Maa Lakshmi ji ke 12 Mantr

9^th Feb.2009, 4.30 pm IST, Indore Satsang_live

*************************************************

ShriSureshji maharaj ki Gurubhaktimay Amrutwani

*************************************************

Susner me gaushala hai..waha bahot desi gaaye hai…maine puchha ki kitana dudh milata hai…hai to bole dudh to jyada milata nahi , isliye bachhado ko hi pilaya jata hai….gobar me jadi butiya chandan milakar gochandan dhup banaya jata hai aur usi se gaushala ka kharcha chalata hai..gaushala ke liye kahi se chanda nahi manga jata…..

 

Mai subah aur raat ko sone se pahele gochandan dhup jarur karata hun..bahot aanand aata hai..

 

..bhagavan ki jab aarati hoti to pahale dhup karate hai phir deep karate hai….dhupam aaghrapyami..deepam darshayami….

To aap bhi apane gharo me subah sham “go-chandan dhup” jalayenge to aap ki bhi gausewa mani jayegi….

 

…aajkal to watavaran aisa hai..polution bahot hai..phir society me rahete….sab ke apane sanskar hote hai , vibrations hote hai…. dhup karane se aap bure vibration se aur kuprabhav se bachenge…shudhd hava rahegi…aise dhup deep ke vatavarn me pranayam karenge to soyi huyi shaktiya jagegi…pranayam kasarat samajh kar nahi karana…shanti aur aanand se gahera shwas lena..jitana gahera lenge utana phephado me rahi huyi carban dia oxide bahar jayegi… jitani dushit hava ke kan bahar jayenge utane hi dushit vichar aane ki sambhavana khatam ho jayegi…. sharir ki ashudhdi bhavo ki ashudhdi kar deta hai…. hrduay ki shudhdi se bhavo ki shaudhdi hoti ….

bij sukh ka boye, dukh ke nahi..

sharirik ashudhdi ka adhar tut gaya to mann shuddh hoga.

 

Ek bhai ki dhup batti ki factory hai ..maine kaha , aap mere liye   achche se achha dhup bana ke lana ..wo bhai le aaya dhup..bole aap ke liye VVIP special dhup banaa ke laya hun..:-) ..maine vo dhup jalaya to mere  sir me  dard hone laga..is ko badhiya bolate to ghatiya kis ko bolate honge!…. maine to apana “go-chnadan” dhup jalaya to aannad aane laga…go-chandan dhup se  jin ko nind jyada aati hai un ko  nind cum hoti jayegi…  aur nind cum aati ho to thik se aayegi..subah sham puja ke samay aur sone se pahele go chandan dhup ghar me jalaaye…kabhi kabhi us par shudhd ghee ke 2-4 bunde daal de….

 

ek aadami bola, aise to mai jaldi uthata hun , kabhi kabhi der ho jati…to maine puchha  jaldi matlab kub uthate?…to bole ki , jaldi se jaldi 7 se 7.30 tuk uth jata hun….aisa bol raha tha ki  mano badi bahaduri karata hai!…

aalasy kab hu na kijiye

aalsy se sukh samaptti ki hani hoti hai..aalasy door karenge to dushit aur kalushit vichar mann me nahi panapenge…(roj suryoday ke pahele uth jana chahiye)

bhojan ati naa kare.. bhuke bhi naa mare aur ati bhi naa kare…

nahi to bhojan pachane me hi apani shakti lagi rahegi..

 

kayi log nind me kharrate lete hai..ek aadami ne bola aap kuchh ilaj karo..bole mere ko to koyi taklif nahi,nind me kharrate leta hun to kya huaa?..mujhe nind to achhe se aati hai…aap ko taklif hai to aap apana ilaj karo na…!(nind me kharrrate bharana nadi ashuddhi ka lakshan hai)

 

triphala se nadi shuddh raheti hai ..suger control me aati hai …triphala churn yaa tablet le….roj 40 minute tuk cum se cum chalana chahiye suger walo ko..

 

swalp bhojan hoga to dhyan bhajan me gaherayi aayegi ..is ka matlab ye nahi ki bhukhe rahe..lekin ati naa kare, jitani jarurat utna hi kare….

 

dhimi shwas chalati rahe is par bhi dhyan rahe..

 

vichar chal rahe lekin bhitar koyi hai us ko dekhane wala chaityany hai is ka dhyan rahe….

 

mere man me vichar aaya….achha vichar aaya, kabhi bura vichar aaya , kabhi bhakti bhav ka aaya, kabhi  sansar ka ayaa…to  vichar vikar mujh me nahi , man me aaye ….mai to us ko jananewala hun…ye soche…

 

swami tuhuram ji ko us samay ke log bahot pareshan karate…un ke ashram ke samane kachara daal ke jate, mare huye jaanvar daal ke jaate…. pani pine ke kuwe me kerosin daal ke jaate….swami tahuram ji shant aatma the..bahot din tuk sahete rahe..jub pani bhi kharab kar diya to bole hey ishwar ab tu hi sambhal…to aisa kudarat ka kop hua ki us gaanv me aisa haija badha ….kisi samjhdar ne kaha sant ko sataya…jaa ke maphi mango…to gaanvwalo ne maphi  mangi…to sab thik huaa..

 

 mahapurush se uff nikale to kudarat ne kanoon apane hath me le liya ..

mahapurush ninda aur stuti me sam raheta hai… ‘mai bramh hun ye sab sansar hai’ aisa nahi sochate….

un ke liye to  “drushy bhi bramh drashta bhi bramh”  aisa un ke liye hota …to koyi ninda stuti kare to un ko to kuchh nahi hota kyo ki ve bhitar se unchi sthiti me rahete hai…. sadhak bhi us unchi sthiti ko  paa sakate hai ..

bhojan kar rahe , swad le rahe lekin soche ki bhitar koyi hai jis ko ye swad ka pata chalata hai …mai wo hun…

jaise krodh aata hai,  kaam hai to us ko janane me aa raha hai ki krodh aaya, kaam aaya….to us jaanane-pan me koyi vikar thode hi hai..jis jaananepan me  koyi vikar nahi wo hi gyan swarup mai hun… hari om om om ….is prakar krodh kaam se sambandh vichhed kar do to swapn dosh , pradar rog bhag jayenge….jaha sambandh vichched kar leta to aanand me raheta… us se judata to dukhi hota… sadhak kaun hai? jo sajaag rahega..vikar aayega to us se lado mat…vikar to nokar jaise hai… nokar se lada nahi jata…. aadesh diya jata hai… aise in vikaro ko aadesh de…un se lade nahi..

 

aap yaha mano bhopal se dashara maidan me aaye to bhopal ko dhakka nahi maarana pada… aap aage badhe satsang sthal ki disha me  to jaise jaise aap aage badhate gaye waise waise satsang sthal najdik aata gaya… wo jagah chhutati gayi ..aise jyo jyo aap sadhan karate jayegnge tyo tyo  lagega ki mai to  manjil par hi tha.. meri manjil to mai hi hun….!

 

jis ne kamal ke phool ko dekha nahi us ko agar kamal ki kali di jaye aur kaho ki kal is se bahot sundar kamal ka phool khilega …to wo bolega ki  ho hi nahi sakata …kyo ki us ne kabhi dekha nahi… tum ko pata hai to bolenge ki haa kamal khilega….lekin jis ko pata nahi vo manane ko raji nahi hoga….aise hi  sadgurudev  ne jo dekha hai anubhav kiya hai , sadgurudev sadhak ko bhi wo anubhav karaana chahate hai….

 

to 4 baato ka dhyan rahe…

 

1)dhup me gahera shwas wala prayog aur pranayam….

2) alp aahar

3) indriyo ka upvas… aankho ko  cum se cum dikhaye… jab bhi moka mile aankhe band kare… dekh dekh kar bahirmukh ho jata hai… shabd cum bole,  cum sune..aap ke ados pados me koyi filmi geet chalaaye to kano me ruyi daal le..kabhi aisa bhi kare ki 15 minute tuk aankh nahi kholunga soch ke baith jaye…bich bich me shwas ko rok de to gaherayi aati hai sadhna me…maun rakhe to  udasi wala maun nahi… bahot bada bhar rakha hai aisa nahi rakhe…aisa maun ki kab bolane ko milega aisa maun rakhane se phayada nahi…kuchh log to maun rakhate to  “hummm hummmm” aise ghurrana nahi..ya phir “chhhuuch chhuchh” karate aawara chhore jaisa…ya phir note book me likhate rahate…aisa maun naa rakhe…shilavat maun rakhe jo  shil ko janm deta… aalhaad se bhara hua , prasannata se bhara hua maun ho..

4) sadaiv yaad rakhe ki ham akele  nahi hai… sadgurdev sath hai…

 

aarthik samasya ke liye lakshmi maata ke 12 mahine ke mantr hai wo jape….ho sake to anushthan bhi kare….

ye mantr is prakar hai:-

margshirsh maas me : om shriye namah

paush maas me : om lakshmaiye namah

magh maas me : om kamalaiye namah

phalgun maas me : om sampattaiye namah

chaitr maas me : om padmaiye namah

vaishakh maas me :  om naraayanyaie namah

jesht maas me : om dhrushtaiye namah

ashadh maas me : om smritaiye namah

sawan maas me : om pushthaiye namah

bhadrapad maas me : om tushthaiye namah

ashwin maas me : om siddhaiye namah

kartik maas me : om kshamayaie namah

 

in mantro ka us maas me jap kare, in  ka alag anushtan karana ho to ye yaad rakhe ki mangalwar aur shaniwar ko chhodakar shesh dino me anushtan kare to achha rahega.

 

shandily rushi kahete ki bhagavan ka anugrah hota tab bhakti prapt hoti hai mane bhagavan ke anugrah se sadbudhi prapt hoti  tab jiv ishwar ke prati arpan karane lagata hai… sachcha samrpan ishwar ki aor le jata hai….

 

“jo meri sharan aate wo tar jate” aisa bhagavan kahete

 

Swami vivekanand amerika ja rahe the  to raja ne un ke sanman me sanman samarambh rakha tha…us me  ek nartaki ko bulaya tha..to swami vivekanand niwas pe thahere the ..soche ki mere aage nartaki nache , is se mai baad me jaunga jab nartaki ka karyakram purn hoga…

To jab nartaki ko pata chala ki us ke karan swami ji nahi aa rahe to us ne ek bahot sundar bhajan bahot bhav se gaya….

 

humhare prabhu awagun chitt naa dharo

humhare hari awagun chitt naa dharo

 

bhakti naa dekhe deh kisi ki

bhitar waas karo

jitane bhav se jo koyi mitataa

wo hi amar bhayo

awagun chitt naa dharo

humhare prabhu awagun chitt naa dharo ll

 

 

waaman puran me aata hai ki papi me paap karane ki itani shakti nahi jitani shakti bhagavan ke ek ek naam me paap mitane ki shakti  hai…

 

tulasi ho ya vruksh vishaila

maaTi me hi ugyo

tulasi ka paudha jis ki hum puja karate “aadhivyadhi hare nityam tulasi tavm namostute” bol kar, wo tulasi bhi mati me ugati aur

pipal ka bhi vruksh, imali ka bhi vruksh aur  kataila , vishaila vruksh bhi usi dharati me hi ugata hai…

 

tulasi ho ya vruksh vishaila

maaTi me hi ugyo

dharati kare kya bhed kabhi bhi

sab ko hi sthan  diyo

awagun chitt naa dharo

humhare prabhu awagun chitt naa dharo ll

 

ishwar ki banayi dharati bhed nahi karati,  tulasi ko sinchati aur vishaile vruksh ko bhi sinchati to jis ne dharati banayi vo ishwar kaise bhed karenge..kisi ko bhi darane ki jarurat nahi… mere ko ye samasya hai ..samasya hai to wo bhi ishwar ki banayi hai…

 

chahe yuwa ho chahe vrudh ho

nauka sawaar bhayo

nauka bithaye soch ke kis ko

sab ko hi paar karyo

awagun chitt naa dharo

humhare prabhu awagun chitt naa dharo ll

 

ek naav bhi bhed naa karati.. bimar ho ya tandurust ho, sadhu ho ya sansari ho, bachha ho ya balika ho… ek naav bhi bhed nahi karti to ishwar kyo bhed karenge?.. bhed to ham karate hai….

 

chahe gora chahe ho kala

rakt to laal bhayo

ek hi sutr me sare bandhe hai

mul se prem rakhyo

awagun chitt naa dharyo

awagun chitt naa dharo

humhare prabhu awagun chitt naa dharo ll

 

 

ek naidya ek naal kahave

mailo hi neer bharo

ganga ki nadi me gangajal shudh hai , mail bhara nali ka pani ganga ji me mil jata to ?

 

 

ek naidya ek naal kahave

mailo hi neer bharo

dono milkar ek varan bhaye

sursarita naam padyo

awagun chitt naa dharo

humhare prabhu awagun chitt naa dharo ll

 

 

ek loha puja me rakhat

ek shikar teer bhayo

ek teer talwar ke rup me shikari ke paas hai, aur ek loha pujari ke paas puja jaa raha hai ..

 

ek loha puja me rakhat

ek shikar teer bhayo

paras gun awgun nahi chittwat

 

paras ye nahi sochata ye shikari ka ghar ka hai, ye  pujari ke ghar ka hai..dono ko sona bana deta hai… to ishwar kaise bhed kare?

 

paras gun awgun nahi  chittwat

kanchan karat kharo

awagun chitt naa dharo 

humhare prabhu awagun chitt naa dharo

humhare hari awagun chitt naa dharo

 

 

 

…is prakar us ganika ne bhagavat bhav se bhajan gaya …swami vivekanand ji rahe na paye…. aaye… swami vivekanand ne bhi us nartaki ko sneh kiya aur krupa barasayi apani..

nirash na ho taklif ke karan….taklif, dukh  sada nahi rahega..

 

• mangal ka grah ho to hanumanchalisa padhe… shani ka dosh hai to kale til ka diya pipal ke ped ke niche jalaye ..
• ketu ka dosh hai to ganapti ji ka pujan kare
• shukr ka dosh ho to shiv ji ki aaradhana kare..
• budh ke liye vishnu sahastr naam ka jap karana
• aur humhesha gurumantr ka jap vishesh utsah lagan se kare ,  kisi bhi haal me himmat nahi haarani chahiye….

 

guru swapne me aaye kuchh bole to us ko swapna samajh ke chhod nahi dena hai….swapne me bhi sadgurudev apane ko margdarshan de rahe, usi ke anusar chale..

ek bhai ko gurudev ne swapne me kaha ki biscute mat khana… thode din chhod diya ….parantu ek baar train se ja rahe the ankleswhar se kahi… to dusare yatri ne kaha aap nashta karoge?….to apane sadhak bhai bole , nahi aap kare….to yatri bola , thik hai cum se cum biscute to kha lijiye…to sadhak bhai bola, “nahi , bapuji ne mana kiya hai”…

yatri bola, kab mana kiya hai?…sadhak bhai bola,  “swapne me kiya, aap khao”….to yatri bola, “aise swapne ki baat ko sach mankar chalate…khao khao, kuchh nahi hota…”

..us ki baato me aake sadhak bhai ne biscute khaa liya ….aur us me cloroform tha….

Nirvan moha , jit sang dosha….

 sang dosh se jitanewale bananaa..

ye bhagavan ne gita ke 15 ve adhyay me kaha hai… is ka path kar ke bhojan kare to barakat badhati hai…

to biscite khake sadhak bhai to behosh ho gaya…us ke jeb  se yatri ne 3000rupiye  le liye ..ghadi aur anguthi utar li…vo bhai  behosh pada raha… railway pulice ne hospital pahunchaya ..tab hosh aaya…

vo bhai bole, “maine bapuji ki baat naa mankar us aadami ki baat mankar biscute  khaya …is me kasoor kis ka…”

us ke baad sajjan khub sawdhan rahe… kabhi bhul doharayi nahi…..

ab vo bhai swasth hai, sukhi hai, sewa karate hai…

 

poona me ek vrudhh mahila ne sankalp kiya hai  ki 1 hajar rushi prasad pahuchayengi…. kaisi deviya is dharti pe raheti hai !!…60 saal ki umar to hogi…. 600 sadasy  banayi hai…ek hajaar banane ka sankalp  hai…boli  itane saal putr-pariwar ke liye ganvaye, ab ye sewa karungi !…kaisi bhavana hai logo ki…!

 

ek bahen gwaliyar ke paas kirane ke dukan me gayi…dukanwale ke paas  rushiprasad ka naya ank aaya tha…vo bahen ne vo ank dekha to boli ki , mujhe bhi is ka sadasya  bananaa hai….rushi prasad ki sadasy ban  gayi ..har mahine rushi prasad padhati thi… pati daantate phatkaarate the …vo bahen phir bhi rushi prasad ko padhati, samata me raheti…sochati ki  mira aur damayanti, dropadi ne kitane kasht dekhe un ke aage mera kasht kya hai?… koyi baat nahi ye bhi gujar jayega… man me shubh sanaklp rakhati… mere pati ko bhi bhakti ka rang lage… ab un ke pati bhi rushi prasad ki sewa karate ravivar ke din ..

 

bhagavan krushn bolate mere gita ka gyan jan-jan tuk pahunchate wo mujhe jyada pyare lagate hai..

 

 

poonam ke din jo ek time khate aur ek time upvas karate to sada aanadit rahete…jo karm karane me saawadhaan nahi  raheta to ishwariy vidhan se hone wali ghatanaao me bhi dukhi rahega..sidha ganit hai..

 

(Shri sureshmaharaj ne raja Harischandr ki katha aur bhagavan Ramchandr ke vanshavali ki katha sunayi)

 

gurudev ke mukh se jo mantr milata wo hi mantr hai, baki to kewal varn aur akshar hai..

 

aisa tera pyar guruwar bhul na apaaye

baar baar milane ko man lalachaye

 

jin jin raaho se ho tum gujarate

chahudish prabhu tum aanand bharate

tum bin kashto se kaise hum ubharate

bikhare the hum tere bin naa nikharate

tumhe dekhakar sab ka mann musakaye

 

tum ne dikhaya hai sach ka chehara

aap ka hi gyan prabhu sab hai gahera

aap ke hi charano me dil mera thahera

aap se hi lagata hai har pal sunhera

aap ke hi charano me mastak jhukaye

 

tum ko jo chhu kar ke aati hai havaaye

mahekate tann mann ye maheke phijaye

tum se hi khushiyo ke deep jagamagaye

gyan tera hruday ke kamal hai khilaye

aap ki chhabi hi dil me basaaye

 

 

aap ki chhabi dil me basaaye..kya durabhgy un yuwako  ka ki un ko valentine day yaad raheta  hai lekin mahashivaratri yaad nahi raheti..apani sanskruti ko bhulaane wale aisi jawani ko dhikkar hai…

 

aise logo ko indriyo ke devata bhi dhikkkarate phatakarate rahenege… hum ne isliye shakti di ki jo naa karanewala kaam karane ke liye di hai in ko  shakti?..maa sarswati pachhatati hai ki ye gunga kyo nahi raha?…ghans ka putala hota aisi saansar  ki gandagi bhari hoti in ke andar  aur upar se chamakile kapade pahen lete hai…

 

dil ka chitr bana lete paan ka aakar ka…dil ka aakar kamal ke phool jaisa hai shashro me aata hai…

kayi aise sadhak hai jo kamal ki phool ki tarah asang rahe paate , 2 kaudi ke paan ke  patte ki tarah nahi hai…

 

padmpuran me aata hai ki lakshmi mata ka niwas kamal ke phool me  hota hai..jin ka hruday kamal jaisa hai un ke paas maa lakshmi bhi raji se raheti hai….

 

 

gurudarash karu hardum mujhe aas hai raheti hai

nahi darash karu jab tuk bechain si raheti hai

har pal guruke deedar ka intzar raheta hai

 

ye tan hai mati ka , mati me mil jaye

dhanbhagi wo hi hota gurusewa jo kar paaye

har pal swayam ke karm ka phal sath raheta hai

jal bin jaise machhali kabhi jee nahi sakati hai

guruvar ham ko paani aisi hi bhakti hai

har pal guru ke deedar ka intzar raheta hai

 

guru ki anukampa se humhe diksha milati hai

jeevan ko jiye kaise ye shiksha milati hai

har pal hari ke naam ka sumiran bhi raheta hai

jab paya na tha tum ko bhatake the bhule the

shashwat ki khabar naa thi nashwar me phule the

har pal jo tum se suna wo ab  yaad raheta hai

 

ye janam mila durlabh ise vyarthy naa karana hai

humhe shradhda bhakti se is dil ko bharana hai

har pal jo beet raha vo  phir  paas naa raheta hai

 

sadgurudev ki jay!!!!!

 

aaj ye 3 divasiy magh maas ki poonam ka antim satr hai ..lekin  yaha indore me khadavali road pe ashram hai, waha  har ravivar ko satsang hota hai.. us ka aap labh lena, jo paheli baar aaye hai..

 

amerika ke ek bhai  los angelis me mile the prem narayan soni , pahele  mumbai samiti me the 7 saal pahele ..bole mai amerika me aaya to bapuji se milane gaya, tab bapuji pushkar me the…Bapuji puchhe, “kya chahate ho?”

maine kaha, “aap ki charan raj”

Bapuji bole, ek kapada rakh..us par sadgurudev ne  charan rakhe aur bole, “le jaa!”

 us charan raj ka mai tilak nahi karata , lekin humesha sir jhukata hun.. ..to aaj mere paas koyi kami nahi hai…store, gadiya, makan sab kuchh hai…aaya tab mere paas  2100 $ the …aaj 7 saal me kitana kuchh ho gaya… ye soch ke bhakti nahi kiya tha ki paisa kamaau..roj jap karata hu..

sare amangalo ka mul bhagavan naam se door hota hai…ek baar mahamrutyunjay mantr bol lena sare ashubh shubh me badal jayenge….

 

ek vishesh prarthana:

sab sadhak mahashivratri ki raat ko thik paune bara baje se savva bara tuk ek mala maha mruytyunay mantr ka jap kare , bhagavan bhole baba ko prarthana kare ki is ka jo phal hai humhare gurudev ke swasthy ke liye lijiye..ye meri prarthana hai, arji hai …marji aap ki hai..mai bhi baithunga nashik me mahashivratri ki raat ko jap karane  thik 11.45 baje..aap bhi jaha honge waha mahashivratri ke ratri thik paune bara baje jap kare….(bhale hi alag alag jagah ho lekin ek hi nischit samay par sab milkar karenge to jyada labh hoga)

 

om namo bhagvate vasudevay

 

om shanti.

 

Hari Om!Sadgurudev ji Bhagavan ki Jay ho!!!!!

Galatiyo ke liye prabhuji kshama kare…..

 

Explore posts in the same categories: Shri Sureshanandji