Param Nishthawaan Sakhubai(Karaad satsang)

31st March – 1st April 2009, Karaad Satsang amrutvachan

*************************************************

Sant Shiromani Param Pujya Shri Asaramji Bapu ki Amrutwani

*************************************************

 

Hari Om hari

 

thodi der shant jogeshwar me ..om shanti..

..idhar udhar dekhate rahete isi me budhdi mari jati hai….jo sada raheta ,  jis se dekha jata usi me shant..

Aankhe band, gyan mudra, jibh talu me..

smruti nadi jagegi..

om shanti..

madhur shanti..

 

diksha se jo  phayade hote vo marane ke baad nahi ..abhi ….

bhutkaal ka bhut – dukh aur shok mitanaa chahiye !

bhavishy ka bhay mitanaa chahiye !!

aur vartmaan ki samasyao ke sir par pair rakhakar naachate kudate parameshwar ke geet jeevan me gunjane chahiye is ka naam diksha hai….!!

dukh vivek jagaane ke liye aata hai

sukh udaar hone ke liye aata hai

sukh bhi swapna hai , dukh bhi swapna hai ..us ko jananewala paramatma apanaa hai..

ninda ho jaaye to kyo darana?

 

kadam apane aage badhaataa chala jaa

tere marg me kaante bade ho,

liye teer hatho me vairi khade ho

bahaadur sab ko mitataa chala jaa..

kadam apane aage badhata chala jata

 

*********

hari ooooooooooooommmmmmmmm

 

durjano sajjano bhuyaat

sajjano shanti mapnuyaat

shanto muchyet bandhebhyo

muktschanye vimuktaye

 

hari ooooooooommmmmmmmmmm

 

hari ooooooommmmmmmmmmmmm

 

 

Hari OOOOOooooooooooooooommmmmmmmmmm

 

om sahanaaav vatu

sahano bhunaktu

sahaviryam karavaavahai

tejaswina vadhitmastu

maa vidvishaavahai

om shanti shanti shanti

 

HAri Ooooooooooooooooommmmmmmmmmmmmm

 

sarv star tu durgaani

sarvo badhrani paschantu

sarv sadbudhdi mapnuyaat

sarve bhavantu sukhinahaa

hari oooooooooommmmmmmmmmmm

 

 

ye vaidik mantr the, vaidik prathana thi..vyapak prarthana thi..

 

ved kisi manushy ne nahi banaaye, vyakti ne nahi banaaye ..yaha tuk ki bhagavan Krushn ne bhi nahi banaaye aur bhagavan Ram ne bhi nahi banaaye..

Bhagavan Krushn aur Bhagavan ke Ram ke pahele bhi Ved the..

Ved A-Paurush hai..

 

aur jo bhi majahab / dharm hai duniya me vo yaa to ishwar ke bete ne shuru kiya , ya ishwar ke paigambar ne shuru kiya yaa rushimuni ne..

 

 

lekin hindu dharm – vaidik dharm kisi ishwar ke bete ka, rushi muni ka yaa  paigambar ka chalaya huaa nahi..

jaise sury kisi vyakti ka nirmit nahi hai , sanaatan hai aise hi Hindu dharm sanaatan hai..

 

  • dukh mitaane ke liye manushy ki Nishtha us ke paas hona paryapt hai..
  • shanti paane ke liye us ki nishtha us ke liye kafi hai

 

  • saphalataa ke liye us ki nishtha us ke liye kafi hai..

 

  • dusaro ko badhiyaa banaa ke apane ko param pad me pratishthit karane me us ki nishtha us ke paas hona kafi hai..

 

tumhare karaad ki ghatana hai..yaha se 2 km antar par us ka gaanv tha..sasu dushta thi..pati dushta ka beta tha aur sasura bhi dushta ka chela the..tino milkar sakhubai ko itana daatate..itana sataate..bharpet khana nahi  dete aur subah se raat tuk kaam karaate..

karaad vasiyo se sakhu bai anjaan nahi hai..hai kya?

 

sakhubai ka yaha sthan bhi hai 2 km par mai jaunga udhar..

lekin sakhubai ki nishtha mahila matr ke jeevan me bhagavat satta ka aur apani nishtha ka pratykash praman hai !

