karein, is prakar shvaso-shvaas mein naam jap karein..)

16. Gurudev ne kaha ki Satsang roj karna chahiye…jaise khaana roj kya khaana? athva roj snaan kya karna? is prakaar kehne waley ko hum moorkh kahengey, is prakaar “satsang roj kya karna?” yeh prashn karne wala bhi bevkoof hai…

17. Gurudev ne kaha ki mann lagey chahe na lagey bhagvan-naam jap karna chahiye; jeebh se, mann se, kanthh se jap karne se bahut laabh…

18. Gurudev ne kaha ki Vikaron mein sukh dikhta hai, lekin dukh aur jimmedaari badh jaati hai; anand mein gyaan aur dhyaan badhta hai…

19. Dhyaan karne se pehle 3 aachman jal lein, dhyaan mein laabh hoga…

HariOm…

Narayan Narayan, Narayan Narayan…

Advertisements
Explore posts in the same categories: Uncategorized

One Comment on “25th August 07 Faridabad”

  1. Mayur Vanza Says:

    I have read the 25th Aug Faridabad satsang it was very intresting and knowledgable


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: