Posted tagged ‘Pujya Bapuji ko Jodhpur Pulice ne Shanivaar Madhyaratri ko arrest kiya..’

Jail bharo aandolan naa karo to achha hai…

September 1, 2013

31st  August 2013 ;  Indore Ashram

Bapuji ka paigam    (listen audio)

mai laden jaisa gunahgar nahi hun jaisa mere sath bartaav kiya jaa rahaa hai..mere ko abhi itanaa sataya jaa rahaa hai ki aaj kayi baar doctor aaye..tumane mera laachaar sharir aaj aisa pahili baar dekha hoga..paani(Pujya Bapuji ne pani piya..)..400 pulice ashram ko gher ke baithi hai, jodhpur pulice aayegi vo mere ko le jayenge..vo sajish apani puri karenge..
lekin pulice ko takalif na ho, pulice ka dosh nahi hai..un par pressure aata hai..lekin law order hai Hindu sant ke liye..dusara koyi itana prasidhd sant hota to us ko itana dabocha nahi jata..
167 deshon mein jo sun rahe hai ,
abhi main aap se rubaru hun phir kab hounga mujhe pataa nahi …saajish kya rukh leti hai mujhe pataa nahi…koyi kisi se bhide nahi..desh mein shanti, aman chaman banaa rahe..4karod saadhakon ke dil mein Thes pahunchegi..koyi kuchh karegaa ,koyi kuchh karegaa..dil ko majabut karo, aapaa nahi khona..167 deshon ke mere bhakt meri bhaavanaa mein hai, main un ki nazaron mein hun.. mere bhaarat ka maan buland ho..meri bhaarat ki bulandi aasamaan chhuye..

mere par pichhale sadhe 4 saal mein itane sangin aarop lagaaye gaye, saare aarop jhuthe saabit huye..na jaane kitane anargal aarop lagaaye gaye,sabhi jhuthe the..
..pahele to maine bola tha ki jail mein bhi mere liye vaikunth hai, phir maine suna ki blood test ke bahaane bhi Aids ki injection touch kar dete hai to mere ko Aids ho sakataa hai, khaane mein kuchh de to mere ko kuchh ho sakataa hai aisa maine suna to bola ki ann-jal tyag dungaa.. tab se main baar baar jal pee rahaa hun..(Pujya Bapuji phir se jal praashan kiye..)main apanaa blood nahi lene dunga,phir bhi lete hai to ye jimmedari un ki hogi ki 80 karod hinduon ki bhaavanaaon ko Thens pahunchane ki jimmedari jo ye karavaa rahe un ki hogi..

mujhe pataa hai ki mere saadhak ahinsa mein maanate hai, shanti mein maanate hai..lekin dukhi aadami ko jaraa bhi sataayaa jata hai na to us ki dabi huyi steam nikal aati hai..jo log likhate hai ki mere samarthako ne gundagardi ki main un ko hath jod ke prarthana karataa hun ki mere samarthako ko ‘gundagardi gundagardi’ kar ke aur dukhi mat karo..sachamuch un ka dil abhi bahut vyathit hai..aisi vyathaa un ke jeevan mein kabhi nahi aayi hogi jo abhi apane guru ko jhuthe case mein phasaa ke guruji jail jaaye…

charo taraf hathiyaar wale pulice hai,shanti banaaye rakhanaa,tumhare saamane ye mujhe nahi le jaayenge..chhupaa ke le jaayenge..4karod shishy!(bhakt bol rahe hum sab andar aayenge, kitanon ko andar karenge?)desh ki sthiti shantimay bani rahe , achha hai..jodhpur mein pahele si 144kalam lagaa di hai, kyoki un ko Durr hai..Jail bharo andolan nahi karanaa..
midiyawalon se kisi ne puchha bapuji ke bhakto ki sankhya cum to nahi, bole cum to nahi huyi lekin bhakto mein aur bhi josh badh gayaa hai!vo jaanate hai Bapuji kaise hai…Narayan ki maa bhi mujhe jaanati hai isliye mujhe ya mere photo ko arghy dekar vrat kholati hai..meri maa bhi mujhe jaanati thi isliye mujhe bhagavaan , guru maanati thi…aap log apani budhdimatta ka parichay denaa…jail bharo aandolan nahi kare to achhaa hai..
main kaayadaa aur suvyavastha ka sanmaan karanewalon mein se hun…aap log jap tap prarthana karanaa…
jodhpur ki pulice kaheti hai ki Bapu ka bayaan mil gayaa aur uparwalon ko santosh ho gayaa to hum chhod denge, nahi to le jaayenge..ab uparwaalon ko kab santosh ho pataa nahi..agar santosh chaahate to ye situation hi nahi nikaalate ..ve santosh nahi chaahate…sidhi baat hai.. main sab samajh rahaa hun..meri shanti ka durupayog ho rahaa hai ye bhi main jaanataa hun..aur majahab ka koyi phakir hota jis ke 4 karod sadhu hote to itani himmat kabhi nahi karate jo mere upar himmat kar rahe hai..ye bhi main jaanataa hun…lekin main shanti priy hun…chandan bahut thanda hota hai lekin us ko jab ragadaa jata hai na to us se bhi aag nikalati hai..
us bachchi ko piditaa bolate lekin us ko pidita bolana bahut nich bhasha hai ..main to us ko meri poti bolungaa..us se jo karavaa rahe na to us ke parinamo se mujhe aisa jhatakaa lagaa ki heart attack ka jhatakaa bhi kuchh nahi aisa tanzeniya ka jhatakaa lagaa..is ke aage prasuti ki pida bhi kuchh nahi hoti aisi pida hoti hai seer mein..tha to pahele se hi lekin 2-4 din se jor mein aa gayaa hai..

jo 167 deshon mein sun rahe aap sab dilwale hai isliye dil ka haal sunaa ke jata hun..saajish bahut lambi chaudi hai.. pulice ka koyi kasur nahi, vo kayada aur vyavasthaa ke naam par jo bhi julum karenge main sahen lungaa..maine man banaa liya ki main blood test ke bahaane Aids ki bimaari nahi lungaa..ye karane ke vo karane ke bahaane main apane sharir ko a-pavitr nahi hone dungaa…khana-pina chhod dene ki bhi meri taiyyaari hai..Pran chhod dene ki bhi meri taiyyaari hai…lekin a-pavitr nahi hone dunga sharir ko , tum logon se mera waayadaa hai…

meri tabiyat mujhe sath deti to main kal hi rajsthan pahunch jata..kal ki apeksha aaj tabiyat mein bhitar jyada gadabadi ho gayi hai…itane hathiyardhari pulice hai, main bhaag nahi jaaunga bete…mere ko agar bhagana hota to mere karodo bhakt hai kisi ke farmhouse mein jaa kar rahetaa..itane aarop lage tab nahi bhaga -unt ke dabaav se nahi bhaga to unt ki puchhadi se durr ke bhaag jaaungaa kya? main LeelashahBapu ka shishy hun!meri naani marane ke baad bhi jindi huyi thi aur 39 saal jee thi, un ka main naati lagataa hun ..aur 4 karod se bhi jyada chelon ka Bapu lagataa hun..
om….omkar ka gunjan…
jodhpur pulice ke hawaale kar denge mere ko to aise uthaa ke le jaayenge un ke raste se to chale jaayenge bhagavaan ke paas…

6 baate mere shishyon ke andar honi hi chahiye udyam, saahas, dhairy, budhdi shakti aur paraakram…dekh lena 1-2 din mein kya hota hai..jaisi bhagavan ki preranaa ho..jo bhagavaan karaayenge achhe ke liye karaayenge..bhalaayi ke liye karaayenge..aap log aapaa nahi khonaa, dhiraj rakhanaa…
bole Bapu bhagavan budhd se apani tulana karate hai..main kisi se apani tulana nahi karata hun..main un mahaapurushon ke unchaaii ki baat sunata hun..bhagavan budhd kaise the aur logon ne kaise laanchhan lagaaye aur us mahapurush ne kaise sahen kiye to aap ko hum ko bhi sahen karane ki taakad honi chaahiye..budhd ka, naanak ka, narasi mehata ka, kabir ka, krushn ka, ram ka drushtant nahi dunga to phir kya karunga? agar santon ka aur bhagavaan ka referance nahi lagaau to satsang kis baat ka?vo to kusang ho jaayegaa! isliye budhd ka, naanak ka, kabir ji ka drushtant to dunga..kisi ka drushtant diya to us ki baraabari nahi hoti, ye kuprachar hai..main kisi se baraabari nahi maanataa..
jodhpur pulice ka swagat hai,abhi jitana jabaab de paaunga utana dunga, baki subah dunga..aur jabardasti uthaa ke le jaaoge to mere bhakto ko bahut thens pahuchegi..desh mein shanti chahate hai to main in ko pura sahayog dunga..mere shishyon ko kuchh bhi huaa to jimmedari unhi ki hogi jo is saajish ke sutradhaar hai…
Hari Om..Hari Om…
jodhpur ashram mein bandi lagaa di hai isliye wahaa ke bhakto ke hruday pidit hai..ve log uchhalkud karenge isliye 144 vi kalam lagaa di hai..main rajsthan sarkar ko prarthana karataa hun ki kuchh bhi karo lekin saamane chunaav aa rahe hai dhyan rakhanaa…aap ko kitanaa bhi superpower ka order aata ho lekin lw aur order ki raksha ho aur aap ki kursi ki bhi raksha ho yah dhyan rakhanaa..mera ek bhagat 10-20 se to juda hi hota hai..aur mere ko aise jhuthe case mein is dhang se phasayaa to aanewale chunaav mein aap ko ghate ka samana karane ki taiyyari rakhani padegi..
rajasthan sarkar ko, bhakto ko aur jo upar ke pressure mein aa kar ye banaavati case ko mere ko arrest karane ka saahas karenge to aap ko kitanaa ghata padegaa main nahi bol sakataa hun..nirdosh ko sataane se kudarat ka kop sahena padataa hai..sant sataaye tino jaaye tej, bal aur vansh…
phir bhi mujhe doshi maan kar arrest karane ki galati karoge to rajsthan sarakar ki jimmedari hai..
mere ko bataya gayaa ki jo mujhe arrest karane ke liye kaagjaat bane hai us mein 5 bade sarkari adhikari lage hai..aur dusari kitani badi badi hastiyaa is mein lagi hai..bahuton ke dimaag lage hai..isliye Madhyapradesh sarkar to majbur hai..
main desh mein sukh shanti bani rahe yah aakhari sandesh dene aayaa hun kyo ki aaj raat ke baad mere sath kya hoga yah mere hath mein nahi..
Hari Om Shanti.

Pujya Bapuji ko Jodhpur Pulice ne Shanivar Madhyaratri ko arrest kiya.

Image


Follow

Get every new post delivered to your Inbox.

Join 33,683 other followers