Labh hi Labh….uttarayan shibir ahmdabad satsang_live

Sunday, 13Jan. 08 ; IST :5:45PM

********************************************************
Sadgurudev SantShiromani ParamPujya ShriAsaramBapuji ki Amrutwani :-

*******************************************************
Suresh Maharaj ke sath sabhi sadhak Vishnusahasr Naam bol rahe hai…Om Lohitaksh Namah….
6pm…Suresh maharaj sabhi sadhako ko pranayam karava rahe hai…
…sandhya ke samay gahara shwas lekar rokana ye vayudevata ki pooja ka dyotak mana gaya hai..aur shwas rokakar jap karana ye vishnu bhagavan ki pooja ka dyotak mana gaya hai..isliye khub shradhda se pranayam kare….
Pranayam ke baad suresh maharaj sadhako ko mala se jap karane ke liye bole..jap karane se purv mala ko pranam kar ke mantr bole..
om aim shrim akshayy malay namah….
sabhi sadhak gurumantr ka jap kar rahe hai….
ooooooooommmmmmmmm

Sadgurudev padhar rahe hai….
HARI BOL….

aarati ho rahi hai…Jay Jagdish hare..
…apane jeevan ka uddesh bhagavat prapti , bhagavat ashray hai to thik raste pe hai..agar uddesh bhagavat ashray , bhagavat prapti nahi hai to khud ko dhan se bade manoge aur vastvikata mey jo dhan pana hai usase vanchit ho jaoge..bhagavat prapti ka dhan baki koyi bhi dhan pana nirdhan hona hai …satta se bade hona chahate to vastavik satta se pare ho jaoge… bal se bade manoge to vastavik bal se bichhad jaaoge ….ravan ke pas jo bal tha us se wo khud ko bada manane laga..
bal mila tha bhagavan se usako mera manane laga…agar budhdi se apane ko bada manate to budhdi bal nirbudhd jaise kam kara deta ..budhdi ki mahanata jano ki wo aap ko mili paramatama ki prashadi hai…. dhan ka , satta ka , bal ka , budhdi ka dambh apani yogyata ko thopkar apane ko bada manane ki koshish karoge to ishwar se door hokar kuchh banane ki ichha hi bhagavan ke raste jane mey bade se bada vighn hai….jab ki asaliyat mey jo bhi yogyata payi hai bhagavan ki satta se payi hai , lekin apane ko bada yogy manane lag jata hai ..log mane ki bahut gyani hai, aisa dambh aa jata hai….is liye tatv ka ashray lena padata hai…ye sabhi dambh ishwar se door le janewale hai..apane ko dusare se sthresth manenge to kya hoga..galati nahi kare..sab mey jo hai wo sab mere pyare hai apane ko shreshth manoge to dusare ko tuchh manane ki galati hogi ..sab yogyata parameshwar ki satta se milati hai ye hi bhulane ki galati hoti hai ..is dambh se apane ko bacha sakate hai ..aap visheshata kama lenge to tuchhata ke ghere mey bandh jate hai.. dhan ka , satta ka bhajan ka abhiman kayi log karate..isase girate..
…mere mey dosh hai ..mai aisa nahi ,ye nahi kiya.. daan nahi kar paya..is tarah se khud ko kosate kosate bhi gir jate …vishehsh bhav se ulajh jate to dambh aisi galati hoti.. aur kosate to heen bhav se yogyatao ko daba dete hai..kabhi ahankar dambh mey ulajh jate ..
man pudi hai jahar ki… khaye wo mar jaye
mann mey jo ulajha, ati dukh paaye..
mann ke bhavo mey ulajha to usaka phal ant mey dukh hi hai…koyi meri galati nikale nahi aisa nahi soche…galati hai to sudhare, galati nahi hai to bhagavan ki krupa hai..aisi sthiti de rahe ..ishwar ka ashray lene se ye nahi rahega ki mai ye nahi kiya… aisa hun.. waisa hun..aap kaise bhi hai, aap bhagavan ke the , hai aur rahenge… jis samarth ke aap hai wo maa jaisa hai..maa ye nahi dekhati ki usaka bachcha naha-dhokar , padh-likhakar chatur banke aaya …jaisa bhi hai maa ko pyara hai.. aise hi bachcha bhi ..ek se ek sundar mahilaye hai , lekin bachha usi maa ke sharan jata jise wo apani manata hai..maa ki god sukh deti hai , vishram deti hai ..bachcha auro ki god mey aisa aanand mahesoos nahi karata ..bhagavan kahete hai, sab mere pyare hai ..sab mere upjaye hai ..ek maa ke 4 bete hai, 7 bachhe hai ,ya 10 bachhe hai, lekin aisa sochate nahi ki dasava hissa maa hai ya saatva hissa hai..maa sab ki puri hai..mere 7/8 bhai bahen the..2/3 mar gaye 5 the..ham ne kabhi aisa nahi mana ki pachava hissa maa hai.. maa puri apani ….aise bhagavan ke kitane bhi bhakt ho lekin bhagavan pure apane..hamare bhagavan pure ke pure hai..bhagavan ka samarthy asim hai ..mantr samarthy se bhagavan ki yogyata apane mey aayi…. tumhari gati mati tu hi jane..tumhari gati mati tum hi jano prabhu…ham tumhare hai is prakar bhagavan se bhav mankar sadhana kare to apane ko bhagavan apani krupa se taar lete..apani krupa se maharaj hume taar lo..

…baatchit karane se sthul vichar shakti kshin hoti hai, mansik vicharo mey dubane se sukshm vicharo ki shakti kshin hoti hai….chup baithe to nirvichar sthiti hoti hai ,lekin phir mann tanabana bunane lag jata hai ..to kya kare?…”Hari Om” ka plut uchcharan kare…

.. surynarayan ka jap dhyan aayu aarogy ke liye manovanchhit phal ke liye adhikari banata hai…bhaarat ke sanskruti mey 5 devo ki pooja karate hai to ihlok aur parlok sudhar jate hai..ganapti, mata, shiv ji , vishnu bhagavan aur sury bhagavan ki upasana karate to adhyatmik, naitik aur aihik kalyan hota hai..in 5 devo ki upasna  mey paristhitiyo ko badalane ki shakti hoti hai …suryopasana se yogyatao ka vikas dekha suna gaya hai.. suryopasak karn the..gandhiji the…prabhat ka bramh muhurt kaal se 10 -12 baje tak sury ki kirane swasthy prad hai..apane sir ko tej dhup se bachana chahiye..altra sound se bache..sabhi doctor, vaidya kahate..shastr , upnishad mey kaha gaya hai..sury kirano mey rog mitane ki shakti hai ..mai har roj sury snan karata hun…..daridrata nash karane ke liye sury narayan ko prarthana kare..bachhadewali gaay ke dudh ki khir banaye ..sury dev ko bhog lagaye..jal chadhaye..kuchh samay tak karane se daridrata door hoti hai , isamey shanka nahi ..itvar ko bina namak ka bhojan karane ko kaha gaya hai..

bade umar ki mayiyo ko takalif hai to pani ubale aur 25 taka kum hoga to wo pani piye..ek glass pani ho to pauna glass rahe itana ubale…aisa pani vayudosh nashak hota hai …pitt dosh hai to 12- 12.30 ke bich nind khul jati hai.. subah ke samay kuff, sandhya ke samay vayu ..rat se lekar prabhat tak 4 ghante pitt aise tri dosho ka prabhav hota hai.. sham ko vayu dopahar ko pitt aur prabhat mey kuff aise baly kal mey kuff, yauvan mey pitt aur budhape mey vayu dosh jyada prabal hota hai…jaise subah ka suraj , dopahar ka suraj aur sham ka suraj hota hai aise manushy ke din mey bhi kuff , pitt ,vaat ka prabhav hai…manushy jeevan mey bhi subah ke suraj ki tarah balykal hai (kuff ki pradhanata)dophar ki tarah yauvan avastha (piitt ki pradhanata) aur sham ki tarah budhapa(vayudosh ki pradhanata) hai ..aise hi ratri ke pratham prahar mey kuff, madhy ratri ko pitt aur uttar ratri ko vayu dosh yauvan mey hote hai…4-4ghante ka chakr hai…suryopasana se tridosh santulit hokar swasthy rahega..


kisi kisi ko budhape ke karan ya chinta ke karan nind nahi aati ..ya aisa jaghany paap kiya to nind nahi aati …nirdosho ko sataya ho to nind nahi aati..jo paap kiya us se nivrutt hone se dosh mitaya ja sakata hai ..
apane jeevan mey jhagade hote hai to ghar ka bada ek lota pani raat ko sote samay apane palang ke niche rakhe aur subah guru mantr ka jap kar ke wo jal pipal ko chadhye ..ghar ke jhagade mey shanti hogi..

tulasi ki bhi apani mahima hai… shanivar ko pipal ko sparsh kar ke 21 din mala kare to sury devata ka mantr (om hau jum saha) se aadhi,(mann ke rog),vyadhi (sharir ke rog) mey aaram milata …shanivar ko pipal ko sparsh kare aur is mantr ka jap..aadhi vyadhi mey aaram milata hai..

aap ke maa hai , baap hai aur unko anidra ki taklif hai ..to usako pata naa chale is prakar usake takiye ke niche tulasi ke 21 patte rakhe labh hota hi hai…maine kar ke dekha hai.. lekin dopahar 12 baje ke baad tulasi ke patte nahi tode,koyi phul patta dopahar ke baad todane se paap lagata hai..12 baje ke baad nahi tode..is prayog ka bahot upyog hota hai… tulasi ke patte pis kar ragad ke nahaye to surkhiya nahi lagati ..

kal(makar sankranti ko ) til , gobar , gojharan, tilo ka tel , saptdhan ka mishran kar ke nahaye.. til lagake nahana shubh hota hai..saptdhan wala ubtan , gobar, gojharan aur tilo ka tel ka mishran kar de mal mal ke snan karana..ghar mey aisa nahi mil payega(jinake pas go-jharan agarbatti hai , use bhi gobar aur go-jharan ki jagah upyog kar sakate hai..)..ye bahot puny dayi snan mana gaya hai..

agar bachhe bachchiyoki budhdi kum lagati hai to 25 mili gram tulasi ka ras aur aanwale ka ya narangi ka ras ya chavan prash mey pani daal ke wo tulasi ke ras mey milaye.. ye mishran 40 din dene se bachcho ki budhdi mey vilakshanata aa jati hai..lagbhag 25 mili gram tulasi ka ras aur phal ka ras..(narangi/ aanwala ya chavanprash) aadhi katori mishran hoga..ye bachche ko 40 din pilaye..bachche chamak jayenge…
..koyi koma mey hai to tulasi ke ras mey saindhav ki ek chutaki daal ke nasy do.. …air condition mey rakhana … tilo ke tel sir pe ragade…phalo ka ras dete rahe…phayada hoga…kaisi bhi murchha ho phayada hona hi chahiye..accident mey kayi jagah ye upay saphal huye..
ek chief justice aaye the…baat karate karate kayi baar kuff aaya to nigal gaye.. mai jara prem se unako samjhaunga..khansi aati hai to kuff aata hai..kuff ko nigalana nahi chahiye.. hani hoti hai ..sharir ke dosh nigal jane se sharir ko mehanat padati hai..aanto pe jor padata hai… kabhi bhi kuff ko nigalana nahi chahiye..kayi log nigal jate..

 ..adhyatmik shakti ko vikasit karane ke liye bhagavan ko apana manana.. nange pair chale , vikaro se bache ye sab achha hai lekin apani mehanat se bhik manga karodpati hona chahata hai to bahot mehanat chahiye ..puri jindagi lagane ke baad ho bhi ya nahi bhi hoga …lekin karodpati ke god chala jaye to ek din mey karodpati ka beta ban gaya…aisa jinhone ishwar ko paya hai aise sant mahatma ko guru maan lete to sadhan jaldi saphalata deta hai…ladayi ke maidan mey kayi lad lad ke mar gaye phir bhi hamare pichhe karnal hai, general hai aisa ladanewala phauji sochate to hamare pichhe bal hota hai…aise sadguru hai to guru ka bal hamare sath hota hai ..apane bal se bhagavan mile ki nahi isame sandeh hai ..”bhagavan hamare , ham bhagavan ke” aisa gajendr ne kaha to us ki bhagavan ne raksha ki…dropadi bhagavan ki ho jati to bhagavan us ki raksha karate…jara jara bat mey raksha ka ehasaas nahi hota… apane ko bhagavan ka manane se bhagavan ka bal aap ke sath hota hai..bhagavan ko sachche bhav se apana manane ka prayatn kare …bhagavan se sahayata deti aur prerana bhi deti…

mai ishwar prapti ko yogya nahi aisa sochana bahot hani karak hai..koyi sajjan aadami ne maan lo ki ek bramhan ko  bhojan ka aamantran diya ..bramhan aaya to ghar pe bithaya ..glass mey pani diya ,  bhojan ki thali diya .. aur bramhan soche ki, ” ab bhojan dega ki nahi”.. to aise bhagavan ne hame ye manushy sharir diya , shradha ka bal diya , sant guru ke roop mey mile ..yog vashisht , gita , ramayan diya.. ab ishwar milenge ki nahi aise soche to….glass mila , thali mili ab bhojan karaanewala bhojan dega ki nahi aisa sochana galat hai… manushy sharir diya , sab kuchh diya , ab apane ko ishwar prapti ke liye ayogy manana thik nahi …kya ham itane ayogy hai?..shradhha se jap niyam karate..apani akal hushari , yogyata nahi hai..lekin ishwar se priti to hai….ishwar ko wo hi chahiye…aap usi ke ho kar bhajan karo….mayi , bhayi, marathi, punjabi, seth bankar bhajan naa karo..
3 chije manushy ki mang hai ishwar ko prem, ishwar ka gyan aur ishwar mey vishranti ..prem manushy ki mang hai ..gyan manushy ki mang hai ..aatm vishranti manushy ki mang hai…omkar ka ya guru mantr ka niyam kar ke shant.. mann idhar -udhar jaye to mann ko roku ..shant karu is pachade mey nahi pado.. budhdi mey galat nirnay aate to prayatn karake nahi mitegi..unki baato ki upeksha karana …kaam vikar aaye to logo ke bich chale jaao.. pani mey jamp maro…logo ke bich jate to apane vikar rok lete hai..jyada sukh dukh mey baho nahi.. sam rahena…sukh dukho mey samatv ..isase adhyatmik labh hota …ishwar prapti ka irada kar lo..aur us mey tiko….baki ke labh to hoke bhi kuchh nahi… bachapan mey kitane labh huye ..kitane dilo mey pyar mila , ab sab swapna ho gaya, usako jananewala parameshwar apana hai ..usame samatv…bhagavan ki prapti ..huyi na huyi chalge sochate…. sansar ki prapti mey jhok dete.. sansar ke labh ko sachh manate ..ab to usaki jhalaki hai hi nahi ..sansari labh kitane bhi ho..logo ko kya kya labh huye , budhape mey kuchh nahi..bhagavan ki prapti hi sachha labh hai….
ab ye prashn uttar …
…sastansg mila hai.. jo suna hai , usi mey chup baitho.. apane taraf se dhyan na karo dhyan ho jane do.. apani taraf se sadhan prayatn karana nahi.. maa ki god mey jate aise ishwar ki god mey jaao..shwas andar jata om ..bahar aata 1 ..bhagavan hamare ..priti ..shanti…bhagavan chetan hai ..bhagavan ki satta se hi hath ko uthane ki satta mili hai.. hath ko pata nahi ki wo hath hai…chaityany bhagavan ko pata hai ….mann ko pata nahi ki mai mann hun… budhdi ko pata nahi ki wo budhdi hai..mann mey kitane vichar aaye gaye..budhdi ke kitane nirany badale ye jananewala jo nahi badale wo bhagavan mere hai ..pyare hai.. priti , gyan aur vishranti ka aaj sadhan prashad paao..kal paap nashini urja badhane wala prashad paya tha…aaj ye prayog lekin prayatn nahi, sahaj mey hone denge…

bhagavan ke shanti mey dubate jaao …jo saty hai , wo mere aatm dev hai ..mere paramatma hai ..jo chetan hai , wo mere parameshwar hai ..jo aanand swaroop hai , wo mere paramatm dev hai.. indiryo ke ann ko dayaalu janate hai ..bachha kitana bhi bewkuf ho,yogyata nahi ho lekin maa aisa nahi kaheti ..aise “bhagavan mere, ham bhagavan ke”.. bhagavan ko apana nahi mante to aisi jagah mey kaise bithate..bramh gyan ke satsang mey kaise baithate.. kya ham apani yogyata se, bal se yaha baithe hai?..ye sharir aap ne banaya kya?.. bhagavan ne banaya ..kya khayal hai…bhagavan ne diya…phir se yaad kare ki bramhan ko ghar mey bulaya aise manushy ko bhagavan ne banaya ..shradha diya… satsang diya ..ab bramhan soche ki , ‘khilaye ki nahi khilayega’.. to sochanewala buddu hai ..mujh mey yogyata hai ki nahi , aise kabhi naa soche ..mere ko bhagavan milenge ki nahi aisa kabhi naa soche …vastav mey bhagavan to mile huye hi hai.. asat prakruti ki aur sansar ki sattyata se nahi dikhate, itani hi galati hai bas…bhagavan mere ..guru ke dwara vedant ka gyan dete ….usi mey tiko…gurudeva..aisa nahi ki marane ke baad mukti hoti , athava koyi avastha banegi tab bhagavan milenge.. tap aur niyam karenge to hi milenge aisa nahi hai …bahar ka aakarshan chhodane ke liye jap yag hai… vastav mey bhagavan se milane ki bhuk jag jaye isliye sadhana hai.. bachhe ki bhuk jagaane ke liye maa khel khelati hai, aise bhagavan ko milane ki bhuk jagati to bhagavan pragat ho jate ..bilkul sachchi baat hai.. apane ko sharir nahi manana ..to vyapak bramh ke sath ekakar ho jate… phir dukh sukh ka maja lete ..bimari ka bhi maja lete.. dukhi hone se bhi “wah prabhu ,prabhu wah” kahate..sansar ki viphalata aasakti chhudane ke liye dukh aaye , sukh aaye to auro ko sukh baatane ke liye aaye ..to dono ka maja ..bimari aayi to sanyyam sikhane ke liye ..samasya aayi to udyam , sahas badhane ke liye ..budhdi shakti ke liye prasadi mili hai.. prachar aur sewa kare..ishwar chintan mey sam.. mano wachan se ishwar mey..bich bich mey oooooommm…..ooooommmmmm…dhyan karane ki koshish na karo… nind aane ka prayatn nahi karate to nind aati.. aise shant ..mann idhar udhar jaye to shwasoshwas ko dekhe…

vivekanand kahate ki , “sansari vidya padhani pade to 2 vishayo ko hi padhunga ..”
subhash chandr bose kahate hai ki , “school college ki degreeya lene ke baad manushy mey sat-charitrata , shanti aur adhyatmikata nahi aayi to mai nahi padhana pasant karunga..”
naitilk bhuatik gyan kitana bhi ho ,lekin vikas adhyatmik gyan ke bina sambhav nahi ….adhyatmik gyan pane ka sundar upay hai ekagrata aur anasakti …
gita mey bhagavan ne kaha hai..(sadgurdev ne shlok kaha.)…ekagrataa aur aasakti ka abhav..bhagvat prapti mey sidha sambandh sthapit karata hai…sadachar sayyam ki aavashyakata… dambh ,ninda ,chugali se bachaye..kathin lage to, ” bhagavan ab raksha karo..rakshmaam!! trahi maam..hey prabhu…om ooooooooommmmmm…”
…kuchh log shrota ko jama dete hai ..thodi der ke liye smaran raheta hai.. adhyatmik hi unnati vastavik unnati hai..adhyatmik unnati pane aisa lagata hai …pair dusari jagah jate to waha bhi maja aaya …satsang mey kirtan mey maja aaya ye ek baat hai ..tatv mey vishranti pana dusari baat hai ..parameshwar tatv mey, parameshwar swabhav mey vishranti pana ..sabhi ke rom rom mey ram raha hai, isliye aatma-ram ko bolate “ram”… uma ram swabhav jehi jana…usaka jeevan gyan-may , vishranti-may ,  ras-may ho jata hai, bhale hi usake paas vidya nahi bhi ho …

uma ram swabhav je hi jana l
taahi bhajan taji bhav naa aana ll

jisane apane swayam ke chidanand swabhav ko jana , wo usake ras ke bina vikari ras mey jayega nahi ..yatra karate to trafic jam huye to bhi gadi to chalegi , aise bhagavan ke swabhav ko jana to sansar mey phasega nahi

..”bramhgyani jaise jal mey kamal alepa”

 aise …krushn ko gopi ke bich mey vikar nahi aise…
pati patni ka vyavahar vikaro mey shakti ka rhas hota hai ..satv ka rhas hota hai..nirlep raja janak jaise ..ram ji yudhhd mey nirlep..krushn bachhe ko janm dete to bhi nirlep …budhdi ko apane ishwar swabhav mey sthir…. maine chir kal tak surynarayan ki upasana ki…sury ki 3 avastha – subah dopahar sham, aise jeevan ki 3 avastha , sharir mey bhi 3 dosh… sury ke saman sham ko dhalana … budhapa dhalate dekha aakhir kaha tak… kahi nahi ..aakhir ek din ram bolo bhayi ram….banke bihari ki pooja mey poojari tha..udiya baba ko dikha ..bola ki mere ghar walo ko bolo pret hoke ghum raha hai ..pani nahi pi sakate..jo neki karate un ko sataye to khana nahi kha sakate ..mahila ko mare.. dand kare..kaha to upasak hota hai , aur nich yoni mey chale jata ..
karm pradhan vishw kari raka
sansar mey karm ki pradhanata hai.. baap ke sath bete ka karam …apani karani se bhagavan se najadik ho jate , ulati karani se bhagavan se door hote ..aisi karani naa kare.. bhagavan tere prasad se door ho jaye..aisi bhul ham naa kare… narayan narayan..

satsangiyo ki sewa se budhdi ka vikas hota,paapo ka kshay hota, sujh bujh badhati…sewa mey barkat aati..satsangiyo ki sewa bahot kuchh de jati …jinako subah ke samay sewa milati …apani sewa mey tatparata rakho to antaratma rijh jayega..apani sewa mey lage rahe……oooommmm…

aap log uttarayan ahmdabad mey satsang sun rahe hai ..vedio conference se shikago mey sun rahe ..canada washinton , san francisco , los angelis , new jercy, london aur bharat mey aurangabad , mumbai aur 24 jagah mey sadhak log najadik ke ashramo mey sastang sun rahe hai..kal ubatan se snan kar sake to thik.. canada wale diksha lena chahate hai vedio conferance se.. diksha kab lena chahate hai ? jyada log dikhayi de rahe…ye camera se logo ko dekha.. new jercy ke logo ko bhi dekha…new jercy wale sir pe hath rakho…amerika wale hindusthan aa jao…jaha bhagavan ne awatar liya waha tum log aa jaao.. amerika wale intjar kar rahe..bhagavan ke liye tadap sarthak ho jaye…

prashn uttar ka sabhi jagaho ke , amerika wale , gore , kale sadhak vedio conference se labh le sakate hai..
prashn (1) :- hey prabhu.. maine ishwar prapti ka uddeshy rakha hai..pitaji shadi karana chahte hai.. mai ashram mey samarpit hokar aatamsakshatkar karana chahati hun..mai kya karu?
Uttar :-
tum kuchh naa karo ..jo prabhu chahe,prabhu teri marji ..ashram mey samarpit nahi hote lekin jaise pitaji chahate beti ji ka vivah bhagavan kara de…mil gaya uttar..

Prashn (2) :- dhyan ki avastha mey kaise pahunche ?
agar ghar ki paristhiti anukul naa ho to kya kare? (thakur , darbhanga.)
Uttar:-
ghar ki paristhiti anukul nahi to dhyan naa kare aisi bat nahi ..paristhiti ki anukul hona , nahi hona alag hai..dhyan ka mahol , sakshi bhav ka mahol andar aana chahiye.. kabhi ekant mile to , maun mandir mey labh le.. naa ki paristhiti ka bal mil jayega to barakat aati nahi ..isliye dhyan karane ke liye ek saptah , 2 mahina, 4 mahina sant mahatma ke sthan mey , ashram mey maun mandir mey jaye, wo hi sthiti ghar ke vataran mey bhi la sakate hai..mujhe aise sant mahapurusho ke maun mandir mey rahane se bada bal mila…
prashn (3) :- bapuji mai prarthana karana chahata hun..sadhan bhajan ke liye man shant hota ,lekin bhav uthata hai to baate karane lagata hun… gururdev mai kya karu?(manish, lakhnau)
Uttar :-
karane ke jhanjhat se par ho jao… “jo prabhu teri marji”.. baate karata to achhi baate karo..”bhagavan ,mai sankalp rahit ho jau” ..mai khush nahi to khush ho jau, shant nahi to shant ho jaunga aisa aagrah nahi..sharabi dusare ko dekhake khush aise nahi… mujh mey baate karo to usi mey …ishwar ki aor aur narayan ki stuti padhate padhate bhagavan ke swabhav mey dubate jao..

Prashn (4) :- anushtan mey swapne mey maine aap se prashn puchha aap ne uttar diya , lekin uttar yad nahi raha..antar aatma ki aawaj sunana hai to kaise pata chale ki mann ki aawaj hai ki antaraatma ki ?(rothore)
Uttar :-
aatma ki aawaj hogi to nir-vasnik hogi.. ek shishy ne anushtan kiya,bola ki guruji antaratma ki aawaj aayi ki shadi kar le..” ..guruji bole , “beta , ‘shadi kar le’ ye kaam wasana ki aawaj hai ..antar aatma ki nahi…” ..bhagavan ne bola hai isliye karana to hamare mann mey tatasthata hai, dwesh hai ..ham ko lagega aisa hoga… chunav mey jin neta ke prati napharat thi daiv yog se wo hi neta haar gaya..kabhi jinake liye haar jaye soche the wo jite ..aisa soche to antaran mey mail hai.. kuchh pane ki mann ki malianata hoti hai.. mann jo jo nishpaksh ho jayega antakaran shant ho jayega to antaratma ki awaj aayegi..

Prashn (5) :- ishwar priti ke uddesh se bramhchary palan karana chahati hun, par pati naa chahe to patni ko kya karana chahiye?
Uttar :-
patni to sanyam karana chahati, lekin pati bhog bhogana chahe to pati ko yuwadhan pustak de aur apane sharir ko aisa kare ki pati door bhage… sahyog naa karo. co-oprate naa karo.. kuchh samay khinn rahe to patni bach jaye..mahilaye chalak hoti hai is mamale mey pati ko kaise patana ..yukti se karana hota hai..

Prashn (6) :- sadgurupi maa..(apane ko dadhi hai.. bhavana hai..maa dadhi wali hoti .. :-) dadhiwale shiv ji dekhe hai..disa ke aage bhagavan dadhiwale shiv ji hai..) sadguru rupi maa.. pujya bapuji… bhakti yog kya hai? bhakti yog kis tarah kare ? (sunita )
Uttar :-
bhakti to kare lekin sansar ka naam..bhagavan ki bhakti aur mahatv sansar ko karate, priti sansar ko karate…..2 baate hai ..jab bhakti bhi ishwar se aur mahatv bhi ishwar ko to aavashakata yog ban jata hai.. bewkufi yog ban jata hai ….wasana yog ho jata hai..usako usi se chahana bhakti yog hai….

Prashn (7) :- pujya bapuji apaki tasbir mey thakur ji ki chhabi dikhati hai..
(suprabhat ,udisa)
uttar :-
bapuji ki -meri tasbir mey thakur ji ki chhabi dikhati hai to thakur ji ka sar tatv mai hun..
aur mera sar tatv thakurji ..mai aur thakur ji 2 hai ..lekin tatv rup mey ek hi hai..ek baar tulasidas ji bhakto ko samjhane ke liye thakur ji ke vrundavann ke banke bihari mandir mey gaye..bramhano ne kaha pranam karo …to tulasidas ji bole , “mai nahi karata..ye sir mere ram ji ka hai ..ye tumhare krushn ji hai…..agar tumhare krushn ji dhanushy baan hath mey le to mai unhe pranam karunga..
dhanushy ban liyo hath thakur ji tab name
dhanushy apane shrikurshn bhaye raghunath…..
tulasidas antaryami mahapurush rahe honge ..logo ko pratyaksh krushn hi ram hai , ram hi krushn hai ye dikhaye…
tasbir mey thakur ji dikhate to mai hun …gurutatv hai …bilkul pakki baat hai ki aap ne sury bhagavan ki / shivji ki/ ganapati ki / devi mata ki ya vishnu ki upasana ki hai to aatm sakshatkari guru ke sath jod denge.. in 5 devo mey se kisi bhi dev ki upasana phal gayi samajho…mai pahale kali ki upasana karata , kutumb mey sindhi jhule lal bachpan se tha..shiv ji ki , kali ki uapsana ki , shri krushn ki bhi ki..baar baar antaramta se aisi prerana huyi ki lila shah ji guruji mil gaye ..apane aap jagruti huyi…. purn guru krupa mili purn guru ka gyan ..ho gaya..

conference wale….bhakti yog , priti, sujh bujh… bada bhari dhan mil raha hai …kayi tirth mey gaye…samarth ramdas ne kaha vyakti ko adwait gyan ka ashray lena chahiye ..

Prashn (8) :- yadi dikshit sadhak aawesh se dusare sadhak ko shrap de de to kya hota hai?
Uttar :-
shrap dene wale ke liye khatare se khali nahi ….apani tapasya nash karana hai… aawesh mey shrap deta to galati se shrap diya..thodasa lag gaya… naraji se hani ho jati.. sadbhav ho jata to phayada ho jata.. hruday mey hamare liye sadabhav aaya … mahapurusho ke swabhavik vachan durvasa jaise lila huyi to alag baat hai …lekin kuchh log aise hi dam marate hai ..jara jara baat mey ……narayan narayan


Prashn (9) :- shri asaramayan ka path 108 baar jaldi jadli karana thik hai ki dhire dhire 5 baar karana thik hai? krupaya samadhan kare..
(Krushn Dutt, UK)
Uttar :-
shanti se vishranti se 5 baar karana bhi thik hai ,lekin 108 path karenge…to kaj ki sidhhi karani hai to wo bhi thik hai , ye bhi thik hai ..jaisi shradhda ho…kaise kaise prashn ke uttar huye…
phayda lagata ho to hath upar kare..

Prashn (10) :- mai jab dhyan karati hun tab do bhauo ke bich mujhe kuchh bhulane ka ehasaas hota hai..5 din maun anushtan kiya tha.. aage kya karana chahiye? mera beta shadi karane se mana karata hai, adhyatmik marg mey jana chahata hai… aap ke ashirvad aur margdarshan ki abhilashi aap ki beti ..amerika se aayi huyi hai..
Uttar :-

beta shadi karane se mana karata hai to bahot khushi manani chahiye….adhyatmik marg par jana chahata hai to khule hruday se karane dena chahiye ..vishay vikari tuchh balak se sanyami mahapurush dekhana chahiye… sasnar ki saphalata vastav mey milati hi nahi , aur viphalata bhagavan ke raste mey hoti hi nahi …gita mey kaha hai ki ishwar ke raste mey labh alabh, jay ajay nahi hai .. labh hi labh hai …iswhar ke raste mey saphalata hi hai…sansar mey viphalata hai.. chahe dikhe nahi dikhe.. ajamil veshya ke chakkar mey pada..sadhuo ke ashirvad se marate samay bete ko pukarata wo bhi narayan ke, ishwar ke raste chalate aur sansar ke aakarshan karate , sansar ka sukh liya to aise jeevan chhinn bhinn hoga ..ishwar ke raste chalate to duragti nahi hogi ..jo bade bade tapasvi ko swarg apani yogyata se milata , bramh lok mey jitana milata , pavitr kul mey janm hota hai ..durgati nahi hoti..sansar mey saphalata viphalata hoti hai , saphalata bhi nashwar hai ..viphalata ka sawal hi nahi utahta..
ye hi karan hai ki ashtavakr agale janam ka punya lekar aaye, budhd agale janam ki saphalata lekar aaye…ham nagarsewak ke ghar janame..lekin sansar ka aakarshan kam tha..ishwar ke raste chal pade …un janamo mey sadhana viphal huyi hoti to is janam mey aage mann nahi lagata ….aise aap ka mann nahi lagata to idhar nahi aate..mann lagata hai..

prashn (10) : ek anushtan kiya…jap dhyan mey mann nahi lagta.. pure sharir mey pida hoti hai ..gurudev jinase pahale diksha li thi unhi ko jalan hoti hogi ki maine unaki sharan chhod di.. mere sharir ko pida dekar sadhana se vimukh karate honge?
Uttar :-
maine mere guru se diksha li… guruo mey apani apani unchayiya hoti hai.. mujhe un se diksha se trupti ho jati ..guru saat vi kaksha wale hai ki Ph.D. hai.. ham 7 vi kakshawale se M.ed nahi kar sakate agar M.ed wale se MBBS karana hai to nahi kar sakate …purn guru hota hai tatv vetta mahapaurush…… baki ke guru sajjan hote hai …beta apne se sikha, maa baap mar gaye to bete ko kisi ne maa baap ka pyar diya to maa baap ko jalan hogi ki khushi hogi ?..hakikat mey unko jalan hoti hogi to jalan ka sidhdant fail hota hai…aap ke guru wastav mey sajjan honge , kuchh to sadgun honge un mey tabhi to aap ne un ko guru kiya hoga… ..tumhari jalan pida ka karan tumhari umar ke anusar khana jyada khaya hai to sharir tutata hai..abhi kayiyo ke khande akad jate ..jayendr sarsaswati ke kandhe pakade gaye..doctoro ne salah diye operation kare.. dahi nahi khaye sharir mey apachan ke kan se aam vat ho jata hai.. badi umar mey vaat hota hai , pahala ann ka pachan nahi hua aur upar se khate pite hai … pahala pacha nahi to kachha aam ban jata hai..is se sharir tutata hai… badam, kaju khane se pura sharir tutega… sadha bhojan bhi jyada khaye to sharir tutega..guru ko jalan nahi, guru naraj nahi …aam vayu ki taklif hai…pani ubalkar sham ko piya karo..sham ko kam khaya karo …phir bhi nahi aaram hota to harad aur sunth 10 /15 % ka mishran raat ko 2/3 gram phanko bilkul thik ho jayega… pitt ho to 50 taka pani ubalo..mano ek glass pani hai to aadha glass rahe itana ubalo… aur piyo.. sham ko harad rasatyan ki goli 2 subah sham ko 2 khana phir bhi aaram nahi hua to dopahar mey bhi 2 aisa chhakka le .. …ham ko kabhi parishram ke karan hota hai to aaram kar lete..harad le lete..sab ka sharir ka vaidya jankar nahi , jitana aap sharir ke jankar hai..
.. in prashno ke uttar se sachmuch mey labh hua ho to hath upar karo prashn uttar se satang achha lagata hai ?
london , uk , us aur kya chahate sivay bapuji aaye isake.. :-) .. bapuji sharir se hi aate aisa nahi…tatv rup see mahesoos karane wale bahot sadhak hai….6,7,8,9 shivratri ka satang nashik mey ghoshit abhi kar raha hun …
mumbai mey ulhasagar wale bade maidan book kara ke baithe hai ..udisa wale bahot yaad kar rahe hai…bhagavan ka swagat aisa karate hai gurudev ka …udisa ke logo ka gurudev ka swagat..( udisa ke sadhak hoth vibrate kar ke om bolkar gurudev ka swagat kar rahe hai..)

narayan narayan ..sabhi cheshtaye karane ke baad shant ..satsang mey sab dhyan sadhan ban jata hai..bhakti ka ye phal akele sadhana se nahi milata…jo sadguru ke sannidhy ke satsang se mil jata hai..isliye 24 sthan se jo sun rahe un sabhi ko shiv ji ke taraf se dhanywad hari om hari om hari om hari om ram om sham om shiv om hari om ..om namo bhagavate vasudevay ..vasudevay ..pandurangay ..majhya vithhala ..majhi guru mauli..om namo bhagavate vasudevay…vasudeavy ..priti devay…madhury devay…majhya devay..munjya devay ..walooda devay.. aamache devay…….antaratma devay…..shiv devay ..vishnu dveay ….jay gurudevay ..sidhdi devay..om namo bhagavate vasudevay….

dekhane ke drushy anek kewal gyan swaroop ek dev sunane ke shabd anek sunane ka gyan swroop dev ek..sochane ki , vicharo ki dharaye anek..us ko janane wal dev ek.. budhdi ke nirany anek drushta ek..gyan kaha paya hai? …jaha se prapt karate us dev ko apana mano …sansar ko apana manane se ghata napha hota hai ..ghata to ghata hai.. lekin napha abhi maut chhin leti.. napha hi napha bhgavan ke raste mey ..sharabi janam din manane ja rahe veshya ke ghar raste mey sant ki kutiya ke thuth se takarakar behoshi mey satsang ki bhumi par pada raha to swarg sukh mila ..swarg mey bhi vashisth ji ko aawahan kar ke gaay, vishwamitr ko chintamani diya to yamdoot daudate aaye aur bole ki hajaro vasrha ka narakwas nahi hoga..swarg ka bhi sadupyog kiya.. manushy janam to nahi , daity ka janam milega..virochan ke ghar raja bali hoga..bali ke naam se aaj bhi bola jata hai.. kisi yuwak ke sukh ke balidan se asumal se aasaram ho gaye.. thodi der satsang ka aisa labh hua raja bali ko..aap ko to nuksan ka nam hi nahi …sansar mey nukasan hi nuksan hai aur satsang mey phayada hi phayada hai …sansar mey phayada hua to wo bhi doctor khinch le lenge… chat ho gaye ..jo bachega mrutyu se chhut jayega…lekin bhagavan ke raste mey jo phayada hai wo maut ka baap bhi nahi chhin sakata… sansar ka phayada mann ki kalpana tak hai ..ishwar ke raste ka phayada avinashi phayada hai..
narayan narayan..jitani aaj kamayi ki 10 saal sansar mey majdoori karane se bhi nahi hogi…ye dikhegi nahi aur mitegi bhi nahi….wo anity phayada mitata, jisase tikata wo nity hai.. jivatma nity hai..
jiv bhuto sanatan ..aap ishwar ke sanatan ansh hai…ishwar kahate , ” sab mere pyare aur sab mere upjaye hai”..mai amerika jau to amerikawale mujhe bhojan karaye ke nahi, washington mey aaun to mujhe chinta nahi karani padegi.. khilaye ki nahi ..mai amerika aata hun to jay jaykar karenge to aise bhagavan bhi swagat karate.. manushy janam isiliye diya hai bhagavan ne..bhagavan to prasad dene ke liye taiyyar hai…mujhe bhojan milega ki nahi ye amerika walo ki galati nahi hai , hamari sochane ki galati hai ..aap kaise bhi hai bhagavan ke the , hai aur rahenge ..bhagavan ki priti mey lag jate to bapuji vedio conference se hajir ho jate hai..sharir se nahi aaye to bhi chinta nahi karana..conference ki line to abhi cut hoti hai ,lekin tumhari hamari line maut bhi nahi kaat sakati… gurushishy ka sambandh adhyatmik hota hai.. amerika mey bhi bapuj ke darshan hote hai to hath upar karo…dekho…bapuji door hai manate to galati karate …bapuji to sada hi paas hai..
….hari om hari om…
saraovar mey baraf ke tukade taraa rahe aise bramh mey hamlog bhi taaraa utara rahe hai…
ishwar prapti ka irada pakka hai to ishwar jarur milega… ham ko mile to tumko nahi milenge kya?
…narayan naryaan narayan narayan…
ratri ko til nahi khana chahiye, dahi nahi khana chahiye..labh mey dubo nahi ..hani mey sikudo nahi ..bhagavan kahete manushy janam meri taraf aane ke liye diya hai..sam raho …bhagavan ke raste hani hai hi nahi , labh hi labh itani baat pakad li to bhi bas….pet ki taklif hai to 7 din goliya leni chahiye..

om shanti…

Hari Om! Sadgurudev ki jay ho!!!!!
(galatiyo ke liye prabhuji kshma kare…)

About these ads
Explore posts in the same categories: Pujya Bapuji

2 Comments on “Labh hi Labh….uttarayan shibir ahmdabad satsang_live”

  1. Ashish Says:

    bapuji i m suffering from one diseases how can i get cure from that

  2. Ashish Says:

    gojharan kya alopecia me helpfull hai


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


Follow

Get every new post delivered to your Inbox.

Join 20,192 other followers

%d bloggers like this: