Shraddha: Maa Parvati aur Vishwas: Shivji

 

21^th Feb.2009, 6.40 pm IST, Nashik Mahashivratri Satsang_live

*************************************************

Sant Shiromani Param Pujya Shri Asaramji Bapu ki Amrutwani

*************************************************

Bhale aaj tuphan uth uth ke aaye

Bala par chali aa rahi ho balaaye..

Yuwaveer hai dandanaata chala jaa

Bharat ka veer hai dhanadhanaanta chala jaa

Kadam apane aage badhata chala jaa…

Narayan narayan narayan narayan….

Apane aap par shradha, mahapurusho par shraddha, shashtro par shraddha ,  bhagavan par aur bhagvaan ke siddhant par shradhda ..in char jagaho me  shradhda hoti..

Vishwas sabhi pe karate …apane bachcho pe karate..vishwas  to nokaro par bus conductor aur driver pe bhi karana padata hai.. vishwas vyavahaar ka mul hai….

 Aur Shradha  vyavahaar aur paramarth dono ko nikharanewala param aushadh hai..

Vishwas shiv ji hai to shraddha paravti ji hai..

Shradhdavan hi paramatma ka gyan paa sakata hai..

Jis gyan se sari srushti sanchalit hoti vo satchitaanand ka gyan hai ye … bade se bade vigyan ki baat hai ye…

 

Vidwatta padhayi se suchanaaye ikaththi hoti…jordaar bukhar aaya to budhdi yaad shakti bhul jayegi.. budhdi wo padhayi bhul jayegi..

Lekin Shradhda aur vishwas se jo milega wo  maut kya,  maut ka baap bhi nahi chhin sakata…!!

 

Kyo ki Bhagavat gyan ‘swa’ me hota, vidya  budhdi me aati hai…

swa jyo ka tyo raheta , lekin budhdi badal jaati hai..bachapan ki budhdi ab hai kya?

 

‘Swa’ ka mul swarup paramatma hai..us me budhdi sam hone ka naam hai karm yog ! bhakti yog !! gyan yog!!!..

Budhdi me samata aayi to bhagavan ka satchit aanand swabhav pragat ho jata hai…

..buddhi me samata aaye isliye bhagavan, guru , shashtr aur apane aap par…..4 jagah shraddha karana..

 

binu hari bhajan hot naa bhay naasha l

 

 bhagavan ke bhajan ke bina bhay door nahi hoga…vishwas ke bina, shradhda ke bina havan bhi phal nahi deta .

 

 israel ka devid ke paas kuchh bhi sadhan nahi tha…vishal kaay golieth  se ladane wala devid ..us me kapat nahi, jeevan lok kalyan me tha …logo ne kaha golieth ke sath ladane ke liye hathyar nahi ..ye le lo…to devid bola, mere paas  shraddha ka hathiyar hai”

 vishal kaay aur garjane wale golieth samane devid khada hai…golieth bola, “devid tu ye gilol , teer kamaan se mera kya kar loge? tumhare hath pair tod ke aakash me phenkuga to kauve khayenge….”

 devid bola, “koyi baat nahi”

 …devid ne shant hokar ishwar ka smaran kar ke ek chhota paththar utha ke gilol se mara golieth ko …to waha hi golieth dher ho gaya..!!

 

 ..kitana bada angrej shashan …aur kaha akele mohanlaal… “angrej bharat chhodo” bole to tab ki  mediawale  kitana kosate un ko… phir bhi prarthana , shraddha aur vishwas ke bal se abhi bhi amarata ko paye huye hai gandhi ji …aur  jonhone jaliyanwale baug me atyachar kiye, ve  na jane kaunsi paap yoni me pach rahe …..bhagavan jane….

 

• ….shivratri aayegi 23 tarikh ki ..khas sambhal ke rakho… ye koyi baahy upbhog karanewala tyohar nahi… ye to ek parv hai …jis se param purush shiv ki vishranti paa sakate hai …

 

• diwali ki kali chawadas ko bolate hai kalratri
• holi ki raat ko  bolate daarun ratri bolate
• janmashtami ki ratri ko moh ratri bolate
• aur 23 tarikh aayegi wo hai mahashivratri…in 4 ratriyo ko kiya huaa jap , maun , dhyan ka 10 hajaar guna phayda hota hai …

 

• holi ke dino me chemical ke rango se khelate to bahot haani hoti…gende ke phool ko masal ke  pani me ubaal le..tel ke kuchh bunde daal de…ban jayega pila rang…is  me haldi mila sakate hai..
• palash ke phool lekar us ka rang banaao , us me jalebiya rang mila sakate hai …kesuriya rang ban jayega…
• .. us ke rang se kheloge to jis ko rang lagega au rjo lagaayega dono me sury ki garmi sahene ki kshamata aayegi…aap ke sharir ke  sapt rango me asuntulan hone se rog aate hai , un ka in rango se santulan ho jayega..sapt dhatu suvyavasthit ho jayenge …isliye ye utsav hai ..holi – dhulandi ke dino me is prakar ke rango se kheliye…

 

• .. 21 din nim ke komal patte khaaye to phodi phunsi naa ho… namak bina ka bhojan yaa  alp-namak ka bhojan kare 15 din tuk…aarogy achcha rahega..

 

 shivratri ke jagran ki badi mahima hai….. sab ke antkaran me samata-vishaamata , raag-dwesh aata hai.. virya bhil ke antkaran ki aisi tuchh sthiti thi…lekin shivratri ke jagran ke phal se virya bhil se virsen bana aur virsen  se virbhadr raja bana ….abhi bhi haridwar aur rushikesh ke bich me un ka sthan hai…virbhadr dev naam se puje jaa rahe hai….

 

vastvik me vo  kan-kan me, sab jagah hai aur sab ke  antakaran me antaratma  ban ke baithe hai ….

aap ke budhdi me kitana bhi aihik gyan bharo, sirf suchanaye ikaththi hogi…. panditayi aayegi lekin  samata nahi aaygi , jab tuk ye gyan nahi milata ki ,

-         mili huyi chij chhutane wali hai ,

-         aanewali paristhiti janewali hai

… is se samata badhegi…

samata se aatmvichar ka uday hoga ,

budhdi me vishranti aayegi, budhdi me samarthy aayega ,

budhi ki vishranti se  paramatma  ka  ras aayega aur paramatma ke ras se paramatma ras me priti hogi..

Paramtma ras ki priti  aise aap ko neehal karegi , aap ke sampark me aanewale bhi nihal honge..!!

 

aanand , samata aur sukh sab ke mul me hai.. mahapurush ke sampark me jaate to humhare bhi ye shaktiya unnat hoti hai..

hamhari unnati hoti un ke sampark me jane se..isliye kahete ..

ek ghadi aadhi ghadi aadhi me puni aadh l

tulasi sangat sadh ki hare koti aparadh ll

 

..aadya guru shankarachary ke sampraday me ek bade bhari vidyaran  swami ho gaye….vidyaran swami ….un ki rachit  “panchdashi”  prasiddh thi…. mere sakshatar ke samay mai wo hi panchdashi sunata raha vidyaran ka… saptam adhyay sunate aise guru ke krupa prasadi se sab  rahasy samajh me aaya aur kaam ban gaya…. jaise bhagavat sunate sunate parikshit ka kaam ban gaya…

..guru ne bataya anushtan karo.. unho ne jap anushtan bataya… kiya… ek pura huaa …dusara anushthan huaa…tisara… chautha…aise  11 anushtan pure huye…un ko  kuchh huaa nahi…kuchh dikha nahi ….koyi devata ayaa nahi tadaka bhadaka hua anahi ..

 Shraddha,  vishwas  bhagavat  prem me nahi badalaa tha…pathik the aur akele me karane lage the… …. gurumantr me , … to shraddha tut gayi.. nastik ho gaye… jungle ki lakadi jama  kar  ke sab granth ki holi kar di…us me  mala daal di…sare  shashtr daal diye… puja ki samagri daal di….

Bole ye sab dhong hai… ye sab dhong hai…. abhi mai prachar karunga  khaao kamaao aur maja karo aisa….yahi karane se videsho me log aids ki bimari ho rahi , khinn ho rahe ….hippy ho rahe..

Lekin vidyaran swami ki shraddha tut gayi thi ..to ye dharm , shashtr,  puja sab dhong hai…shradhda vishwas ye kuchh nahi hota…aisa vichar se vo khade the…aag me sab jalkar khaak ho raha tha…. itane me un ke paas ek mahila aake khadi huyi….

Boli, “ye kya kar rahe ho?

Swami bole, “ye dharm, shashr , puja path kuchh nahi …maine 11 anushtan kiye..kuchh  hota to aata … kuchh hai hi nahi , to kya aayega?…mai apani jawaani kham kha kharab kar raha tha… ab nastik waad ka prachar karunga….”

Maayi  boli, “haa jarur karana..lekin  pichhe mud ke delkho..kya hai”

Vidyaran swami ne pichhe mud kar dekha to  pichhe bhi agni! .. ..itane me kahise adbhut si kali , ek chhaya purush jaisi chattan se badi…samane aayi aur dhadaam se girkar  nasht huyi… aise dusari , tisari chauthi ..11 chhaya, kuchh adbhut si vichitr aakrutiyaa aayi aur  nasht huyi ….

Vidyaran swami ne puchha , “ye kya hai ?”

Ve mahila boli, “ye tumhare 11 janmo ke paap taap the… mahapaap ban ke ishwar se dur karana chahate the… sharddha, vishwas todana chahate the…tumhare 11 anushtan ke bal se ye sab nasht huye…”

..  “mere ko  to pata nahi… tum kaun ho devi?”   to devi adrushy ho gayi ….

   us devi ka adrush hone se vidyaran  bol pade… “mateshwari.. paahi maam..he jagat janani mujhe kshama kar do…mujh anjan ko pata nahi tha… satkarm ka phal nahi dikhataa… agale janamo ke dushit karmo ko nasht nahi karata tab tak divy phal nahi dikhata.. tum devi mata mujhe darshan do…”…dur  dur tuk  daude …kuchh dikha nahi…   “mai kaisa bhi mata…tumhara hun…mujhe  margdarshan karo..”

..to aakshwani huyi, “ tumhari shradha nahi, vishwas nahi…. dharm,   shashtr, guru par shraddha nahi…guru mantr par shradhda nahi..jis mala par jap karate us ko bhi tum ne agni me daal diya .. guru ne bataya anushtan par  shraddha nahi.. bhagavan par shradhda nahi .. in  4 jagaho ka tum aadar nahi karate shraddha nahi karate to kaise bhala hoga?….sharan leni hai to  guru ki sharan jaao…un ki  kshama yachana karo..guru agar chahe, aagya de  to hoga…”

 …. vidyaran ne rote rote guru ko vyatha sunayi..ksham ayachana ki… guru,  mata aur bhagavan dosho ko nahi dekhate, agar  dekhate nikalane ke liye dekhate….guru  vidyran swami ko bole achha ye mala lo… naya guru mantr lo aur phir se anushthan karo”

aise guru mantr aur mala lekar gaye to aise gaye ki vidyaran swami ban gaye ! …aise vidwan huye..unho ne panchdashi granth racha…   mujhe wo hi granth panchdashi ke satave adhyay dwara guruji ne wo rahasy dikhaya..

    anushtan ke samay kuchh dikhe nahi to daro nahi.. lage raho..

 

  kuchh log kahete ki shraddha to durbal karte… arre vo kaise durbal?.. shraddha karana to balawan man ki pahechan hai !!

 

shraddha, vishwas badhataa to prema bhakti me badalata hai…aap ka har kaam ishwar ke nate hota to aap ke shradhda vishwas ko koyi tod nahi sakata…

 dine-dine navam navam

navami nand nandnam..

 ..apanewale se priti hoti hai….ishwar ko , guru mantr ko,  gurudev ko apana maniye.. nity navin ras milata…bhagvat bhav ubharataa… prakash milata rahega… is me budhdhi samatv yog me chali jayegi.. (samata se nishkaamata ayegi)

… …roj gurumurti ko 6 minute dekhe…phir time badhaye…10 minute… 15 minute…aadha ghanta….. guru / bhagavan/ omkar/  swastik ko ektuk dekhane se divy prakash milega… antkaran shuddh hoga…bhagavat ras aayega …aatm vichar aayega…bhagavat priti utpann hogi…bhagavan ke prem ki jagruti hogi..aap ka sara  vyavahar mandgalmay ho jayega… ye  laksh bana lijiye..

 

shardha kaise hoti?

pratham bhakti sant ka sang l

..sant mahapurush ke sang se divya bhav, divya  gun jagenge…. bhagavan ki katha sunane se , guru mantr ka , bhagavan ke naam ka jap se shraddha hoti….apana jo bhi  karo bhagavan ke nate karm karo.. paisa ke nate kaam karana to aise thage jate, marate… marane ke baad  nich yoniyo me chale jate…. paisa hai lekin vyahar ke liye…. kursi neta pe chadh jaye ye thik nahi… satta ka aham, vidya ka aham,  dhan ka aham ….aise to budhdi visham ho jati ..

 

ye to mili huyi chij hai,  vyavahaar karane ke liye…aur jo milimilayi chij hai vo bhagavan se  priti jagaane ke liye hai..

 

  dhan, satta, paisa, saundary ke pichhe jate to tum to moh aur wasana bana rahe.. nich jeevan ho jayega.. shraddha , vishwas banaao to paramatm priy jeevan ho jayega…. aap platform par khade hai… idhar jana ki , udhar jana is ka nirnay lene me aap swatantr hai… phal dena  ishwar ke hath me hai !

 

shraddha vishwas ki taakad kaisi hai ?

….. jagnnath maharaj ke chele ki baat bataata hun..

navdwip odisa me badh aayi ..to guru jaganath das ka shishy tha bihari …  shishy ki gambhir bimari se halat kharab ho gayi…hospital me le gaye…doctor bole , ab jivit nahi rahega.. jaheri maleriya , numenia ye vo ho gayaa…aaj ki raat  nikaal nahi sakate….

jagannath maharaj ne suna… apane babapan me utar aaye..

“aaa?… kaa kahit ho?” Jagannath maharaj bole.

 “subah nahi dekh sakata tumhara chela” doctor bole… us ko yantro pe rakha hai … oxigen par rakha hai..lekin jee nahi sakenge….

 

 “..to kya parshad le jayenge?…. ye doctor kya kahete… o maharaj ! nahi le jayenge kuch bhi nahi hoga mere chele ko..”

 Maharaj ne challenge kar diya!!:-)

  .. jagannath maharaj bole , bihari mera shishy aur subah nahi dekhega?…

   … Suresh ko  doctor challenge karenge to mai chup baithunga kya?…aise nar ratan ko koyi jane dega kya ki hajaro  ko aise aanand seta kaise jane dega?….

Jaganath baba apane chele ko  kaise jane dete?..

 Doctor ko bole , “.. kahe marega?…aap ko pataa nahi na ..teri vidya tere pas rakh de tu..”

baba ki apani daivik vidya ….baith gaye bhagavan ke samane …jara mala kare..phir bolate …. budhda guruji rahe jawan chela mar jaye ….tum ko achha lagega? … puri raat gujaar di maharaj ne aise…

..doctoro ko laga ki bihari  ko to marana hi hai …doctoro ne bola ‘aircondition room me rakh do baba ke chele ko …subah certificate de do..’

  Subah baba aaye..bole ,  “O bihari ….abhi tuk soye ho?….utho jaldi… utho…. bhog banaao…bhagavan ko bhog lagaao ..mujhe khilao..”

 doctor aaye…

jaganath maharaj bol rahe, “utho , bhagvan ko bhog lagao… tab humhe prasad lena hai..”

 …wo to kahera raha….

Maharaj  tisari baar bole … “utho bihari jaldi ..”

 Bihari Uthe… nahaaye dhoye…. bhog banaya….guru ko prasad khilaya….doctor aaye ..bihari baba ko hasate khelate dekha ….ye bihari baba tum kaise thik ho gaye?…

 Bihari baba bole, “ye gurumaharaj ki krupa hai..ye premabhakti ka lila hai.. tumhar asuri vidya ka kya chalit hai?… waha bhagavn ka prembhara ilaaj kaam karat hai…. prem me nem nahi hota!”

…aise meri maa ko “hum nahi jane dete” bola..to jis ne bulwaya  us bhagavn ne thik bhi kar diya..!!

 

 

…bhagavn ki daya aisi hai ..narayan hari..narayan hari…

om namo bhagavate vashudevay

om namo bhagvate vashudevay

vashudevay… priti devay..

bhakti devay.. shnati devay

madhury devay ….mam devay… prabhu devay ..aanand devay viththal devay.. guru devay

om namo bhagavate vashudveay

om namo bhagavate vashudevay..

 

guru sthan pe jane se shardha banati….shraddha ki drudhata katha me, satsang me ruchi paida karati… bhagavan ka  mahatmy sunane se , bhagavat  gyan se shradhda aur vishwas drudh hote aur vyavahrik saty aur paaramarthik ras dono ki yatra shuru hoti ….

shraddha aur vishwas mukti dayi hai ..aasakti sansar ke bandhano me le jati…

 

kal internet se 1700 jagaho se log dekh rahe the , aaj 2200 jagaho se log dekh rahe…

..ek tuk guru ko dekhe.. omkar ka jap kare .. 5 /6 min hotho me..phir kanth me.. phir hruday se…is se antkaran ke sare dosh nivrutt honge… man budhdi bhagavan me sam rahegi…bhagy ki rekhaye badalati jayegi… saphalata ke uddesh se karoge to saphalata..aur ishwar prapti ke uddeshy se karoge ishwar prapti..!

 

snan kar ke sury ka arghy de..thoda pani bachaye…us me om om jap kar ke divy banaa ke vo pani piye…antkaran pavitr hone me jaldi madad milegi..

 

pavitr antakaran se andar ka ishwaratv jagrut hoga.. omkar ke jap wala pani pine se man budhdi me aatmik shaktiya badhati hai…

 

apani kamiyo  ko yaad karane se viphal honge.. haar jayenge ..

apani saphalata ko yaad karane  se ahankari banenge..

 

kamiyo ka mulyankan kar ke kamiyo ke nikale.. hum to bhagavan ke amrut putr hai.. apane me jo bhi kamiya hai yaa  visheshataa hai to maya ka hai….apani kamiyo ka yaa visheshataao ka  shashwat  sambandh se mulyankan karenge to maya jaal se paar honge..

 

..jo bhi galatiyaa ho gayi,bhul jaao.. guru ke charano me aaye to sab maph ho gaya… koyi visheshataa ho to us ka  ahankar nahi karo..

 

 vishranti yog karo…bhagavan me shanti , samata paao… samata se gyan ka uday hoga.. sam bramh hai,  visham maya hai… 5 bhut prakruti hai… us ko dekhane wala apana aapa aparivartit hai… budhdi, man, sharir paritvatrit ho gaya , us ko janane wala nahi badala ….wo hi pandurang hai ….aap ke andar ka chaityany hai… itana najdik hai …!!

..bhagavan humhare se door hai ..hum ayogy hai.. aisa man se nikal do ….bhagavan apane hai, niji hai…aisa maan ke bas baithe rahe… man lagata to thik nahi to baaDh me jaaye mann ..man apane aap chup baithega…phir idhar udhar gaya… ‘om om’ kar ke shant ….kamara band kar ke apane se baate karo… haso ro… to aisa lagega ki haay ! itane din hum kidhar the… itana saral hai !!

..dhaga aisa kar ke nikalate to ghotala karate aur phasate ..lekin ek cheda pakdo to bahot asaan hai…. guru ji ne bataya to aisa ch hai

….

..bhagavan hum se likaachhipi karate….udhar idhar khojo apane pichhe hi khada hai wo..!

Aur apan us ko dhundhate bhatakate rahete…

itana saral hai,  itana aasaan hai..

 

ek seth chala tha culcatta se  madras….jebkatare ne dekha ki is ke paas bahot maal hai , us ne bhi  gadi me apani ticket book kara di..seth ko  kaha mai vyapari hai …seth ko  shak huaa man me…seth  ne 100-100 ke , hajaar hajaar ke note gine aur  rakh deve apane saman me.. phir raat hove… thug seth ka saman khoje us ko paisa milech nahi ..subah hoti , seth brash kare…toilet jaa ke wapas aaye, thug paisa khoje , milech nahi….seth wapas aave, phir wo paisa gine.. thug soche , mai us ka sab saman khojate khojate thuk jata kuch  milata nahi… madras station aaya…jebkatare ne  seth ke pair pakade….bola , mai hara! tum jite!! Lekin mujhe itana bata do ki tum mere sath rahete, mere saamane note ginate, apane saman me rakhate  , lekin mai khojata to nahi milata…aisa kaise?”

 seth bola, tu mere pahele toilet jata tab  mai jab nahaane jata to note  tere saaman me daal ke jata ….tu mera saman khojata tha..tu idhar udhar jata to mai tere saaman se nikal leta,  ginataa aur phir rakh deta….!”

  jebkatara bole, seth ji ye kya kiya!

..aisa bhagavan ne apana “mai” humhare andar rakh diya hai !!

 …seth ka maal humhare saman mech hai hai ki nahi? …are seth ka saman kya?..setho ke seth  khud hi hamare andar hai…vo hi humhare man me , budhdi me,  antakaran me us ki hi to sattaa hai !! aisa baithate hai bhagavan apane andar..aur jab mil jaate to aisa aanand aata ki kuchh khoya hua mila jata to kaisa maja aata aisa maja aata..!!

 

..hey bhagavan aap kab miloge?… bhagavan kahi nahi gaye..kahi jane ki jaruruat nahi ….bichhade ch nahi to milenge kya?… apane antkaran me chhupe hai !!.. jais ejebkatara apana saman chhod ke seth ka saman khoje aisa hum bhagavan ko baahar dhundhane to maya me sukh khojate…. to pareshani milegi… apane aatmdev hi gyanswarup hai….unhi me  shanti …kuchh nahi chahiye… apana to aanand swarup ishwar hai …aisa karunga to aisa hoga in  kalpana ko chhodo… wo mila huaa ch hai !! baahar bhaagate thuk jate nahi milata…

 naa duro naa durlabha..

 ‘mai man ko vash me karunga’ ….arre  man ko chhodo !

 … “mai aisa sadhana karunga…aisa makan banaunga….aisa karunga waisa karunga….”   tu apane “mai” ko chhod de naa…tu woch ho jayega!

 

“kya kare? tadap jagati nahi..”

 bahar ka aakarshan chod do …

ishwar ke daivi kary me tatparat rakho….aatma paramatma me raho… sab vashudev….

ye 3 baate samajh ke baith jaao…

 

ashant aadami kya sewa karega?.. sachhi sewa shant atma karega… kami, krodhi, mohi, ahankari kya sewa karega?..jaise hukka khincho to phunk maro to tambakhu ki durgandhi aur khincho to bhi tambakhu ki durgandhi hi aayegi…

aise maya me phasoge to sansar ki badbu aayegi ..

 

… samata ke bina samarthy nahi aayega…samarthya  ke bina nity jeevan ki abhivyakti nahi hogi….

andar se sukh milega to galat jagaho se bachane ka saamarthy aayega….

 

 

Om Shanti.

 

Hari Om!Sadgurudev ji Bhagavan ki Jay ho!!!!!

Galatiyo ke liye prabhuji kshama kare….

Explore posts in the same categories: Pujya Bapuji