 

chahe paristhitya kaise bhi ho ,lekin apana drudh sankalp paristhitiyo ko badal detaa hai..

 apani apani nishtha kaam aati hai..chahe aaap ke sath duniyaa kaisa bhi vyavhaar kare..kaisa bhi julum kare..lekin aap apane sath julum nahi karate to un ka julum aap ko mitaa nahi sakataa..

aap ki yogyata badhayega..

 

apana drudh vishwas, apani nishtha ..baas!

 

  • patni ki nishtha hai ki mai pati ke paas kuchh bhi nahi mangungi..lekin sadi phat gayi to padosi ke yaha bhik mangane gayi to ye nishtha nahi hai..
  • bhakt hai ..aur kidi mar gayi..to bhagavan achyut ka sumiran kar le to ye us ki nishtha hai..

 

  • bole kidi ka paap nasht ho gayaa..lekin bhakt hai to ganga nahayenge..upvaas karenge..bole mera paap mitega..to ye us ki nishtha vichalit hai..

 

  • yogi hai ..kidi mar gayi..ek pranayam kar liya..aatma amar hai..kidi ka sharir badala..maine jaanbujh kar nahi mara..to thik hai..
  • lekin vo yogi gangaa nahaane jaaye athava upvaas karane lage to us ki yog nishtha us ko taaregi nahi…

 

  • tatvgyani hai  aur chalate chalate kidi mar gayi to vo pranayam karane lag jaaye to aatma ka anusandhan karane lag jaaye to us ki nishtha se vo gira hai..
  • tatvvetta hai to tatv to ye hai ki aatma to jyo ka tyo hai , kidi ki aakruti banati bigadati hai..OM OM ..bas  ho gaya..

 

apani nishtha apana kalyan karane ke liye paryaapt hai..

sakhubai ki nishtha dekho..sasu dushta , sasur sasu ka gulam aur un ka beta  sasu ka chamchaa…kitan akitan ajulum hota tha lekin vo apani nishtha se viththal mere hai , bhagavan mere hai aur ye bhagavan meri shudhdi ke liye ye leela rach rahe ye sakhubai ki nishtha thi.. ‘jo karate hai viththal changalech karataat’ ( jo bhi karate hai bhagavan achha hi karate hai) ye sakhubai ki nishtha thi..

 

dekho sakhubai ki katha karaadvasiyo ko sunaanaa koyi jaruri nahi hai, lekin nishtha ki baat kahene ke liye maine sakhubai ko karaad vasiyo ke aage rakh diyaa..

 

-         pralhaad ke pita us ki nishtha ke liye itana kasht deta hai , puri rajsatta pralhaad ke khilaaf kar deta hai..aur daity vidya se pralhaad ki hatya karane bhi pichhe nahi hatataa..holika ko pralhaad ke sath agni me bitha deta hai ki jis ko agni jalaa na sake vo vardaan hai  ..lekin pralhaad ki nishtha hai ki sarvatr mera hari mera rakshak hai to agni ne pralhaad ko ahi jalaayaa…lekin jis ko agni ka vardaan tha ki vo jalegi nahi vo jal mari..aur har 12 mahine hum holika dahan karate hai..kyo ki pralhad ki nistha ki yaad dilaane ke liye..aur dhani khate kyo ki ye season dhani khane ka hai..

-         sharir ke kuff ko sapha kar ke bhuk lagaaye isliye dhani khana chahiye..

-         khajur rakh dete hai holika ke aage ki ab der se pachane wala kupachy khuraak nahi khana chahiye..ye season hai cum bhojan aur supachy bhojan karane ka..chandrama ki kiranoka phayda lena..

-         subah jaldi uthana , raat ko jaldi sona aur sham ko kabhi kabhi snan karanaa ye heetkari hai..is season me..neem ke patte 10-15 ek kali miri ke sath chabaa ke khana heetkari hai..

-         jin ko vayuprakop ho, 3 bili patte ek kali miri ke sath chabaa ke khaye..

-         jin ke bachche thingane hai naate hai kadaaawar nahi hote to 3 baili patte aur ek kali miri chabaa ke khane se bachche kadaawar hote hai ..maa baap thingane hai to bhi bachche kadaawar hote hai..

 

kisi neta ne bhashan diya ki , ‘meri gandhiji me nishtha hai..mai gandhi ji ka anusaran karataa hun, mai gandhiji ko apana prearan strot manata hun..gandhi ji mere sab kuchh hai…’ aisa bhashan diya kisi sidh neta ne..to us neta ko puchho ki gandhi ji go-maans khate the kya? tum biryaani khate ho kabaab khate the kya,  jo tum khate ho gaay ka …gandhiji  paraayi sree to kya apani sree ki taraf bhi vikaari drushti se nahi dekhate ..aur tum kitani yuvatiyo ke sath…ab jyada mai bol nahi sakataaa..

to ‘gandhiji ke liye nishtha hai’ ye bol ke bhashan baji kar ke public ko ullu banaanaa alag baat hai ….lekin gandhiji ke prati nishtha hai ti gandhiji ke acharan ke anusar apane jeevan ka koyi 1 acharan to bataa de…

 

gandhiji kitane saty nishth the..(veshya ke dwar se Ram ji raksha ki ye gandhiji ki sachchayi thi)..jay Ram ji bolana padega..

gandhiji me nishtha hai aap ki to aap asaty nahi bol sakate, daru nahi pee sakate ..par sree-gaman nahi kar sakate…

 

 

narayan hari

 

nishtha hai shabari ki! 16 saal ki shabari ko guru ne bol diya ki baahar ke ram ko kya khojati , tere andar ke ram ko yaad kar to ram ji tujhe khojate  khojate swayam aayenge..to 80 saal ki budhiya shabari  vishwas rakh ke baith gayi thi…log us ko paagal kahete…lekin us ki nishtha thi (to shri ram ji aaye aur juthe ber khaye shabari ke …)

 

pralhaad ki nistha thi to nrusinh bhagavan pragat ho gaye..

 

dhruv ki nistha thi to 5 saal ke dhruv ke aage bhagavan narayan pragat ho gaye..

 

maharashtr ke samarth ramdas ke bhai rami ramdas ko maa ne kaha ki hanuman ji ko tum ek tuk dekho hanuman ji pragat ho jayenge to idhar udhar kidhar dhundhega…to maa ke vachano pe vishwas rakh ke lag gaya to 8 saal ke bachche ki nishtha dekh kar hanuman ji pragat ho gaye..to Baal Shiromani hai Rami Ramdas!

 

shivaji maharaj ki bhi aise hi nishtha thi…

 

garibo ke paiso ka shoshan kar ke aish udaaye aise raj netaao ke jo videshi banko me arabo kharabo rupiyaa rakhate un ke aage humhara sir jhuk jaaye ?

agar sarkaar himmat kare to itana paisa pada hai desh wasiyo ka khun chus chus ke switsarland bank me chor logo ne rakha hai vo paisa aa jaaye to ye  garib jo sadako pe  sote un ka udhdar ho jaaye..kachchi sadako pe khaddo khaddo pe bahene soyi hai bachcho ko lekar ..mere to aansu aane lagate hai dekh kar…

 

sarkaar videsho me jo paisa rakha hai vo laakar bharat ko karj mukt kare aur in garib gurabo ko makaan banaa de..in ke aansu pochhe….aisi nishtha ho raaj dharam nibhane ki ..

 

50 -60 saal ho gaye aajadi ko garib aur garib ho raha hai ..pidit aur pidit ho raha hai…apana dharam nibhane ki nistha honi chahiye..raj dharam nibhaye..apana kartavy paalane ki nishtha honi chahiye…

garibo ko dekhata hun to mera hruday kaapane lag jata hai..8-8 ghante dhup me kaam karate hai aur shakkar ka bhav 20-22 rupiya kilo..kahi 1500-1600 rupiya quintle ganna bikataa hai, lekin yaha 1200 rupiyo me ganna le lete garibo ka …ye kya hai? koyi bolanewala ch nahi hai….

nishthawan jo hai vo garibo ka aawaj aur santo ka aawaj pahunchate sabhi tuk…..Jay ram ji bolana padega..

 

 sakhubai to ek nishtha  thi.. pandharpur me mela hai sab log jaa rahe hai ….lekin sasu ka swabhav pata hai…pati aur sasura ka swabhav pata hai..

 

ye karaad ki nadi jis kinaare tum satsang sun rahe ho usi nadi ke kinaare ghadaa manjate manjate logo ko dekhi ki pandharpur jaa rahe hai..sochi ki ab ghar jaungi to aane nahi denge..to ghada rakh ke chal di…sath wali ne sakhubai ki sasu ko jaa ke bataayaa…sasu ne apan ebete ko bhadakaya aur bete ne jaa ke sakhubai ki choti pakad ke dhad dhad maar ke ghasit ke ghar le gaya jaise koyi bakari ko le jaaye shikari ke hatho…..

 

aur tino ne pakka nirnay kiya ki jab tak pandharpur ki yatra ka pakhawada( 15 days) hai is ko bandh ke rakhe… pandharpur  lagbhag 160km hai yaha se(karaad se)..to is ko jaane nah idenge ghar me rassiyo se bandh ke rakhenge aisa tino ne socha..

bechari had-pinjar sakhu…pair me rassi ..hath me rassi..khana bhi nahi..to takad kaha rahegi?…lekin sakhubai nishtha nahi todati ki bhagavan mai tumhari bhakti karati lekin tum ne mere liye kya karaa? aise nishtha nahi todati..

tum jo karate achha karate..jo huaa achha huaa..jo hoga achha hoga..aisa majha viththal cha niyam aahe! kaisi nistha!! …

bhagavan mere liye kya kiya? guru ne mer eliye kya kiya? pati ne mere liye kya kiya ..ye dusaro ko aarop lagaane wali nishtha nahi hoti…

 

narayan narayan narayan

 

sakhubai ko bandh diya …sakhubai bole..majhya viththala mai kya karu?…prarthana karate karate chup ho jaate na to andar antarayami prabhu ki leela shuru hoti….vo mandir ka viththal aur antaratma viththal ek ch hai…antaratma nahi dikhata na is ke liye mandir jana padata hai… ..

to bhagavan sakhubai ka rup banaakar waha pragat ho gaye..bole, “tu dar nahi… mai tere sath hun..tu jaa pandharpur , mere ko tu baandh de baas!”

sakhubai ka hi vo viththal antaratma..jo sari srushti bana sakata hai vo ek viththal banaane me us ko kya der lagati hai?

 

vigyan me aur dharam me kya pharak hai?

mitti me se hi int banana..int me se makaan banana ye hai shram..loha lakad ko ghad kar farnichar banana ye hai shram..to paschaty jagat jaise shram kar ke sukh suvidha khojana ye hai vigyan …

sukh suvidha ka thik se upyog kar ke hruday ko shudhd karana ye hai dharam ..bhav ko shudhd rakahana, apane chitt ko shudhd rakhana ye hai dharam..

 

shram me aur dharam me phark hai..

dharam se bhav ki shudhdi hoti hai mansik tap hota hai..

 

sasu ne kaisa bhi kiya mere viththal ke satta ke siwa kya ho sakata hai…to viththal ne dekha ki mere prati bhav hai to mai banati hun tere jaise hi ..le mai tere ko kholati aur tu jaa pandharpur..!!

kaisi nishtha hai !!

 

sakhubai to gayi pandharpur…ab ghar wapas jaungi to gharwale kya karenge… “hey viththal mai idhar se janewali nahi hun..pandharpur chhodke mai ghar janewali nahi hun..” ..to upwaas kiya tha , pran pakheru to nikal gayaa.sakhubai mar gayi..to karaad ke kuchh logo ne dekha ki ye to humhare gaanv ki bahu hai bechari ..to kuchh logo ne mil ke us ka kriya karam kar diyaa..

 

ab rukhmai ne dekha ki mera antryami viththal to waha sakhubai hokar baitha hai…sasu sasura kitan adukh dete hai viththal ko…mai kya karu? to sakhubai ki haddiyo se phir se divy sharir banaya…aur bola ki ab tu ghar pahunch jaa…..aur mere thakur ji pani ka ghada lekar aayenge tu un ka ghada le lena ..adala badali ho jana….mere antaryami ko mere antar chaityany me aane do…”

 

to yaha bhagavan ko bandhe sakhubai rup me..aur kuchh sunave..lekin vo prem se dekhe to un ka mann badal gayaa..

 

sasura ka dil badal gayaa. , “are bahu ham ne tum ko bahut dukh diya, ab to mela bhi pura ho gaya..hum ko tum maphi dena..”

sasu bhi phut phut ke roti hai ..pati bhi badala…

julumi julum karata hai lekin nishthawan ki nishtha se julumi ka hruday badalata hai..

us ko bole nahaao, dho, khana, khaao..tum to viththal ki bhakti karati aur hum ne tum ko bahot sataayaa…maphi mangane lage..vo to bhagavan swayam hi the to bhagavan maph karane me der kya lagaate hai? :-)

bhakt bhi dayaalu hote hai…bhakt bhagvaan ka chintan karata hai to bhagvaan ke gun bhakt me aate bhagvaan udaar hai to bhakt bhi udaar ho jata hai..

aap ki jis pe nishtha hai , us ka samarthy bhi aata hai aap me..us ka jaisa swabhav hai waisa swabhav bhi aata hai aap me..aap ka jaisa dost hai , jis se aap ki priti hai us ke gun aap me aate hai ..aate , aate ch hai!

 

to sakhubai ke rup me viththal khana banaa ke un ko bhog lagaaye to sasu sasuara ko aannad aane laga ki bahu tu bhojan banaati to  mahaprasad hai…hum ko maph kar dena…”  bol ke khaaye jaa rahe.. :-)

“baajare ki roti to wo hi ki wo hi ..lekin kha ke to bahot aanand aa rah ahai..tu bahurani nahi tu to bhagavan ka rup hai…!”    vo to hai ch naa bhagavan…!

 

dekh lo  maja bhagavan ka!!un ka to man badalane laga..vastav me un ka isht dev viththal tha…to bhagavan me priti ho gayi..

bahuran ighada bharane gayi..to udhar se ruko baa ne bhej diya ..”jaao”

karaad ke kinaare..bahurani bhi aayi..aur bahurani bane huye viththal bhi aaye…bole, “bahen tu bahut dino bad aayi ab tera ghada sambhal..”

anrdhaan ho gaye dekhate dekhate ..majhi viththal mauli antardhaan ho gayi..ruko baa raji ho gayi..

 

 

is kahaani ko sunkar jo apani nishtha drudh karenge vo  bhakti me saphal honge ..sewak sewa me saphal honge..karmi karm me saphal honge..gyani gyan me saphal honge ..nishtha phal daayi hogi…is katha ko vardaan mil gaya ki apani apani nishtha vyakti ko  kalyan ke aakhari shikhar tak pahunchati nishtha..

 

to jis ke prati nistha hoti us ke prati priti hoti..aur jis se priti hogi vo aap ka a-heet thodi sochenge..

kabhi viththal ke baare me bura sochi nahi aur mena nahi mari..majha viththal aahe naa..sasu ke andar bhi viththal hai to mera mangal karate..pati marata to us ke andar bhi viththal hai..mere paap door hote..aisi nishtha..to apani apani nishtha kaam aati hai..

 

Om shanti .

 

 

Hari Om ! Sadgurudev ji Bhagavan ki Jay ho!!!!!

Galatiyo ke liye Prabhuji kshama kare……

About these ads
Explore posts in the same categories: Pujya Bapuji

One Comment on “Param Nishthawaan Sakhubai(Karaad satsang)”

  1. kamal hirani Says:

    sadho sadho……………

    hariom
    kamal hirani
    dubai
    kem.hirani@yahoo.co.in

    jaibapuasharamji.webs.com


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


Follow

Get every new post delivered to your Inbox.

Join 20,185 other followers

%d bloggers like this: