Avtaran Divas Sandesh

15^th April2009, Shukrtaal Avataran Divas  sandesh

*************************************************

Sant Shiromani Param Pujya Shri Asaramji Bapu ki Amrutwani ke kuchh ansh :-

*************************************************

 

..jis ka koyi janm nahi hota , jis ka koyi mrutyu nahi hota , vo hum hai…

janm humhara nahi hota, sharir ka hota hai..

raag dwesh hum ko nahi hota , man me hota hai…

bimari hum ko nahi hoti, sharir ko hoti hai..

bachpan , jawaani, budhapa humhara nahi, sharir ka hota hai…hum to paramatma ke divy ansh hai, is prakar paramatma ko jaan lenge to aatma ki polpatti khul jayegi…apana aatma ko jaan lenge to samajh jayenge ki mai to anant bramhand ka sanaatan amrutputr hun…bhagavan ka janm nahi hota to mera bhi janm nahi hota..bhagavan ka mrutyu nahi hota to mera bhi mrutyu nahi hota…janm mrutyu sharir ka hota hai..bhukh pyaas prano ki pravrutti hai…sukh dukh man ki pravrutti hai ..mai to aatma hun , is prakaar gyan paaoge to karm bandhan nahi hoga..karm divy honge…to bhutkaal ka shok nahi hoga…varmaan ki lolupataa chali jayegi…..bhavishy ka bhay nahi hoga…bhajataam priti purvakam tyanu maam upayaantite..jo mujhe is prakaar priti purvak bhajataa hai us ko mai prapt ho jata hun…bhagavan kahete hai..

 

 

vastavik me sarvatr ek hi parbramh hai..aneko shariro me dikhata hun, aneko man me dikhataa hun..aise aneko rupo me dikhate huye bhi hum ek hi hai ..jaise chandrama aakash me ek hi dikhate huye bhi lakho lakho ghade rakh do to us me bhi dikhate hai…chahe shukrataal ka gngaji ka pani bhar do yaa gattur ka pani bhar do..chandrama ka pratibimb dikhata hai..

 

 

internet se jo sun rahe yaa dekh rahe hai un ko mai ye sandesh de raha hun ki mai mera janam divas nahi manaananaa chahataa isliye kisi agyaat chhoti jagaho me chala aata hun, kyo ki janm to huaa is maranewale sharir ka , mera nahi…..abhi mai shukrtaal me hun…

 

 

aap ka vastavik me janm tha nahi, hai nahi, hoga nahi…janm sharir ka hota hai, aap to sharir ke pahele bhi the, ab bhi hai aur baad me bhi rahenge…

 

aap apane divy swabhaav ko jaan kar divy karm me lage…

bhagavan kahete hai ,

janm karmach divyam….jo aisa janata hai vo mujhe prapt hota hai..bhagavan ka janm divy hai bhagavan ka karm divy hai ..aisa janane se aap bhagavan ko prapt hote hai…bhagavan ka aatma aur aap ka atma ek hi hai..

jaise ghade ka aakash aur mahaa-aakash ek hi hai..

 

jaise chandramaa aur chandramaa ka pratibimb ek hi jaat ka hai..

jaise sury aur sury ka pratibimb ek hi jaat ka hai..

 

aise bhagavan ka aatma aur aap ka atma ek hi jaat ka hai..

 

aap ka aatma paramatma ki jaat ka hai aur sharir sansaar ki jaat hai..sansaar badalata to aap ka sharir bhi badalataa hai…lekin aatma jyo ka tyo raheta hai..sharir ka bachapan jawaani badal gaya, sukh dukh ke din badal gaye, ulaahane ke din badale, dosharopan ke din badale, jayjaykaar ke din badale lekin us ko jaanane wala aap ka aatma jyo ka tyo hai..jaise bhagavan jyo ka tyo hai aise aap ka aatma bhi jyo ka tyo hai….is prakaar manushy sansaar se pruthak hokar bhagavan se ekaakaar hone se bhagavan ka gyan hota hai….

 

aap bhagavan ke sanaatan saput hai…bhagavan mere aatma hai …janm mrutyu sharir ka hota hai..bhagavan ka nahi,mera bhi nahi..ye divy gyan prapt karane se aap adhyatamik chhalaang maar lenge…

 

 

man ka chaha nahi hota to dukh manaate, man ka chaha hota to sukh manaate..sukh dukh hokar chala jata phir bhi jo rahetaa vo aap ka divy swabhaav hai…is me aap tikenge to apane divy swabhav me jaag jayenge..

shankar sakal sahaj sambhaaraa,

laagi samadhi akhand apaaraa

 

mahatma ka janmdivas, janm tithi yaa jayanti manaate to hum ko yah gyan hota hai ki mahtma ka janm aur karm divy hai to humhara bhi janm aur karm divy hote hai…sadharan manushy ka karm ahankaar posane ke liye hota hai mahatma ke karm parheet ke liye hote hai ..ve swarg ki baat aap ko sanyam se rahe isliye karenge ..ve narak ki baat karenge to aap ko paapo se bachaate..swarg, narak, paapo se bachakar ve aap ko prerana karate ki paramtma ka gyan dilaane ki , paramtma ki priti dilaane ki , paramtma me vishranti dilaane ki mahatma ki pravrutti hoti hai..

 

isliye mahatma ka janm divas manaate to hum logo ka laabh hota hai..mahatma to jaanate ki hum janame hi nahi to janam to sharir ka huaa hai ..lekin lok sangrah , lok mangaly ki pravrutti hoti hai ..is bahaane satkary hota hai.. mombatti phuk ke jo janam divas manaate to ye janmdivas to dehaabhiman badhanewala hai….diye jalaakar andhkaar me prakaash ki vijay karate…waasanaa  par nirwasana ki vijay karate…ahnkar par nirhankaritaa ki vijay karate…dwesh ko priti me badalane ki kala …vair ko prit me badalane ki kala ..haar ko jeet me badalane ki kala …maut ko moksh me badalane ki kala ka naam hai divy janm aur divy karm …

 

 

bhagavan kahete ki, “hey arjun mera janm karm divy hai is prakar jaan lene se punarjanm nahi hota…vo mujh ko hi prapt ho jata hai…us ke anisht ki nivrutti ho jati hai…isht ki prapti ho jati hai”  ..us ke agyaan ki nivrutti hoti hai aur aatm gyan ki prapti hoti hai….aatm gyan se badhakar koyi gyan nahi..aatm vishranti se badhakar koyi samarthy ki prapti nahi hai..

 

 

apane swarth ke liye karm karanaa to tuchh karm hai ..parheet ke liye jeete to janm karm divya ho jate hai…mahatma ka janam divas manaane se apane janm aur karm divy banaane ka avsar milata hai….sharir mai hun ye bhav chhod do to sukh ki laalach , shatruka badala ye aasakti ka bhandaphod karykram ho jayegaa…

 

 

vishnu sahasr naam me aata hai ki bhagavan ka ek naam an-bhidny hai ..bhagavan anjaan hai ..to kis baat me anjaan hai? prani ka aheet karane me bhagavan anjaan hai ..bhakt vyakhya karate ki manushy ka dosh dekhane me bhagavan anjaan ahi ,lekin bhakt ka dosh nahi dekhenge to dosh dur kaise karenge?bhagavan anjaan hai to humhara amangal karane me anjaan hai..aisa janane se punarjanm se bachate hai..aur bhagavan ke janm aur karm divy hai to humhare bhi janm aur karm divu hote hai…

 

Om Shanti.

 

Hari Om !Sadgurudev ji Bhagavan ki jay ho!!!!!

Galatiyo ke liye Prabhuji kshama kare…

 

 

Explore posts in the same categories: Pujya Bapuji