Mangal Mantr

24 March2010; Haridwaar Satsang

******************************************************************

SHRI SURESHMAHARAJ JI KI GURUBHAKTIMAY AMRUTWAANI

*******************************************************************

हिंदी में पढ़ने के लिए कृपया यहाँ पधारे :-

मंगल मन्त्र

4 guptiyaa hai,sadhanaa me aage badhane ke liye..
ek hai  “arth gupti” …jo satsang me jo gyaan sunaa us ka sahi arth samajhana bahot jaruri hai.. jis me kali mirch, badaam, ilaayachi daali aur us ko thandaayi bolate aisi naa-samajhiyaa paal rakhi hai..kaali, mirch, badaam  aur ilaayachi ki taasir kitani garm hai,to in chijo se bani chij thandayi kaise thandi ho sakati hai?..jo aisa maanate, bhagavan bachaaye un ko…
to vachano kaa sahi arth jaane.. guru kyaa kahenaa chaahate vo jaan kar, us vachan kaa sahi arth jaanakar phir maano to kalyaan hotaa hai..

dusari , “vachan gupti” hai.. vachan gupti maanaa man ki shakti ko jaane..man ke phailaav ko roke.. to man ke phailaav ko kaise roke? dirgh pranav
kare omkaar kaa…
subah dhup kar ke dhimi aawaaj me om om om om om om… nirantar tail dhaar-vat… khaali shwaas lene ke liye ruke… phir bolate
rahe..phaaltu baate soche nahi… shant rahe…

tisari hai,  “waani gupti” ..waani aisaa setu hai jisake dwaaraa hum dusare tak pahunchate hai..
bolate rahe to auro tuk hum pahunchate aise maun rahe to vo bhi setu hai,maun se  ishwar tak hum pahunchate..!
ek bujurg sant se kisi ne puchhaa, ‘apane desh me itani bhashaye hai, desh videsho me alag bhashaaye hai..bhagavaan kaun si bhaashaa
samajhate? itani saari bhaashaaye hai’
sant ne kahaa, ‘bhagavan maun ki bhaashaa samajhate..’
mandir me jaao to gidgidaate hi nahi rahe, chup bhi baithe..

chauthi hai, “kshudr-kaay gupti” ….sharir ke adhyaas ko galaate jaaye..
kaayaa ki mukhy awasthaa bhulakar dikhaavati me vyarthy kaa samay gavaate..
sant kaa samay shakti kharch kar dete..
maine ashram me rahene wale gurubhaayiyo se kabhi phaalatu prashn nahi puchhe ..bas gurudev kaa satsang man lagakar sunataa.. man nahi
lagataa, kaise kare? kisi se nahi puchhaa…ye to mujhe sun sun kar pataa chalaa ki ‘man nahi lagataa’ ye bhi baat hai… phaalatu
paristhiti ko mahatv dete, guru ke vachano ko, gurudev se mile huye bhagavaan ke  naam ko, jap ko mahatv de to parishtiti ghutane tekate
jaayegi.. a-labhy kuchh nahi rahegaa..koyi uplabdhi a-labhy nahi rahegi..

man me 4 bhaav aaye to utsaah banaa rahegaa, bhaav jagat me rupaataran ho… sanshudhdi ho bhaav me… man sambandhi tap sab se uttam tap
hai..ye 4 bhaav jeevan me ho to hruday ke bhaav shudh hote…aur in 4 bhaavo ke viparit tatv jeevan me ho to hruday ke bhaav ashudh hote..
1) maitri
2) karunaa
3) pramoditaa aur
4) krutadnyataa
ye 4 bhaav hruday ki shudhdi karate ..ye bhaav man me aaye to hruday ki sanshudhdi sadaa bani rahegi..phir aap ki sadaa tapasyaa ho rahi
hai.. gangaa nahaane jaa rahe paidal to bhi tapasyaa jaari hai..
ye 4 bhaavo ke viparit tatv kaun se hai?
maitri ke viparit hai ghrunaa.
karunaa ke viparit hai hinsaa.
pramoditaa ke viparit hai vishaad, chintaa.
krutagyata ke viparit hai gaddari.

kin baato se bhaav prabhaavit hai is kaa mahatv hai..bole, us ne aisaa kiya to krodh to aayegaa naa..krodh me shakti kharch hoti hai..
maitri me shakti vikasit hogi.
maitri maanaa friendship- dosti nahi, maitr bhaav..gujrathi me ek bhajan hai :
maitr ka jharano mujh haaiyya me bahaa kare..
shubh thau aa sakal vishwa nu…
mere dil se maitr bhaav kaa ..pavitr bhaav kaa jharnaa sadaa bahetaa rahe..
mahaapurusho ne maitri ki shakti ki buniyaad rakhi hai.. mahaapurusho ne hameshaa isi ki niv rakhi hai.. shatrutaa se maanavataa kaa bahot
nuksaan hotaa hai….prem ke jharane bhitar hai, shubh thao aa sakal vishw nu..saare vishw kaa kalyaan ho aisaa pavitr maitr bhaav kaa
jharanaa mere antar me sadaa bahetaa rahe..
a-shudhd bhaav baahar se prabhaavit hote..andar ke bhaav se jude bhaav shudhd hote hai…saadhak ke hruday ke bhaav saamanewaale ko bhakti
se bhar de, aise bhav hone chaahiye…koyi hum se bhidane ki koshish kare to bhi hum kisi se lade nahi..apanaa samay shakti kharch kare
nahi vyarthy me…
shatrutaa baahar hai,maitri bhitar hai..
sarovar me kaise bhi baalti daalo paani to aayegaa hi..hum kahi bhi jaa rahe ho, koyi hum ko gaali de de, aur hum ko krodh aayaa to samajho
baahar me bhaav bahe rahe..aaj kal logo kaa dimaag to jaise eko point ki tarah kaam karataa hai.. kisi ne kuchh sunaayaa to turant ultaa
sunaa dete..
ek society me gadhaa mar gayaa to badabu aa rahi thi.. to society waale ne myunisipality ke office me phone kiyaa..to wahaa ke aadami ne
sunaayaa ki, ‘aap bhi to pandit hai, sab jaante hai, to aap hi us gadhe ki antim kriya sanskar wahi kar do’
isane bhi tadaak se sunaa diyaa, ‘mai to kar dun, lekin sochaa us ke rishtedaaro ko phone to kar dun!’
‘us ne aisaa kiyaa to mai bhi aisaa jabaab dun’  aise pratikriyaa me nahi jiye..
hum dusaro ko thik nahi kar sakate, hum apane ko thik kar ke chale..

apane ko thik karanaa hai to kyaa kare?
apane gurudev ke photo ke saamane baith jaaye deep jalaakar.. aur  gurudev ko apani bhakti kaa prem sandesh bheje.. to gurudev ke photo se
krupaa kirane barsegi aap par!… phariyaad naa kare…kewal yaad kare….  khud kaa jeevan sudhaaro,dusaro pe najar hai to khud ko kaise
dekh paayenge….sewaa kaa ek bhi awasar jaane naa do…agar raaste me paththar padaa ho to kisi ko thokar lagegi soch kar us ko hataao..
aap kaa kya bigad jaayegaa, sewa ho jaayegi..

bapuji sair karane jaate kheto ke raaste ke side me kuwa thaa..us me  pani nahi thaa… koyi bhi anjaan bechaaraa  ho to jarur giregaa
andhere me aisaa kuwaa thaa…giranewala subah tuk nikale nahi.. naa kare naaraayan lekin kisi kaa hath pair tut jaaye to musibat
hoti…bapuji ne dur dekhaa ki ek sukhaa baas padaa hai… bole ki us ko laaye…baas laayaa, khadde me daalaa… wo bhi andar chalaa
gayaa.. dur ek kataa huaa ped thaa us ko bhi daal diyaa andar..jaraa ghaans latakaa diyaa ki raat ke andhere me koyi wahaa se gujare to
girane se bache…kisi ko bhi girane se bachaaye…koyi kyu gire?.. aisa kayi baar hota hai..

budhd par kisi ne thuk bhi diyaa..budhd ne munh saaph kar liyaa… bole, ‘mitr kuchh kahenaa chaahate ho?’ budhd ke shishy hairaan ho
gaye! bole us ne thukaa aur aap us ko mitr bolate?…budhd bole, ‘vo kuchh kahena achaahataa hai, lekin bolane me asamarth hai..isliye
thukaa..’
…aisaa apanaa hruday karunaa se bhar jaaye..hum dusaro ki taraf aanand ki tarango ko bheje… 4 din kaa jeevan hai…kya pataa kab jaanaa
pade? dusaro ki taraf sukh ko bheje, aur nahi bhej sakate to kam se kam dukhi to naa hi kare..

kaisi bhi paristhiti aaye, man me pramoditaa rahe…aanand kaa av-rodh aur vishaad kaa bhaav naa ho..sukaraat ko jaher diyaa jaa raha
athaa, aur sukaraat  hans rahe the… miraa ko jaher ki pyaali di gayi thi, aur miraa hans rahi thi..pralhaad ko jaher milaaye huye bhojan
ki thaali di gayi aur pralhaad hans rahaa thaa…
hum vo hissaa dekhe jo prakaashit hai… wo hissaa naa dekhe jo andhakaar se bharaa hai…
jaise koyi bole, meraa mitr baansuri bahot achhi bajaataa hai…
to dusaraa bole, ‘vo to akele me ladaki se baate karataa rahetaa’..to ye andhera dekhanaa hai..
kisi ke baare me bura hi kahe, dosh hi dekhe ye andhkaar dekhane jaisaa hai..
lekin achchaa kahe ye ujaalaa dekhanaa hai…
.. dukh aur vishaad  sab se badaa bhaar hai…
dukaan ka kaam thik se nahi chalataa…karjaa hai yaa aarthik pareshaani hai to mangalwaar ko  taambe ki thaali me kesar se tribhij banaaye..
om mangalaay namah..om run hartre namah
ye mantr bole..tribhuj banaaye kesar me thoda pani  milaakar us se taambe ke thaali me tribhuj banaaye…us ki pujaa kare aur dhup deep dikhaakar mantr bole..mangalawaar ko bina namak ka  bhojan kare … dukh aur vishaad kaa bhaar apane par se utaar phenke…

krutagyata chauthi baat..
gurucharano me hame laanewaale ishwar ke prati krutagyataa, humaare sharir me 75% jal tatv hai to samudr ke prati krutagyataa..hamaare sharir kaa agni tatv hai jis se khana hajam hotaa , kriyaa kalaap hote..vo sury kaa hissaa hai to sury dev ke prati krutagyataa ho..havaaye hamaare prano ko chalaati isliye vaayudev ke prati krutagyataa ho…jis dharati hamaaraa bhaar uthaati us ke prati krutagyataa ho..gurudev hamaari adhyaatmik unnati karate , nashwar se aasakti chhudaate, shaashwat se priti badhaate, shaanti badhaate un ke prati krutagyataa ho..
ishwar aur gur ke prati krutagyataa ho…. is se bhaavo ki shudhi hoti hai…. sharir shudhdi sab karate..sharir shudhdi se bhi  vichar shudhdi aur bhaav shudhdi jyaadaa mahatv purn hai …

to ye 4 baate :  maitri, karunaa, pramoditaa aur krutagyataa hamaare jeevan me honi chaahiye…in ki  upeksha karate koyi to guru ke bina
saberaa nahi hogaa andhera ghanaa banaa rahegaa..apane bhitar raat moh ka andhre abana rahega guru sachche sadguru honge jeevan me sahi
arth me prabhaat hogi jo chhate mere jeevan me sabera ho

moh nisha sab sovan hara
dekhat sapan anek prakaara

jo roj guru gitaa padhate un ko bahot laabh hotaa hai..jo roj sampurn guru gitaa nahi padh sakate vo kuchh bhaag to jarur padhe…kam se kam roj ek panna yaa 2 shlok padhane hi chaahiye.. ..guru gita guru bhakti ki gangotri hai….gurugeeta padhane se bhakt ke hruday se  guru bhakti ki gangaa nikalati  hai..

naa achhe se judo, naa bure se judo.. sab ko pasaar hone do…dosho ko dekhe kisi ko to ye soche ki mere me ye dosh naa aaye..kisi me sadgun  dekhe to soche ki is me jo sadgun hai vo mere me bhi aa jaaye..kuchh log kyaa karate ki, gunwaan ke pichh-laggu ho jaate aur dosho ko  nafrat karate..indaur me kisi vyakti ne bhole logo ko prabhaavit kiyaa aur phasaakar un se kayi rupiye hadap liye..gunwaan ko dekhakar  pichhlaggu na ho aur doshi ka dekh kar nafarat naa kare..

bhakt me ye 4 asrav nahi hone chaahiye..budhd ke shishy ekdaan 4 asrav se raheet the..
1)kaamaasrav..
2)bhavaasrav
3)drushyaasrav
4)avidyaasrav
kaamaastrav maane kaam ki vaasanaaye nahi thi..
bhavaastrav maane kuchh log sochate ki maru to swarg mile..achhe jagah jaau ye bhavaasrav nahi thaa..
drushyaasrav amuk varn kaa hun aadi nahi thaa..
avidyaasrav maane  mai ka bhan nahi thaa smruti nahi thi..
in 4 se raahit the ekdaan… aise unchi sadhanaa ke dhani the… ekdum unchi soch thi.. ..aise ekdaan aatm gyan ki badi sukshm baat bataate… devataa bhi sukshm rup me un ki waani sunane aate…jab aatmgyaani mahapurush  satsang karate to jo pandaal me dikhaayi dete utane hi nahi hote sunanewaale, kayi daivi shaktiyaa bhi un ki waani sunate hai.. vashisht ji  ki wani sunane ko dev bhi aate the aisaa ramayan me varnan hai….to ekdaan ji maharaj kaa satsang sunane ko daivi shaktiyaa aati.. jungle  sadho sadho ki dwani se gunj uthataa.. un ke yahaa 2 naujawaan  sadhu aaye..badhiyaa jataaye, prabhaavshaali vyaktitv! ..koyi dusare ko prabhaavit karane me lagate aur koyi dusaro ko prakaashit karane me
hi maanate .. ekdaan ji maharaj ne un 2 sadhuo kaa swaagat kiyaa..aayiye mahaaraaj, biraajo.. un ko  unche aasan pe bithaayaa ..ekdaan to
bade hi vinamra mahaaraaj the..baith gaye niche..bole, mahaaraaj kuchh gyan amrut de ke jaayiye…yahaa  sukshm jagat ke devataa bhi aate
hai satsang sunane ko..
un 2 naujawaan sadhuo ne sochaa ki mahaaraaj jungle me rahene se maansik rup se vikrut ho gayaa hai..yahaa to koyi devataa dikhataa to nahi
hai nahi.. maharaj bhi kaisi kaalpnik khayalo me gire rahete… bade bujurgo ko dekhakar jo log majaak udaate vo bahot buraa karate…bade
bujurgo  kaa aadar honaa chaahiye.. ye vyavahaar ki shaalinataa hai..

satsang me yaa khaane ke line me koyi bujurg vyakti khade ho to un ko jawaan aadami madad kar de.. mere jagah pe aap aa jaao
maataaji/dada..un ko pahele moka de..aao dada ..bado kaa aadar, ijjat karanaa bahot achhi baat hai ..is se aayu badhati, vidyaa, yash aur
bal badhataa hai ..

to ekdaan ji maharaj ke ashram me 2 jawaan sadhuo ne gyaan sunaayaa…saahityik shabd the, sutraatmak ..praash milaakar bolate the..
pandity chhalak rahaa thaa un ke bolane se… sab ne sunaa..shishy to raaji ho gaye ki bahot achhe bolate hai.. ekdaan maharaj bhi un ki
saraahanaa ki..bole, aap itanaa achhaa bole lekin aaj devataa sadho sadho bole nahi, kya baat hai..vidwaan bujurg ke baat par hanse.. yahaa
koyi hai hi nahi to kahaa se aawaaj aayegi..dono sadhu bole, ‘aap bhi kuchh sunaao’ dono sadhu soche ki dekhe in ke bolane ke baad koyi
sadho sadho ki aawaaj aati hai kyaa?…ekdaan maharaj to bade hi veet raagi tapaswi the..saar garbhit waani, anubhuti prachur waani
bole..jaise hi un kaa satsang pura huaa, sabhi devataa log sadho sadho bol pade! devataao ki aawaj gunj padi jungle me… un bujurg santo ke satsang me devataa bhi sukshm rup se aate the..
vo 2 naujawaan sadhu phir bhi bol rahe the, lagataa hai  ye hi nahi kewal devataa bhi paagal hai jo in ki baate samajh me aaye, hamaari nahi aati…’ in ko apani vidwattaa kaa kitanaa ghamand hai! ..shikshit vyakti dikshit naa hao to us kaa aisaa hi haal hotaa hai..sujh bujh ulati ho jaati hai..netr hote huye bhi aise log netr heen hai..
bramhgyani ki sewaa anushtaan se sahi arth se drushti milati hai….lekin sadguru binaa  netr heen panaa bahot gehara hogaa…. kewal gyaan nahi, tap me tapanaa, titikshaa sahen karanaa bhi jaruri hai…jaise  sonaa aag me tap kar sone ke  dosh jal jaate…aise guru bhakti se sabhi asrav kshin ho jaate…

baapuji ne kaisi titikshaa sahi gurudwaar par…niche se pahaadi par jal lekar jaanaa, patharili pahaad ki mitti se bartan maanjate to hatheliyo se khun bahetaa, kisi ko dikhe aur sewaa chali naa jaayegi isliye patti baandh lete…kisi ko bataate nahi.. abhi bhi bapuji ki tapasyaa ke kayi saakshi bujurg hai mai un se milaa hun…. meri un  se charchaa huyi hai… bapuji aisi  dilo jaan se sewaa karate aur guruji kaa purn ashrirvaad paate huye jinho ne dekhaa aise bujurgo se mai milaa hun..

jab  gaandhidhaam me satsang thaa to ek raat saadhe nau baje ke samay mai adipur gayaa thaa… wahaa apane daadaa guruji  ki samaadhi hai… udhar pujaa karanewaale the..unho ne bapuji aur daadaa guruji ki tasbir bhi dikhaayi.. bole, bahot purani ye tasbir yahaa padi hai, aap le jaao… mai apane saath le aayaa thaa aadipur se..

sadguru ke siwa aatm sakshatkar karanaa ye baat aisi hai ki koyi gangaaji ke kinaare baithaa aur reti muththi bharakar gangaa me daal rahaa hai..bole, ‘gangaaji par pul banaanaa chahataa hun’ aisi baat hai ..

sadguru ke binaa aatm sakshatkar karna aisi hi baat hai.. shwaaso kaa khajaanaa bahe jaayegaa.. kuchh bhi nahi milegaa.. taalate rahene ki aadat pad gayi …jap dhyan ko taalate rahe to socho ki aise log apane shubh ko bhi taalate rahete…

suryaast ke pahele hi sandhya shuru kare to vo uttam sandhya kahelaati hai..
hum sabhi milkar omkar kaa gunjan karate huye shaant hote jaaye… ghadaa purn jal se bharaa ho to aawaaj nahi karegaa aise  hruday bhi guru gyaan se , bhakti se bharaa rahe to shak kaa shor nahi hogaa… shak shok ki khaayi me giraataa hai..

(pandaal me sabhi ko ashram me banaa gulaab kaa sharabat diyaa jaa rahaa hai..)..pinewaale dhyaan rakhe ki chandr swar(left nostril- baayaa
nathunaa) chalataa ho to koyi bhi pey pinaa laabh karataa hai ..lekin sury swar(right nostril, daayaa nathunaa) chalataa ho to pey pinaa
nahi chaahiye, daahe naak ko band kar baahe se 2/4 shwaas le to chandr swar chalu ho jaayegaa…phir  piye.. is se swaasthy achhaa
rahetaa… sharir majbut rahetaa hai ..
ab madhyaanh ke thik 12 baje hai.. Bhagavan Shriraam ji ke awataran ki belaa hai..

Shri Ramchandra Kripalu bhaj man, haran bhav bhay darunam,
Haran bhav bhay darunam, Shri Ram.
Navkanj lochan, kanj mukh kar, kanj pad kanjjarunam,
Haran bhav bhay darunam, Shri Ram.
Kandrap agnit amit chhavi, navneel neerad sundharam,
Patpeet maanahu tarhit ruchi suchi naumi Janak Suta varam.
Haran bhav bhay darunam, Shri Ram.
Shri Ramchandra Kripalu bhaj man, haran bhav bhay darunam,
Haran bhav bhay darunam, Shri Ram.
Bhaj Deenbandhu Dinesh Danav, Daitya vansh nikandanam,
Raghunand Aanandkand Kaushalchandra Dashrath Nandanam.
Haran bhav bhay darunam, Shri Ram.
Shri Ramchandra Kripalu bhaj man, haran bhav bhay darunam,
Haran bhav bhay darunam, Shri Ram.
Sir mukut kundal tilak caru udaar ang vibhushnam,
Aajaanubhuj shar caap dhar sangraamjit Khardushanam.
Haran bhav bhay darunam, Shri Ram.
Shri Ramchandra Kripalu bhaj man, haran bhav bhay darunam,
Haran bhav bhay darunam, Shri Ram.
Iti vadati Tulsidaas Shankar shesh muni man ranjanam,
Mam hridaya kanj nivaas kuru kamadi khal dal ganjanam.
Haran bhav bhay darunam, Shri Ram.
Shri Ramchandra Kripalu bhaj man, haran bhav bhay darunam,
Haran bhav bhay darunam, Shri Ram.

shriram ji kaa mukh, charan kamal jaisaa hai..kamal komal aur a-sangataa kaa pratik hai..kamal pitt shaamak bhi hotaa hai ..
kamal ki tarah dusaro kaa taap dur kar de aur a-sang rahenaa sikhe.

OM SHANTI.

Sadgurudev ji Bhagavan ki jay ho!!!!!

Galatiyon ke liye Prabhuji kshamaa kare..

About these ads
Explore posts in the same categories: Shri Sureshanandji

5 Comments on “Mangal Mantr”

  1. RAKESH Says:

    BAPU JI VARANASI ME KAB AA RAHE HAI MUJHE DIKSA LENA HAI

    • joshi Says:

      Hari om Prabhu

      rakesh bhai aap ye wait na karre bapu g kab varanasi aayege. Bapu ji jaha par bhi hon vaha phaunch jaye diksha ke liye . Main bhi aisse his ochta tha ki Bapu g mere city mein kab aayenge. Uss ke baad mujhe desh chor ke bahar aana para .. abhi tak dikhs nahi le hui. meri aap se vinti hai aap bapu g se diksha bapu g jaha bhi hon vaja ja kar le lein.

  2. RAKESH Says:

    BAPU JI BANARAS(VARANASI) KAB AA RAHE HAI

  3. sunny Says:

    hariom vry fine

  4. PARMOD BATTA Says:

    when should we recite ” om harim om”


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


Follow

Get every new post delivered to your Inbox.

Join 33,685 other followers

%d bloggers like this: