Sankatmochan Hanuman Stotr

July 24, 2008: IST:7:30 pm

Shri Sureshmaharaj  satsang from Ahmedabad

 

 

******************************************
Shri Sureshanandji Maharaj ki GuruBhaktimay-Wani


******************************************

 

 

…..rahu sury ko grasane wala tha to hanumanji ne socha jis sury vansh mey mere prabhuji janam lenewale hai us sury ko raahu gras karega? to hanuman ji  udaan bhare..

 

hum sury bhagavan ko arghy dete to sury ko pani ki jarurat hai kya? apane purano mey aata hai ki rahu rakshas ki ek jati sury pe hamala karati hai , par jab hum jal dete hai to vo shant hoti hai….

 

..yagy mey aahuti daalate to aahuti dalane ka niyam hai..jab “swaha” shabd  aata hai us samay daalana hai..agni ka munh “swaha” shabd bolate tub khulaa hai… munh khula hai tab gras daala nahi , gras lene gaya aur munh band hai to gras andar jayega kya? isliye dhyan rakhana chahiye …phir bhi bhavana vyarthy nahi jati…. shabari ka bhav tha to bhagvaan ne kaisi krupa ki…

..hanumanji janame us ke dusare hi  din sewa shuru kar di….

 

sewa kabhi chhoti yaa badi nahi hoti..sewa to sewa hi hoti hai….

(Shri suresh maharaj AHiravan ki katha bataa rahe hai…jis mey ravan ka bhai ahiravan Ram ji aur Lakshman ji ko nind mey uthakar paatal lok  le gaya tha aur devi ke saamane unhe bali chadhane ka soch raha tha…lekin Hanumanji ne ahiravan  aur us ki sena ko yudhd mey maar daala aur ram ji aur Lakhana ji ke prano ki raksha ki thi..un ko kandhe pe uthakar paatal lok se aayodhya laaye the….)

 

….hanuman ji ahiravan ke mahel ke pas pahunche…ek vaanar waha chaukidari kar raha tha..Hanumanji ne dekha ki apani jaati ka hoke duhsmano ke yaha chauki karata hai….jo chauki mey vaanar tha, us ko hanuman ji ne puchha, tum yaha  kaam kaise karate ho?sabhi vaanar Ram ji ki sewa mey hai , to rawan ke yaha kaise kaam kiyaa ja sakata hai?…

 

 ..to wo vaanar bola, “hum bhagvan hanumanji ka beta hai…. :-)  mera naam makar dhwaj hai …!”

 

…hanumanji soch mey pad gaye ki … “kamaal hai!..maine to  shadi nahi ki to beta kaha se aa gaya?”

 

to hanumanji bole, “achha?tum hanuman ji ke bete ho? (vo to bramhchari hai)

 

to makar dhwaj bola ki,  “haa… mere pitaji jab  lanka mey aaye the to meghanad aur mere pitaji mey ladaayi huyi…mere pitaji ke puchh ko  aag lagaayi gayi….to jalati huyi  puuchhh se mere pitaji ne sari lanka mey aag laga di… mere pitaji ko garmi lagi…. samudr ke pani mey jake khade rahe…. puchh mey lagi aag bujhaayi…..to itani  daud dhup ki thi to mere pitaji ko pasina nikal raha tha….samundar mey machhaliya thi, us mey se ek  machhali mere pitaji ke pasine ko  pi gayi….  us machhali  ko garbh rahe gaya…machhiliya pakadanewale ke jaal mey aur machhaliyo ke sath vo machhali pakadi gayi….us ko kaata to andar mai tha… mera baal rup dekhakar ahiravan ne mujhe mara nahi… mujhe paal pos kar bada kiya….isliye mai ahiravan ka chaukidar ka kam karata hun….!”

 

..hanumanji bole,  “thik hai… mai tumhara baap hanuman mai hi hun!…mujhe ahiravan ke mahel mey jaane do!”

 

to makar dhwaj bola,  “aap mera pitaji hai to pranam sweeakar karo..” us ne hanumanji ke  charano mey sir rakhakar pranam kiya… phir bola ki , maine ahiravn ke ghar ka khaya piya, us ne mujhe  paalposkar bada kiya hai…to aap  ek kaam kijiye, aap  mere ko haraa do aur ahiravan ke mahel mey jaao…”

 

 .. baap bete mey yudhd huaa… baap bete mey ladaayi ho rahi hai….lekin hanumaanji ke pas to gurudaanv tha…hanumanji ne makardhwaj ko us ki puchh se hi  bandh diyaa aur mahel mey gaye…waha ek mandir tha aur devi ki vishal murti thi….devi ki  badi murti thi, us ke samane ram ji aur laksham ji soye huye(murchhit) the… .. ahiravan aur us ki sena  nangi talkware lekar mandir ki taraf aa rahe the….hanuman ji devi ke murti ke pichhe aise khade ho gaye ki jaise murti mey samaa gaye….ahiravan aur us ke log ek thaal mey vyanjan, ek thaal mey  suka mewa, ek thaal mey phal phool aadi lekar aaye the…ahiravan devi maa ke murti ke saamane khada hokar bola ki,  “aaj mera bhog sweekar kar maa….meri  mano-kaamanaa purn kar….!”

hanumanji mann bole ki teri manokamana devi maa nahi ye  devata puri karega!”

 

..ahiravan devi maa ko  bhog laga raha hai…. hanumanji soche, phal, mithayi  bhi hai, ram ji ke darshan bhi ho gaye..jaise guruwar yaa  poonam ke vrat ko  hota hai naa niyam ki gurudev ke darshan kar ke prasad grahan karate hai…to hanumanji ne socha, Ram ji ka darshan to ho gaya hai, itane din ka upvas bhi hai..to prasad grahan kar le….hanumanji ne devi ke aage jo bhi rakha ahiravan ne sab swaha kar diya…swaha swaha….aaha swaha… :-)”

 

   ahiravan bola, “lagata hai aaj devi maa bahot prasann hai… aaj maine jo bhi bhog lagayaa devi ne sab sweekar kar liya…aaj hi ram aur laksham ko bali arpan kar dun….”

…hanuman ji dekh rahe the….ram ji aur lakhman ji ko devi ke samane rakha gaya…talware nikali gayi….hanumanji bole arre ye to hadd ho gayi hai…. … …kuchh karate nahi…. shant lete hai…prabhuji  agar aap ko kuchh nahi karana ho na to mujhe aadesh karo…lekin ram ji shant..hanumanji soche kuchh to kaaran hai…… chinta mat karo, mehanat mat karo, drashta bano….to hanuman ji  dekh rahe…. kayi talware baahar nikali…. ab ram ji aur lakshman ke gardan pe rakhe ki hanumaan ji  murti se baahar pragat huye aur rakshaso  ko tadaa-tad maara….sab ko kaal ke pet mey bhej kar ram ji aur lakshman ko  kandhe par lekar ayodhya aaye ….sab ne jai jai kaar ki.. :-)

 

(is prakaar sankatmochan hanumanji ne ram ji aur lakhan ji ke praan bachaaye)

 

isliye hanumanaji ko binati kare….. ko nahi janat hai jag mey kapi sankat mochan naam tihaaro.. 32 shlok hai..

 

to ye hai sankat mochan stotr….  gaau? aap ki anumati ho to..( Shri suresh maharaj sankatmochan hanumaan stotr gaaye)

 

Bal samai Ravi bhakshi liyo tab tinahun lok bhayo andhiyaro,

Tahisu tras bhayo jag ko yah sankat kahu son jat na taro,

Devan ani kari vinati tab chhadi diyo Ravi kasht nivaro,

Ko nahin janat hai jag men Kapi sankat mochan nam tiharo.

 

Bali ki tras Kapis basai giri, jat mahaprabhu panth niharo,

Chauki mahamuni sap diyo tab chahiya kaun vichar vicharo,

Kai dvij rup livai mahaprabhu so turn das ke shok nivaro,

ko nahin janat hai jag men Kapi sankat mochan nam tiharo.

 

Angad ke sang lain gaye Siya khoji Kapis yah bain ucharo,

Jivat na bachihao hamson ju bina sudhi lai ihan pagu dharo,

Hen thaki tat sindhu sabai tab lai, Siya sudhi pran ubaro,

Ko nahin janat hai jag men Kapi sankat mochan nam tiharo,

 

Ravan tras dai Siya ko sab rakshasi son kahi shok nivaro,

Tahi samai Hanuman mahaprabhu jai maha rajnichar maro,

Chahit Siya Ashok son agi su, dai prabhu mudrika shok nivaro,

Ko nahin janat hai jag men Kapi sakat mochan nam tiharo,

 

Ban lagyo ur Lachhman ke tab, pran taje sut Ravan maro,

Lai grah vaidya Sushen samet tabahin giri dron su vir ubaro,

Ani sanjivani hath dai tab, Lachman ke tum pran ubaro,

Ko nahin janat hai jag men Kapi sankat mochan nam tiharo,

 

Ravan yudhi ajan kiyo tab, nagi ke phansi sabai sir daro,

Shri Raghunath samet sabai dal moh bhayo yah sankat bharo,

Ani khages tabai Hanuman ju bandhan kati sutras nivaro,

Ko nahin janat hai jag men Kapi sahkat mochan nam tiharo,

 

Bandhu samet jabai Ahiravan lai Raghunath patal sidharo,

Devihin puji bhali vidhi son bali deu sabai mili mantra vicharo,

Jai sahai bhayo tabahin Ahiravana sain samet sanharo,

Ko nahin janat hai jag men Kapi sankat mochan nam tiharo,

 

Kaj kie badh devan ke tum vir mahaprabhu dekhi vicharo

Kaun so sankat mori garib ko jo turn so nahin jat hai taro,

Vegi haro Hanuman mahaprabhu jo kachhu sankat hoi hamaro,

Ko nahih janat hai jag men Kapi sankat mochan nam tiharo.

 

 

 

Hari OOOOOOMMMMMMM

 

Hari OOOOOOMMMMMMM

 

Sadgurubhagavan ki JAY!!!!!

 

Hari Om!Sadgurudev ki jay ho!!!!!

Galatiyo ke liye prabhuji kshama kare….

About these ads
Explore posts in the same categories: Shri Sureshanandji

One Comment on “Sankatmochan Hanuman Stotr”

  1. gaurav Says:

    Sadho Sadho Sadho

    Jai Hanumaan ji

    hum sab bhi Hanuman ji se prarthna karen ki hamare Guru ji ke upar lagaye jaa rahe ilzaam ko nash kar ke hamare guru ji ko dubara unke nagar ( prathistha ) me ppahuncha do.

    Hari Hari om

    OM HRIM OM


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


Follow

Get every new post delivered to your Inbox.

Join 33,684 other followers

%d bloggers like this: