Vidyarthi Special..uttarayan shibir satsang_live

Tuesday, 15 Jan. 08 ; IST :5:30 PM

 ********************************************************
 ShriSureshanand ji ki Amrutwani :-

*******************************************************
…har kary shuru karane se pahale “om gam ganapataye namah” is mantr ka 108 baar jap kare, kary sidhd hoga…

anushtan karana ho to somwar, budhwar, guruwar,shukrwar ya ravivar in 5 dino mey se kisi bhi din kare…arthat mangalwar ya shaniwar ko chhodkar bake ke 5 din kare…anushtan pura hokar rahega….

anushtan ko shuruaat karane se pahale “om gam ganapataye” mantr ki mala kare to anushtan  mey vighn nahi aayega..phir shwas rok kar guru mantr ka jap kare gurudev ke tasbir ke samane apana sankalp bole..ye sankalp pura ho jaye aisi  prarthana kare..jitane din ka anushtan kar rahe ,jaise ki 7 din ya 11 din to utane din tuk har din ye shwas rok kar gurumantr ka jap kara ke sankalp bolane ka prayog kare..to kary sidhd hoga…sankalp mey aap ki drudhata jitani utani jaldi kary sidhd hoga…

ab sandhya karenge….shri aasaramayan sadgurudev ka smruti granth hai..vedo mey upnishado mey jo kaha gaya hai wo bapuji ne apane jeevan mey pratyaksh kar ke dikhaya hai…shri aasaramayan ki aarati karenge..ye sakshat vedo ki aarati hai, bhagavat gita ki aarati hai..hum shradhda se ye aarati karenge to ishwar bhi raji ho jayenge..ye  aarati karane se bahot aanand aayega..ye bahot hi sundar sundar sundar sundar aarati hai…..

aarati shri aasarmayam ki…
karate prabhu narayan ki…
(aarati ho rahi hai..aarati ke bhav hai ki shri aasramayam ki pooja aur path se shighr kary purti hoti hai, dosh durgun mitate hai, shanti aur aanand milata hai..saral sahaj madhur bhasha hai..abhilasha rahit karate hai, kasht nivarak hai..balak jaisa rakshan karate hai…bhavtarak hai..jo nishi din path karata hai unake sabhi kaj purn hote hai…ye varadani hai , isaka smaran shanti priti deta, gyan aur bhakti deta hai..shri aasaramayan ramayan , gita ya kisi bhi shastr se kum nahi hai..jo bhi bhakt shradhda se path karata usako bhakti labhati hai..ye vighn nivarak , sab sukh karak hai..bhav taarani hai….Shri aasaramayan ko hum sabhi ka koti koti namaskar …)

Prarthana ho rahi hai…
Gurur Bramha Gurur Vishnu..Gurur Devo Maheshwara…Guru Sakshat Par Bramh Tasmai Shri Guruve Namah..

Dhyan Mulam Guru Murti..Pooja Mulam Gurupadam..Mantr Mulam Gurur Vakyam , Moksh Mulam Guru Krupa…

Akhand Mandalakaram, Vyaptam Yenam Characharam…Tatpadam Darshitam Yenam, Tasmai Shri Guruve Namaha…

Tvamev Matach pita Tvamev, Tvamev Bandhushch Sakhaa Tvamev…Tvamev Vidya Dravidam Tvamev, Tvamev sarvam Mam Devdev…..

Bramhanandam Param Sukhadam kewalam Dyanmurti..Dwandatitam Gagan Sadrushyam Tatv masyadi laksham…Ekam Nityam Vimalamachalam Sarvdhi Sakshi Bhutam..Bhavatitam Trigun Rahitam Sadgurum tam namami.. Sadguru tam namami ..Sadguru tam namami..

(Pranayam ho rahe hai..)
Saarswaty mantr se kitane vidyarthiyo ke jeevan ujjwal ho gaye hai..(kshitij soni, ajay mishra  aur any udaharan diye..krupaya inake baare mey janane ki liye pahale satsang_live padhe..)..aise lakho vidyarthiyo ki pratibha ka vikas hua hai..

Vidyarthiyo ko khas dhyan dena hai…bhagavat gita mey kaha hai (shlok)..Shrikrushn bhagavan kahate hai, Hey Arjun jisane apani indriya vash mey kar liya wo pragya mey   pratishtit ho jata hai..indriya vash mey karana mane kaan, naak, aankhe,sparsh aur wani ka durupayog nahi karana..manamne vishayo adi jaise rok pop filmo ke music sunane se galat kendr uttejit hote aise music naa sune..aankho se achha sahity ,achhi pustake padhe, film adi naa dekhe…nak se perfume ke diwane na bane, aise apane sabhi indriyo ko apane control mey rakhe..sunghane ke drushy ke ya sparsh ke ya chakhane ke moh mey nahi phase to pragya mey pratisthit honge… indriyo ko vash mey karana kathin nahi hai, sirf soch badal deni chahiye…

ek baar ek aadami car kharidane gaya..car wale ne bahot achhi car dikhayi , lenewale ko pasand aayi..carwala bola ye aisi car hai ki baorda se 4 ghante mey surat pahuncha degi…to car kharidnewala bola ki mai kal aa kar ye car kharidunga..dusare din car kharidnewla bola ki mujhe car nahi kharidni hai..to carwla bola “kyo?,kal to aap ko ye car bahot pasand aayi thi..” to wo aadami bola ki maine raat bhar bahot socha , ki mujhe to  surat jana hi nahi hai, mujhe to ahmdabad jana hai to mai ye car kyo kharidunga…  :-) ab aap ko hansi aayi , kyo ki aap janate hai ki car to jabardasti surat nahi le jayegi…agar ahmdabad jana hai to car ka staring is taraf ghumane ki aavashyakata hai bas….aise hi indriya to wo hi karengi jaise aap ki soch banegi…humari shakti ko jaha hum lagana chahe waha laga sakate hai…jaise gadi jis disha mey staring modoge us disha mey jayegi aise aap ki shakti ko bhi achhe disha mey mode..achhe kary mey lagaye…
vidyarthiyo ke liye badi bhagy ki baat hai ki pujya bapuji ne shibir ke ye 2 din khas vidyarthiyo ke liye rakhe hai..aap ke bich gujrath rahy ke shiksha mantri bhi aakar baithe hai..hum unka bhi swagat karate hai..

jeevan mey apani shakti ko sahi disha mey lagane ke liye, uncha uddesh pane ke liye vidyarthi roj pranayam kare..(anulom vilom, gardan aage pichhe kar ke kanth mey om bolate huye bhramari aur antarkumbhak , bahirkumbhak pranayam karane hai…chitr ke sath spashtikaran ke liye krupaya ye link dekhe..

http://hariombooks.googlepages.com/PranayamTherapyAnInstantPanacea.pdf   )

pranayam ke baad 2 minute shant baithe aankhe band..dono hatho ke hatheliyo ko ragad kar usaka sparsh dono aankho ko kare aur aankhe khole..aisa karane se apani urja bahar nahi bahegi…

**jin vidyarthiyo ko school mey college mey achhe number se pass hona hai wo pranayam jarur kare…
 **raat ko sote samay purab disha ki aor sirhana kar ke soye…
** padhayi karate samay purab aur uttar disha ke bichwala kona jise ishan kon kahate hai , ishan ki aor mukh kara ke hi padhe..
** ganit ya science mey kuchh yaad nahi rahata ho to jibh ko taloo mey lagakar padhe..aisa karane se mastak ka santulan achha banaa raheta hai..
aajkal bachcho ko padhayi mey achhe number nahi aate to pandit kahate hai ki janam kundali mey 5ve sthan par rahu hai..phalana hai..aisa bolkar darra dete hai..lekin scientific karan kya hai ki vidyarthi ko kathin lagata hai ghabara jate hai.. pariksha ke samay ghabarahat se dimag ka santulan thik nahi raheta ..jab ghabarahat hogi to jibh ko taloo mey lagaye to ghabarahat nahi hogi..ghabarahat nahi hogi to mastak ka santulan achha rahega doctor diomond ne bhi apane research mey kaha hai….mastak ka dayaa baaya dono taraf ka santulan achha bana rahega to paper achha likh payenge..aur paper achha likhenge to result bhi achha hi aayega..paper achha jayega nahi ghabarahat ke karan to result kaise achha aayega?..
shakti ka niyojan karane ki kala sikh lene se mahaan ban jate hai..vivekanand ko unake guruji shri ramkrushn paramhans ji se shakti ko niyojit karane ki kala sikhane ko mil gayi to kaise mahaan ho gaye..school aur college mey to aap ke smruti ki hi pariksha hoti hai..aap ko kitana yaad hai itana hi dekha jata hai…lekin jindagi naye naye sawal uthati hai, tab ye schooli shikshan marg nahi dikha sakata..isake liye adhyatmik shiksha bhi jaruri hai..vivekanand ne apane guru ke charano mey aisi shiksha payi to unki pragya kaise prakhar ho gayi…dharm parishad ke liye amerika gaye the apane desh ka netrutv karane to waha ke patrkaro ne unko puchha ki , “aap ye sir pe pagadi kyo bandhate hai?”
Vivekanand bole ki ,  ” ye pagadi mere desh ki sanskruti hai..”
to patrakar bole ki , ” phir ye  jute kyo pahane hai pairo mey, ye to aap ke desh ki sanskruti nahi hai..”
to vivekanand ne jabab diya, “ji haa, ye jute paschim ke sanskruti ki nishani hai..ye sankruti bhog pradhan hai isliye isako pairo mey rakha hai..aur mere desh ki sanskruti yog pradhan hai isliye ise sir pe rakha hai….!!”
kaisa jabab diya hai…

kal canada ke bachcho ne vedio conference se sarswaty mantr ki diksha li…guru gita ka path hua..mantr diksha mili..wo yaha nahi aa sakate ..diksha ke liye tarasate the..to waha baithkar bhi sadgurudev ki karuna krupa se unko diksha mil gayi..kuchh log yaha hote huye bhi unake dil mey tadap nahi , lagan nahi isliye aise hi bina diksha ke rahe jate hai….

kayi mahan log, kayi mantri bhi sadgurudev ke satsang mey aate..unase ashirvad paate, unake vachano ko aadar purvak sunkar apane jeevan ko unnat karate hai..22 december 2007 ko MP ke mukhyamantri shivlal yaadav satsang mey aaye , 2- 2.30 ghante satsang mey baithe ….jab sadgurudev ka swagat karane gaye to bole ki bapuji mujhe sadbudhdi dijiye, shakti dijiye ki sanmarg pe chaloo..waha kamal patel bhi aaye the, mahesool mantri..unho ne bataya ki 1998 mey bapuji se diksha li hai..roj jap karata hun…bhanupratap singh..aise kayi mantri hai jo roj jap karate hai…unaki bapuji ke prati gahari shradhda hai..kitani achhi baat hai..
vidyarthiyo ko ek baat sunata hun , wo sunkar tumhe aaschary lagega…ek pulice karmachari the..madhyapradesh mey radhapur hai waha…bapuji ka satsang tha  vyavastha ke liye unki  duty lagi di…itani jyada bhid hoti hai to pulice vibhag ko aisa karana padata hai…to wo pulice karmachari duty pe the,lekin bapuji ke darshan huye satsang suna to  unki sharab pina , mansahar aur sabhi buri aadate chhut gayi..chhodani nahi padi..chhut gayi..!!phir baad mey wo pulice karmchari ahmdabad aaye ..sadgurudev se diksha li..unka naam hai kalisingh baabar..unaki adhyatmik unnati huyi aur vyavaharik unnati bhi huyi ..ab wo vidhayak hai…varman mey hai, aise nahi ki pahale kabhi ki baat hai, abhi ki baat hai..kahate hai ki kaisa jeevan tha, aur ab kaisa jeevan hai..sadgurudev to aur bhi unche pad pe le jana chahate hai ham sabhi ko…usamey sthit hone ke liye jo yaha aaye hai , sabhi ko mera hath jodkar pranam hai…sada hari ke jo gun gaate hai , wo jiv badbhagi hote hai…

ek baar shikshak ne kaha ki vidyarthi sab kaam miljulkar karana chahiye , bhaichare ki bhavana badhani chahiye..to ek vidyarthi bola..phir pariksha ke samay paper likhate to hame kyo nahi miljul kar likhane dete..bhaichara badhane dete?…pariksha mey bhi aise bithane do.. :-) to ye thodi miljulkar karane ka kam hai…sujhbujh badhaye..”tu gulab hokar mahek”ye pustak vidyarthi jarur padhe…is ashram mey bhi gurkul hai..gurukul ke bachche sabhi ko hari om karo….
dekho kaise pichhe baithe hai…koyi aagrah nahi..kitane achhe bachche hai..sanskari hai, dhairywan hai..unke mata pita dhany hai jo aisi shiksha dilwa rahe hai…ashram ka pavitr watavaran, satvik shudhd bhojan aur shashriy padhayi mey bhi bahot unnat hai..kuchh bachcho ko yaha itana aanand aata ki chhutti mey bhi ghar jane ko taiyyar nahi …kuchh hi samay mey sadgurudev padhar rahe hai…
om namo bhagavate vasudevay…
om namo bhagavate vasudevay..

Om shanti.

Hari Om ! Sadgurudev ki jay ho!!!!!
(galatiyo ke liye prabhuji kshama kare..)


 

About these ads
Explore posts in the same categories: Shri Sureshanandji

One Comment on “Vidyarthi Special..uttarayan shibir satsang_live”

  1. Sunil Says:

    Hari OM!
    The latest satsang has not been translated into Hindi for so many days, as was done earlier. Please let me know how to translate hinglish text into Hindi.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


Follow

Get every new post delivered to your Inbox.

Join 20,190 other followers

%d bloggers like this: